رواية #صافي_الحياة 💜
اسفه عالتأخير ☹️
part8
ماهر:نعم
صافي تبكي:الحقني بنموت بيقتلوني
ماهر:شنو 😨خيرك شن فيه
صافي:خ خالك وانقطع الخط
ماهر شاف للهاتف مصدوم وطلع يجري وهوا بيموت من الخوف
وصل لقى الباب مفتوح والحوش كله مقلوب ومكسر قعد يدور عليها لقاها طايحه في الممر ووجها دم
ماهر:حبيبتي ردي عليا
صافي بضعف:قتلك ما تخلينيش 😢
ماهر:اسف اسف ياعمري وربي معاد نخليك
قامها وطلع بيها لاقرب مستشفى ،فات وقت وهوا بيموت حاول يخشلها كدا مره بس يمنعو فيه
بعد ساعه
دكتور:انا بنبلغ المريضه محاوله اعتداء واضحه
ماهر:كيف حالها توا!
دكتور:هيا كويسه بس كدمات قويه كتبتلها مراهم واهتم بأكلها لانه عندها هبوط
ماهر:نخشلها توا؟
دكتور:مزال تفيق بعد ساعتين
ماهر:تمام
قعد يدور ويتفكر في كلامها ودموعها هيا تترجا فيه يقعد معاها ومايخليهاش
جي محمود:خيرها شن صار
ماهر:خالك 😡
محمود:لاحول ولا قوة الا بالله مسكينه مابعدها
ماهر:وربي ماني فايته هالمره
محمود:مفروض ماتخليتش عليها البنت انصدمت وردة فعلها متوقعه
ماهر:تي الزفت ماسمعتهاش شن قالتلي انت
محمود:بس تعرف فيه شي خلاها ترد عليك بالطريقه هدي
ماهر:كيف يعني
محمود:فيه شي مخوفها ممكن قديم لكن فيه حاجه صايرتلها خلتها تخاف منك ومن قصه الحب
ماهر:مافيش منه فايدة الكلام هدا توا
محمود:شن ناوي دير
ماهر:غير تفيق بعدين ساهل
صافي فتحت عيونها وبسرعه تسلسلت الاحداث اللي صارت قدامها بدت تبكي
خش ماهر:اشش اهدي اهو معاك والله مانخليك
صافي:قتلك ماتبعدش قتلك ماعنديش غيرك كنت بنموت كانو بي
ماهر حضنها بكل قوته:اسف نوعدك من اليوم مانخليك ولا نبعد عليك لحظه وحدا اهدي عاخاطري
صافي:خليني نردلهم كل شي
ماهر رقدها وغطاها:توا راحه بس بعدين الكلام هدا نحكو فيه
صافي:لو تبي تمشي براحتك
ماهر:اسكتي مانيش ماشي
صافي تلفتت ودموعها ينزلو
فات باقي اليوم بدون احداث
صباحا عند نيرمين جهزت روحها وطلعت
جمانه:صباحها العاشقه الولهانه
نيرمين:فوتيني خيرلك
جمانه:شوفي المطبخ
نيرمين:شن فيه
جمانه:غير بري
نيرمين خشت للمطبخ لقت باقه ورد كبيرة ومعاها كرت"صباحك ورد ياقلبي نستنا فيك عانار ❤️
جمانه:متيم الاخ
نيرمين:به هيا وقت عالجماعه
جمانه:حاضر تبيش تاكلي
نيرمين:لالا بعدين ساهل
طلعو للجامعه
بعد وقت
ماهر ركب السيارة:مستحيل ترجعي لحوشك
صافي:مالا
ماهر:بنرفعك لشقتي تقعدي معاي معاش مطمن انا
صافي:لا
ماهر:ماتكثريش كلام انتي تعبانه لانه قرار مفروغ منه بنمرو باش تاخدي لبسك وحاجاتك الضروريه وخلاص
صافي:اني
