رواية #صافي_الحياة 💜
part14
ماهر:صباح الخييير
سميرة:انت شن فيه في عقلك كيف تفكر
ماهر:خشي الناس تسمع فيكم من جابكم
اميمه:واخدين تاكسي
ماهر:علاش ماعندكش زوز كلاب يطلعوك
سميرة:وينها
ماهر قعمز عالصالون ويتكلم ببرود: اللي هيا منو
سميرة:ياولد ماتشيطلي ريقي صافي وين
ماهر:ممكن رجعت رقدت
سميرة:ياحليلي ويقول فيها بتجيبلنا العار في عقاب عمري يقولو داير علي مرت خاله
اميمه:ماتوقعتكش هكي لكن بنت امها عرفت تلف عليك
سميرة:شن علاقتك بيها المرا هدي هيا خلاتك تسيب بنت خالتك
ماهر:بنت اختك مانبيهاش غلطت وخطبتها وتوا صلحت غلطي تمت امي فوتيه الموضوع
سميره:كيف نفوته وانت غاطس في الحرام مع هدي حسبي الله فيها
ماهر:تو علاش تتحسبي فهميني
سميرة:تفوتها وتردها لحوشها اقطع علاقتك بيها
كنت نسمع في كل كلمة قالوها متوقعه اصلا رفض عيلته ليا صعبه كنت مرت خوها ونبدا كنتها فتحت الباب وطلعت:انا ماشيه اطمني
ماهر:تمشي وين خشي داخل
اني:خليني نمشي ياسر
اميمه:لو عندك كرامه يعني وانتي ماتشبعي رجاله
ماهر عيط عليها:سكري فمك يا فرخه خير مانكسرلك راسك 😡
سميرة:تعيط علي اختك بسبب هدي ال
ماهر تعصب:هدي مرتي تفهمي شن معناها حلالي
سميرة:يانهاري ياغبارتي تزوجتها بدون ماتسأل لا تاخد راينا
ماهرر:علاش ناخد رايكم شن عيل انا نبيها وخديتها تمت القصه
اني نبكي
ماهر:شن اللي يبكي فيك بري خشي لدارك
سميرة:طلقها قتلك
ماهر:نطلق مني انا ماصدقت خديتها
اميمه:شن مالا تحبها وهيا مرت خالك
ماهر:مايخصكش
سميرة:هدا عقابها يا بكري يا سندي تكسرني وتاخدها
ماهر:باه انا معاش نبي ندوي فيه الموضوع هدا
رن الجرس
محمود:امك طلعت وماتردش عليا خلوني بلا غدي ياراجل قلت نجي نتغدا عند مرت خوي وخلاص
سميرة:وحتا انت عندك علم يا كلب 😡
محمود:الله اكبر شن ديري هنا
ماهر:وفرخه خالتك شن تصنع 🙄
سميرة:نوض روح بيا تو نتفاهمو
ماهر:اقعدي تغدي 😁
سميرة ضرباته على بطنه:ومن بيديرهولي الغدا
ماهر:كنتك 😊
سميرة:اطلع يا ولد ماتحرقوليش دمي
محمود:هيا انزلو
ماهر خش للدار:خيرها النكديه
اني:شي
ماهر شد يديا باسهم:حبيبي مش كنا عارفين انهم بيرفضو
اني:اممم
ماهر:معناها ردة فعلهم متوقعينها ومفروض تزعليش
lole"صافي زعلانه هي نكمل انا "
صافي:بس كلامهم يضايق شن تحساب عنديش احساس
ماهر:لالا انتي ملكة الاحساس يا قلبي بس مادوريش عاخاطري فتره وانا رح نحكي لامي كل شي وتتقبلك
صافي:باه
ماهر:هي امسحيلي الدميعات هادو اللي عاسبلة ينزلو
صافي:حاضر
ماهر:خلي ندوش ونطلعو نتغدو برا
صافي شدت يده:نبي نقولك حاجه
ماهر:قولي
صافي:نحبك هلبا ومانبيش تبعد عليا نهائي انا نبيك في حياتي قبل ماخديتش اي قرار بروحي بس المره هدي نوعدك نكوون انانيه فيك ومانخلي حد يبعدك ولا ياخدك
ماهر:ترا عاوديها 😳
