التفاعل ياناس 😓💔
part4
ماهر:حبيتي قبل!
اني:بس هدا مش جواب لسؤالي
ماهر:جاوبيني وتو نقولك
اني:لا
ماهر:وقت تحبي وتخسري حبيبك في رمشه عين تو تحسي باحساسي وتفهميني كويس
اني:يعني انت خسرت حبيبتك
ماهر:سؤال واحد مش عشره
اني:اووف
ماهر:🙂
اني:ليلتك سعيدة
ماهر:ليلتك اسعد
غمضت عيوني جت صوره حسين قدامي وكلام ماهر انا ماحبيتاش نهائي واكبر دليل اني عادي وفاته ماكسرتش شي فيا صح وجعني لكن تخطيته زعما هوا حبيبته ماتت ولا سيباته فضولي تحرك 😅يلا ياخبر النهاردة بفلوس ان شالله غدوة نعرفه خداني النوم ومعاش حسيت بشي
ثاني يوم مافيش شي جديدنفس الروتين الممل بس الصداع بيقتلني الله يسامحك ياماهر 😢حتا اني نستاهل شن دخلني فيهم
بوعجيله:طالع
ماهر:عندي خدمة تبي شي جدي!
بوعجيله:سمعت انك منبه علي مرت المرحوم ماتنزلش من شقتها
ماهر:ايه
بوعجيله:مدام سمعت منك مالا افتحلها موضوع خالك بالك يهديها ربي وتوافق يردها
ماهر:البنت رافضه وماتبيش
بوعجيله:وفلوس ولدي
ماهر:حقها وماحد ليه معاها حاجه
بوعجيله:لكن
ماهر:هي السلام عليكم
ركب سيارته واتصل صباح الخير
اني:صباح النور
ماهر:خيره صوتك
اني:صداع
ماهر:خودي حبتين وارقدي فطرتي!
اني:اممم
ماهر:متاكدة
اتي:ايه
ماهر:بهي بري ارتاحي انا نكمل خدمتي ونمر عليك جهزيلي اثبات هوية
اني:تمام
ماهر:ردي بالك علي روحك
اني:اوكي باي
"ومن هنا بدايه صداقتنا انا وماهر زعما بتقعد صداقه ولا بتمشي لطريق اخرى 🤔🤭"
الساعه 1 بالزبط بدي الباب يخبط بقوة
اني خفت:منو
سلفتي فادية:افتحي ياخطافه الرجاله ياحرايميه
اني:من خطفت منك بري فكيني
فاديه تخبط في الباب:افتحي والله نهده فوق راسك
اني مالقيتش حل الا نتصل بيه:ايوا
ماهر:ها صافي
اني:تعالا بالله عليك مرت خالك جايه وقريب تكسر الباب
ماهر:تي شن تبي النم هدي
اني:شكله سمعت بخالك
ماهر:شن دخلهم هما
اني:خايفه
ماهر:اهو جاي ماتفتحيش مهما خبطو عليك
اني:باه
قعدت نسمع فيهم يتعاركو وشكله حتا راجلها جي وولدها بدي صوتهم يعلى
حسن:افتحي يامرا خلينا نتفاهمو
اني:لا
حسن:مش رح يديرولك شي وانا بنقرا فاتحتك
اني:مانبيش نتزوجك شن تقول انت
حسن:افتحي قتلك
اني:مش فاتحه
حسن:تمام
حسيت هدوء وبعدها حد يفتح في الباب
اني وقفت
حسن:تسكري في راسك بمن مستقويه
اني خديت وشاحي غطيت راسي:انت من وين جبت مفتاح لشقتي
جسن:ندير اللي نبيه اسمعي عندك خيارين يا بناخدك انا يا ولدي والرزق تحلمي يطلع برا
اني:مانبيش منكم شي خلوني في حالي نردلك كل شي بس خلوني نطلع من هنا
خشت مرته تجري وبدت تخنق فيا:ياكلبه درتي عالاول وتوا بتلفي علي راجلي نقتلك قبل ماتاخديه
اني زاد صداع هلبا ونفسي ينقص
خش ماهر دفها بقوة طاحت:شني مرتع هوا هي الكل برا
