روايه الملاك القاتل

الحاديه والعشرون

الحلقه الحادي والعشرون

في المستشفي
جاء عبدالله وامل اللي المستشفي دلفت امل لغرفه مريم وهي تبكي بشده
امل ببكاء/انتي كويسه يا عائشه
مريم بابتسامه /انا كويسه يا اموله متقلقيش
عبدالله بحنان/حمدلله علي سلامتك يا بنتي
مريم بابتسامه/الله يسلمك يا بابا كنت عايزه حضرتك تحكيلي كل اللي حصل طول الست سنين اللي عشت فيها معاكم
عبدالله بهدوء/هحكيلك
فلاش باك
صراخ علي الشاطئ الجميع يصرخ(شابه تغرق شابه تغرق)
استغرب عبدالله ذلك الصراخ وركض ناحيه الناس ليجد شابه تنزف من راسها وهي ترتعش من البرد لم يشعر بنفسه سوي وهو يخلع جاكته ويدفئ الفتاه ويأخذها ويركض للمستشفي
مر وقت طويل فحص الطبيب فيه مريم ليخرج من غرفه الفحص
الطبيب بهدوء/حمه بسبب بروده الجو والمياه وفي اشتباه فقدان الذاكره
عبدالله بقلق/تمام يا دكتور
مر الوقت استيقظت مريم فيه لتجد عبدالله الجالس ينظر لها بقلق
عبدالله بارتياح عندما استيقظت الفتاه/اسمك ايه يا بنتي وايه اللي حصلك
مريم بتشويش/اسمي انا مش عارفه اسمي ايه اللي حصل مين حضرتك
نظر عبدالله لها بقلق ثم قال/ثواني هجيب الدكتور وارجع
خرج عبدالله واحضر الطبيب ليفحص الطبيب مريم ويقول لعبدالله انه فقدان ذاكره
مر اسبوع كانت مريم تستيقظ علي كابوس الا وهو إلقائها في النيل ولكن الأشخاص غير واضحين بينما تقربت امل لمريم وعوضتها بحزء صغير من حنان الام لتعوض امل نفسها عن حرمانها. من نعمه الأمومة وتعوض مريم بجزء صغير من حنان الام وبسبب انهم لم يعرفو اسم مريم سموها عائشه
باك
مريم بابتسامه/ربنا يباركلي فيكم
امل وعبدالله /ويباركلنا فيكي يا مريم

بعد مرور اسبوع
في منزل يوسف
سيف بهدوء/وانت عارف الباقي بقي فانا لتاني مره بطلب منك ايد بنت عمي مريم
يوسف بهدوء/الرأي رأي العروسة يا سيف
سيف بابتسامه /تمام بعد اذنك دلوقتي وخدو وقتكم بس اتمني توافقو سلام
وقف سيف وسلم علي يوسف وخرج من المنزل بينما خرجت مريم من المطبخ
مريم باستغراب /جه ومشي من دون حتي ما يشرب حاجه
يوسف بهدوء/تعالي يا مريم
اقتربت مريم وجلس بجوار يوسف
يوسف بهدوء/ايه رايك في سيف
مريم بحاجب مرفوع/ابن عمي ودكتور ومحترم
يوسف بهدوء/طيب يا دكتوره مريم ابن عمك دكتور سيف طالب ايدك
مريم بدهشه/سيف متقدملي انا
يوسف بابتسامه/سيف بيحبك حتي من قبل ما نتجمع يا مريم
مريم بهدوء/يوسف انا حاليا مشغوله بسفر مرام بعد السفر اشوف هعمل ايه

في كافيه علي البحر
عمر بهدوء/نور انا عارف ان الموضوع اللي حقولك عليه غريب شويه بس يا نور انا بحبك
نظرت له نور بصدمه فاكنه يقرأ ما بداخلها لم تستطيع الرد
عمر بتوتر/ايه رايك
لا رد من نور فهي غير قادره علي تجميع افكارها
عمر بحزن/انا اسف اعتبربني مقولتش حاجه
نور /هتيجي تتقدم لبابا امتي
عمر بفرحه/بجد الوقت اللي تحددوه
نور بابتسامه/هقول لبابا وارد عليك
عمر بابتسامه/شكرا
ابتسمت نور شاكره الله علي إنقاذ قلبها من الانكسار وأصبح ذلك الحب ينبع من قلب الطرفين ويتصل ببعضهم كاتبا بدايه جديده في سطور كتاب العشاق

كانت ريتاج تشتري بعض مشتريات المنزل
البائع بغزل/والقمر مرتبط
ريتاج بغيظ/القمر بيقولك احترم نفسك واتلم لحسن تندم
البائع/طيب ليه الغلط ده طيب
ريتاج بغضب/ماتتعدل يا بني ادم انت وتكلمني عدل
دلف ادهم غير منتبه للعركه تلك ليقول بهدوء/باكو شاي يا اب......لم يكمل ليجد ريتاج ليقول بغيظ/انتي طالعالي في البخت
ريتاج بغيظ/والله اسيبه. امسك فيك انت وما هيهمني حد
ادهم بغيظ/كتله مصايب متحركة والله هاتي رقم ابوكي يا بنتي أريحهم منك
ريتاج بغيظ/تريح مين من مين يا عم روح شوف شغلك قال رقم ابوكي قال
غمز ادهم لها قائلا/عرفت الرقم خلاص يا انسه ريتاج انتظري زيارتي ليكم سلام

بعد مرور يومان
في ألمانيا
كانت مرام تمسك يد مريم
مريم بحنان/منتظراكي تخرجي وتشوفينا ربنا يقومك بالسلامه

في منزل جابر الكندري
جابر بابتسامه /وانا موافق ما دام نور موافقه علي بركه الله
أطلقت ناهد ظغروطه مصريه أصليه فرحا بابنتها التي ستتزوج

في منزل ليل واحمد
يوسف بابتسامه/وانا كنت جاي اطلب ايد اختك لنفسي يا احمد
نظر احمد لأخته لتومأ بخفه ليقول احمد بابتسامه/علي بركه الله
تذكرت ليل ذلك اليوم
فلاش باك
في مركز المخابرات المصريه
يوسف/بصراحه انا بحبك واكتشفت حبي ليكي في المهم يا ليل اتمني توافقي اجي اتقدملك
ليل بابتسامه/ماشي هشوف معاد مع احمد وابلغك بيه
ابتسم يوسف وخرج من مكتب ليل بينما تذكرت ليل ذلك اليوم التي دلفت فيها غرفه الاجتماعات لتجد ذلك الوسيم لتقع في عشقه ولكن ليل ليست للحب ليل للقوه والدفاع عن الوطن ولكن لعنه الحب اقوي من اَي شي
باك

روايه الملاك القاتل
للكاتبه الصغيره مريم عماد