صافي:نحبك نحبك نموووت فيك
ماهر قامها يدووور بيها:الله احلى كلام نسمعه منك ياروحي انتي
صافي:نبيش نبعد 🥺
ماهر:منو يقدر يبعدك مرتي رهو مرررتي 😍😍😘
صافي:مجنون نزلني هيا مش بنطلعو
ماهر:احلا طلعه لغزالتي
عند العرسان 💜
نيرمين:حبيبي ارجوك بعد خليني نكمل وننزل
سراج:ماديريش حنه
نيرمين:بندير نحبها
سراج:اياااه علي تسكير الراس انا مانطيقهاش
نيرمين:دبر راسك حبيبي هي حول
سراج:خليك شويه
نيرمين:ليا ساعه حاضناتك ياسرك
سراج:راحتي انتي
نيرمين:باه هي باي
فتحيه:وين لتوا
نيرمين:اه قعدت نهدرز مع بنت خالي 😁
فتحيه:خيرها ماجتش
نيرمين:مشغوله شويه حتا هيا عروسه كيف متزوجه
فتحيه:ربي يهنيها هيا انزلي باش يلبسوك الردي
نيرمين:هي
ساري:يااهلا بالعروسه
نيرمين:اهلا بالعاشقه 😂
ساري:خزي كلبه
خشت تضحك:هااي بنات
ساري:انتي 😳
هاله:انا شنو ممنوع نحضر عرس طليقي 😊
نيرمين:اهلا وسهلا بيك
هاله:سلمها
نيرمين 🙂
ساري:خيرك انتي بعقلك تبيها تحضر عرسك
نيرمين:ايه علاش لا هيا في عقلها اني حاسه بالخطر من وجودها وانها بتفسد عليا فرحتي بس مزال ماتعرفنيش خليها تجرب حظها معاي
ساري:اوووه مش ساهله مرت خونا
نيرمين:بارده ياناس
اميمه اتصلت:هيا تعالا
بعد لحظات قعمز عالصالون
سليم:خيرك قالبه وجهك قبل يوم نتلاقو فمك مايتسكرش من الضحك
اميمه:مضايقه
سليم:سبب
اميمه:تصدق ماهر تزوج صافي
سليم:نعم 😧
اميمه:والله جتنا وفاء امس قالت شافتها مره راكبه لشقته وشكلها باتت عنده مشينا انا وماما الصبح وتعاركت معاه عااساس علاقه بس لكن قال متزوجها وحتا محمود شاهد علي زواجهم
سليم:بالله هه بيلهفها خوك بروحه صار سبقني بخطوة ودارها شريفه
اميمه:شن قصدك
سليم:مش حانخليهاله
اميمه:وانت شن علاقتك
سليم تعصب:علاقتي اني نبيها وحاط عليها العين من لما مات عمي يجي توا خوك ياخذها تي يحلم
اميمه:نعم شن الكلام هدا انت تحبني انا وبنتزوجو
سليم ضحك بصوت عالي:بالله نتزوجك تي بري يافرخه كملي مدرستك
اميمه:شنو
سليم:تبيها على بلاطه انا كنت نضحك عليك ومستغلك لانك هبله واللي نقولك عليه تنفذيه
اميمه مصدومة:يعني صافي كان عندها حق لما قتلي مايحبكش
سليم:ايوه ياشطوره عندها حق كنت نفوت في وقتي معاك وتوا ياعسلة خوك وصافي يطلقو والا اللعبه اللي كانت خيال نخليها واقع
اميمه:لعبه
سليم دفها بقوة:خيرك انتي عقلك مايستوعبش اييي لعبه صورك وفيديوهاتك يبدو في كل صفحه
اميمه:حقير والله ماتتحشم
سليم:حقير وحيوان ووسخ وبلا ربايه صافي تطلق فاهمة ولا لا دبري راسك
اميمه:مانقدرش ماهر مش حايطلق هوا قال ماصدقت خديتها
سليم:وريني شطارتك عاد 😉واهو بالمره تطلبي منها السماح عاللي فات واللي جاي هي تشاو ياحلوة
قعمزت اميمه تبكي وتذكر في كلام صافي وكيف ظلمتها عرفت انه ربي خدالها حقها وانها فعلا مظلومة "ياداير يالاقي 👌"
