part1
رواية #صافي_الحياة
ماهر حدف شنطه برا الباب ويعيط:تي وربي ماقاعد في امها البلاد اهيا
امه تبكي وتشد فيه:حرام عليك ياوليدي انتم اللي طلعت بيكم من الدنيا بتخليني وتخلي خوتك
ماهر مزال يتكلم بعصبيه:اونه خوتك معاك وبوك
امه:انا نبيك انت ياسندي يابكري
ماهر:امي اخطيني انا مسافر ومش رح نغير راي
خوه واقف بعيد ودموعه ينزلو بصمت
اخته شدت في ايده:بتمشي وتخليني بعد وعدتني تقعد معاي وماتسيبنيش زي بابا
ماهر:تبي تمشي معاي لمي دبشك وتعالي
خاله:خيرك ياولد شن جاك
ماهر عيونه ولعت نار واكتر ماتعصب:تي اخطا........🔞ماليكش علاقه بيا
نزل جده يمشي بعكازه:ولد
ماهر سكت تحشم
جده:الحقني للمربوعه
ماهر سيب شناطي ومشا ورا جده
اما امه مسحت دموعها وقعد عندها امل انه يقتنع ويقعد في البلاد
في الدور الثالث مقعمزه عالسرير وخايفه من صوت العركه والنقاش:اووف هارب من الغولة طاح في سلال القلوب شن فيه زعما تو بيقولو رجلها نحس عالحوش 😓
فتح الباب وخش يبتسم:مرتي السمحه
اني: اسس اسمع خلينا عااتفاقنا بالله عليك
ضحك بصوت عالي:توا بديتي مرتي واللي بنديره مايحاسبني حد عليه
دموعي بدو ينزلو وزادت رجفة جسمي وخرت لين عثرت وطحت عالسرير و.
..........................................................................
اني البطلة في رواية. lole والمره هدي نبوش نتعبوها اني بنحكيلكم قصتي بنفسي 😌
اسمي صافي ومعناه شديد الطيبه والنقاء عمري 24سنه مواصفاتي طولي متوسط ضعيفه عيوني ملونات وشعري اصفر وطويل طيوبه هلبا ونتحشم بزياده بس وقت الجد شرسه 😅
امي وبوي متوفيين عنديش خوت ولا خوات كنت عايشه مع عمتي وسافرت 😩تو تعرفو قدام الاسباب
طبعا راجلي عايش مع اهله تعالو نعرفكم على عيلته
الاب:الحاج بوعجيلة راجل ليه كلمته في منطقتهم والكل يحترم فيه
عنده ولدين وبنت
حسين:وهوا راجلي الموقر 🙄 عمره50سنه وماتنصدموش بفرق السن يشتغل في وزاره الداخليه
حسن:سلفي متزوج وعنده ولد وبنتين وساكن في منطقه ثانيه
سميرة:حماتي راجلها متوفي وساكنه في حوش بوها عندها ولدين وبنت
ماهر:27سنه مهندس معماري عصبي بزياده سلامته 😅 مايحبش كثرة الدوة علاقته سطحيه بالكل ومايضحكش الا مع خوته
محمود:20سنه يقرا في الجامعه عكس ماهر تماما ديما يضحك وطيب هلبا ويحب الكل
اميمه:18سنه لسانها سليط واصله درجه الوقاحه ماتحبش غير خوها ماهر تقرا في الثانوي
هادو الابطال الاساسيين والباقي نتعرفو عليهم مع الاحداث 🙃
ثاني يوم مقعمزه متوترة
حسين طلع من الحمام:خيرك مانزلتيش
اني:انزل معايا
حسين:امتا بتبطلي امه الحشم هدا صفصوفتي
اني:بهي انا نعرفهمش كيف بنقعد معاهم بروحي
