رواية #صافي_الحياة
part3
ماهر همسلي:عندك خارب تتصلي قبل تخشي
انا انخلعت تلفتت:اه نسيته بكل
ماهر:شغليها الحكه هدي هيا
اني:خزي مابرده
ماهر قعمز وولع دخانه:مش عاجبك البارد 🙄
اني سكتت
ماهر:شن تشربي
اني:عصير برتقال
ماهر:خيرك خايفه
اني:لا شي
ماهر فتح شنطه طلع لابتوب وحطه قدامي قعدت نشوف في الشقق
اني:مفروشات
ماهر:اممم هدي ب20 والثانيه ب15 والزوز مكانهم محترم هلبا
اني:امتا نقدر نكمل اجرائاتها
ماهر:امتا ماتبي
اني نحكي معاه ومستغربه تصرفاته يدوي بحده معاي تقول قاتله بوه وماحولش نظارته دخان طول الوقت في ايده مركز معاي لين عقدني
ماهر:اشربي عصيرك
اني:باه
ماهر يخدم عالاب:بنقولك
اني:ها
ماهر:ماترجعيش شي لخالي حسن
اني:ليش
ماهر:خا. راجلك حسين لو عارف خوه بيدير بيهم فايده كان كتبهم باسمه او خلاهم وانتم تتقاسمو بس هوا زابط انه بيلعب فيهم فا ردي بالك تغلطي وخلي املاكك عندك
اني:باه نفكر
امير:فكري كويس وشغلي عقلك
اني:من قالك ماعنديش عقل
ماهر:صاحب العله 😉
اني:اووف
ماهر:ابتسم ورجع يخدم
اني:احم احم
ماهر:هاتي ماعندك
اني:هوا مايخصنيش بس اعتبره فضول ولو تبي ماتجاوبش براحتك
ماهر:غير اسألي انتي
اني:ليش ماتبيش تاخد بنت خالتك
قعد يشوفلي تقريبا خمسه دقايق او اكثر وبعدين نطق اخيرا:تو يجي يوم نحكيلك
اني سكتت ونفكر شن قصده يجي يوم ناوي يقعد عاتواصل معاي ولا كيف:خلاص اني بنروح وبالله في اقرب وقت نبي نتم ونتحول
ماهر:كملي عصيرك اخر مره بنقولها
اني خفت منه وشربته:تمام!
ماهر هز راسه وهوا مركز عالهاتف:ان شالله خير مافيش داعي تدوي لحد طبعا
اني:مش حانقول لحد
ماهر:وين ندري عليك تتعبو مع الحكي انتم
اني عصبني:سلام وطلعت طول مابرد دمه
ماهر ضحك خدي لابتوب دفع الحساب وروح
وصلت للحوش لقيت محمود مروح
اني:خيرات
محمود ابتسم:اهلين كيف حالك
اني:تمام هدي المرواحه
محمود:اي والله تعبت نحس في دماغي بيتفجر
اني:تشرب معاي قهوة
محمود:مانقولش لا بس خليها جنب الوردات السمحات هادو
اني:تمام دقايق ونجيك
محمود شخص لطيف هلبا وطيب الاشخاص اللي زيه نخاف عليهم لانهه قلبهم ابيض ولو انجرحو رح ينكسر شي فيهم مستحيل يرجع لاحظت عليه الهدوء ديما وتعلقه بخوه يتعامل معاي كويس ومره قالي انه قلبه مأكدله اني كويسه
غيرت لبسي درت قهوة وحطيت كيكه ونزلتهم
محمود:يسلمو ايديك
اني:صحتين قولي شن تخصصي
محمود:كيمياء
اني:صعبه!