صافي:محلااه المكان
ماهر:والله مافيه احلا منك انتي
صافي:خلااص عاد 🙈
ماهر:نتعب معاك اني
صافي:نسألك سؤال
ماهر:اسألي اللي تبيه
صافي:كيف شفتني ووين باش حبيتني
ماهر:كان التاريخ 14/4 يوم اربعاء بالتحديد الساعه 10:23 الصبح كنت ماشي للكافي بناخد قهوتي زي اي يوم عادي وبعدين لمكتبي تلاقيت مع رفيق غادي وقالي هيا ارفعني لكلية التقنية بنشوف الكبيده رفعته وحلف عليا ننزل معاه والله ماننساله جميله قعدت ندور معاه ولما جت البنت مشيت للكافيتيريا وشفتك غادي تهدرزي مع صاحبتك حسيت وقتها كأنه قلبي نقز من مكانه وخش جنب قلبك مافارقتيش خيالي لحظه طول الوقت معاي وقدامي قررت انك تكوني مرتي قعدت نشتغل ليل نهار باش نكمل شقتي ولما نخطبك نتزوجو بدون مانستنو جاني شغل في مصر سافرت قعدت شهرين غادي ولما روحت لقيتك مرته 💔
صافي:اسفه لو سؤالي بيضايقك بس نبي نعرف شن درت لما عرفت اني تزوجت
ماهر:قولي شن مادرتش
flash back
اتصل بيا جدي وقالي روح عاخاطر عرس خالك وانا اصلا كنت مكمل شغلي بس نستنا في صاحب الحوش يحولي فلوسي روحت وكان يوم الفاتحه غيرت ولحقتهم في الجامع استغربت توتر خالي وهروبه مني بس حطيتها انه عريس وهكي وكانت الصاعقه لما الشيخ قال اسمك حسيت كل جسمي انشل ودماغي وقف عيوني تسلطو عليه معاش سمعت شي الا نبضات قلبي ماوعيتش الا على محمود يقولي بارك لخالك
طبعا هرب مني معاش وراني وجهه ليوم الخميس الصبح خديته بالغصب ومشينا مكان بروحنا
حسين:خيرك
انا:خيرني صار فهمني ليش بس معاش لقيت بناات خلاص ضاقت عليك تاخد حبيبتي
حسين:مش حبيبتك انا خطبتها وهيا وافقت اصلا ماتعرفكش
انا بعياط:انا ماحكيتلهاش ماقربتش جيهتها نبي نخطبها ونتزوجها تي الزح انت عارفني وعارف شن نبي علاش تقتلني علاااش
حسين:مش نصيبك
انا:انت السبب حسبي الله ونعم الوكيل فيك
حسين:خلاص توا بدت مرتي انساها ومانسمحلكش تذكر اسمها قدامي
خلاص وصلت حدها معاي طلعت سلاحي وكنت بنقتله بس شفتك قدامي شفتك تضحكي ماقدرتش نضربه حسيت وقتها انه ربي بينصفني سيبته ومشيت لشقتي معاش طلعت خليت خدمتي امي وخوتي شديتها شرب وشفتي بعينك كيف وضعي
end back
صافي شدت ايده:نوعدك من اليوم نبعدش لحظه وحدا عليك نقعد ليك ومعاك كل عمري لين انت تقولي بعدي
ماهر:مستحيل في يوم نبعدك
صافي:ربي يخليك ليا
ماهر:نتعب معاك ياصفرا 😍
رن هاتفها
صافي:ايوا اهلا بالعروسه
نيرمين:تو يازفته مخليه عمتي عالطالعه والنازله تهزب فيا وينها بنت خالك خيرها ماجتش
صافي:الليله ان شالله نجيك
نيرمين:اوك نستنا فيك
ماهر:وين ان شالله
صافي:عرس حبيبي
ماهر:اممم بهي نوضي
صافي:وين
ماهر:بناخدو لبس جديد
صافي:وعلاش
ماهر:لبسك ضيق مش عاجبني بكل ناخدلك على مزاجي ولا نلبسو نقاب !
