اسفه عالتأخير 💔
رواية #صافي_الحياة 💜
part15 الاخير
ماهر واقف متعصب:بتمشي هكي بكل بساطه عادي عندك
صافي خدت شنطه وطلعت من دار:قلتلك رح نقعد معاك ليوم تطلب مني نبعد وانت طلبتها وبكل ادب 😏
ماهر:ساعه غضب والله يلعن الشيطان ماتخلينيش
صافي:لحد هنا وخلاص انا تعبت مافيش حد يبيني معاك مش متقبليني ومش رح تتخلى على عيلتك باش تقعد معاي واثبتلي الشي هدا
ماهر شد يديها:نحبك ماتسيبينيش ولدنا بهي
صافي:حانكون ليه امه وبوه نربيه كويس ماتخافش مستحيل نحكيله عاللي صار
ماهر:متاكدة
صافي:ايه
وطلعت من حياة ماهر بدون ماتتلفت ولا حتا تودعه 💔
ركب سيارته ومشا لحوشهم خش لقاهم متجمعين يهدرزو
اميمه:خش خيرك واقف
ماهر:مشت
سميرة:من هيا
ماهر:صافي خلتني ومشت خدت ولدي مرتاحين توا اضحكو واحتفلو اهو اللي تبوه صار خسرتها ومش حاترجع ثاني
اميمه سكتت
ماهر:انتم ماتعرفوش قداش نحبها قداش قلبي متعلق بيها ماحسيتوش اللي حسيته وقت خالكم خداها مني هدي اول حب في حياتي علاش بس تفرقوني عليها بعد ماربي كتبهالي
سميرة:مش نصيبك ياولدي 😔
ماهر:لو مش نصيبي كان ربي نسااني فيها وبعدها عليا مش كل يوم يزرع فيها وسط قلبي ماكنتش تزوجتها ماكانش ولدي عندها توا انا بدونها ولا شي ولا اي شي ومش رح نسامح اللي كان السبب ولا حاننسا 💔
"اكيد مش فاهمين اللي صار ولا تعالو نرجعوا بالوقت ونشوفو شن اللي خلا صافي تاخد القرار هدا وتطلع من حياة ماهر"
نرجعوا ليوم عرس نيرمين 🥀
بعد روحت صافي
ماهر:طرف ياناس 🤤😍
صافي:انا ديما طرف يا عزيزي
ماهر:طبعا
طلعت اميمه:روحتوا انا بندير عشا نحسبكم معاي
ماهر:انا احسبيني صافي اكيد متعشيه
اميمه:اوك
ماهر:شن رايك تتصالحو وننسو اللي فات
صافي:صالح انت وانسا اما انا قلبي اسود ماننسا لحد
ماهر:ياروحي مانبيش يقعد الوضع متوتر بينكم
صافي:الي داراته اختك فيا مش شويه انت مش مصدق طبعا هدا علاش تبيني نرجع علاقتي بيها لكن يجيك يوم وتعرف الحق
ماهر:براحتك
سيباته وخشت تغير
عبدو مقعمز يفكر لين قطعت عليه امه
سناء:تعالا تعشا وين سارح
عبدو:شفتي بنت خوك
سناء:ايه خيرها
عبدو:متغيره هلباا
سناء:مهو تزوجت ربي يهنيها
عبدو:اممم ضيعتها زمان
سناء:مش نصيبك وليدي هي كول
عبدو:ماعنديش نيه بنمشي نرقد
نيرمين:اووف تعبت منه
سراج:يجنن عليك 😍😍🤤
نيرمين:سلمهولي حبيبي الغزال قولي وين الدار خلي نغير
سراج:تعالي نرفعك
نيرمين:لالا نمشي بروحي
سراج:غير نمشي معاك
نيرمين:لا قلنا
خشت للدار بتغير تشوف في بوكس عالسرير قررت تفتحه ظنا منها انها هديه من سراج خداته وفتحت تلقا مجموعه صور لراجلها في وضعيات مش مزبوطة مع بنت تذكر انها شافتها في العرس 💔
سراج قعد يستنا لما حسها عطلت مشالها:حبيبي عطلتي شن فيه
نيرمين: لا رد!!