محمود:شويه تبي تفكير
اني:بالتوفيق
محمود:انتي متخرجه
اني:لا والله وقفني خالك اول ماخطبني
محمود:قصه وتوا بترجعي
اني:ان شالله
محمود:بجديات بتسيبي الحوش
اني:ايه شروط جدك وخالك مانقدرش عليها
محمود:تعودنا عليك ياصفصوف
اني:مش رح نقطعكم اكيد
محمود:سلمها
اميمه:خير ان شالله مجتمعين
محمود:قعمزي وهدرزي
اميمه:انتي مش بتسيبي الحوش
اني ابتسمت:اكيد في اقرب وقت
اميمه:كويس اريح
محمود:خيرك
اني:بنتعبك بعد تكمل ابعتلي السفره
محمود:صحيتي
اني:ولا يهمك وركبت
فوتت باقي اليوم نوم للمغرب رن الجرس لقيتها سميرة
اني:اهلين خشي
سميرة:معاش نزلتي قلت نركب نشرب معاها شاهي
اني:خير مادرتي هي لحظه نبدل ونجيك
درت شاهي وقعمزنا نهدرزو شديتها عالعشي وقتلها كلمي الكل يركبو بما انه قريب نمشي قررت نعزمهم عالعشا
كيف نجهز في السفرا رن الجرس فتحت
اخت سميرة وبناتها 😩حاتصير عركة اكيد
"اكيد مستغربين كيف اخت سميرة وانا قلت انه عمي عنده بنت وحدا 😁 هدي ياحنه سميرة مرضعتها عمتها مع بنتها فاالمرا هدي تكون اخت سميرة وبنت عمتها في نفس الوقت فهمتو 🙂"
الام منيرة
عندها زوز بنات وفاء23سنه وهيا اللي تبيها سميرة لماهر
وولاء14سنه
طبعا هما فلوس فاشايفين روحهم هلبا وانا مانحبهمش
دخلتهم وضيفتهم وقعدنا نستنو في المهندس يشرفنا 🙄
الساعه9وصل وقلب وجهه اول ماخش وشاف خالته وبناتها 🤭
انا انسحبت نوتي في العشا لحظات وحسيت حد قعمز عالطاوله تلفتت شفته
ماهر:عندك مانع نقعمز هنا زابطه الوضع انتي ارمله خالنا
اني:ايه عادي بس عندي اسم
ماهر:هكي مرتاح فيه اشياء لازم نذكروها
اني:اوك
ماهر:شن دايره عشا
اني:بشاميل وبيتزا و ستيك
ماهر:امم اعطيني البشاميل والبيتزا فوتي الباقي
اني:باه شن صار معاك
ماهر:اليوم شنو
اني:سبت
ماهر:الثلثاء تباتي في حوشك
اني ضحكت:الحمد لله شكرا
ماهر:ليا الحلوان طبعا مش رح نقبل بالشكر
اني:ايه ادلل
ماهر:ندخن عادي ولا
اني:عادي خود راحتك
خش محمود:خيانات يا صفصوف
اني:ههه انت وين كنت
محمود:عندي تقرير نكتب فيه
اني:موفق ان شالله
محمود:منوره ياعسل غير كيف بنتحملو فراقك
اني:معليشي
محمود:بهي اقعدي ونتزوجك انا
اني ضحكت بصوت:علاش لا
ماهر كشخ:بلا سهوكه زايده انتي وياه
محمود:خيرك يابرو نبصرو
ماهر:بصاره امك والنبي اسكت وانتي خفي روحك ساعتين في العشا
اني مصدومة بجد ومش بنطق:تعالا اضربني وخلاص
ماهر:طلعلك صوت حتا
اني:احم انت تعيط من بكري
ماهر:باه استعجلي
حطيت العشا وقعمزنا ناكلو وعمي يهدرز علينا ويحكيلنا في قصص قديمه
منيرة:شن حال خدمتك يانسيبي
ماهر قام راسه:تدوي معاي
منيرة:ومن غيرك
ماهر:بنتك عندك معادش تحكي في شي مش موجود
