ستفرج
الحلقة 3 بقلم ✍️ وتين محمد 💜
.
.
.
.
حسام ف اللحظة دي اتجمد مكانو بعد مسافة حتى استوعب وجرى نادى الدكتور كشف عليها من جديد وقال ليهم
الدكتور : اتعرضت لصدمة عصبية للاسف قد تؤدي لعدم المقدرة على الكلام او العمى المؤقت ح اديها حقنة منومة ولمن تصحى ان شاء الله نشوف هل ح تقدر تتكلم واذا شايفة او لا 😔
ح فرح : بعدما ادو وتين الحقنة ونامت بس بقت حاضناها وتبكي كر علي يا بتي الله يهدي ليك امك ويحنن قلبها عليك
حسام بقى ما عارف يقول شنو فضل ساكت ويعاين بعيونو بس راسو شغال تفكير وجدو عبدو كذلك...
في البيت
ليلى : وهي قاعدة ف السرير وديك يا الحنة الما خمج ( المرة دي عملت لي كورة شراب والله يعني بتها ف المستشفى وهي بتتحنن 🤬😷) يا دنيا ( خالة وتين) جيبي لي موية عليك الله اشرب
دنيا : سمح سمح جايبة ليك ما تكوركي
جابت ليها الموية شربت وقعدو يتونسو بعد كم دقيقة كدا من الونسة المستمرة دنيا لاحظت انو البيت شبه فاضي و الليلة الفطور ماف زول عملو فسألت الست ليلى
دنيا : البيت فاضي كدا مالو ناس امي وين ؟ و وتين الليلة م شايفاها معقولة نايمة ل هسي ؟
ليلى : اجي انت م شفتيهم لمن طلعو بيها المستشفى ؟
دنيا : 😳 مستشفى شنو يا ليلى ؟ليه مالها وتين ؟
ليلى : عاملة فيها مغمى عليها عشان انا كوركت ونظام يعني هي صحت مخلوعة وفكت الضحكة 😂
دنيا : والله يا ليلى انت ما عندك قلب بنتك ف المستشفى وانت هنا ليه م مشيتي معاهم حتى لو افترضنا انها بتمثل كان تمشي مع بنتك
ليلى : دنيا احسن تسكتي مني وامشي غيري لي موية الحنه دي
دنيا : خير ي ليلى لكن بنتك دا ح تخسريها ويوم تحتاجي م ح تقدر تكون معاك عشان هي لمن احتاجت ليك ما لقتك معاها... الله يهديك ومشت منها....
في المستشفى.. وبعد مرور ساعة ونص وكانت الساعة 9:30 صباحاً وتين فتحت وكانت شايفة طشاش طشاش حبوبة انتبهت ليها قامت عليها وبقت تتكلم معاها
ح فرح : وتين... وتين... وتين
وتين : بس بتعاين ليها لكن لا رد
مشت ح فرح نادت جدو وحسام كانو برا الغرفة وقالت لحسام نادي الدكتور معاك فحسام مشى يناديه وجو راجعين سوا الدكتور اتكلم معاها مسافة وفهم الحاصل
حسام : طمني يا دكتور
الدكتور : تعال معاي يا استاذ حسام
حسام : ايوا اتفضل
الدكتور : زي ما اتوقعت دي صدمة عصبية وزي م ذكرت ليك قبيل انو ممكن تؤدي لعدم المقدرة على الكلام ودي حالة وتين حاليا بس ح ترجع تتكلم ان شاء الله خلال 3 ايام او اسبوع بالكتير
حسام : يعني ماف شيء يخوف ؟
الدكتور : لا لا ابدا اطمئن وان شاء الله خير بس ما تضغطوا عليها خلوها على راحتها
حسام : ان شاء الله يا دكتور تسلم ❣️ممكن نطلع البيت مش كدا
الدكتور : ايوا ماف شيء ممكن تطلعو ومشى الدكتور على عيادتو وحسام دخل الغرفة قال ليهم
حسام : يومين تلاتة وح ترجع تتكلم دي صدمة عصبية وان شاء الله ماف شيء خطير على حسب كلام الدكتور
جدو : الحمد لله اها وقال ليك شنو ممكن نطلع مش كدا
حسام : ايواا.. يا خالتي فرح جهزيها كويس عشان نطلع
المهم خلصوا اجراءاتهم وبقو طالعين ع البيت لمن وصلو حسام ساق وتين دخلها غرفتها وجات معاه دنيا بقت بتسأل من وتين وقالت انها م كانت عارفة عشان كانت نايمة ومن صحت ما ليها مدة طويلة
حسام : م مشكلة عموما هي كويسة حاليا معليش يا دنيا نادي لي شمس ( دي المرة الشغالة معاهم)
دنيا : طيب ومشت..
شمس : نعم يا عم حسام
حسام : شمس يا بتي لو سمحتي اعملي عصير برتقال لوتين
شمس : حاضر ومشت تعملو بس لمن وصلت المطبخ لقت......
يتبع...
توقعاتكم للبارت الجاي ؟ واذا في اي تعديلات يا ريت تكتبو ارائكم ف الكومنتات + معليييش والله الليلة ما لقيت فرصة اكتب من الصباح وشحتفتكم بس استحملوني يا جميلات 🥺🥺
شويتين وح انزل ليكم البارت الرابع يا اما بعد المغرب او بعد العشاء وفي اليوم بكتب حلقتين ولو لقيت فرصة اوسع بكتب تلاتة حلقات اها ما عزيتكم 😉😉💜💜💜
نتلاقى البارت الجاي كونوا بخييير حتى نلتقي 💜💙
