روايه الملاك القاتل

الحلقه العاشره

الحلقه العاشره
كان عمر يجلس وأمامه نور وبجوارها ليل وأمامها مراد
ليتصل بهم يوسف
يوسف بغضب/فين العساكر والظباط والمسجون بيتقتل هااااا ازاي حد يدخل ويخرج مركز المخابرات من دون ما تحسو
ليل ببرود/اهدي يا يوسف
يوسف بغضب/اسمي سياده المقدم يوسف او القناص
ليل بغضب/لا انت زودتها اوي فينك يا سياده المقدم واحنا بنخطط نمسك المجرم اللي اسمه كمال بلاش فينك وهو بيتقتل اقولك انا كنت مع اختك صح اه صح
يوسف بغضب/والله حضرتك مش هتتحكمي فيا اروح اشوف اختي ولا مشفهاش وانا واخد اجازه لو حضرتك شايفه واظن حقي
ليل بغضب/حقك لما يبقي مش وراك  اي مهام مش مهمه خطيره تدمر بلدك
مراد بهدوء/مالكم يا جماعه اهدو الله
نور بهدوء/خلاص يا ليل خلاص يا يوسف مالكم كده ما كنتم الاول كويسين
ليل بغضب /انا قولت للواء  مش هشتغل مع ناس مش ملتزمه يقولي دول اكفئ ظباط واضح اوي منك يا سياده المقدم انك كفئ فعلا
يوسف بغضب/اكفأ منك ومتنسيش يا ليل نفسك
ليل بغضب/اسمي الملاك القاتل او سياده المقدم ليل فاهم يا سياده المقدم انا همشي وذهبت وتركتهم ليغلق يوسف الخط بغضب
نور ومراد وعمر باستغراب/مالهم دول

في المستشفي
اغلق يوسف الخط بغضب ليجد مرام وعائشه ينظرون له باستغراب
مرام بهدوء/انت كويس يا يوسف
عائشه بهدوء/مش شايفاه متعصب وغضبان اهدي يا عم
يوسف بغضب/ انا مش متعصب
عائشه بغيظ/والله كده ومش متعصب امال لو متعصب كنت عملت ايه قتلتنا
مرام بابتسامه /يوسف عمره ما يأذي اميراته يا مريم
عائشه بضيق/مش مريم لحد ما اتاكد انا اختكم ولا لا
مرام بهدوء/انتي مش شايفه شبهنا يا مريم يوسف اكدلي ده  
عائشه بهدوء/في دي معاكي حق بس ياما ناس شبه بعض ومش اخوات
مرام بهدوء/بتحصل بنسبه ١ % انا متاكده انك اختي ومتاكده انك هتطلعي معايا علي البيت عشان هنسافر بكره
عائشه باستغراب /نسافر فين
مرام بابتسامه/قررت اعمل العمليه وارجع اشوف تاني عشان عايزه اشوفك واشوف يوسف
يوسف بابتسامه /الحمد لله يا ما انت كريم يا رب
عائشه بابتسامه /هترجعي تشوفي تاني يا جميل وهتشوفيني وتشوفي الاخ اللي متعصب ده
يوسف بغيظ/انا اخوكي الكبير علفكره
عائشه بغيظ/يا عم ده انا هتمسي بقفا واتصبح بقفا
يوسف بتفكير/مكنش في دماغي الموضوع ده بس حلو انك قولتلي هيبقي مسلي اوي
مرام بضحك/البس يا معلم
عائشه بغيظ/انا اللي جبته لنفسي

في منزل احمد وليل
دلفت ليل المنزل لتجد احمد يقوم بتمرين الضغط لتقترب منه وتجلس امامه علي اطراف اصابعها/كام يا وحش
احمد بجمود/١٠٥
ليل بابتسامه /١٠٦
احمد ببرود/عايزه ايه
ليل بغيظ/هو الواحد ميعرفش يقعد معاك شويه
احمد بجمود/مش عايز اقعد مع حد
ليل بضيق/اتقدملها وريحني وريح نفسك
احمد وهو يقف وينظر لها بغضب/لييييييل بس بقي
ليل بهدوء/مين
احمد بغضب/مفيش حد
ليل بضيق/عايز تقولي ان اللي عامل في حياتك كده وقالبها مش حد
احمد ببرود/عادي ممكن يكون شغل انا داخل انام
ليل ببرود/ماشي نام يا احمد نام وانا كمان هدخل انام
احمد بضيق/تصبحي علي خير
ودلف لغرفته لتنظر ليل لاثره وتقول /ماشي يا احمد مبقاش ليل غير لما اعرف ايه اللي مشقلب حالك كده ودلفت غرفتها هي الاخري

في المستشفي
خرج الطبيب وبيده ظرف التحاليل ليعطيه ليوسف ليفتحه يوسف وقلبه ينبض الجميع متوتر وخائف ليفتحه يوسف و يجد ان النتيجه.......
(معلش معلش حبيت اغلس في الحته دي😂😂😂)

في منزل جابر
كانت نور تدخل المنزل بتعب من عمل اليوم لتجد والدها ووالدتها يجلسون يشاهدون فيلم ما
نور بهدوء/مساء الخير
جابر وناهد/مساء النور
نور بابتسامه /اتعشيتو ولا لسه
جابر بابتسامه /منتظرينك يلا اطلعي غيري هدومك عشان نتعشي مع بعض
نور بابتسامه /حاضر اه بابا صحيح نسيت اقولك ان الجهاز اللي حضرتك بتعمله في عطل صغير ويبقي تمام هبقي اظبطه انا
جابر بابتسامه /ماشي يا قلبي
ابتسمت نور وصعدت غرفتها تغير ملابسها وتنزل لتساعد والدتها ويتناولو طعام العشاء في جو مبهج وجميل ليتمني جابر دوام الحال

في المافيا
سيد الظلام بابتسامه شر/الف رحمه ونور عليك يا كمال امممممم خلصنا من حيوان كان هيدمرنا

روايه الملاك القاتل
للكاتبه الصغيره مريم عماد