فتح الباب وخشلها شافها مقعمزة عالسرير بقفطانها وصور طايحات حوليها لما قرب وشافهم
نيرمين:نسمع فيك
سراج قعد وقت ساكت:بنت عمتي علاقتي بيها زي اللي في الصور بس مقابل فلوس مافيش يوم تخطت هكي
نيرمين:امتا الصور هادو
سراج:بعد روحنا بيومين
نيرمين:اطلع برا
سراج:حبيبي اسف
نيرمين:اطلع
طلع وهوا متعصب اتصل:ايوا
زبير:ها خيره العريس
سراج:تعرف انه الفرخه نهال مصورتني
زبير:ايااه وكيف ماورقتش انت
سراج:مش عارف نبيها توا جيبهالي اني جايك
زبير:تم
صافي مقعمزه تراجع في شيتاتها حست بنفس على رقبتها
ماهر:نحبها مرتي
صافي:ومرتك تموت فيك ياغزالي
ماهر:بهي مرتي نبيها انا 🤤
صافي ضحكت
ماهر:شن نفهم انا
صافي:اللي فهمته هوا الصح 🙈
ماهر:الله اكبر 😍😍
"والباقي مايخصناش" 😅
سراج خش لمكان شبه مهجور:خير
زبير مقعمز بعيد يدخن:اهي امانتك
سراج:شن قصة الصور
نهال تبكي:انت كيف ديرلي هكي ولا كأني قريبتك
سراج ضربها كف:وانتي كيف تصوريني لا وحاطتهم لمرتي هديه
نهال:انا ما
سراج:ماشنو قولي مش قصدي هي
نهال:مش هكي بس انت قلتلي انها اخر مره وكنت مستفيده من فلوسك بس
سراج:بتدوي ولا يصير كلام ثاني
نهال:بنت خالتك عطتني مبلغ مليح مقابل نصورك ونعطيها الصور انا مانعرفش شن دارت بيهم بس درتلها اللي تبيه وخديت فلوسي
سراج:ااااخ الكلبه قدرت تخربها عليا
نهال:خليني نروح بهي
سراج:هه انا تلعبو عليا وتفسدولي عرسي ومرتي تبكي بسببكم ونخليك 😅😅عيب مانبداش سراج بعدين
نهال انهارت لانها فاهمة كويس انه بيردهالها:انا مادرت شي حرام عليك كنتش نحساب بتعطيهم لمرتك والله ما
سراج:اششش مانبيش نسمع صوتك نوضي دوري كيف تروحي
نهال:بروحي توا! حرام عليك ليل ومانزبطش الطريق
سراج:اقعدي هنا لغدوة هيا زبير طلعو وسيبوها
رجع للحوش لقاه مظلم كله وهيا مغيره ومقعمزه تتفرج عالتلفزيون
قعمز جنبها:طفلتي
نيرمين:اها
سراج:اسف
نيرمين:بأسفك قاعد تزيد تغلط انا مش رخيصه باش ديرلي هكي ونسامحك بكلمة اسف
سراج:ياعمري اسمعيني بس
نيرمين:سمعتك بكري انا مش حانروح ونحشم عيلتي وعيلتك قدام الناس لانهم مايستاهلوش ولا رح نقولك طلقني ونقعد مطلقه وانا عمري عشرين سنه بس نوعدك ياسراج اللي درته فيا نطلعه من عيونك وعيونهم وفكر عاد كيف بتنتقم منهم
سراج:كيف
نيرمين:ايه مش بنت عمتك وهاله فضحوك خلاص انا نبيك انت تنتقم
سراج:شن عرفك انه هاله ورا الموضوع
نيرمين:انا صغيره مش هبله ولا غبيه
سراج:باهي كيف تبي انتي يصير
نيرمين قربت منه:نبيهم يجو يترجوني باش ترحمهم ولوقتها رجلك ماتعتبش باب داري ماشي يازوجي الجميل 😉
سراج:احم خير ان شالله
سيباته سرحان وخشت للدار
صباحا 🌤️
صافي:صباحو
ماهر:صباحك ورد ياغزالتي محلاااك 😍😍
صافي غطت وجها بالمخدة:خلاااص نوض امشي لخدمتك
ماهر:لالا خدمت شنو هدي معاك انا عواطلي من اليوم
صافي:بارد
ماهر حضنها:علاش ماحكيتيليش
صافي:نقدرش كيف بنقولك انه خالك لالا عيب
ماهر:بالله عيب 😅 بس مفاجئة تهبل خلتني طاير في السما 😍
صافي وجها بدي احمر:بهي حول بنمشي ندوش
ماهر:خليك
صافي:لا ياسر الساعه 11
ماهر:نوضي هي
بعد وقت عالفطور
ماهر:انا ماشي لسمير ومرات نعطل
صافي:تمام دير بالك على روحك