منيرة:كييف مش قلتي تبيها لولدك ولا تلعبو بينا
ماهر:تبيها وانا مانبيهاش اجبريني هي 🙂
منيرة ناضت تعيط:شنو ياخالي عاجبك كلام حفيدك بنتي لعبه بدت
ماهر ياكل ولا كأنه بس هدوء ماقبل الاعصار
وفاء فتحت فمها:شنو بيبي معقوله ماعجبتكش
ماهر تلفتلها:تو بالله هدا منظر ياخدها راجل
وفاء:وخيرني شن ناقصني حبيبي جميع المقومات فيا وضحكت بمياعه
ماهر ايده ماتوليش وفي ثواني انطبعت عاخدها:ربايه كلبه يافرخه النم وربي مايكتبها عليا تاريخ ناخدك
منيرة:حي عليا تضرب فيها عاجبك ياخالي
ماهر:عاجبه ايه لمي فرخاتك وتوكلي هي
منيرة:تو تشوف شن نديرلك حاندمك
ماهر:اعلا مافي خيلك اركبيه
سميرة:لاه عليك ياولدي تقطعني من اختي
محمود:كيف عاجباتك هدي يامي تي هيا شوارعيه
سميرة:انا واعده اختي ناخد بنتها لولدي
ماهر:لا والله ولدك مش عاحساب وعودك
اني نشوف في القصه بتكبر قلت ندخل نهديهم وياريتني قعدت ساكته كان كرسيا اقرب لماهر وهوا شاد طاسه العصير حطيت يدي عاكتفه:اهدا شويه في النهايه امك تبي مصلحتك
هوا كان والع وزاد دفني بكل قوته وانا عثرت في الكرسي وطحت جي راسي عالرخامه حسيت الوجع في قلبي مش راسي والدنيا بدت دووور نسمع في سميره تعيط وتقوله قتلت المرا اخر شي شفته هوا قرب مني وعيونه بيطلعو ودقات قلبه نسمع فيها وبعدها معاش حسيت بشي 😢
بعد ساعه
دكتور:اهدي وخيتي خليني نخيطلك الجرح
اني نبكي:لالا شوف الدم
دكتور:بهي نخيطه باش يوقف الدم
اني:بنجني قبل
دكتور:ضربنالك يبرا اطمني مش حاتحسي بشي
اني:لا نبي نرقد
دكتور ضحك:معقوله تخذير كامل عاخاطر 5خرزات
اني رجعت نبكي
اما برا سميرة:عندك بهي هكي المرا قريب قتلتها
ماهر يدور:مش قصدي ياامي ماتزيديهاش عليا
اميمه:ياناري سخفتني من بكري تبكي شكله يخيكولها بلا بنج
ماهر خبط الكرسي:استغفر الله العظيم كله من اختك وبنتها
سميرة:اختي ماقتلكش اضرب مرت خالك
ماهر:ايح
دكتور:خيطنالها الجرح بس الضربه حاتسبب صداع وصفتلها مسكن تاخده اسبوعين سلامتها تقدرو تروحو بيها
ماهر:امشو للسياره نطلعها ونجي
سميرة:تو نطلعها اني
ماهر:امي خليني نعتذر منها باه
سميرة:بهي ماتعطلوش نستنو فيكم
ماهر خبط عالباب وخش:احم كيف حالك توا
اني لفتت وجهي ومسحت دموعي:كنت خديت موس وذبحتني اهون
ماهر:اسف
اني:بالله اسفك بيردلي دمي اللي نزفته ولا راسي اللي تخيط ولا وجعي
ماهر:واطي حسك
اني:ومزال مش عاجبك والنبي حول من قدامي الحق فيا ندوي معاك
نزلت من السرير اول ماوقفت حسيت وكأنه موس وانغرس فب راسي عيطت وكنت بنطيح فجأه لقيته محاوطني بايديه
ماهر:بسم الله خيرك شن تحسي
اني:راسي 😢
ماهر:اا الدكتور قال بيجيك صداع قوي هي توا ناخدلك الدوا وترتاحي