حسن:مقويها علينا واقف مع الغريبه
ماهر:قلت برا
حسن:قبل تطلعي بناخد منك كل شي
ماهر:ياودي توكل
طلعو كلهم وسكر الباب
اني نبكي:بيقتلوني كله عاخاطر فلوس مانبيهمش خدوهم
ماهر:اشش خلاص ماياخدو منك شي
اني:راسي 😭
ماهر:قعمزي بهي وين دواك
اني:في الدار جنب السرير
خش جابلي الدوا وخديته
ماهر شد يديا:خوافه للدرجه هدي كيف بتسكني بروحك
اني:نبي نبعد عليهم بس مانبي شي
ماهر:انا قتلك مش رح نسيبك غير اهدي والله مانخلي واحد يقربك
اني تمسكت بيديه وكأنه املي الوحيد:ماتخلينيش
ماهر:حاضر قاعد راسك يوجع
اني:ايه
ماهر:بهي بري جيبي فلوسك خلي نعدوهم ونجهزهم بعدين بنكملك الورق
اني خشيت فتحت الخزنه وطلعت الفلوس كنت مجهزتهم قبلها بيوم عاود عليهم ماهر ورتبهم قلي خليهم عاجنب
اني:اسفه جبتك بسرعه من خدمتك
ماهر:مش مشكله بنتعبك في قهوة ساده
اني:باه
ماهر يدخن:الساعه قداش
اني:٢تقريبا
ماهر:تمام الساعه 5 بالزبط تتصلي بأمي تقوليلها انك تعبانه وتبي حد يرفعك للعياده تضربي يبرا مسكن
اني:باه
ماهر:نمشو للراجل باش نكتبوها باسمك ونروحو
اني:اوك
ماهر:منورة هي سلام
اميمه تحكي عالهاتف:بجديات تبي تتزوجها
سليم:قتلك ياعمري نبي ناخد منها فلوس عمي ونلوحها في الشارع
اميمه:بس هيا ماعندهاش حد حتا عمتها سافرت
سليم:شن علاقتنا وقعت في شر اعمالها
اميمه:بس بنتزوجو انا وياك ولا
سليم:طبعا نقدرش نعيش من غيرك انا ياعمري انتي
اميمه ضحكت واستمرت في هبلها مصدقه انه يحبها وميت عليها 🙄
درت غدي خفيف كليت وخشيت نضم في باقي حاجاتي
جت الساعه 5
رن عليا ماهر:ها بكايه واتيه
اني:شبه خايفه امك ماتصدقنيش
ماهر قعد ساكت خمسه دقايق بعدين:تعرفي لو ماتصدقكش امي توا انا حانوخر ووتزوجي خالي ولا ولده دبري راسك الدلع الزايد متعك فوتيني من امه تسمعي فيا ولا
اني انصدمت بجديات في كلامه وكيف تعصب عليا بديت نبكي:شن درتلك اني
ماهر ضحك:كنت نبي نبكيك بس ومافيش طريقه الا هدي هي اتصلي بامي وانا في داري
اني:خزي عليك
ماهر:استعجلي
سكرت منه واتصلت
سميرة:ايوا
اني:اركبيلي بالله نحس في راسي بيتفجر تعبانه بكل
سميرة في دقايق كانت عندي:خيرك يابنيتي بالك تعبتي روحك
اني:لا والله بس شكله من دوشه بكري تعبت معليشي تكلميلي واحد من الولاد يرفعني للعياده نضرب يبرا مسكن
سميرة:ايه حاضر تو نشوفلك ماهر قاعد غير ان شالله ربي يهديه يقول بهي
اني:تمام نلبس وننزل قوله نمشو حتا في سيارتي
سميرة نزلت وانا خديت شنطه الفلوس و ونزلت من الباب الخارجي لسيارتي
سميرة:خلي نلبس عبايتي ونجي معاك
ماهر:مافيش داعي تو نرفعها
سميرة:ماتجيش بروحكم
ماهر:شن بناكلها اني قعمزي ياامي ريحيني وطلع
سميرة:براحتك
ركبنا السيارة ومشينا طول الطريق ساكته