ماهر:ان شالله وطلع
هنا اميمه استغلت الفرصه:ممكن نحكو بما انه ماهر طلع
صافي ناضت تضم في المطبخ ولا كأنها سمعتها
اميمه:لو سمحتي خليني نشرحلك هوا والله كان يضحك عليا ونحسابه يحبني بجديات
صافي 🙄🙄
اميمه:لحد ماكشفلي حقيقته
صافي:يعني عرفتيه
اميمه:ايه
صافي:احسن وشويه فيك بعدي من وجهي
اميمه:هوا يهدد فيا توا
صافي:مش حماره نصدق كذبتكم مرتين 😏
اميمه:والله مانكذب والله ورحمه بوي يهدد فيا قالي لازم يطلقها ماهر لانه يبي ياخدك هوا
صافي:اممم ونصدقك انا عاد ونطلق من راجلي ونمشي ناخد سليم
اميمه:باهي ساعديني بالله عليك وسامحيني عاللي درته قبل
صافي:في احلامك
اميمه:ارجووك والله ننفضح ماهر يقتلني
صافي دفتها بقوة:مستحيل تحلمي مزال ندخل في شي يخصك يافرخه ساد ماتحملتك وتحملت كلامك المسموم قبل ياسرك خليك بعيده عليا فاهمة لولا ماهر ماكنتش قعدت معاك في نفس المكان
اميمه تبكي:انا غلطت وتأسفت منك
صافي:وانا قلبي اسود وماننساش عاد رديلي شقتي وارضي تو نساعدك
اميمه:بس مانقدرش
صافي:مانقدرش زيك حلي مشاكلك بروحك فيش حد ضربك عاايدك وقلك اوثقي ياحلوة
اميمه رجعت حقدت عاصافي وكرهتها لانها رفضت تساعدها وهنا عقلها اقنعها انها لازم تأذيها باي طريقه الا وهيا ماهر 🙅♀️
نيرمين تجهز في الفطور وتغني بصوت عالي:قااافل على حبك صرت قاافل اعشقنك عشق جاااهل واريدك بس ليااا
سراج وقف في الباب:الواحد مايرقدش مرتاح
نيرمين:الخاين مفروض مايجيشي النوم 😏
سراج قرب منها وحضنها:بلاش منه التلقيح الزايد
نيرمين:بعد خليني نعرف ندير حاجه
سراج:من قالك طيبي انتي امي بتبعت الفطور
نيرمين:والله مانوثقش انا مرات بنت خالتك ديرلي حاجه فيه
سراج:ماتقدرش
نيرمين:زي ماقدرتش امس ولا
سراج:عمري انسيه الموضوع انا توا ليك بروحك
نيرمين:انا مرتك من قبل مانوصولو هنا يعني خنتني ماتحاولش تبرر لروحك شي وحول من عليا شن بترقد عاكتفي
سراج:وربي ماقدرت نرتاح في النوم تعودت علي حضنك
نيرمين:مالا عود روحك عالمخدة يا فالح
سراج:نحبك طفلتي
تيرمين دفاته ورجعت تجهز في الفطور
بعد اسبوع
رن جرس الحوش
صافي فتحت الباب انصدمت باللي واقف قدامها:انت 😧
عبدو ابتسم:انا يابنت خالي محلوة يابنت
صافي:شن دير هنا
عبدو:جاي نسلم
صافي:باه تفضل امشي وماتجيش ثاني مافيش داعي يشوفك راجلي
عبدو:تخافي منه ولا تخافي يعرف ماضينا مع بعض
صافي:راجلي عنده علم بكل شي بحقارتك وقله اصلك بس مانبيشي يوسخ ايديه بيك
عبدو:قداش مستاحش نشوف دموعك وتكوني ضعيفه قدامي
صافي دفاته بقوة وسكرت الباب هيا خايفه وترجف مشت لدارها تحاول تتصل بماهر
اما اميمه سمعت كل الحديث ضحكت لانه جتها فرصه لحد عندها 😢
"الله يستر علي صافي "
بعد 3شهور 🥀
نيرمين مقعمزه تشرب في قهوتها رن الجرس فتحت وضحكت:اهلا وسهلا
هاله تبكي:خليني نخش نبي نحكي معاك
نيرمين:اوي اوي تفضلو يا عمري
هاله:سامحيني بالله عليك والله درتها من غيرتي انا كل عمري نحبه ومافكرش حتا يشوفلي جيتي خديتيه مني
نيرمين دارت رجل عارجل:انتي مش مقتنعه انه النصيب علي ربي
هاله:بس كنت مرته
نيرمين:اه جايه تبيني نقنعه يردك ولا كيف