حسين قرب مني ومد يده لخصلات شعري:عادي ياعمري هادو بتعيشي معاهم باقي حياتك
اني:باه
حسين:سلمها العسل هي نلبس وننزلو
بعد وقت عاسفرة الفطور
"اي نسيت نقلكم الحوش مقسم عاثلاثه ادوار الاول صالات وجناح للحاج والثاني لسميرة وصغارها والدور الثالث لي حسين وين ماساكنين توا عمي متمسك بجمعه العيله ولازم الكل يتجمعو عالماكله "
بوعجيله:نورتي يابنتي ان شالله قدم خير علينا
اني:ان شالله ربي يخليك
اميمه:مهو باين خير هيا جت وخوي بيسافر
اني واطيت راسي وسكتت
حسين ضحك:ربك يستر يابنت اختي
اميمه ضحكت:رد بالك عاروحك خالو
بوعجيله:احترمي روحك يابنت
محمود:شن اسمك
اني يادوب طلع صوتي:صافي
محمود:شن معناه اسمك غريب
كيف بنتكلم قطع عليا صوت يخوف نوعا ما
ماهر:صباح الخير وقعمز عاكرسيه مقابلني
ردو عليه
سميرة بدت تحطله في فطوره:كول وليدي ربي يحفظك ياسندي
ماهر ابتسم:امي انا مسافر بعد اسبوع
سميرة طيحت الصحن:بوي
بوعجيله:احنا اتفقنا انه فتره وبيروح ولا شنو
ماهر هز راسه وبدي ياكل
حسين:انا بنسافر في الليل
بوعجيله:زينه
حسين:طالع بنكمل خدمتي وتي الشناطي
اني:حاضر
بعد كملنا
سميرة:تعالي نخشو للصالون تو بيجو اقاربنا يهدرزو
اني:اوك
جو اقاربهم وكلهم يسألو كيف تعرفنا وعلاش تزوجته وزي ماعارفين نهاية المعادلة راجل غني كبير وبنت فقيرة صغيرة معناها طامعه في فلوسه 💔 كنت نسمع في الجمله هدي من الكل وحتى اللي ماقالهاش شفتها في عيونه
مع الساعه 4 العصر جت عمتي
"امي وبوي ماتو لما كان عمري 12سنه خدتني عمتي لانه ماعنديش عمام ولا خوال عندها بنت وولد نسرين16سنه وعبدو29سنه "
لبسوني عربي وجايبين مزينه كانو دايرين محضر بسيط عائلي.
خش حسين للشقه صفر بصوت عالي:اللله عالجمال 😻 امي ماتت راضيه عليا
اني:جهزتلك لبستك
حسين:ليش خيره لبسي
اني:احم اه عمتي سميرة قتلي مفروض تلبس عربي زيني
حسين:باه باه قولي سميره بس هدي حماتك مش عزوزتك
اني:حاضر
"تستغربوش فيا وتقولو عندهاش شخصيه رهو انا هاديه هلبا وطالما الشخص ما اذانيش مستحيل نتعامل معاه اخي او نرد عليه وحسون راجلي يعني اكيد بنتعامل معاه كويس 😁"
فات الوقت ممل هلبا مقعمزه بروحي ونتفرح عالناس
الساعه 10ركبت لشقتي غيرت وخشيت بنرقد قبل موعد الطيارة
نمشو لمكان ثاني
ماهر يشرب:اوووف
صاحبه سمير:ياسر ياراجل كيف بتروح بالمنظر هدا
ماهر:اخطاني وخليني نبي ننسا نبي نرتاح نار والعه في قلبي وعقلي ناار ويخبط عاصدره
سمير:ربي يعينك ياصاحبي 😖
حسين:ياغزاله هيا فيقي معاش وقت
اني:هيا
خشيت غسلت عالسريع لبست ونزلنا سلمنا عالكل واحنا طالعين
ماهر خاش من البوابه ومش قادر يمشي كويس واضح انه شارب شي
حسين ضحك:خشينا عالشرب شوره
ماهر:روح يا ......
