رواية #صافي_الحياة 💜
part6
ماهر:اني نحبك ونموت عليك
اني:شنو
ماهر شد ايديا:مش توا من زمان متربعه في قلبي ومانفكرش في غيرك صافي حتا
اني قصيت عليه:شن قصدك من زمان
ماهر:خليني نحكيلك من الاول
اني مانعرفش شن صارلي كل اللي نتخايل فيه انه بيستغلني:قصدك هدا كله درته باش تخليني نوثق فيك ونحبك من الاول تمثل انك في صفي ومعاي وبتحميني باش نصدقك باش تقدر تستغلني وانا زي الهبله وراك
ماهر:شن تخرفي انتي من وين جبتيه الكلام هدا
اني وقفت:كلكم تفكيركم حقير وخبيث اني زي الغبيه نصدق في اي حد يقولي كلمتين كويسات حتا انت طلعت حقير نفس خالك بالزبط
ماهر:ماتغلطيش واسمعي مني
اني:مانبيش نسمع شي ياخسارة ماوثقت فيك واعتبرتك صديق
ماهر شد ايدي بقوة:سكري فمك وخليني ندوي كلمه
اني دفيته:ايدك ماتحطهاش عليا ماتنساش روحك وماتصدقش اني بكم وردة وبكم كلمه حلوة بنحبك ياولد حماتي ونقولك لو تقعد عمرك كله وراي مش حاتمس شعرة من راسي
ماهر تعصب ودفني بقوة لين طحت عالصالون:يعني انتي هكي تشوفي فيا هدي نظرتك ليا حقير ونبي منك جسمك؟ ادوي 😡
اني نبكي:ايه تستغل فيا
ماهر خنقني وقامني:انا نستغل فيك تي انا متعذب عاخاطرك
اني:عاشنو تعذبت ها لانك خذيتلي حوش ولا لانك شريتلي شويه بضاعه طز فلوسك تو نردهملك
ماهر عيط وقام ايده بيضربني:سكرييييه فمك اسكتي ماتخلينيش نغلط
اني زدت في البكا:بتضربني
ماهر:ماتستاهليش ربع حبي ياخسارة ماكنت نشوف فيك احسن انسانه
اني نبكي رديتش عليه
ماهر فتح هاتفه وحدفه عليا
اني:شن هدا
ماهر:شوفيه وفمك مسكر
لقيته فيديو فتحته كان لحسين مقعمز في مكان
حسين:ولد اختي عارف قداش كارهني وحاقد عليا واكيد دعيت عليا من يوم عرفت اني خطبتها مانعرفش علاش درت فيك هكي وخديتها منك في هداكا اليوم لما جيتني فرحان وقتلي ياخالي اني نحب ونبيك تكلم جدي وتخطبوهالي حقدت عليك لاني انا ماعمري حبيت ولا قررت نستقر لكن لما شفتك تخطط لحياتك اضايقت يوم اللي مشينا لجامعتها ووريتهالي عجبتني هلبا وسيطرت عليا الانانيه قلت لازم ناخدها منك شن يخليها ماتقبلش بيا اني اغنى منك وعند اول فرصه انت سافرت اني عرفت كل شي عليها وتقدمتلها وافقت عليا وتزوجتها في اسرع وقت لاني متاكد لو سمعت بيا احتمال تقتلني صدقني مافيش يوم حسيت بيك ولا ندمت لعند اللحظه هدي اني حاس روحي مش مطول في الدنيا بنموت ونخليها ممكن هدا عدل ربي صافي ماعندهاش حد غيري في الدنيا بس بعدي نوصيك ماتخليهاش يا ماهر اني عارف قداش تحبها وقداش قلبك متعلق بيها ورحمه بوك ماتتخلا عليها خالك حسن مش رح يخليها اني كاتبلها كل املاكي رد بالك منها وماتسمحش لحد ياخد منها شي صافي من الاول ليك وربي صانها ليك سامحني ياولد اختي سامحني " وتسكر الفيديو
