شمووخ
بقلمي رونق السلطاني
المرء لا يخاف الحقيقه ، بل يخاف من نظرته الجديده
الى الامور بعدها ، نظرة قد تقلب حياتهُ رأساً على عقب ..!
💔💔💔💔
تمر عليا ايام اشعر بيها بالوحده ... وادور براسي جثير اسئله
عليش حابسني عليش فجأه فكر يعزل الدرج ويعزلني عن اهله
انفض راسي من الافكار مدام اني مرتاحه عليش ادوخ نفسي
اهم شي عندي رجعتلي حياتي مثل كبل واحلى بعد والراحه ما تنوصف
انسى العزله الي اني بيها وينتابني شعور فرح من شخص واحد حبيبي وهو الوحيد رقم واحد بحياتي محد اخذ مكانه بگلبي ولا جعلته سد فراغ لأيامي لان اجى ودخل حياتي وگلبي وروحي
بأحساسه بأبتسامه خلق لي وطن عظيم بگلبي ما ابالغ بشعوري
اغار عليه موت مجنونه بي وبحبه
حاضن حمودي يبوس بي اجيت وكفت فوك راسه توخصرت
عليش توبسه اكثر مني هاا كعدت على رجليه واكرص بي من بطنه
يضحك من گلبه .. مجنونه طاكه فيوزاتج ضمني بحضنه الدافي
حمودي انطيته بوستين وانتي اربعه يعني الضعف وهاي الخامسه
من الشامه
بلعت ريكي نزلت حمودي بالكاع اهجس الدنيا ادور بيا
جده كاعده مو مريضه ما بيها شي
زهره كاعده شابكه اصابعه على بطنها لابسه ثوب حاصرها تا تبين
ادحك عليا وتعلج كالت ... هلا بيج اكعدي عليش واكفه
دحكت على جده كتله .. شنونج عندج العافيه دنجت عليها بوستها
عمه عاليه وفاء ماكو
نظراتي تتنقل بينهم جسمي يرجف وگلبي ينزف
متماسكه نفسي ما اريد انهار وانكسر جدامهم سمعت شخطت البريك
عرفته وصله المسج وجى
بعدني واكفه ما كعدت .. معدتي تفور اريد اتقيء غثيان ودواربراسي
سمعت طبكت الباب بقوه وصوت عمو سعد يكله على كيفيك يايابه مابيه حيل اخسرك بالهداوه كل شي ينحل
وكف باب الهول وجهه محتقن عيونه حمر عصبي دحكت عليه بنظرات اسف فتهمني كل زين
انا لست كما ابدو لك ...!
تراني هادئه غير مباليه او ثابته في وجهك
بينما انا بداخلي احترق ......!
كعدت سحبت حمودي لحضني سويت نفسي ادري وعادي عندي
احجي ويا ... من الصبح ما شفتك اخذك ويايه نروح نلعب سويتلك كيكه طيبه وعصير برتقال
جده ... ما تكعدون اضلون واكفين اني دزيت عليها
غالي ... وبعد جده شعندج شوكت اجوزين مني
جده ... اريد مصلحتك مرتك بيها وليد صارو اثنين شتريد بعد
رضيه ... اني مالي شغل هاي جدتتك