ماهر:لا اله الا الله 🙄
اني:شن فيه
ماهر: ادوي قريب نرقد
اتي:شن بندويلك مافيش شي في بالي
ماهر:عندك وصله
اني:ايه
ركب هاتفه عالمسجل وفتح اغنيه عراقيه
هوا قعد يدندن معاها بس اني ماركزتش دماغي مشغول بس في الحوش والمشاكل اللي ممكن نخش فيهم لو رفضت نردلهم فلوسهم
وصلنا
ماهر:هي تفضلي مدام صافي
نزلنا وقعت عالورق وعطيناه الفلوس
اني:امتا نقدر نحول
ماهر:راسك شنو
اني:كويسه بس خليني نطلع من الشقه هاديكا
ماهر:بهي خلاص شوفي روحك شن بتنقلي من غادي وخلي محمود يعاونك
اني:يعني نحكيلهم عادي
ماهر:اي براحتك
اني:شكرا هلبا
ماهر:بس انتي وعدتيني ماترديلهمش شي هدا حقك
اني:ليش تبيني نخليهم يعني المفروض توقف مع عيلتك
ماهر:عيلتي ماعندهاش حق كيف بنوقف معاهم
اني:خالك مايخلينيش في حالي
ماهر:انا وراك ماتخافيش من حد
اني:تمام هي نروحو
ماهر:تفضلي مفتاحك ارمله خالي 😊
اني:لو سمحت ناديني باسمي بطل منها الكلمه هدي اطمن مش ناسيه اني ارمله
ماهر:كيف تبي هي مشينا
ركبت السيارة طايرتلي مانفهمش علاش يتصرف معاي هكي وحافضلي ارملة خالي فددني
مرينا قدام مطعم ريحة الشاورما تهبل 😍
اني:وقف بالله عليك
ماهر:ها خيرك
اني:عادي تاخدلي شاورما
ماهر قرن حواجبه:تو نوقفو علي مطعم ثاني هدا زحمه قدامه
اني:لاا خاطري من هنا ريحتها حلوة ارجوووووووك 🥺
ماهر:اووف بهي
اني خديت فلوس من شنطه:هاك
ماهر:شني هادو
اني:فلوس باش تجيبلي
ماهر:لمي فلوسك وماتعاوديهاش ثاني اللقطه هدي
اني:مهو
ماهر:بهي!
اني:بهي وك تخوف
ماهر ابتسم:كويس الخوف
نزل جابلي وروحنا
سميرة:شن صار معاكم
ماهر فنص فيا وانا نسيت اني مريضه بكل:عطوها مسكن
بوعجيله:كيف حالك توا
اني:الحمد لله نستاذنكم تصبحو عاخير
ماهر:هاك مفتاح سيارتك
سميرة:شن هدا
ماهر:واخده عشاها
سميرة:اشيه
بوعجيله:ماكلمتهاش
ماهر:لا
بوعجيله:ربي يهديك
مليتو منا ولا 😂تعالو نرفعكم بعيد نحكيلكم علي بطلتنا الثانيه
نرمين بنت عمتي بنديرلكم تغيير بسيط في عمرها 20سنه
في ايطاليا
نرمين:ياماما حرام عليك مانبيشي
عمتي سناء:يابنتي شن بندير بوك وافق عليه وقال عطي فيك كلمه خلاص ومرات بيقرو الفاتحه بعد يومين
نيرمين بدت تبكي:مانبيش شن بالسيف وين بتمشو بيه تخلفكم هدا
عبدو ضربها كف:احترمي نفسك تبي نطلقوك زي هاديكا مالا
نيرمين:شن علاقتك فيها انت ولا لانها تزوجت وفاتاتك
عبدو:اقلبي وجهم خير مانكسرك وفاتحتك تنقرا غصبا عنك
نيرمين سكرت دارها وتبكي:ياربي ساعدني
نيرمين تقرا في الجامعه تخصصها طب شخصيتها قويه وماتحبش حد يغصبها عاشي ماتبيشي صاحبتي هلبا بس لما سافرو معاش تواصلنا ويومها نيرمين فكرت تكلمني عالواتس
اني كيف طالعه من الدوش نسمع في رساله شفتها رقم خارجي
نيرمين:صفصوف!