اني مانبيش نحكيلكم على صدمتي وشعوري في هاديكا اللحظه طاح الهاتف من ايدي وقلبي بيطلع من مكانه
ماهر:انا اللي حبيتك انا اللي كنت نحلم بيوم نتزوجك فيه وتبدي عااسمي انا اللي كنت نوقف قدام جامعتك من الساعه 7 باش نشوفك ويفوت يومي حلو انا اللي كنتي ماتغيبيش من بالي لحظه انا الحمار اللي سافر يخدم باش يكمل شقته ويوم يتقدملك ماتنقصكش حاجه انا اللي خاله ضحك عليه وتزوج حبيبته انا اللي تقطع قلبي يوم شفتك تنزفي لغيري انا اللي سافرت لاني مانقدرش نشوفك جنبه انا اللي نسكر ليل نهار باش ننساك انا اللي قعدت جنبك باي صفه تبيها بس باش نرتاح ويوم نعترفلك بحبي طلعيني حقير ومستغلك ونبي جسمك
اني وقفت:ااه انا
ماهر شدني من شعري بقوة:كلمه مانبيش نسمعها روحي معلقه فيك بس يوم اللي تهينيني بالطريقه هدي وربي ننساك ياصافي ولا كأني شفتك في يوم ونوعدك معاش تسمعي اسمي قصد ولا بالصدفه نوعدك نردك غريبه نوعدك معاد تشوفي وجهي باقي حياتك
اني:ماهر اسمعني بس
خدي هاتفه وطلع خلاني مكسورة متحطمه مصدومة في الانسان اللي تزوجته يطلع حقير واناني للدرجه هدي
يعني كل عذاب ماهر بسببي عصبيته ومشاكله ووجع قلبه مني حسين خداني منه
اذكرت كلامه اخر ليله يعني هدا قصده من جملة "كنت نذل بطريقة زواجي بيك" اووف ياربي شن درت اني زدته كسرة فوق كسرته هوا الوحيد اللي وقف معاي هوا اللي قبلني زي مااني خسرته ومستحيل يسامحني 💔ياربي ساعدني
ماهر ركب سيارته نزلت دمعته مسحها وعاهد روحه انه خلاص بينساني ويمسحني من حياته ولع سيارته ومشا لشقته المكان اللي ديما يحلم انه نسكنو فيه ونعيشو قصة حبنا
جمانه:نوضي نعاينك ياهم
نيرمين:لا
جمانه:ليش
نيرمين:هكي تو نرقد نتحسن
رن هاتفها رقم
جمانه:ردي مرات اهلك اني بنديرلك حاجه تاكليها
نيرمين:الو
امير:مرحب كيف الحال
نيرمين:استاذ من وين خديت رقمي
امير:من ملفك كيف حالك توا
نيرمين:الحمد لله
امير:مش باين صوتك تعبان
نيرمين:اه مش
امير:عاينتي
نيرمين:لا تو نتحسن
امير:كيف تتحسني بلا دوا
نيرمين:عادي
امير:تمام سكري شويه
بعد ربع ساعه
امير:قدام الحوش فيه سواقي الخاص بيرفعك تعايني انزلي بدون نقاش
نيرمين:والله مامحتاجه
امير:هيا وبعدين طمنيني عليك
نيرمين:تمام
جمانه:شن فيه
نيرمين:الاستاذ امير باعت سواقه باش يرفعني نعاين
جمانه:اشيه نشم في قصه حب بتبدا
نيرمين:قصه شنو بالله عليك وانا متزوجه
جمانه:شن رايك ترفعي عليه قضيه بما انه بوك وخوك فايتينك
نيرمين:يصير خير غير هيا نطلعو للراجل
جمانه:هيا شدي في ايدي انتي مش قادرة تمشي
نزلو رفعهم السواق لعياده خاصه
