رواية #صافي_الحياة 💜
part11
اميمه:صايرتلي مصيبة ماعنديش غيرك بالله عليك ساعديني
اني:وين انتي توا
اميمه:قعدا في تاكسي مانبيش نمشي للحوش
اني:تمام تعالي للجامعه تلقيني نستنا فيك
اميمه:باهي
مرت نص ساعه وانا متوتره هلبا جت في بالي جميع الافكار السيئه لين وصلت واضح عليها باكيه عيونها حمر وفي اثار ضربه عاوجها
خديتها ومشينا مكان فاضي
اني:شن فيه وشن هدا اللي عاوجهك
اميمه بدت تبكي:مافيش غيرك بيساعدني بالله عليك صافي لو ننفضح خوتي يقتلوني
اني:خيرك
اميمه:سليم
اني:شن دارلك الحقير هدا
اميمه:عااساس يحبني وبيتزوجني اليوم هددني بصوري و
اني:شنو ثاني
اميمه:طلعت معاه كذا مره وحتا هما طلع مصورهم ويهدد فيا بيهم
اني:دارلك حاجه
اميمه:لالا والله مامسني حتا لما نطلع معاه نهدرزو بس لكن صوري 😶💔
اني حطيت يديا عاوجهي:شن يبي!
اميمه:الشقه متعك والاستراحه والارض
شفتلها بصدمة:كييف
اميمه:من قبل كان يقولي بيستدرجك باش ياخد منك الاملاك ولما اختفيتي ومعاش لقوك بدي يهدد فيا اليوم جاني وانا طالعه من المدرسه رفعني معاه بالسيف وضربني قالي عندك يومين بس لو ماتكتبهمش باسمي رح ننشر صورك ونبعتهم لخوتك بالله عليك ياصافي اعطيهمله
معاش عرفت شن نقول توصل بيهم للدرجه هدي يضحكو على بنت صغيرة عاخاطر الفلوس 💔:بهي غير اهدي انتي كيف بتروحي بحالتك هدي
اميمه:خايفه انتي مش حاتعطيه ولا
اني:خليني نفكر في حل توا
اميمه:والله نقتل روحي مش حانتحمل خوتي يسمعو حاجه زي هدي
اني:ان شالله مش حايسمعو تعالي نمشو لشقتي ارتاحي شويه وبعدين روحي
اميمه:شن بنقول لماما
اني:اي حاجه قوليلها ماشيه لصاحبتي بنقرا
اميمه:باه
اني:نمشي نجيب شيتات ونجيك ماتتحركيش من هنا
اتصلت بيه
ماهر:غزالتي كملت
اني:اا لالا بنقولك
ماهر:هاشنو
اني:بنمشي لشقتي
ماهر تغير صوته:وعلاش شن حكينا احنا صافي مش تفاهمنا معاش فيه مشي غادي
اني:بنروح والله غير ابتهال متعاركة مع عيلتها وتعبانه شويه بنمشي معاها نهدرزو ونجي بعدين
ماهر:وخيرك ماتجيبيهاش هنا
اني:ماتجيش
ماهر:اووف بهي هدرزو في الكلية
اني:البنت وقفت معاي نسيبها توا!
ماهر:بهي ردي بالك على روحك وماتعطليش وكل شويه كلميني
اني:حاضر
ماهر:نحبك
اني:باي
خديت شيتات متعي وطلعنا للشقه طول
اميمه:محلااه حوشك
اني:انتي احلا بري اغسلي وجهك وارتاحي نطلب غدا من برا
نيرمين فتحت عيونها شافاته يتفرج عليها ويضحك
سراج:صحه النوم ياعسل
نيرمين:صباحو
سراج:رقدتي كويس!