هاله:لالا نبيك تسامحيني بس سراج قالنا لو ترضي انتي حايخلينا في حالنا والله تعبت ليه 3شهور معذبني شغلي وطردوني منه بفضيحه خوتي طول الوقت يضربوا فيا مالاقيه حتا وين نهرب منهم
نيرمين:اممم
نهال:انا اللي صورته وقاعد كل يوم يحطلي في صوري عالفيس وفضحني في كل مكان من مزال بيشوف لوجهي
نيرمين:انتم درتوه لرواحكم،في بالك انتي وهيا نيرمين فرخه 20عام اول ماتشوف الصور بتطلب الطلاق وتسيبه تفضالك الساحه وترجعيه بسهوله صح 😅😅ياعيني قداش تسخفو انا نلعب بلاد بحالها وكل اللي صارلكم نبيه ونشوف فيه ومزال ماشفاش غليلي
هاله:حرام عليك نبوس ايديك شدي راجلك علينا
نيرمين:راسي وجعني هيا تفضلو بدون مطروود
نهال:حسبي الله فيك ان شالله ماتتهني بيه
نيرمين:سكرو الباب وراكم 😏
ماهر خش للحوش:خير
اميمه:اهلا
ماهر:وين صافي
اميمه:نعرفش في دارها ماطلعتش بكل اليوم
ماهر:خيرك ماكلمتيش امك انتي
اميمه:نسيت تو نتصل بيها بعدين
ماهر:وامتا ناويه تروحي
اميمه:شن قلقت مني ياخوي
ماهر:خرفي امك هيا اللي شاده فيا تبيك تروحي
اميمه:بعدين ساهل
ماهر:براحتك
صافي كانت تحكي عالهاتف:قلنا بهي تو نشوف يوم ونجيك ياهمي
خش ماهر للدار:غزالتي
صافي سكرت المكالمه:ها حبيبي
ماهر:بشويه عليك خلعتك
صافي:ايه
ماهر:كيف حالهم حبايبي اليوم وحط ايده عابطنها
صافي:تمام ولدك متعبني
ماهر:ان شالله توصليه بالسلامه ياعمري ارتاحي انتي
صافي:يارب
ماهر:نمشو للعيله اليوم
صافي:عادي
ماهر:تعالي رقديني هي
صافي:بهي نبي طلب اني
ماهر:امم ادللي
صافي:نبي تغنيلي اغنيتنا 😍
ماهر:حاضر
خداها في حضنه وبدي يغنيلها
يما قلبي الخلقه نااار 😍🔥ضحكه مالتها دمااار 🤤من شفتها قلبي صااار...محبس بايد الحلوة ❤️يما فدوة للبنات ❤️❤️غيرت طعم الحياة ❤️فيها حنية الحضنات علمتني شلون اهوا 😍
كشخه حلوة وذوق مامطروقه هاي الخلقه ❤️هيبة وش محلاج الله انطاج كل الرقه ❤️❤️ يالجمالك شي مصار ❤️الخلقه نااار ❤️🔥ترفه حيييل وطيبه 😍من لقيتك عقلي طااار 🤤صرت اغاار ❤️تخبلت بيك حبيبة 😍
انتي مدرسه الغرام ❤️طيبه حنية اهتمام ❤️❤️ودي احضن بالكلااااام ❤️❤️افقد من اسمع صوتك ❤️ياعمري انتي احلا شي ❤️ياللي اريدك بس الي ❤️صدقي راح ابقى الوفي وابقى عاشق ماخونك 😍😍حلوة وتخبلي تتمشين ويا انفاسي ❤️وردة تنشمي تختلفين عن كل ناااسي 😍انتي ايه من الجمااال 😍😍واحتماااال ماكو هيييج بنية ❤️هدا واقع لو خيااال حالي حال دايخ بهالحنية 😍😍🤤🤤
يما قلبي الخلقه نااار 🔥🔥ضحكة مالتها دماااار ❤️من شفتها قلبي صاار ❤️محبس بايد الحلوة 🥀
صافي خداها النوم وهيا شادة في ايده بقوة
اما ماهر حس بروحه مخنووق ويبي يبعد فك ايده منها وطلع من الدار
اميمه:خيرك
ماهر:شي بنشرب
اميمه:خليك مع مرتك تو نجيبلك
ماهر:لالا بنقعمز نتفرج رقدت صافي
سراج:طفلتي
نيرمين:يانعم
سراج:مستاحشك مووووت
نيرمين:خش اغسل ايديك وتعالا تغدا
سراج:تعبت من الجفاف رهو
نيرمين:جوني صاحباتك اليوم
سراج:امممم باسو رجلك
نيرمين:ناقص غير نخلي الوسخ هدا يقربني
سراج:حليلي عالمغرور انا نتعب معاه 🤤
نيرمين:بايخ 🙄
سراج قامها بين ايديه:يمووت فيك البايخ ياسرنا بعد حبيبي وربي توبه معاد نشوف لبنت غير اللي بتجيبيهالي
نيرمين:تو نشوفو 🙂