ماهر:بعدين نحكو براحتنا في الحوش ارتاحي توا
صافي:حن قلبك عليا
ماهر وقف السيارة وتلفتلها:صح كنت مجروح منك لكن فكره انك تتوجعي مانتحملهاش انتي لو يصيرلك شي انا منتهي من الدنيا
صافي:للدرجه هدي تحبني
ماهر:ماتعرفيش شي انتي
صافي:اممم
ماهر:انا زابط لايام الي بعدت فيهم بطلعيهم من عيوني
صافي 😒:سوق بسرعه
ماهر:حاضر
رفعها للشقه خدت كل شي يخصها ورفعها لحوشه
ماهر:برجلك اليمين ياصفرا
صافي:حسستني خاشه تاج محل
ماهر:باه خشي بلا طولة لسان وتلقيح زايد
صافي:جعانه باه
ماهر:هاديكا دارك بري غيري وارتاحي تو يجيك العشا
صافي:باه
خشت للدار غيرت لبسها وقعدت تتفرج من الشباك
ماهر:صفرا
صافي:ها
ماهر:تعالي كولي
صافي طلعت:امتا درته هدا
ماهر:جابه محمود من الحوش
صافي:اها
ماهر:هي قعمزي
صافي قعدت تتفرج عالماكله وتذكر في اللي صار
ماهر:افتحي فمك
صافي:ماعنديش نيه
ماهر:مش بكيفك غصب الدكتور قال عندك هبوط عاشن ناويه
صافي نزلو دموعها:كان نهمك ماتخلينيش حتا نتصل ماتردش عليا
ماهر تنهد:ياروحي افهميني وقدري اللي صار معاي مش ساهل ويوم نعترفلك بكل شي تصديني بردة الفعل هدي
صافي:بس انا انصدمت
ماهر:وتتوقعي مني طامع فيك
صافي سكتت
ماهر قاملها راسها:اسمعيني كويس والكلام هدا خليه في دماغك ديما انا لو نبي منك جسمك كنت خديته من اول مامات خالي ومش حاتقدري تتكلمي كنت لما خديتلك الحوش وطلعتي معاي اغتصبتك وبرضو مش حاتقدري ديري شي ولا حايعرف حد جتني مليون فرصه بس انا نستنا في فرصه تكوني ليا حبيبتي مرتي وام صغاري مانهتمش بيك لانه وصاني عليك لا نهتم لاني نخاف عليك ونبي نصونك من كل شي ممكن يضرك نهتم بيك لانك حب حياتي كلها افهميه الشي هدا
صافي تبكي:به
ماهر:علاش الدموع توا
صافي:انا يومها خفت لانه الموضوع هدا صاير معاي قبل و
ماهر:موضوع شنو
صافي:مش بروحك اللي توجعت وضحيت حتا انا نفسك
ماهر:احكي كيف ضحيتي
صافي:الكل يقولو متزوجه حسين عاخاطر فلوسه مافيش حد كلف روحه يسألني ليش تزوجته لعلمك انا خالك مانحباش ولا في يوم حسيتله حاجه
ماهر:مالا علاش تزوجتيه
صافي:هاربه بننفذ بروحي من ابشع شعور ممكن تعيشه بنت انه نتعرض للاغتصاب
ماهر:كييف 😨من بيدير فيك هكي
صافي:ولد عمتي من انا صغيره يتقرب مني بطريقه غلط في الاول ماكنتش نفهم بس بعدها كبرت وبديت نفهك انه غلط وحرام كان يهدد فيا لو نتكلم بوه يلزني للشارع ووقتها حانقعد بروحي اخر فتره حاول مرتين يعتدي عليا وتنقض فيا اخته بعدها يوم طالعه مع عمتي للمول جانا حسين وقالي يبي يتزوجني رفضت بس بعد تفكير قلت هدا فرصتي للهروب صح مش حايجي يوم ونحبه لكن وضع احسن من وضع