اني شاده فيه بقوة حسيت بيه متوتر وايديه يرجفو ماركزتش ممكن حاس بتأنيب ضمير
ماهر:نجيبلك كرسي
اني:لالا نبيش
ماهر:باه
اني:مش مفكر تنقص من عصبيتك
ماهر:مش بايدي مهما نحاول نتحكم في روحي ونفقد السيطرة جت فيك المره هدي سامحيني
اني:يوم من الايام تقتل حد
ماهر:يصير خير
اني ضحكت
ماهر:اسكتي وساوي وشاحك
اني:نبي الدوا رهو راسي هلبا
ماهر:باهي قلنا تو نوقف ناخدهولك
اني:وتكشخ تاني
ماهر ضغط علي ايدي:خلاص عاد بلا دلع تأسفنا منك
اني ابتسمت وكملنا للسيارة
سميرة:سلامتك بنيتي سامحينا
اني:ولا يهمك حصل خير
اميمه:سلامتك
اني بدون نيه:تسلمي
وقف ماهر عالصيدليه خدالي دوا وروحنا
"مش عارفه شن صارلي ليلتها يمكن ضربه ماهر فيقتني على هلبا حاجات شكله انسجه عقلي ترتبت 😅 المهم تعالو نكمللكم شن صار"
وصلنا الساعه 11
سميرة:ركبي مرت خالك وباتي معاها الليله مرات تحتاج شي
ركبت للشقه كيف فتحت الباب
اميمه:اسمعي مانبيش نبات عندك لو احتجتيني اتصلي بيا
اني:ممكن نفهم شن مشكلتك معاي
اميمه:تزوجتي خالو عاخاطر فلوسه وضحكتي عليه خديتيهم مش بعيد تكوني انتي قاتلاته هدي اسباب كافيه تخليني نكرهك
اني ابتسمت:يجي يوم وتعرفي انه كل افكارك غبيه تفضلي ليلتك سعيده
خشيت لقيت الشغاله ضامه المطبخ ريحتني خشيت غيرت ورقدت طول
عالساعه 1نسمع في الباب يخبط وهاتفي يرن شفته لقيته ماهر
رديت:ايوا
ماهر:خيرك ماترديش فيك شي تعبتي!
اني:لالا غير رقدت خف الوجع
ماهر:بهي تفتحيلي بنعطيك حاجه!
اني ترددت بعدين:اها باه شويه
لبست المصليه وفتحتله
ماهر حط اكياس:تمام توا؟
اني:ايه الحمد لله شن هدا
ماهر:شويه بضاعه واجليه موضوع الحوش توا لين تتحسني
اني:لا عاد ماصدقت لقيت شقه
ماهر:اسمعي الكلام
اني واطيت راسي:نقدر نرد بالي علي روحي
ماهر:انا مانقدرش نخليك بروحك ومريضه
اني شبحتله
ماهر:قصدي انتي هكي بسببي
اني:باهي
ماهر:ردي بالك على روحك وردي عليا واتس
اني:خلاص والله كويسه ارتاح
ماهر:مش مضايق ردي
اني:باه حاضر
ماهر:سعيدة ونزل
خشيت شفت الاكياس لقيتهم فواكه ومكسرات شكاليط وشيبس 😍ختيسلمه شكله طيوب
رتبتهم في المطبخ وخشيت بنرقد طار النوم قعدت نتفرج
اشر هاتفي واتس
ماهر:اسف
اني:وانا سامحت خلاص
ماهر:واثقه فيا!
اني:ممكن تضحك عليا وتقول هبله بس واثقه فيك الوحيد من العيله كلها
ماهر:معناها انا بنكملك اجرائات الشقه كلها وحتا الفلوس انا بناخدهم مانطمنش نخليك تطلعي بمبلغ كبير بروحك
اني:تمام براحتك
ماهر:ليش ساهرة
اني:الحق طيرت من عيني النوم 😅
ماهر:اياه عادي كسبتي شوفتي
اني:ياثقه
ماهر:😌
اني:نسألك
ماهر:نشوف
اني:شنو غيرك؟
ماهر:...........💔يتبع