سراج:امتا بتحني عليا تخيليني نموت وانتي مش راضيه
نيرمين شهقت:بعيييد الشر عليك معاش تقول هكي
سراج:سامحيني وانا والله تبت
نيرمين:خلاص حبيبي ننسو ونبدو من جديد المهم انت معاي مانقدرش بدونك
سراج:ربي مايحرمني منك
نيرمين:ولا منك يا قلبي
صافي طلعت من دار:حبيبي
ماهر:نعم
صافي:خيرك خليتني وطلعت
ماهر:بنتفرج
صافي:كليت حاجه
ماهر:مانبيش
صافي:خيرك بهي
ماهر:شي شي اسكتي خليني نتفرج 😡
صافي تفاجئت في ردت فعله:تمام
رن الجرس
ماهر فتح
عبدو:السلام عليكم
ماهر:وعليكم تفضل
عبدو:والله جاي بنشوف بنت خالي
ماهر:نعم!! ومن تكون
عبدو:ولد عمة مرتك 🙂
ماهر:ايااه
عبدو:ايه جاي بنطمن عليها
ماهر:كثر خيرك هيا كويسه
عبدو:متأكد؟ مع انه الايام اللي فاتوا قالت تعبانه
ماهر 😡:قلنا كويسه توكل هي
عبدو:وصللها سلامي مالا
ماهر وصلت حدها عنده وخش زي المجنون
صافي:خيرك اللطف
شدها من شعرها بقوة:ولد عمتك الكلب شن يدير قدام حوشي. توا
صافي:مانعرفش
ماهر:رجعتي تكلمي فيه ياكلبه شن حنيتي لعارك متع زمان
صافي:نحي يدك من عليا شن تخرف انت
ماهر:نخرف صار تي انا عارف انه جاك الفتره اللي فاتت لكن فتت قلت اهو تجي تحكيلي لكن انتي شي مسكته
صافي:لاني مانبيش المشاكل
ماهر:مشاكل ولا تنكشفي انتي وحبيب القلب علي منو تصحكي يا فرخه 😏
صافي:شن صارلك انجنيت انا مرتك امتا درت شي غلط من يوم شفتني
ماهر:اهو بدت تطلع الحقيقه كنت راقد على وذاني لكن فقتلك ونربيك
صافي 😢😢
ماهر ضربها وطيحها
صافي:اااه شن انجنيت بتقتل ولدك
ماهر:ومن قال ولدي بالك من هداكا الحقير
قعدت تشوفله مش مصدقه انه هدا راجلها اللي يحبها ويموت فيها توصل بيه انه يشك في شرفها
ماهر:ادوي شن صدمك الحق
صافي:مالياش لزمه في حياتك مدام شاك فيا وحتا في ولدي
ماهر:توا بدي ولدك
صافي:ايه ولدي انا وعلي كلامك هدا نوعدك ياماهر معاد تشوف وجهي ولا تسمع حتا صوتي والعيل هدا تحلم تشوفه في حياتك كلها
ماهر:دوري في سبله انتي
صافي:ايه ندور فيها وجتني
ماهر:اقلبي وجهك سلامتك
وقفت تلم في لبسها وقلبها مش مصدق كل اللي صار فجأه
اما ماهر في داخله كارها ومش طايق حتا يسمع صوتها مقتنع ومصدق انها خاينه 💔
اميمه:شن فيه خيركم
صافي:ارتاحي اللي تبيه صار ماشيه ومسيبتهالكم
اميمه:علاش
صافي:ايه على اساس ماسمعتي شي ومش انتي اللي حاكيه لخوك
اميمه:بنحكيله عاشنو بعدين ماهر مش حايخليك تمشي وانتي حامل
صافي:لا اطمني هوا لزني وحتا ولده معاش يبيه بس حسبي الله ونعم الوكيل في كل حد ظلمني
اتصلت بمحمود اللي جاها خلال دقايق ورفعها لحوشها
دخل شناطي:غير كان نفهم شن جاكم بس
صافي قعمزت بتعب:مش فاهمة شي ليه ايام مش تمام اوقات نحسه مش طايقني واوقات عادي ماهر اللي نعرفه قلت بالك مضغوط من الخدمة او مضايق حاولت كذا مره نحكي معاه يصد فيا بس اليوم خلااص زودها معقوله توصل بيه يضربني
محمود:غير اهدي انتي تو نحكي معاه وتنحل ان شالله
صافي:لا معاش فيها حلول خلاص
محمود:مشكله بسيطه ماتكبريهاش
صافي:كيف مانكبرهاش خوك قالي مش ولدي 😭😭
محمود:مش طبيعي هدا
صافي:يدبر راسه انا نجيب ويطلقني
محمود:شنو توصل للطلاق
صافي:ايه
محمود:غير تفاهمو مع بعض مرات حد خاش بينكم