ماهر ساكت ويشوفلها بصدمة
صافي:خالك كان من اول يوم عارف اني مانحباش وتزوجته لسبب يمكن ربي كاتب ماحاولش ولا مره انه يخليني نحبه
ماهر:يعني
صافي:لما قتلي انك تحبني كل اللي تخيلته انك بدير فيا زي عبدو ولد عمتي ونعيش نفس المأساه مره ثانيه
ماهر حضنها بقوة:مستحيل تعيشيها ثاني ياقلبي نوعدك مانخلي حد يقرب منك ويخوفك
صافي:ماتسيبنيش ماعنديش غيرك
ماهر:وعد مش حانبعد عليك ثاني
صافي:شكرا
ماهر:معاش تشكريني واجبي هدا. كولي باش تاخدي دواك
"على لسان صافي"
بعد حكيت لماهر قصتي وسبب زواجي بخاله ارتحت هلبا وتأكدت انه ربي كاتبلي نعيش معاه جزء من حياتي
اني:برا قعمز خلي نضم المطبخ
ماهر:لالا انتي اللي تمشي دوريلنا فيلم نسهرو عليه
اني:تو نضم
ماهر:نقصيه تسكير الراس بري
رن هاتفه وكان قدامي"وفاء" قعدت نشوفله
ماهر سكر عليها:عليك حصله
اني:حصلت روحك فيها من جبرك
ماهر يلم في الصواني:تصدقي لو نقولك ماكنتش حاس بروحي حتا شن ندير كل اللي فكرت فيه اني نقهرك بس
اني:واهو توا بدت خطيبتك شن ناويلها
ماهر:احم بناخدها طبعا
اني:ترا احلف
ماهر:علاش الحلفه قصدي واضحه
اني:تمام مالا دير في بالك غدوة بتردني لحوشي
ماهر:وعلاش
اني:شن جايبني هنا دير بيا شغالة للمدام ولا كيف غدوة بنرجع للشقه وان شالله يقتلني خالك ونرتاح
طلعت من المطبخ للدار وسكرتها بالمفتاح
ماهر:افتحي الباب
اني:لا بنرقد برا اسهر مع خطيبتك
ماهر:بهي نعطيك دواك
اني:اهو عندي
ماهر:افتحي يافرخه بلا عناد زايد مش مكلم حد
اني:نلاا
ماهر بهدوء:وربي مانحب غيرك ولا مفكر فيها اصلا افتحي خليه عندك الهاتف وسكريه لو تبي
اني:حاق
ماهر:وراسك هي افتحيلي
اني فتحت الباب
ماهر شد ايديا باسهم:معاش ديري هكي
اني: مش قلت بنحضرو فيلم
ماهر:ايه نعطيك الدوا وندورو حاجه حلوة مع بعض اتفقنا!
اني:باه
نمشو لبطلتنا الثانيه
امير:قعدا انتي؟
نيرمين:خلاص كملت الورق. وبنطلع
امير:نوصلك مالا
نيرمين:اوك
في الطريق امير:تشوفي في امك
نيرمين:قبل اسبوع شفتها
امير:بهي شن رايك المره الجايه تحكيلها علينا
نيرمين:ليش مستعجل
امير:لاني نبي نتزوجك
نيرمين:قعدا نفكر في قضيه الطلاق
امير:انتي تبي تطلقي منه ولا ماتبيش ؟
نيرمين:اكيد نبي
امير:وتحبيني ولا لا؟
نيرمين:نحبك
امير:باه فهميني وين العائق تو!
نيرمين بتتكلم وصلتها رساله من رقم غريب"الله يحرق قلبك زي ماخديتي مني سراج والله ماك متهنيه بيه"
امير:شن فيه
نيرمين:مش عارفه رقم بس شكلها بنت وتحكي علي سراج
امير:خطيبك!