نيرمين:لماذا هنا انا اريد مستشفى
السواق:هذه اوامر السيد امير انه تأمين يخص موظفين الشركة
جمانه:مدامه تأمين معناها بدون فلوس انزلي
خشت للكشف وبعد طلعت لقاته مقعمز مع جمانه
نيرمين:استاذ
امير:طولتي فاقلت نجي نطمن بنفسي شن صار
نيرمين:برده وهبوط
امير:مش مهتمه بصحتك هاتي الروشيته
نيرمين:تو ناخدها
امير:هاتي قلنا سبحان الله العناد خليكم هنا شويه ونجي
جمانه:محلاه والله لا عشق فيك
نيرمين:من حظي الاسود
جمانه:ماتقوليش هكي مرات ربي باعتهولك باش يساعدك وتطلقي من هداكا
نيرمين:ااخ الله يسامحك يابابا
جمانه:شن رايك فيه
نيرمين:فيش حماره ترفضه جمال وشخصيه واخلاق ومال بس مش ليا
جمانه:واااك عالطاقه السلبيه
جي امير شاد كيسه دوا:تفضلي وردي بالك منها لو سمحتي
جمانه:حاضر
نيرمين:شكرا تعبناك
امير:فيهاش تعب بعدين من قال بنت بلادك
نيرمين ضحكت:ايه صح
امير:خلاص ديما حانساعدك
جمانه:حتا انا ليبيه رهو
امير:وحتا انتي معاها هي تفضلو نوصلكم
اما عندي دموعي ماوقفوش بكل واحساسي بشع بين صدمة وندم وحدا تكتشف انه كانت عايشه في كذبه وبسببها جرحت اكثر شخص ساعدها واهتم بيها
قعدت نذكر يوم حكالي انه حبيبته تزوجت 💔كان يحكي عليا 😢كل هالعذاب اللي عاشه بسببي انا وحسين ربي يسامحك بس
بنتصل بيه بس شن بنقوله بعد كلامي اللي جرحه ياريتني ماتسرعت ياريت سمعت منه
لقيت روحي متصله بنرمين
اني:حبي
نيرمين:اهلا خيره صوتك
اني:تعبانه بكل 😢
نيرمين:اهدي بهي واحكي شن فيه
حكيتلها اللي صار معاي كله لحد عملتي الغبيه
نيرمين:ياروحي مسكين ماهر
اني:بنتصل بيه بس اكيد مش حايرد عليا
نيرمين:خليه توا هوا مضايق هلبا اجليها ايام لين يهدا
اني:مش مصدقه حسين كيف دار هكي فيه
نيرمين:مش عارفه شن بنقول عليه الله يرحمه
اني:نبيش نخسره
نيرمين:انتي حبيتيه!
اني:مش عارفه بس مانرتاحش الا وهوا جنبي ولما يكون معاي نطمن ونفرح بدي حافظني ويفهم عليا بدون مانحكي
نيرمين:ياعيني طايحه بخشمك
اني:شن بندير نبيه يسامحني
نيرمين:بهي لو نفترضو انه سامح ورجعلك شن بيكون في حياتك
سكتت ونفكر في كلامها
نيرمين:ماهر لو رجعلك يبيك حب مش صداقه فكري كويس وقبل ماتطلبي منه يسامحك خودي قرارك في اي خانه بتحطيه
اني:ان شالله خير
نيرمين:اني نعست نحكو بكرا
اني:تمام حبيبي بالشفا
نيرمين:بايات
سكرت هاتفها وبترقد رن ثاني
امير
نيرمين:ايوا
امير:ان شالله ما فيقتكش
نيرمين:لالا اصلا كنت نهدرز مع بنت خالي
امير:في ليبيا!
نيرمين:ايه
امير:كيف حالك توا
نيرمين:الحمد لله خير من بكري
امير:كويس ان شالله كل يوم احسن
نيرمين:شكرا علي وقفتك معاي
امير:العفو واجبي ممكن نسألك
نيرمين:ايه
امير:جايه هنا مع صاحبتك!