صافي:شن صغير ولا مجنون باش يسمع كلام الناس ويصدقه من يوم جيت لحوشكم مادرتش شي غلط ولا غلطت في حد
محمود:بهي وشن قصته ولد عمتك
صافي:جاني قبل شهور قال كلمتين ومشي وبعدها معاش لا كلمني ولا رجع للحوش اصلا وخوك عنده علم بمشاكل صارت بينا زمان
محمود:بهي ممكن هدا اللي خلاه يشك
صافي: 😔
محمود:ارتاحي انتي توا وانا نحكي معاه ونفهم منه
صافي:اوك
محمود:ردي بالك علي روحك واي شي تبيه كلميني انا ماتطلعيش
صافي:ان شالله سامحني تعبتك
محمود:واجبي هي السلام عليكم
نيرمين:امييير هيا فييق امك تبيك
سراج:اخطيني وخليني مرتاح
نيرمين:قلنا امك تبيك نوض شوفها وارجع ارقد
سراج:هييي علينا
نيرمين باساته:هيا غزالي
سراج:طلعيلي لبس خلي ندوش وننزلو
نيرمين:من عويناتي 😘
سراج 😒
فتحيه:شوفي خوك
سراج:اهو نزل
فتحيه:عام
سراج:كنت راقد بهي حرام الراحه
فتحيه:قعمز عندنا مانحكو
سراج:تفضلي هي
فتحيه:كلمتني خالتك امس
سراج:شن فيه تاني
فتحيه:البنت خوتها قريب يقتلوها ومحرمين عليها كل شي قالت كان تردها وتخليها تسكن معاي هنا وماتبي منك شي
نيرمين:نعم شن يعني يردها لا طبعا
فتحيه:يابنيتي لاه عليك احنا نبوها ترتاح من خوتها بس
نيرمين:لا مانبيش اللي داراته فيا ساد انتي ياعمتي كيف ترضي يردها
فتحيه:تقعد بنت اختي
نيرمين:اي قولي هكا من الاول بتميلي لقريبتك وانا طز فيا ولا
سراج:اشسش وطي حسك وقعمزي
نيرمين:لا وماتفكرش تردها اهيا والله ياسراج نقتلها ونقتل روحي
فتحيه:الشرع محلله 4
نيرمين:مالا خلي عمو يتزوج عليك حتا انتي
سراج عيط عليها:بنت 😡تحشمي علي وجهك واسكتي
فتحيه:بنيت اختي ماعمرها غلطت فيا وتوا شوف مرتك شن تقولي
نيرمين:كيف تبيني
سراج شدها بقوة من يدها:سكريه فمك واقلبي وجهك لشقتك
نيرمين:حط في راسك لو تتزوجها انا معاش تشوف وجهي وطلعت
فتحيه:هاشن قلت
سراج:قلت امسحيه من دماغك الموضوع انا عندي مرا وحدا ومانبيش غيرها بنت اختك داراته لروحها وحتا لو يقتلوها مش موضوعي
فتحيه:معبيتلك راسك هالحربه
سراج:استغفر الله العظيم انا طاالع
ماهر فتح الباب:اهلا
محمود:كيف الحال
ماهر:زي ماشايفني
محمود:برا البس بنطلعو
ماهر:ماعنديش نيه
محمود:هيا بلا كسل زايد
طلعو رفعه للبحر
ماهر:اممم تفضل هي
محمود:شن مشكلتك مع مرتك وماتقوليش تخون فيك لانه حتا لو شفتها بعيني مش حانصدق
ماهر:شن تخون فيا متعك صافي مستحيل ديرها
محمود:نعم 😳😳 مالا منو اللي قاله الكلام هدا
ماهر:كلام شنو
محمود:مرتك وين
ماهر:تعاركنا امس ومشت لشقتها
محمود:علاش تعاركتو
ماهر:مش عارف مش مذكر
محمود انصعق:كيف ماتعرفش
ماهر:اوووف انا حاس روحي تعباان بكل معاش طايقها جنبي ننخنق لما تقرب مني لكن توا مستاحشها هلبا وخاطري نمشيلها لكن مش قادر
محمود:بهي عندك علم انك ضربتها امس وقلتلها تخوني فيا وحتا الولد مش ولدي
ماهر:مستحيل ماقلتهاش الدوة هدي علي من تضحك انت
محمود:وماضربتهاش
ماهر:لا مامديتش ايدي عليها
محمود:لاحول ولا قوة الا بالله
ماهر:اااخ دماغي بيتفجر 😣😣
محمود 💔💔
صافي دور تضم في الشقه سمعت الجرس يرن فتحت:نعم
سليم:كنتي تستني فيا شكلك
صافي:لا بديت نتوقع اي حد يجي
سليم:نقدر نخش؟
صافي:لا احكي اللي عندك وتوكل
سليم:حامل!
