شمووخ
بقلمي ... رونق السلطاني
افضل نعمة بالحياة نعمه الامان من تأمن بشخص وتحجيله كل شي بدون تردد وخوف هذه نعمه فضليه
من عندك شخص يعاملك بفهم ومعرفه وبعقل واعي هذه من افضل النعم الي تخلي الانسان براحه داخليه داخل نفسه واعماقه مرتاح مطمئن ميخاف من شي لو شمهما كان هذا الشي صعب وكل لحضه احمد الله على هاي النعمه
غالي بالنسبه الي مثل الاب الحنون خوفه عليه وتركيزه ويايه بأبسط
الامور يسمعلي بأنصات وتفهم يوجهني ويعلمني بهدوء ما يوم غلطت
و عله صوته عليا يكعدني على رجله يشرحلي ويفهمني ويعلمني كل شي يثق بيا .....
واهم شي ما اضم عليه شي لو شيصير لازم اكله ولا اجذب
واني هذني ما اسويهن منطيني الامان وحرية الكلام عليش اضم عليه
جنت مرتبكة مدري شسوي وشنهو اصرف اني خايفه عليه ما اريده
يتعكر مزاجه ويتعصب ولي سطرني اكثر منهو هذا ليعرف رقمي ويدز
هيج رساله تخزي وكلام استحي اقراه
نزع الدشداشه وعلكها تكرب يمي عكد حواجبه يدحك بوجهي
شبيج مو على بعضج خيرج ...؟
- اكلك شي بس لتتعصب عفيه
- احجي شبيج متعصب عليج اني تا دكولين هيج
شلت التلفون وافرك بيدي ارجف ... هاك دحك
اخذ مني التلفون فتح عيونه على وسعها كعد عالجربايه مهدود حيله
كلب بتلفون كال جايتج رسايل من كبل واني ما ادري ... !
لا ابد تدري بيا ما اضم عليك شي هاي اول نوبه يجيني هيج شي
كال ...هذا واحد يعرفنا زين ومتقصد يدز على خطج مبينه لعبه جايفه
انطني محفظتي هسه اغيرلج الخط وهذا اخلي عندي تا اشوف هي ناقص غيره وشرف هذا
انطيته المحفظه غيرلي الخط كال هالفتره لتخابرين احد
كلتله اصلا اني ما اخابر بس مياده وشروق ومرات امين لو امي
كام فتح الكنتور وطلع تلفون قديم عندا شغل عليه الخط
جتي رسالتين مكتوب بيها ( جسمج مصقول صقل ما يستاهله صخله زايده عليه يتونس بيها )
والثانيه ( اااخ لو تكضبج ايدي الا اسوي بيج ***** واطلع المي من خشمج )
ايده ترجف وجهه صار احمر دم عروكه تريد اطك ورث جكاره
يسحب كل نفس يشك صدره بنص من الخوف اهجس بطني تكطعت
سكتت ما اكدر احجي ويا كلمه واكفه وارجف اني لعبت روحي عجل
هو شصار بي ...!
ضل يخابر وانطى الرقم الجكاره بيده ويفتر بالغرفه وكل ساع ضرب الحايط ويصك على اسنونه بس اعرفه منهو هذا لطلع حليب امه من خشمه اذا ما موتت رجولتك وخليتك ما تكعد بين اثنين ما اطلع ابن ابوي بمهنو اندكيت
يطلع الرقم غير معرف وهو يحرك بروحه لا كعد ولا ارتاح
يكلب بالرسايل ويكفخ جكاير دحك عليا كال نامي ولتفكرين وراج دراسه