نيرمين تنهدت:لا مع اهلي امي وبوي وخوي
امير:ليش ساكنه مع صاحبتك
نيرمين حست كأنه عطوها افراج تبي تحكي وتفرغ اللي في قلبها:انا هاربه من اهلي
امير:معقوله ليش
نيرمين:جينا هنا قبل كم شهر وانا مافيش في حياتي شي الا قرايتي كنت عايشه مرتاحه لحد يوم شافني ولد صاحب بوي وجي خطبني رفضت الموضوع وتكلمت بس ماحد عبرني. وننصدم انه بوي جاي يقولي قريت فاتحتك ماعرفتش شن ندير لقيت روحي واخده لبسي ومسيبتلهم الحوش
امير:لاحول ولا قوة الا بالله ليش هكي قصدي عصر تزويج البنت بالغصب فات
نيرمين:بوي مش من النوع المتشدد ولا العقليه المتخلفه مش عارفه شن صارله خلاه مصر نتزوج الولد هدا
امير:ممكن لانه ولد صاحبه او يربطهم شغل
نيرمين:مرات
امير:حاولتي تحكي معاه وتقوليله انك رافضه
نيرمين:تصدق مانعرفش عليه اي شي الا اسمه بس ماتلاقيتش معاه ولا نعرف عمره او شغله
امير:معقوله!مادرتيش مقابله
نيرمين:لا هوا تقدملي ولما وافقو قال نبي نقرا فاتحه باش نقدر نطلع معاها براحتي وهكا بعدها اللي عرفته انه سافر عاخاطر شغل ولليوم مانعرفش عليه شي ومستغربه كيف لا دورني ولا سأل او حتا اتصل بيا مع انه قالولي واخد رقمك
امير:مرات اهلك ماقالولاش ومرات مزال مسافر
نيرمين:اي صح
امير:فكرتي ترفعي قضيه طلاق؟
نيرمين:فكرت بس مترددة
امير:امم ولامتا ناويه تقعدي هاربه لازم تاخدي خطوة مش قصدي نحرضك بس ممكن هوا مايتراجعش
نيرمين:صح معاك حق
امير:لو احتجتي شي انا موجود
نيرمين:تسلم
امير:نخليك ترتاحي توا نحكو وقت ثاني
بوعجيله:ولدك وين مختفي ليه فتره
سميرة:والله ماني عارفه يابوي خايفه تكون لفت عليه مرت المرحوم
بوعجيله سكت ويفكر في الكلام:خير خير ان شالله
هاتف يرن ويعاود
ماهر:الو
سمير:تي وينك يااخ بكري نتصل
ماهر:راقد
سمير:باه افتحلي لباب
ماهر فتحله وخش يدخن:شن سبب الزياره اللطيفه
سمير:الحق فيا جاي بنشرب معاك قهيوة
ماهر:اعتزلناها القهوة هات الاقوا منها
سمير:شنو رجعنا لهديكا الحاله
ماهر:وعلاش مانرجعش مدام طلعتني حقير ونستغل فيها باش نرقد معاها نرجع زي قبل واسوء
سمير:كيف امتا صار هدا وانت حكيتلها اللي صار
ماهر:ماعطتنيش فرصه ندويلها شي طول سمعتني كلمتين خلوني قريب قتلتها ف ارضها
سمير:متاكد مادرتلها شي
ماهر تنهد:مادرتلها شي ضعفت قدامها وهيا تبكي وريتلها الفيديو و
سمير:و شني
ماهر:قلتلها معاش حاتشوفي وجهي ولا تسمعي اسمي
سمير:ياراجل انت صبرت الوقت هدا كله ماتقدرش تصبر عليها فتره تانيه قصدي رده فعلها
ماهر:اششس راك تقول عادية ماتقوليش تستغل فيا الزفت لو نبيها هكي كنت خديتها من اول يوم
سمير:معليشي اصبر عليها
ماهر:لا نصبر عليها لا تصبر عليا ماسح خطها مره وحدا بنشوف حياتي