صافي: شن تبي
سليم:نبيك انتي اطلقي منه الكلب هداكا وناخدك
صافي:ايه وانا عاد نمشي نطلق من راجلي ونتزوجك خيرني انجنيت
سليم:ايه عادي
صافي:بهي مع السلامه
سليم:زيدي فكري
صافي 🙄 سكرت الباب
محمود قعمز عالصالون:ياامي ولدك مش طبيعي انا مانفهمش فيهم الامور هدي بس اللي متاكد منه انه ياسحر ياحد يعطي فيه حبوب هلوسه
سميره خبطت علي وجها:ياحليلي وليدي خيره
محمود:اول امس متعارك مع مرته وضاربها وقايللها مش ولدي ولزها
سميرة:حي علينا وين مشت المرا وهيا بين روحين
محمود:رفعتها لشقتها وماهر لما مشيتله بنسأله علاش دار هكي قالي مادرت شي لا ضربتها ولا اتهمتها بشي
سميره:نهار حرف مالا من داره
محمود:قال معاش طايقها وينخنق لما يكون جنبها وصداع ديما معاه
سميره:هدا مسحور ياغبارتي هيي جتني في ولادي
محمود:شن بنديرو توا
سميرة:قبل كل شي برا جيبلي صافي هنا كيف تخليها بروحها غادي في قطع الرقبه وخوك انا تو نشوفه
محمود:هي مالا نتوكل انا
سميرة:ربي يحفظك ياوليدي ويحميك
اميمه:ولدك مافيه شي رهو يدير في الجو
سمير:جو شن يافرخه قالك ناسي. اللي داره
اميمه:باش انتم تفوتوه بس ويطلق مرته يرتاح هوا ونرتاحو منها احنا
سميره:ريحي دماغك ماتمشيش الطلقه وهيا حامل
اميمه:شنوو 😨
سميره:نوضي هاتيلي هاتفي خلي نكلمه يجيني
نيرمين مقعمزه تتفرج
خش سراج:السلام عليكم
نيرمين 🙄🙄
سراج:السلام لربي رهو
نيرمين:وعليكم السلام
سراج:قالبه خلقتك عليا علااش ممكن نفهم
نيرمين:مانبيش نحكي معاك خليني في حالي
سراج:باه نوضي حطي الغدا
نيرمين:مادرتش
سراج:وعلاااش 😡
نيرمين:مش خاطري
هوا من ربي مضغوط وهيا عطاته اخر دفعه قام ايده وضربها كفين وشدلها شعرها:انا تعبت معاك كل يوم مطلعتلي قصه فديييت مش فاهم بنرتاح معاك ولا بنتعذب اكثر واكثر
نيرمين دفاته وعيطت عليه:هيييي نتحمل كل شي الا تمد يدك وتضربني لا يا بابا مش جايبني من الشارع انا واخدني معززه مكرمة من حوش بوي صبرت عاكل شي وفته عاخاطرك سامحتك عاضحكتك عليا نسيتلك كل شي ياسراج تحملت مرتك وعمايلها وتهديدها نسيت عارك للي دير فيه مع بنت عمتك و نسيت كسرتي في ليله عرسي عاخاطرك مسيبتلك قرايتي ومقعمزتلك في الحوش حالي حال عشييقه وقت تبيها تجيها لدار النوم وبس باقي اليوم مانشوفش فيك انا مش ملطشه ليك ولعيلتك لا صبري وتحملي وطاقتي ليهم حدود وصدقني انت وصلت معاي لاخرهم مدام وصلنا للضرب خلاااص تنسا نيرمين وتنسا اليوم اللي شفتها فيه اقسم بالله وحق اللي خلقك وخلقني معاد نرجعلك لو تمووت وتخلق روحك من جديد كل شي نتحمله يابنادم الا ضربي واهانتي
سراج حاول يقرب منها:حبيبتي انا اسف والله
قصت عليه:مضغووط تعباان شغل عيالك بهي وانا شنو في عقلك امي جابتني وربتني وصلتني للعمر هدا باش انت ديرني كلبه عالطالع والنازل تضربها وتهينها
سراج:ماتكبريش الموضوع ارجووك