نيرمين:وكيف بنرقد وانت مكتفني بيديك هكي
سراج:مانبيش تبعدي عليا حتا في النوم
نيرمين:بهي حول
سراج:لا خليك
نيرمين زادت خشت حضنه:بنقعدو هنا ديما
سراج:لا بنروحو ليبيا
نيرمين:احلف
سراج:اكيد مش حانخلي حبيبي بدون عرس يحكو بيه الناس
نيرمين:حييي بنشوف صفو اخيرا 😻
سراج 😒:من صفو! اللي فرحانه بيها هدي
نيرمين:بنت خالي
سراج:باه نوضي غيري بنمشو للحوش
نيرمين:جعانه ☹️
سراج:تو تاكلي غادي مستعجل ياعمري
غيرو وطلعو لحوش العيلة
لقو الكل مجتمعين
فتحية:وين من الصبح
سراج:ساري كلمي الشغاله توتي العشا لنيرمين
هاله:حقها تجوع بنت الشوارع
سراج سيب ايد نيرمين ووقف قدامها ضربها كف:بنت الشوارع هدي تنقال ليك انتي يارخيصه
هاله:تضربني على خاطرها
سراج:ونقتلك تعرفي شي انتي طالق طالق طالق وجهزي روحك مروحه لعيالك 😒
هاله بدت تعيط:لااا ياسراج بالله عليك ماطلقني ماعنديش غيرك ارجوك
دفها برجله:هدي اخرت اعمالك يا زباله
ركبو للشقه
نيرمين:بجد طلقتها
سراج:مالا نلعبو طلعيلي لبس بندوش
نيرمين:اوك
بعد وقت
سراج:صحه
نيرمين:سلمك خيرك ماكليتش انت
سراج:ماعنديش نيه
نيرمين قربت منه:لا عاد من اليوم بنديرو قوانين وبتمشي عليها يا زوجي الجميل
سراج:شن نفهم منه الكلام هدا
نيرمين:احم انا نحبك ومانبيش نخسرك باي طريقه ورح نتمسك بيك ومش حانسمح لحد ياخدك مني بنعوضك ونديرو حياة خاصه بينا حلوة هلبا نرجعك زي قبل واحسن
سراج:ترا احلفي
نيرمين ضحكت:وحق ربي
سراج حضنها:نموت فيك ياعيوني انتي
عندي انا لبست وشاحي:هي شنو
اميمه:فكرتي!
اني:ابعتيلي رقمه لما توصلي
اميمه:تمام
طلعنا وكانت الساعه 5:00 خدينا تاكسي وصلها وبعدين مشيت للشقه لقيته طايرتله
ماهر:شايفتها الساعه ولا كيف
اني:معليشي ماحسيتش بالوقت
ماهر وقف:لا تركزي اخر مره هدي ماعنديش تطلعي وتعطلي برا فاهمة
اني من ربي مخنوقه وزادني هوا بعياطه طول نزلو دموعي وبديت نبكي
ماهر:خيرك صاير معاك شي فيه حد ضايقك
اني:لا بعد عليا
ماهر:احكيلي يا عمري
اني:مافيش شي اضايقت شويه وانت طول بديت تكشخ وتعيط
ماهر:خايف عليك المغرب قريب وقعدا غادي بروحك معاش نطمن نخليك
مسحت دموعي ونفكر لو يعرف اللي قررته شن يدير:باه
ماهر:خلاص معاش تبكي اشش قوليلي كليتي
اني:امم
ماهر:امتا هدا
اني:بكري تغدينا
ماهر:باهي غيري وتعالي نديرو العشا
فات باقي اليوم حلو ماهر طول الوقت يتغزل فيا وانا نضحك عليه حضرنا فيلم وفي نصه معاش حسيت بروحي مشيت في نوم عميق
صباحا رن منبهي الساعه 8:00 نضت وانا واخده قراري
دوشت لبست وطلعت
ماهر:صباح الخير
اني:صباحو وبسته عاخده
ماهر:تطورات 😻
اني:ولا 😁
ماهر:عاجبتني استمري بيها
اني:اا عادي نمشي بسيارتي اليوم؟ 🤗