نيرمين:راجلي
امير:اممم وشن تبي
نيرمين:شكلها تحبه اوووف ناقصه اني توا
امير:هات الرقم نشوفهولك
نيرمين:خلاص فوته
امير:ردي بالك علي روحك
نيرمين:تمام ليلتك سعيدة باي
خشت للحوش:فرخه
جمانه:عيونها خيرك تأخرتي
نيرمين:عاد زي شغلي زي شغلك
جمانه:ياعيني حتا هوا امير حبيب القلب
نيرمين:ايه فكرتيني تعالي شوفي
جمانه قرت المسج:من تكون زعما 🤔
نيرمين:مش عارفه مرات حبيبته القديمه او شي
جمانه:ممكن انتي ليش مافكرتيش تمشيله وتحكي معاه
نيرمين:خايفه منه تصدقي
جمانه:شن مخوفك
نيرمين:اخر مره تلاقيت مع ماما قتلي انه عبدو تعارك معاه قاله نبي نردها للحوش وسراج قاله اني كويسه وهوا مراقبني ومخليني براحتي
جمانه:مراقبك! يعني هوا عارف انتي وين بس مخليك
نيرمين:شفتي وماما قالت انه شخص واصل في البلاد وعنده هلبا معارف يعني هوا مش فايتني زي ماتوقعنا لا هوا بمزاجه مخليني
جمانه:هيي عليك قصه بهي حكيتي لامير
نيرمين:لا مش قادرة بكل نخاف يتصرف غلط
جمانه:والحل
نيرمين:مش عارفه
جمانه:قصته قصه راجلك هدا
ماهر تلفت لقاني راقده رفعني لدار وطلع يدخن في البلكونه
ربع ساعه فاتت وبديت نهلوس باللي صار ونتخيل فيهم يضربو فيا وحد لابس اسود خنقني قعدت نعيط بصوت عالي
ماهر انخلع خش يجري:صافي صافي فيقي حبيبي خيرك صاااافي
اني فتحت عيوني شفته قدامي وباين عليه الخوف اذكرت الحلم قعدت نبكي:علاش يديرولي هكي علاش
ماهر حصني:اهدي خلاص مش حايقرب منك حد اني معاك
اني:خليني نردله كل شي بالله عليك
ماهر:هدا اللي تبيه
اني:ايه نبي نرتاح مانقدرش نعيش في الخوف هدا ممكن يديرولك حاجه حتا انت
ماهر:بس خالي موصيني
اني:مانقدرش
ماهر:بهي غير ارقدي توا وغدوة نتفاهمو
اني:مش قادرة خايفه هلبا
ماهر:اهو قاعد معاك
اني:توعدني
ماهر ابتسم:وعد ياقلبي ارقدي هي
قعدت شاده في ايده بكل قوتي وكأنه رح يهرب اول مايبعد عليا نخاف نحس انه الكل بيأذوني معاه بس نرتاح
قعدت دقايق نشوفله وهوا يبتسملي ويبي يحسسني بالراحه لين خداني النوم ومعاش حسيت بشي
فتحت عيوني عاضو قوي من الشباك
ماهر:هي فيقي ياخميرة الساعه 11
اني:انت مارقدتش
ماهر:رقدت ونضت بكري
اني:عندكش خدمة!
ماهر:بنخدم هنا جنبك لو مافيش مانع ياغزاله
اني:نبيش نعطلك عاخدمتك
ماهر:هيا فوتي النكد عالصبح اغسلي وتعالي نفطرو
نضت دوشت جففت شعري وطلعت لقيته مجهز طاوله جميله ووردات
ماهر:تحبي ورد الجوري صح!
اني:من قالك
ماهر:حافظك اني هي تفضلي
قعمزنا ناكلو وحسيته يحاول قدر الامكان يبعدلي تفكيري عاللي صار ويضحكني قداش طيب هالانسان ❤️
نيرمين تساوي في وشاحها:نفهم انك ماتبيش تمشي
جمانه:والله ماقادرة تعبانه
نيرمين:بجوك هي باي
طلعت تتمشى وتتصفح في ايميلها لين حست بحد جنبها تلفتت شافت بنت تبان في الثلاثينات وواضح عليها الغضب
نيرمين:صباح الخير
هاله:من وين بيجي الخير
نيرمين تفاجئت:تعرفيني ولا شنو!