نيرمين:كبير من الاول وانا غبيه اللي صبرت الوقت هدا كله بس تعرف ياريتني صدقت هداكا الاحساس اللي جاني في اول يوم قالولي تزوجتي ياريتني تبعت خوفي لما قالو اسمك قدامي بس معليشي تجربه وتعلمت منها ومستحييل مزال نعاودها
سراج:طلاق مش مطلق وطلوع برا حوش ماتحلميش بيه
نيرمين ضحكت:اصحى لروحك انا مش هاله بنبكي تحت رجليك ونقولك ارجوك، ركزلي كويس انا ننهيك وننهي عشرة زيك ورح طلقني تبي ولا ماتبيش
سراج:نهوون عليك
نيرمين:تهوون
سراج:بتتخلي
نيرمين:نتخلا لانك ماتستاهلش نستمر معاك
سراج:انا سيء للدرجه هدي
نيرمين:انت سيء بالنسبه ليا سيء لحياتي ولعمري ولمستقبلي انت شر ربي مش رايده يستمر معاي وانت دعوة امي ليا انه ربي يحميني ويبعد عليا اي حد مش ناويلي خير
سراج:مش رح نخليك
نيرمين:اعلا مافي خيلك اركبه
خدت هاتفها وشنطه صغيرة كلمت خوها ونزلت
فتحيه:وين طالعه في هاليل
نسرمين:حوش بوي اللي خداني ولدك منه
فتحيه:اللطف شن جاك وراجلك وين
نيرميم:في حوشه انا وهوا تمينا
طلعت ساري:شن فيه خيركم
نيرمين:ولا شي بنطلقو بس
ساري:شنوو
نيرمين:ايه زي ماسمعتي ان شالله معرفه خير تواصلي معاي يافرخه مش تقطعيني سامحيني عميمه
فتحيه:ربي يهديكم شن جاكم بس
نيرمين:عين شافت وماصلت عالنبي 😅باي
خشت صافي للحوش:السلام عليكم
سميره:اهلين بنيتي خشي ارتاحي هدا حوشك
صافي:بارك الله فيك
سميره:انتي معاش بروحك ولا غريبه علينا لو فيه مكان تقعدي فيع بيكون هنا
صافي:ان شالله
سميره:شن صار بينكم احكيلي هوا بيجي بعد شويه باش نعرف شن نقوله
صافي نزلو دموعها:لو امي وبوي عايشين رهو وقفو معاي توا
سميرة:انا امك وواقفه معاك وباذن الله مانخليك تحتاجي حد
صافي:ليا ايام ملاحظاته متغير ديما يتهرب مني ويبعد عليا وفيه يوم جاه ولد عمتي مانعرفش شن قاله خش عليا زي المجنون ضربني وقالي كلام ماينقالش ولزني
سميرة:لاحول ولا قوة الا بالله
صافي:لو معاش يبيني يقول ونمشي لشقتي
سميرة:لالا شن تقولي هوا دار على خاطرك هدا كله وتوا يتخلى عليك ببساطه
صافي:بعد شك فيا وقالي مش ولدي
"على كلمتها خش ماهر للحوش"
ماهر:انتي شن ديري هنا
صافي:امك جابتني
ماهر:نوضي اطلعي نوضي
سميره:عيب ياولدي حرام عليك
ماهر:مانبيش نشوف وجها تي شوفي خلقتها تقرف
محمود:غير احكو مع بعض مش بكري قتلي مزال تبيها
ماهر شد راسه بتعب:مانبيش حد انا نبي نرتاااح بس
صافي مشت خطوات وقفت قدامه:ترتاح في غيابي انت راحتي بعيد عليا!
شاف لعيونها ودمعو عيونه:ايه ماتعرفيش قداش كارهك وكاره وجودك في المكان هدا مش طايقك اطلعي من حياتي وماترجعيش لو سمحتي
صافي 💔:حاضر نوعدك مانرجعش نتلفت ثاني باش تشوفني
سميره:يابنيتي ماتسمعيش منه والله ماهو واعي لروحه
ماهر:شن مش واعي هدي والنبي اسكتو انتم مش عارفين شن في دماغها هدي لفت على خالي وبعدين عليا وتوا دور ولد عمتها
سميرة:شن الكلام هدا انت مش حكيتلي انك تبيها قبل خالك
ماهر:مانبيش حد
صافي خدت شنطتها وطلعت بدون ماترد على حد
محمود:ارتحت توا
ماهر قعمز:جيبولي حبوب دماغي بيتفجر
سميرة قعدت تشوفله ومش مصدقه اللي فيه ولدها