ماهر:ليش
اني:عندي كم مكان بنمشيلهم بناخد حاجات خاصه
ماهر:امتا بتروحي
اني:ماتقعدش تعقد فيا هكي مش حانعطل
ماهر:خوفي عليك تشوفي فيه تعقيد
اني:مش هكي بس لامتا بنقعد محبوسه خليني نبدا نطلع ارجوووك ارجوووك
ماهر:باه بري وردي بالك
اني:حاضر
ماهر:هي انا طالع نتلاقو بعدين 😘
خشيت للدار خديت الورق وطلعت طلبته
سليم:يامرحب بمرت الخال
اني:حقير
سليم:على الله تكوني خديتي قرارك لانه قاعد نسحب في الصور توا
اني:وين نتلاقو
سليم:هي اطلعي للكليه ياغزاله تو نجيك غادي
اني:مستحييل
سليم:وعلاش
اني:الكل يعرفو ماهر غادي ورح توصله المعلومة
سليم:امممم متقويه علاقتك بيه انتي،يلا ماعلينا توا بنبعتلك موقع قهوة تعالي تلقيني ونتسايرو لمحرر العقود ياعسله
سكرت في وجهه وطلعت طول الطريق نفكر في ماهر ولو يعرف احتمال يقتلني
وصلت خشيت:خير
سليم:كل يوم تزيدي تحلاوي الزفت غير كان توافقي تتزوجيني بس
اني:معاش لقيت ماندير في حياتي
سليم:وخيرني زين ورضا والدين
اني:مش جايين باش تتغزل في نفسك
سليم:صح صح شن قررتي
اني:تمام نعطيك الشقه والاستراحه والارض
سليم:والفلوس
اني:خديت بيهم الشقه معاش فيه فلوس
سليم:مش مشكله حتا شقتك والاستراحه مليحات هي نوضي ياجميله
مشينا لمحرر عقود لقيته مجهز كل شي الحقير كأنه كان متأكد اني بنوافق
سليم:هي تفضلي توقيعك بس
قعدت نتفرج عالورقه وكلام ماهر يتردد في عقلي وصورت اميمه بين عيوني وقعت وحدفت القلم
سليم صفر:الله اكبر عليك منورة يا مليحه
اني مسحت وجهي بتعب:الصور نبيهم
سليم:صور شنو
اني:صور اميمه ياحيوان
سليم ضحك بصوت عالي:محلاك وماطيبك كيف تصدقي في الناس
خفت من كلامه:شن قصدك!
سليم:مافيش صور ياجميله كلها خطه بيني وبينها باش نقدر ناخد منك الرزق
اني قمت ايدي وضربته كف:حسبي الله فيك
سليم:حاندمك عليها الضربه هدي بعدين توا اللي جاك سادك هي لينا لقااء وطلع
اما اني خلاني في حاله صدمة يعني كله كذب كانت تضحك عليا الدموع والضربه وحتا الصور كل شي كذب وانا حمارة صدقتهم 💔
طلعت وماحسيتش بروحي غير وانا قدام حوشهم خشيت للحوش ودموعي ماوقفوش
سميرة:يالطيف خيرك صافي شن صاير معاك
اني:بنتك وين
سميرة:علي جيه توا ان شالله خير
قعمزت عالكرسي ونحس في دماغي بيوقف مليون فكره في راسي
سميرة سحبت روحها واتصلت:وليدي
ماهر:عيونه
سميرة:مرت خالك جت هنا وشكله ابصر شن صاير معاها تبكي وماقالت حتا حاجه
ماهر وقف:صافي
سميرة:ايه تعالا نشوفو خيرها
ماهر:مسافه الطريق هي
نزل بسرعه من المكتب ومشا للحوش
وقدر ربي انهم في نفس الوقت يتلاقو اميمه مع محمود وماهر وخشو
ماهر:خيرك شن فيه
اني زدت نبكي:ضحكو عليا خدو مني كل شي
ماهر:شني شن كل شي قصدك