سمير:شن قصدك
ماهر:وتي لعرس صحيبك
سمير:بجديات
ماهر:مانحبش نبصر انا
سمير:تغلط راك
ماهر يدخن وسرحان
من هداكا اليوم اختفى ماهر من حياتي معادش شفته ولا حتا كلمني نشوف فيه اون لاين بس ماتجرأتش نبعتله شي حياتي وكأنه سحبو منها لونها بدي يوم ممل مافيشي طعم نمشي للجامعه نروح ناكل ومرات نفوت حتا في الماكله نرقد بس كذا مره تجيني ابتهال تهدرز وتحاول طلعني لكن نقولها لا
فات شهر كامل 💔
خلاص مش قادرة نتحمل اكثر اليوم لازم نكلمه
كملت محاضراتي الساعه 12 قعدت طول الطريق نتصل بيه مايردش بعتله مسجات نفس الشي
وصلت للحوش خطرت في بالي فكرة
اتصلت بحماتي:ايوا كيف حالك
سميرة:اهلين صافي شن امورك
اني:الحمد لله كيف حال العيله كل
سميرة:بخير وينك لاعاد دورتينا ولا شي
اني:والله لاهيه رجعت للكليه وامتحانات بس اليوم مقرره نجيكم قلت نشوفكم في الحوش ولا لا
سميرة:ايه تفضلي موجودين
اني:تمام
جهزت روحي لبست احلا لبسه عندي وطلعت اكيد رح نلقاه في الحوش اليوم سبت عطله وعادة يقعد مع خوته وصلت للفيلا وندعي انه مايكونش حسن موجود
لقيت عمي في الجنان
اني:السلام عليكم عمي كيف حالك
بوعجيله:اهلين يابنتي الحمد لله وين مغيبه
اني:قلة فضوة بس
محمود:انستي
اني:تسلم
قعدت ندور بعيوني ماشفتش سيارته
خشيت للحوش سلمت عاسميرة وبنتها وبنات حسن 😫قعدنا نهدرزو وانا كل شويه ندور عليه
حطو الغدي
بوعجيله:وين ولدك
سميرة:مش عارفه قال متغدي برا
اميمه:بالك مع الحب
محمود ضحك:مش عارف شن قلب حاله
اني ركزت معاهم
سميرة:الحمد لله ولا واقتنع بيها
اني:شن فيه
سميرة:ايي نسيت ماقتلكش مش ماهر وافق على وفاء وخطبناها
اني جتني صدمه معاش عرفت شن نقول او حتا نرتب ملامحي ضغطت عالشوكة بقوة:الف مبروك عقبالكم
محمود:يااارب 🤲
معادش قدرت ناكل شي قعدت نتفرج عليهم
محمود:كولي خيرك
اني:الحمد لله شبعت
اميمه:ماشالله اناقه وحركات شكله فيه عرس قريب
اني:فرحك ان شالله
محمود: درتي صحابك في العماره ولا
اني:ايه وحدا بس وطلعت تقرا معاي
محمود:مليح تترافقو
اني:ايه
خش ماهر:السلام عليكم
وفاء:هاي
سميرة:يامرحب بكنتي 😍
ماهر:معقوله ياامي تفوتي عليا العصبان
سميرة:عاد قلت متغدي برا انت وخطيبتك حولتلك حصتك
وفاء:صافي شن جوك
اني:تمام
وفاء:متغيرة عااخر مره تلاقينا
اني:اممم
ماهر قعمز يضحك ويهدرز مع خوه وامه ولا كأنه يشوف فيا حتا سلام ماسلم عليا للهدرجه كارهني
بعد الغدي طلعنا للجنان وفاء طول الوقت وهيا تدوي بخطبتها قهرتني 😫 وانا نحاول نبتسم ونسايرهم فديت ندمت عالجيه
ماهر من الغدا خش لداره ومحمود طلع
استاذنت منهم عااساس نبي الحمام ومشيتله ياسر لازم نحكو
قريب من داره نسمع في صوت موسيقى وهوا يغني معاها