اني تحشمت وخفت
حسين:من يومك مش متربي
ماهر:اخطى امي
حسين:استني هنا نجيب السيارة
اني قعدت بروحي وخايفه
ماهر واقف بعيد يدخن وجي بيخش عثر ومالقاش قدامه الا اني شد في ايدي قريب قطعها من مكانها
اني:بسم الله عليك انت كويس
ماهر وقف شافلي وضحك:في احسن حالاتي وخش
اني قعدت شاده ايدي ونتوجع
جي حسين ركب الشناطي ومشينا سافرنا لامريكا
ثاني يوم سافر ماهر وخلا وراه عيلته مكسورين
فاتو 7شهور بالزبط وفي يوم انقلبت حياتي وتغيرت
حسين طالع مع اصحابه وانا جهزت العشا نزلت هدرزت مع العيله شويه وواسيت سميره ياناري بتموت في غيبه ولدها خزي هاللي مايتحشم مافكرش حتى في امه
ركبت غيرت وقعمزت نحضر في فيلم حسين اتأخر اتصلت بيه
حسين:هايالحب
اني:وينك عطلت نستنا فيك بالعشا
حسين:جعتي ياقلبي
اني استغربت نبرته الهاديه:لا بس انشغلت عليك
حسين:كيف مروح
اني:بهي توصل بالسلامه
حسين:تحبيني صافي
اني حسيت شعور غريب قدرتش نفهمه مع انه عارف اني مانحسلاش شي بس سألني وانا مانعرفش ليش قتله:ايه نحبك صح مش بالطريقه اللي تبيها انت بس نحبك بطريقتي الخاصه
حسين ابتسم:بهي نقولك شي انا نحبك هلبا صح كنت نذل في طريقة زواجي بيك بس صدقيني بعدها حبيتك و
اني:شن تقصد
حسين:سامحيني
اني:خيرك
حسين:ولا شي اهو جايك سخني العشا وسكر
اني نضت سخنت وقعمزت شويه ورن هاتفي فتحت الخط لحظات مرت عليا حسيت قلبي وقف وطاح الهاتف مني
خشيت لداري خديت عبايتي ووشاح ونزلت نجري فيقت الكل وطلعنا للعياده اللي كان فيها حسين للأسف كان سكران ودار حادث
سميرة تبكي:يارب اشفيه وخي ماتوريني فيه سو
اني مقعمزه ونذكر في كل كلمه قالهالي ودموعي ينزلو سخان عاخدي
طلع الدكتور من غرفه العمليات:عظم الله اجركم 💔
قعدت نشوفله ببساطه قالها عادي عزانا وتمت وكأنه قال شي بسيط شفت عمي طاح وسميره تعيط محمود يبكي اما اني رجعت هاديكا البنت الصغيره اللي ماتعرف من دنيتها شي غير انه امها وبوها ماتو اليوم 💔💔 حرفيا معاش حسيت بشي كيف طلعت من العياده ومن روح بيا كيف مرت هاديكا الليله
نشوف في ناس يخشو وناس يطلعو وانا مقعمزه ودموعي ماوقفوش
سميره:صافي حرام عليك ليك ثلاثه ايام لا ماكله لاشراب المرحوم مايرضالكش بالشي هدا
اني:وينه حسين
سميره:ادعيله بالرحمه يابنيتي 💔
بديت نعيط ونبكي وبعدها معاش حسيت بشي
بوعجيله:شن صار في مرت خوك
حسن:رفعها الولد للمستشفى تو يجو عيالها يرفعوها
بوعجيله شافله بحده:مرت ولدي مكانها حوشي ماتطلعش منه
حسن:شن تقول يابوي كيف تقعد هنا وهيا ماعندهاش صغار تروح مش ناقصنا هم
بوعجيله:اربح راحتك واسكت اللي يسمعك يقول مقلقاتك في حوشك 😒