هاله:كيف مانعرفش اللي خطفت مني حبيبي وخلاته حتا الشبح في وجهي مايشبح
نيرمين:معليشي شكلك غالطه لاني ماخديت حد من حد نستاذن
هاله شدت يدها بقوة:اسمعيني حركات البرائه ماتمشيش عليا مش انتي اللي تزوجها سراج ولا
نيرمين:وانتي من تكوني
هاله:مرته
نيرمين انصدمت:مرته يعني هوا متزوج
هاله:ديري روحك ماتعرفيش
نيرمين:انتي فاهمة غلط رهو مانعرفاش سراج ولا عمري شفته
هاله:بلاش كذب زايد ليه شهور مارجعش للحوش قاعد معاك
نيرمين:لالا غالطه والله ماقعدا معاه انا مانحباش ولا نبيه ولما قرا الفاتحه هربت من الحوش وتوا قعدا عند صاحبتي صدقيني
هاله:قصدك
نيرمين:راجلك ولد صاحب بابا وتزوجني بدون موافقتي ومانعلمش عليه اي شي ولا نعرف شكله اصلا
هاله:وليش مااطلقتي منه
نيرمين:مش عارفه
هاله:لعب الفرخات فكيني منه احسن
نيرمين كيف بتتكلم وقفت جنبهم سيارة نزل منها راجل طول وعرض
زبير:مدام هاله تفضلي اركبي
هاله:فيسع ما وصلاته
زبير شدها من يدها ودخلها للسيارة بالغصب
نيرمين تتفرج ومش فاهمة شي لين اختفت السيارة وهيا قعدا مصدومة كملت طريقها للجامعه ومزال اللي صار في دماغها كملت محاضرتها وطلعت للشركة
امير:روحي
نيرمين سرحانه:تبي قهوة؟
امير وقف قرب منها:اميرتي خيرها
نيرمين:ها شنو
امير:شن صاير معاك
نيرمين:نبي نطلق منه
امير:كلمك!
نيرمين:لا بس طلع متزوج وشكله خطير
امير:كيف عرفتي
نيرمين:عرفت وخلاص ارجوك ساعدني
امير:تمام زي ماتبي شكلك تعبانه روحي توا وغدوة نحكو
نيرمين:لا عادي
امير:اسمعي الكلام تو يوصلك السواق ورد بالك علي روحك
نيرمين:باه
امير باس يديها:نحبها الغزاله
نيرمين ابتسمت:مش حاتسيبني ولا
امير:للموت ياقلبي
نيرمين:سلام وطلعت للحوش
اني:خاطري في كيكه
ماهر:نطلبلك!
اني:لا نبي نديرها بروحي
ماهر:تعبيش روحك
اني:فيهاش تعب عادي
ماهر:بهي شوفي شن تبي خلي نمشي نجيبه
اني مشيت للمطبخ:متأكد انك عايش بروحك
ماهر:ليش شن فيه
اني:قصدي مطبخك مرتب هلبا وعندك حاجات ماياخدهاش عزابي
ماهر:تبي الحق ولا ولد عمه
اني:اكيد الحق
ماهر:كله ماكانش موجود ثلاجتي فيها الحاجات المعلبه بس والمطبخ عينك ماتشوفه كيف مقلوب بس يوم قررت نجيبك هنا خديت كل شي وجبت شغالات ضمو الشقه كلها مانبيش تحسي بشي ناقص
اني ابتسمت:انا نستاهل هدا كله!