صافي:احم هيا حبيبي
ماهر:سلمها اللي تسمع في الكلام
رفعها للمحلات خدالها لبس كله واسع وطويل وقفاطين سهرة ومكياج وكل شي خاطرها فيه
صافي:بالك هلبا هدا
ماهر:مافيش هلبا علي مرتي نروحو معاش وقت كان بتجهزي روحك ولا تبي مزين
صافي باساته عاخده:سلمه اللي مهتم بتفاصيلي نجهز روحي عادي نبيش مزين
ماهر:هيا مالا
اميمه حابسه روحها في دار وتبكي تفكر كيف بتحل القصه
سميرة تخبط عالباب:اطلعي يابنتي خيرك مشيت خليتك مافيك شي شن جاك
اميمه:شي شي خليني ياماما ارجوك
سميرة:شن صاير بهي قوليلي
اميمه:شي كلميلي ماهر يجي يرفعني لحوشه نبيش نقعد هنا
سميرة:بهي براحتك
صافي:ها شن رايك
ماهر:هدا احلا البسيه
صافي:اوك ندوش ونبدا وقت عليا
ماهر رن هاتفه:ها امي
سميرة: تعالا ارفع وخيتك لحوشك
ماهر:خيرها
سميرة:قالت نبي نقعد عنده
ماهر:تمام
سميرة:نستنا فيك توا مش تشدك هاديكا وسكرت في وجهه
ماهر يضحك:حبيبي
صافي:نعم
ماهر:ماشي مشوار لحوشنا ونجيك نلقاك واتيه
صافي:شن فيه
ماهر:امي تبيني مش معطل ياقلبي
صافي: باه
ماهر:نخش عادي
صافي:لااا برا
ماهر:ماشي مهو في الاخير ليا
طلع لحوشهم
بوعجيله كان في الاستقبال:اهلين بالعريس
ماهر:كيف حالك ياجدي
بوعجيله:بخير شن هالخبر اللي سمعته
ماهر:تزوجت عادي حالي حال اي واحد في عمري
بوعجيله:لكن من ورا عيلتك
ماهر:تي مهوو كله من الفرخ هداكا يلا اهو سمعتو ومش عاجبكم يعني مافيش فايده لو حكيت ولا ماحكيتش
بوعجيله:ربي يهني خش شوف امك شن تبيك
ماهر:خير
سميره تنفخ عليه:اهلا اونه اختك واتيه ارفعها معاك
ماهر:لامتا بتقعدي ديريلي هكي
سميرة:لين تعقل وطلقها
ماهر:طلاق ماتفكروش فيه نهائيا البنت نبيها ونحبها
سميرة:قليل ادب ويقولي فيها تحب مرت خالك
ماهر طارتله ضرب الطاوله برجله:مهو خوك يحب يخرب حياة النااس كان هدا رهو مرتي من زمان
سميرة:شن قصدك
ماهر:تو يجي وقته وتعرفيه هي وينك يافرخه
اميمه:اني جيت
ماهر:وخيره وجهك مقلوب شن فيه
اميمه:نحس في روحي بنمرض
ماهر:باه اطلعي هي وقت مزال بنرفع صافي
سميرة:ويين ان شالله
ماهر:عندها عرس
اميمه طول الطريق تفكر كيف بتقنع صافي وتطلب تساعدها بس كانت فاقده الامل لانها عارفه ردة فعلها كيف حاتكون لكن بتحاول
ماهر فتح الباب وخش:صفرا
صافي طلعت من الدار:عيونها
ماهر صفر:الله اكبر 😍😍 هدا لمنو الجمال
صافي ضحكت:لحبيبي
ماهر:تهبلي
صافي شافت وراه قلبت وجها
ماهر:علاش بس توا كنا حلوين
اميمه:خير كيف حالك
صافي تلفتت وخشت لدار
ماهر:استغفر الله وخلاص خشي للدار هاديكا حطي شنطك
اميمه:ماتبينيش
ماهر:شن ماتبيكش اهيا حوش خوك هدا
خش وراها اميرتي
صافي:هيا عطلت انا
ماهر:غير تعالي هنا تنفخيش عليا
صافي:نفختش بس تأخرت
ماهر:فدت من الحوش وتبي تقعد عندي ايام ونطلعها وين الغلط
صافي:اختك وحوشك فيش غلط بس خليها بعيده عليا لو سمحت
ماهر:تمام اضحكي شويه ممكن
صافي:لا هيا
ماهر:بعدين نتفاهمو
نيرمين:طيب فينا
صافي:والنبي اسكتي عروس ولسانها ملوي علي رقبتها
نيرمين:اصلا يحب فيا لساني اكتر حاجه
صافي 🙄:وين عمتي
نيرمين:داخل تعالي نعرفك عليهم قبل
اميمه تتكلم عالهاتف:جيت لحوشهم توا بنحاول نخليهم يتعاركو
سليم:دبري راسك المهم يطلقها
اميمه:حسبي الله فيك
سليم:تحسبي براحتك بعدين توا اخدميلي شي مليح بس
اميمه:حقير
نسرعلكم الاحداث لانه حتا انا ملييت
فات عرس نيرمين حلو وماقدرتش هاله تفسد شي
اما صافي وماهر عسل واميمه مهما حاولت ماقدرتش تحكي مع صافي
لحد يوم اااااا انقلب كل شي و..... يتبع
استنوني في البارت الاخير