نتكلم واني خايفه:الحوش والارض و
وقفني صوت ماهر لما عيط في وجهي:شنووو كيف خدوهم منك ادوي
اني:اختك
ماهر تلفت:خيرك شن دايرة انتي
اميمه:درتلهاش شي تخرط هيا بروحها
اني وقفت ونتكلم بعصبيه:شن نخرط شنو مش جيتيني امس للكليه تبكي وقلتي سليم يهدد فيك بصورك وفيديواتك ومقابله قالي نكتب الاملاك باسمه
امبمه شهقت:انا! 😨 حرام عليك ياصافي علاش الكذب انا من يوم جيتي تغديتي عندنا ماشفتكش
اني:كذابه والله ماتصدقوهاش امس كانت معاي هيا في الحوش
ماهر:بس انتي قلتي معاك ابتهال
اميمه:هاشفت كيف تكذب عليا
اني:والله مانكذب ها شوف حتا متصلة بيا
فتحت هاتفي وخشيت عاسجلات المكالمات والصدمة نلقا السجل فاضي 🤦♀️
ماهر:وينه هاتفك فاضي صافي
اني خلاص عرفتهم حابكينها اللعبه:وحق ربي ورحمه امي وبوي اختك جتني امس وقالتلي يهدد فيها
ماهر شافلها:شني
اميمه:مافيش منه الكلام وكلم ولد خالك اسأله لو مش مصدقني سليم مافيش بين وبينه الا السلام
ماهر قام هاتفه واتصل:وين انت .......تعالا لحوش جدك ....توا نستنا انا
محمود:قعمزي واهدي جيبي ميه ياامي
اني حالتي مايعلم بيها الا ربي ودموعي ماوقفوش كله كوم ونظرة ماهر ليا كوم ثاني اليوم بس كيف حسيت قداش قلبي يحبه ويبيه وقداش كرهت نظراته ليا اللي كانت معبيه شك 💔
وصل سليم وخش ولا كأنه دار حاجه:خير ياعيله شن فيه
ماهر خنقه:شن داير انت
سليم:وصلاتك المعلومة مالا انا رجعت حقنا منها وتمت القصه خلاص
ماهر:واختي فيه بينكم شي وشن قصة الصور
سليم دفه:تي صور شنو ياراجل خيرك اختك هيا اختي وماعمري شفتلها غلط
ماهر تلفت يشوفلي ومعاش قال شي
اني:والله يكذبو عليك ماهر
سليم:في شن كذبنا انا اتصلت بيك وسألتك على بوي لاني شاك فيك حابساته وقلتيلي بنرجعلكم كل شي تلاقينا اليوم ورديتيهم باسمي. في شن بنكذب
اني:حسبي الله فيكم
ماهر:خلاص
اني:انت مصدقهم؟
ماهر: اطلعي قدامي
اني:رد عليا مصدقهم؟
ماهر:قلت اطلعي معاش بنعاوده كلامي
اني قعدت نشوفلهم كلهم مافيش حد فكر ولو لحظه انه يصدقني:ربي ياخد حقي
ماهر ضغط على ايدي بقوة:هياا
وقفت قدامها:يجي يوم ورح تندمي ووقتها تفكريني وتفكري دموعي وقداش ظلمتيني وربي ماني مسامحاتك يااميمه
طلعت رجليا معاش حامليني خلاص 💔💔
ماهر:هاتي مفتاح السيارة
مديتهوله وركبت في سيارته
ماهر:غدوة جيبها
محمود:تم طمني عليها بس
ركب في السيارة طول الطريق ماحكاش حرف واحد
اني:ارفعني لحوشي
ماهر:قتلك انسيه الحوش هداكا
اني:مش بكيفك هوا مدام مصدقهم معاش ليا لزمة في حياتك توا تاخدني لحوش بهي
ماهر:نوصلو ونتكلمو
اني:مانبيش نحكي في شي
ماهر:مش بكيفك هوا
اني:ايه كله بكيفي
ماهر بصوت عالي:سكريه فمك بهي لاني مانبيش نغلط
