///شموخ ///
بقلمي((رونق السلطاني ))
✨✨✨✨✨✨✨✨
ليت بيدي حيله تقودني نحوك
تجعلني بين ذراعيك الان .. ليتني شيئاً قريب منك ولا يفارقك ابداً !
💔💔💔💔💔
شموخ ...من كال عمي حمود نكطع مهرها وثامر طلع يركض
امين كاضبني وجسمي كسر لتفت ادحك عليهم كتلهم خطيتي
بركبتكم كلهم عسى الله لا يسامحكم وانتم مو عمامي انتم من اليوم اعداء النا
نزال بعده يتهدد عليه ويتوعد وعمي حامد يكول شكوات عينج
طبيت لغرفة امي وهي تحجي عليه اقبلي وخلينا نخلص
من المشاكل عمامج ونزال ما يعوفج
نارر تسعر بيه وجسمي واعصابي كلها ترجف كتله ... اموت
خلي يجي يضربني بعد اتحمل بس ما اتحمل اصير بذمة ثامر
سميه ... وشبي ثامرنا اكلج انتي جثير شايفه نفسج على
شنهو مو زين قبل بيج وانتي يمكن ما تحبلين
رديت عليها بغضب ... عجل شكو مجلب بيا متروحين دكليله
مريضه وما تحبل روحي خابري امج خليها تجي تاخذ ابنها
امي تعض على اصبعها ... كصري حسج بنت الزماله
هساع يسمعج ويجي يگضي بيج التوبه
خلي يسمع مو خايفه منه هسه اموت روحي واخلص منكم
غصب خمو غصب وانتي اطلعي من هين روحي خابري امج
امي كاعده وادك على رجلها ... ولج اقبلي بي واگصري الشر
راح تصير مجاتل وكل الولد مطربكين من يزوجون يعگلون
قابل راح يضل هيج والمره المعدله تعرف شنون تگضب رجلها
لطمت على وجهي من القهر ... يمه اسكتي رحمه لابوي اسكتي
كطت النعال عليه وهي صاكه على اسنونها كالت... بنت
الزمايل لو يجي يكطعج ما فكج منه اگصري حسج وانجعمي
جى امين كال ... اصعدي فوك وقفلي الباب لو تنكلب الدنيا
لتفتحي وهذا ثامر بس يجيب الشيخ اخلي يقرا على الفاتحه
ويصلي عليه صلاة الجنازه
كمت ابجي وكضبت ايده حجيت بقهر ... امين اني بشاربك
اختك ترضاها هيج يصير بيه وانتو تلث اخوان وكلكم تعرفون
ثامر شنهو همات لو خوش ادمي ميخالف اقبل
كضب شاربه وضحك كال ... انا شموخ بشاربي لخلي ثامرنا
يطوط لحاله وهذولا عمامج هسه يروحون مفشلين بس اصبري