سمعت كلمات "من شفتها قلبي صار محبس بايد الحلوة ❤️يما فدوة للبنات 💜غيرت طعم الحياة" مش مذكرة وين سامعتها قبل الكلمات هدي
خشيت لدار وسكرتها بالمفتاح
ماهر بدون مايتلفت:غالطه الحمام عايدك اليمين
اني:نبي نحكي معاك
ماهر:وانتي طالعه سكري الباب
اني قربت منه:علاش خطبتها علاش تبي تحرق قلبي تبي تقهرني
ماهر:مني انتي باش نتعب روحي عاخاطرك
اني:ماديرش هكي فينا ارجوك مش رح نتحمل
ماهر وقف:مش عارف عاشن تدوي مرت خالي بس شكلك غالطه
اني شديت في قميصه ودموعي خانوني:طول الفترة اللي فاتت بعدت نبيك ترتاح وتهدا لاني عارفه قداش جرحتك وتوا جيت نتأسف منك نبي ترجعلي ماهر نبي نرجعو زي قبل بالله عليك مش متحمله بعدك عليا عذاب
ماهر بعدني عليه:هدي هيا حياتك تأقلمي عليها
اني زدت قربت منه لين بديت نحس بنفسه:لالا مش هدي حياتي انا نبيك انت فيها ماهر ليش خطبتها قولي انت ماتحبهاش انت تحبني اني بس تبيني اني ليش تعذب في روحك وتعذب فيا 😢سيبها ارجوك
ماهر:كيف نسيب خطيبتي
اني:مش خطيبتك انت تكرها اصلا مش قادرة نعيش بدونك تعبت
ماهر:تتعودي عادي ماحد مات بعد حد
اني:ماتقساش عليا ماكنتش نعلم بشي
ماهر:توكلي كان كملتي كلامك
اني:تبيش تسيبها تو نحكيلها انك تحبني و
كقبل نكمل كلامي كان شاد شعري بايد وايده الثانيه خانقني بيها
ماهر:تجرأي وادوي حاجه لوفاء وربي ندفنك في ارضك يا ارمله خالي 😏انا مانحسلك في شي لو كنتي عابيه عالحب متع زمان هه مات رهو
اني:مستحيل
ماهر:خليك تحلمي بيه مالا هي وجهك
دفني بقوة قريب طحت قعدت نشوفله ولا تحركتله شعره طلعت للحمام فرغت باقي دموعي غسلت وجهي وعدلت مكياجي خديت شنطي وروحت بسبلة انه عندي قرايه
ومن يومها مافكرتش نمشيلهم ثاني خشيت حالة اكتئاب طول اليوم بكي 😭💔 يادوب نوض الصبح نمشي للجامعه ونروح من داري مانطلعش
اما ماهر بدي برود تام من الحوش للمكتب ومن مكتبه للشقه دخان ونوم
lole:بما انه صافي اكتئبت تعالو نحكيلكم انا شن صار
عند نيرمين اللي تقوت علاقتها بامير وبدو شبه اغلب الوقت مع بعضهم
خشت لمكتبه:استاذ هده الاوراق تحتاج توقيعك
امير:هاتي
نيرمين:مش قلت معاش تتكلمي ليبي هنا
امير:مش عارف معاك نلقى روحي ندوي هكي
نيرمين:امم باه وقع
امير:استاحشتك اني رهو
نيرمين بدو خدودها حمر:احم
امير وقف وقرب منها:شنو
نيرمين قالت بصوت هادي:حتا اني
امير:ماسمعتكش
نيرمين:حتا اني
امير:معناها الليله بنتعشو مع بعض
نيرمين:نحاول
امير:مش تحاولي بنجي نخطفك الساعه 8 بدون نقاش
نيرمين:باه
امير:تفضلي الورق
طلعت نيرمين
امير:ااخ لعبت في قلبي الفرخه 😍
رن جرس الباب
طلعت صافي تمشي بصعوبه فتحت انصدمت باللي قدامها و......يتبع