معاش رديت عليه لين وصلنا وبعد عركه باش ركبت معاه للشقه
ماهر:قعمزي وادوي شن صار من الاول
اني:مانبيش نحكي شي بناخد لبسي وارفعني لحوشي
ماهر:اخر مره بنقولك ادوي شن صار
اني سيبته وخشيت للدار نلم في حاجاتي
ماهر خلاص وصلت حدها خش وراي شدني من شعري:ليا ساعه ساكت وشاد اعصابي عليك مليون مره قتلك لما نخرف توقفي وتسمعيني
اني:بتضربني 😢
ماهر دفني بقوة:مهو كان تبطلي امه تسكير راسك مانوصلوش لهنا
اني:شن عرفني يضحكو عليا هوا واختك
ماهر:ماعندكش كلب تسأليه ترجعيله تحكيله قداش مره نقولك ماتتصرفيش من دماغك ياحماره 😡
اني:عندك حق حماره لاني اللي يقولي كلمه نصدقها حول من قدامي
ماهر:برا الحوش مافيش طلوع
اني:مادخلكش بيا
ماهر:ياصافي ماتتلفيش اعصابي وربي نكسرهولك دماغك هدا
اني:بعد عليا
ماهر:تسمعي فيا شن ندوي طلوع برا لا
اني:نكرهك
ماهر:اكرهي ايه اكرهي هدا اللي فالحه فيه انتي رهو تفكري وتشغلي دماغك
اني:مادخلكش فيا
قرب مني:مالا منو اللي دخله فيك
اني:حد اني حره في حياتي
ماهر:عادي عطيتيهم رزقك
اني:ماكانش ليا من الاول
ماهر:اه يعني ماتبيشي
اني:ايه مانبيشي
ماهر:اااااه ياريتني نقدر نضربك الزح ونكسرلك عظامك تكسير يا دراااه 😒
اني قعمزت عالسرير ونبكي 😭😭وهوا حيوان ولا فكر يسكتني ويهديني ولع دخانه ويتفرج عليا
سراج:ها شن كملتو
فتحيه:بنرجعو هنا؟
سراج:لو مشا شغلي غادي معاش جاي انا ومرتي
هاله:وانا
سراج:انتي مروح بيك عاخاطر عيون خالتي بس لولاها نلوحك في الشارع زي الكلبه نوصلو ليبيا لانعرفك لا تعرفيني
نيرمين شادة في ايده:هي نمشو
سراج:بهي مزال ايدي قاعد نبيها رهو
نيرمين شافت لايده لقت روحها ضاغطه عليه بضوافرها
سراج:ها شنو
نيرمين:اسفه حبيبي
سراج:فداك روحه حبيبك
نيرمين:اهلي معانا!
سراج:اكيد
نيرمين:عادي نقعدو بعيد عليهم
سراج:ليش مش مفروض تمت القصه ولا
نيرمين:ايه بس
سراج:شن
نيرمين:عبدو ضربني
سراج:لا هداكا الموضوع تو تشوفي راجلك شن دارلك فيه
نيرمين:بهي
سراج:نحبك يا طفلتي
نيرمين: 😍🤤
طلعو للمطار
نيرمين:وينهم
سراج:اهو وصلو
قعدت تشوف انصدمت بخوها اللي كانت ايده ورجله مكسورات وكدمات في وجهه:حي 😧
سراج واقف وراها لف يديه عاخصرها وهمسلها:اللي يمد ايده علي مرتي لازم يندم ويقعد مذكرها
نيرمين:مسكيين
سراج شد يدها:هيا طيارتنا بتطلع
وسافرت نيرمين للاراضي الليبيه باش دير عرسها
اما عندي بعد ساعه دموع سكتت او مخزن دموعي تم 😞
ماهر:الحمد لله عالسلامه
اني:نبي نمشي لحوشي
ماهر:قعدا فيها النقه انتي
اني:ايه ومش فايتتها
ماهر نحالي وشاحي وفتح شعري دفن راسه في رقبتي وخدي نفس بقوة:مافيش غيرك قادر يهديني، وعارف انك حاتكوني #هلاكي ياصافي .......
يتبع 🥰
