روايه الملاك القاتل

الحلقه الثامنه

الحلقه الثامنة

في صباح اليوم الجديد في منزل يوسف ومرام
اعطي يوسف لنبيلة اجازه ذلك اليوم واخذ اجازه من عمله ليقضيه مع مرام اخته الصغيره
مرام وهي تجلس علي الطاوله الصغيره تأكل خياره كان يوسف يقف امام البوتجاز  يقوم بقلي البيض
مرام بهدوء/عملت ايه في موضوع مريم
يوسف بابتسامه /قريب جدا التحليل هيطلع وهنشوف مريم ولا عائشه
مرام بهدوء/امتي هعمل العمليه
يوسف بهدوء/تاني يوم بعد التحليل ما يظهر
مرام بابتسامه /باذن الله ارجع اشوفك وأشوف مريم تاني
يوسف بحنان/باذن الله يا حبيبتي يلا الفطار جهز هحطه وهناكل
ابتسمت مرام ليوسف بحب وبدأو تناول الطعام

في منزل احمد وليل
احمد بخنقه/ليل لييييل ليل
ليل بهدوء/نعم يا احمد
احمد بخنقه/انا خارج
ليل باستغراب /رايح فين بدري كده الساعه لسه تمانيه الصبح
احمد بخنقه/مش مهم سلام يا ليل
ليل وهي تقترب منه /متخليش الحب يضعفك يا احمد ومتتخلاش عن حبك فاهم
احمد بخنقه/ان شاء الله
ذهب احمد لياخذ الجاكت الخاص به ويخرج من المنزل لتقول ليل بهدوء/ربنا يريح قلبك

في منزل كمال
جاء اتصال لكمال ليجيب ببرود قائلا/خير
الطرف الاخر/مهمه جديده وآخر حركه عجبتني كويس انك سمعت الكلام وطلقت اخت الظابط
كمال ببرود/ ابعتلي رساله للمهمه الجديدة
واغلق كمال الخط ليقول بغضب/يا ولاد الك** والله لنتقم منكم واحد واحد علي اللي عملتوه فيا لينظر لنفسه في المرايا بغضب ليقول/ما انت اللي طمعت اهو اخسر دنيتك واخرتك باللي بتعمله ده يااااارب افرجها من عندك يا رب انا مش قادر عليهم

في منزل عبدالله وعائشه وامل
عائشه بضيق/انا خايفه من النتيجة اوي يا ماما
امل بدموع/ليه يا قلب ماما
عائشه بدموع/متعيطيش يا ماما في كلا الحالتين سواء طلعت اخته او مش اخته عمري ما هبعد عنكم انتم اهلي
امل بدموع/حبيبتي ربنا يباركلي فيكي هتفضلي بنتي مهما حصل انتي فاهمه حتي لو معشتيش معانا بس هتفضلي بنتي وحبيبتي وصحبتي وكل حاجه ليا
عائشه وهي تمسح دموع امل وتمسح دموعها/متعيطيش بقي يا امل الله بعدين عبدالله يجي يولع فينا الله
عبدالله بغيظ/كنت بلعب مع امك في الشارع انا
عائشه بغمزا/ما انتم كنتم جيران في نفس الشارع اكيد هتلعب معاها يا عبدو
ضحك عبدو عليها ليقول بحنان/قردتي اللي دخلت حياتي وقلبتها ٣٦٠ درجه للحلو
امل بغيظ/ايوا ايوا من لقي أحبابه نسي أصحابه
عبدالله بغمزا/ده انتي الحته الشمال يا امل عيب عليكي
عائشه وهي تقوم من مكانها/مادام فيها الحته الشمال وغمزا استأذن انا بقي
عبدالله بضحك/طرقينا يلا
عائشه بضحك/العبو مع بعض يا ولاد من دون ما تتخانقو
امل بغيظ/ولما امسك فيها تقولي متحطيش عقلك بعقل عيله
عبدالله بضحكه /اهدي يا اموله بت يا عائشه امشي يا بت وبطلي تفوري دم امك
امل بابتسامه/حبيبي اللي خايف عليا غوري يا بت
ضحكت عائشه وقالت/متزقوش طه وخرجت وهي تضحك
عبدالله وامل بحنان/ربنا يثبت ابتسامتك علي وشك يا بنتي يارب

في منزل سيف
نظر سيف لصوره ليضحك ويقول/طلعتي بنت عمي وانا معرفش ربنا بيقرب المسافات بينا ربنا بيديني امل ويقولي تمسك بيها مش هرتاح غير لما تبقي ليا وحبيبتي وكل دنيتي

في الشارع
نزل مراد من سيارته مغلقا أياها ويسير وهو يلعب بمفاتيحه بملل
ليخبط في جسم صغير نوعا ما وقصير كاد ذلك الجسم ان يقع
مراد بقلق/انتي كويسه
الفتاه بهدوء/الحمد لله
مراد بهدوء/تمام انا اسف
واكمل طريقه لتنظر كيرا له بشر وتقول/حان موعد اللعب

روايه الملاك القاتل
للكاتبه الصغيره مريم عماد