ماهر:تستاهلي اكثر منه 💜
اني:احم بنقولك انه
ماهر:زابط اني ماعندي شي في قلبك بس اسمحيلي نخليك تحبيني ونكون حاجه في حياتك
اني:اوك
ماهر:هي شن ناقصك
اني:اهو بنكتبلك ورقه
ماهر:تم نغير ونجي
نيرمين مقعمزة تقرا بدو يسمعو في تخبيط قوي عالباب
جمانه:ان شالله خير
نيرمين قلبها قبضها:حاسه انهم اهلي ولا سراج
جمانه:لالا تفائلي خلي نفتح
نيرمين:لا خليك انا بنمشي
فتحت الباب شافت خوها قدامها ووراه نفس السيارة متع الصبح ونفس الراجل
عبدو ضربها كف وشدها من شعرها:عقابها تهربي ياكلبه تواطي روسنا
نيرمين:نحي يدك هدي اخرت قراراتكم
عبدو:تو نروح بيك ونربيك
زبير قرب منهم:ماتنساش كلام المعلم
عبدو:خشي جيبي خرا حوايجك وتعالي
جمانه:شن فيه
نيرمين:انا انتهيت 😓
جمانه:خوك هدا
نيرمين:ايه واللي معاه شفته الصبح مع مرت سراج
جمانه:شنو سراج متزوج مالا ليش ماحكيتيلي قصدك متع امس مرته!
نيرمين:ايه كلمي امير بالله عليك
خدت لبسها وطلعت معاهم للحوش
سناء حضنتها:الحمد لله عاسلامتك يابنيتي
نيرمين:شن تبو مني خلوني في حالي
عبدو:راجلك يبيك ساد شادني عليك الفتره اللي فاتت
نيرمين:نعم
سناء:راجلك اتصل وقال لخوك يجيبك للحوش وهوا اعطانا المكان اللي ساكنه فيه
نيرمين:وهدا وين خطرله يتكلم
سناء:مش عارفه شن في راسه قال بيجي بعد ايام
نيرمين:انا بنطلق منه وهنا مش قعدا
سليمان:شن هبلتي سادك شهور هاربه يافرخه
نيرمين:مانبيشي باش تفهمو طلقوني منه ولا حانهرب تاني والمره هدي والله ماقعدا فيها البلاد
عبدو ضربها:انتي خلاص معاش تتحشمي حاتقعدي محبوسه زي الكلبه لين يجي ياخدك راجلك ونرتاحو منك
نيرمين:قاعده علي قلبك خزي عليك
عبدو:تي سكري عليا
شدها مو ايدها ودخلها لدارها سكر عليها بالمفتاح:موتي هنا
نيرمين:حسبي الله فيكم
عبدو:تحسبي لغدوة
نيرمين خدت هاتفها تحاول تتصل بأمير بس هاتفه مقفل 💔وفاتت باقي الليله وهيا خايفه من سراج وكيف بتعيش معاه وقلبها اللي مع امير
اني:ها شن رايك
ماهر:عسل 😻
اني:غير ذوق قبل
ماهر:اي حاجه تحطي يدك فيها تبدا عسل
اني:ياي اخجلتني
ماهر:حليلي منه المتحشم امتا بتعطيني منها بهي
اني:شويه نضم المطبخ وندير نسكافيه معاها
ماهر:تمام كلميني اني في البلكونه
فات اسبوع اني وماهر جونا جميل وهوا مهتم بيا هلبا 😍
اما نيرمين طول الاسبوع محبوسه وخوها ماخلاهاش حتا تطلع للكليه
في يوم انفتحت الدار
نيرمين:طيب فيكم متاكدين انكم اهلي
سناء:غيري حوايجك راجلك برا يستنا فيك
نيرمين حست قلبها بيوقف وخافت:لالا بالله عليك ماما مانبيشي ماتخليشي ياخدني
سناء:هيا ماتعطليش وطلعت
نيرمين بدت تبكي وتتصل بامير يسكر عليها تعاود ويسكر عليها قعمزت تبكي وفقدت الامل منه
عبدو:نيرمين اطلعي
مابتش ترد عليه ومستمره تبكي
انفتح الباب تسمع في خطوات وريحة قوية عبت الدار ودخان وقف قدامها و ......يتبع