اني:حي نارو حبي
نيرمين:استاحشتك ياكلبه 😢
اني:مش اكثر مني وربي ااه لو تعرفي شن صار فيا بعد سافرتو
نيرمين:الحال من بعضه. وخيتي
اني:ليش شن صاير معاك
نيرمين:فاتحتي بعد يومين علي واحد مانعرفاش شافني مره وعلق فيا 💔
اني: راجلي طلع كاتبلي كل املاكه والعيله قالولي يايردك سلفك او تتنازلي عاكل شي وتطلعي برا
نيرمين:حي وشن درتي
اني:ربي مايخلي حد حسين من اول زواجنا كان يعطي فيا فلوس وانا دسيتهم لاني مش محتاجه وتوا الحمد لله لقيتهم خديت شقه وبنتحول الايام الجايه وبنردلهم كل شي
نيرمين:بروحك
اني:شن بندير الله غالب
نيرمين:ماتقدريش تجينا
اني:لالا ياسر ماثقلت عليكم نبي نرجع لجامعتي ونعيش وخلاص
نيرمين:ربي يحميك حبي
اني:شن بيصير معاك انتي جربتي تكلميه
نيرمين:مستحيل نكلمه تو نحلها ولا يهمك 😊
اني:ان شالله خير طمنيني بهي وسلمي علي عمتو
نيرمين:حاضر باي توا
طلعت سخنت العشا وقعمزت ناكل تفكرت ماهر عيب جابهالي ماقتله حتا شكرا بعتتله مسج
"شكرا عالعشا بارك الله فيك ليك وحدا عندي 💜"
رد عليا"صحتين عاقلبك ايه مش مشكله تو تشربيني قهوة في حوشك الجديد "
ابتسمت وكملت ماكلتي
فات باقي اليوم عادي بدون شي مهم
في صباح يوم جديد نعتبر فيه بدايه جديده ليا
نضت نشيطه جدا ومبسوطه
فطرت ولميت بضاعه الكوجينا متعي
الساعه 10اتصلت
محمود:يامرحب
اني:كيف الحال
محمود:بخير مدام سمعت صوتك
اني:تسلم عادي نطلب منك مساعده
محمود:ادللي
اني:خديت شقه ونبي نحول بضاعتي عادي تعاوني في النقل
محمود:قصدك خلاص بتمشي
اني:والله مانقطعكم بس لازم نطلع شفت خالك شن دار
محمود:تمام عندك حق اهو بنعرف مكان حوشك وبنديرلك زيارات رهو
اني:تفضل في اي وقت
محمود:هي اني جايك
اني:تمام هيا البضاعه مش هلبا يعني نرفعوها في سياراتنا عادي
محمود:تم
سميرة:في من تكلم
محمود:صافي خدت حوش وبتحول بنممشي نرفعلها حاجاتها
سميره:اللطف امتا هدا
محمود:مش عارف
سميره:لو يسمع خالك يطربقها على راسها
ماهر:وشن علاقته هوا
سميرة:عندك علم انت
ماهر:انا واخدهولها الحوش
سميره:يانهاري تبي تخش في مشاكل مع خالك
ماهر:ياامي شن علاقته خالي خيرك المرا قالتها صريحه ماتبيشي
سميره:وفلوس خوي
ماهر:حقها علاش ماتبوش تفهمو
سميرة:ربي يهديكم ابعدو عليها مانبيش مشاكل
محمود:لو بنتك تنحط في نفس الموقف شن بديري
سميرة سكتت
ماهر:منور خونا
محمود:اللي ماترضيشي لبنتك ماترضيشي لبنت الناس لو هيا يتيمه مش معناها نجو عليها كلنا فكري في ربي بس انا مستحيل نتخلا عليها وحانوقف معاها ونعتبر فيها نفس اميمه
سميرة:يارب
رن الجرس
اني:اهلين
محمود:افتحيلي الباب الخارجي باش ننزل اسرع
اني:تمام
بدينا نقلو في البضاعه ماخدتش منا وقت طويل لاني ماخديت شي من الاثاث بحكم الحوش مفروش
بعد كملنا رجعنا للفيلا نبي نشطب ونسلم عالكل خشيت للاسف لقيت عمي متصل بحسن وجايب محرر عقود
حسن:تبي تطلعي صار وتهربي برزق خوي
اني:لو نبي نهرب رهو مارجعتش توا
بوعجيله:ماتوقعتكش هكي
اني دموعي نزلو:انا اللي انصدمت فيك ياعمي من اول يوم ليا قتلي انتي بنتي زي سميرة هكا دير لبنتك تخيرني يا نطلع بروحي يانتزوج ولدك ونقعد رغم كلكم ذمو في حسين بس هوا احسن واحد عالاقل فكر في مرته بعد يموت شن بيصيرلها وكان يعامل فيا وكأني بنته مش مرته بس ربي مايخلي حد وفلوسه خودوهم حلال عليكم
حسن:تعالي وقعي اهو الورق جاهز
قربت مسحت دموعي وخديت القلم بنوقع
شفت لعمي في عيونه نبي نوصله قداش خيب ظني وجرحني حسيت بحد شدي يدي بقوة وخدي القلم
تلفتت و ........يتبع