فتحت عيوني نحس في راسي مصدع اول شي قلته:حسين ونزلو دموعي
شفته قرب من السرير:سلامتك
اني:وين حسين
ماهر:راجلك مات
سميره:اسكت ياولدي مش ناقصه هيا
ماهر:شن جبته من عندي خلي يخش دماغها وتقتنع راجلها مات مات
سميرة:بهي برا اطلع تو نجوك
ماهر:تمام تلقوني في السياره
اني نبكي:ماقعدلي حد خسرت كل عيلتي خلاص نبي نموت حا اني
سميره حضنتني:احنا عيلتك مستحيل نتخلو عليك انتي ريحة الغالي ادعيله بالرحمه
بعد وقت طلعوني ركبنا السياره هدوء لين
ماهر ركب دسكه وفتح اغنيه يادنيا يادواره
سميره:شن هدا تحشم عاوجهك
ماهر:خيرك امي
سميرة:خالك ماليه ايام ميت وانت بتسمع اغاني احترم مرته عالاقل
ماهر:الاغاني مش مرتبطه بالفرح رهو مرات واحد حزين وبيسمع اغاني
اني:بس قلة ذوق واحترام انك ماتقدرش الناس المجروحه وتحترم احساسهم
ماهر مد يده وسكر ااغنيه:تمام هكي
اني تلفتت للشباك ومارديتش كسرلي رقبتي ماصح وجهه
وصلنا للحوش الدنيا بدت تخف اصلا ماعندهمش هلبا اقارب خشينا لقيت سلفتي وبناتها وجارات
ركبت لداري رقدت طول من التعب
محمود:مانبيش نقول باهي مات خالك باش روحت
ماهر ابتسم:مش كل شي تحس بيه ينقال ياحمار
محمود:عادي
ماهر:قد مانعلمك تقول نحرث في البحر
محمود:علمني ثاني لكن ماتخليناش بالله عليك
ماهر شفشفله شعره:امتا بتقصه
محمود:الا شعري لو سمحت
فاتو ايام وفات اسبوع بديت نتعود على غيابه
سميرة:فطرتي
اني:الحمد لله
سميرة:تعالي نبي نحكي معاك في موضوع
اني:ان شالله خير
بعد وقت طلعنا
بوعجيله:كيف حالك اليوم يابنتي
اني:الحمد لله عمي وانت
بوعجيله:بخير وين ولدك
سميره:قال بيقعد في شقته تو يجي في الليل
بوعجيله:بهي بهي ساهل
اني:بنركب فوق بالله قوليلهم يجيبولي الغداء فوق خودو راحتكم
انسحبت لانه الكل متوتر من وجودي وحسب مافهمت الحاج يبيني نقعد معاه في الحوش بس الكل معارض واولهم سلفي ومرته ااخ اخي عالوقت والدنيا رمتني لااهل ولا سند شن بندير بس حتا عمتي وعيلتها سافرو اصلا مستحيل نرجع عندهم 💔 يارب فرجها من عندك
عاطاوله الغذاء
ماهر:خير وقعمز ياكل
اميمه طلعت تجري حضناته:خويا حبيب قلبي
ماهر:قعمزي كولي قبل
اميمه:ليش ماتبيش تقعد معانا
ماهر:نقعد في حوشي انتم ماتبوش تجو معاي
اميمه:بس حتا هدا حوشنا
ماهر:حوشكم انتم
محمود:وانت معانا
ماهر:خلوني ناكل بلا تنكيد ترا
بوعجيله:كمل وعندنا هدرزة
ماهر حدف الكاشيك:ادوي هي
سميره:ياولدي شن جاك بديت هكي خيرك
ماهر بحده:مافيا شي مافيا شي قداش مره بتسألوني سبحان الله
بوعجيله:اللي مطلعتلك عيونك قول لامك عليها وتمشي تخطبهالك
ماهر ضحك بهزوة و ......يتبع
