ستفرج 🍂
الحلقة 12
بقلم✍🏻 وتين محمد 🖤✨
.
.
.
.
.
.
.
وتين ما حصل اتكلمت مع سند غير مرة وااااحدة وبعد بدت الحبسة لمن يجي يكون عايز يسلم عليها بترفض تطلع ليه قالت عشان ما يشيل نورتها وكدا 😂 بس يا فرحة ما تمت بعد يومين من الخطوبة حبوبة فرح كانت بتتكلم مع وتين
حبوبة : امشي يا بتي شوفي ابوك لو عايز حاجة
وتين : حاضر ومشت ليه ف الغرفة بس لقتو واقع ع الارض بقت تكوروك
وتين : ابوي ابوووووويييي يا حبوبة امي جدوو خالي الحقوني ابوووووووووووووووييي
كلهم جو جاريين سريع سريع مؤمن دور العربية وجو رفعوه عمار ومؤمن وديل هنا لبسن تيابن سريع ومرقو المستشفى وتين بعدما كانت بتبكي بقت ساكتة لا حس لا خبر وجواها بتدعي انو ابوها ما تجيه حاجة وصلو المستشفى وما كان واعي بأي حاجة الدكتور كشف عليه وقال انو ذبحة ( للمرة التانية) فقال ليهم
الدكتور : هو اتعرض لذبحة قبل كدا
جدو : ايوا قبل شهر كدا
الدكتور : انا بفضل انو يسافر برا لانو قلبو منتهي عديل كدا وما اظن يعيش كتير الا لو ربنا كاتب ليه عمر لسه
جدو : طيب شكرا ليك
بعد ساعة حتى فتح حسام وتين جرت عليه
وتين : كدا يا ابوي انا ما قلت ليك ما تتعب نفسك
حسام : اهدي اهدي انا كويس وزي الحصان
حبوبة : يا ولدي حاسي نفسك كيف
حسام : الحمد لله كويس
جاتو ليلى قال ليه
ليلى : حسام نحن لازم نسافر الاردن
حسام : ليه ؟
ليلى : الدكتور قال كدا لانو الذبحة اتكررت عليك كتير ف فترة بسيطة
حسام : طيب.. جهزي الشنط ونسافر بعد بكرا
ليلى : لا لا بكرا بنسافر ( ااااه يا حنينة)
رجعو البيت وفعلا ليلى جهزت اي شيء بيحتاجو ليه ووتين ساعدتها لمن خلصو كانت الساعة 1 صباحا جات بعد كدا نامو
الصباح ودعوهم وكانو مسافرين مع ناس سندس بعربيتهم ومعاهم عمات وتين ف طلعو بدري وكانو حاجزين طوالي للاردن في ليلهم دا وصلو الخرطوم الظهر والساعة 9 الطائرة اقلعت 🛫
__________________________________________
الاردن في المستشفى
مشو ليلى وحسام ع طول المستشفى جاء الدكتور ل ليلى بعدما عمل كل الفحوصات ل حسام
الدكتور : انت دا جبتيه ليه اصلا ياخي دا منتهي منتهي دا ما ح يعيش انا شايف احسن ترجعي بيه طوالي لانو اساسا ما ح يعيش وطلع ليلى دخلت الحمام ف الغرفة وبقت تبكي ( حبيبها عاد 😉) غسلت وجهها واتكحلت نظام ما بكيت ولا شيء وطلعت
عدو يومين وحسام عايش ولسة ف المستشفى من غير ما يدخل عليه اي دكتور.... الدكتور لمن شافو لسه عايش قال طيب اشوفو عسى ولعل ينفع دخل عليه واكتشف انو كان ف حقنة مفروض ياخدها مما جاتو المرة الاولى بس ما ادوها ليه فقرر يعمل ليه قسطرة لانو القلب ما بيستحمل اي جراحة فيه فعمل ليه القسطرة في صبغة بيحقنوها عشان يعرفو الشرايين المسدودة وين اللي هو بيعرفوها كيف لو الصبغة دي مشت عادي ف الشريان او الوريد دا مفتوح اما اذا وقفت يبقى مسدود تخيلوا معاي انو حسام كانت كل شرايين واوردة قلبو مسدودة مع عدا جزء بسيط من القلب 😭💔
بعد خلصو العملية دي طلعوهو ع الغرفة عادي وادوهو كمية من العلاجات ومنها علاج للسيولة اللي هو لمنع تجلط الدم قعدو تاني يوم ف المستشفى وطلعو شقة ف الاردن ما لقو حجز يرجعهم الا بعد اسبوع فاضطرو قعدو تاني وحسام تعب فترة كدا المهم عدو ليهم شهر ف الاردن و النهاردة راجعين السودان 🛫🛬
________________________________
السودان
وتين خلال الشهر اللي فات دا حصلت ليها حاجات كتيرة ومنها نتيجة الامتحان طلعت وجابت 3.58 ونزلت السمستر التاني فكانت بتمشي الجامعة تجي راجعة تذاكر تتصل على اهلها وتطمئن على ابوها وسند نهائي ما بتتكلم معاه وهو محترم الحته دي هي نظام خجلانة وكدا 😂 ولمن عرف انو حسام تعب وسافر برا السودان زعل لانو معتبرو زي ابوهو ووتين ما ورتو من البداية الا هو لمن اتصل ع حسام وقال ليه انا جاي وحسام وراهو الحاصل المهم زي ما قلت انو الليلة حسام وليلى جايين السودان 🛬 فعلا وصلو العاصمة وهناك استقبلوهم اخوات حسام قعدو معاهم يوم واحد وبطائرة خاصة جو القضارف....
وتين استنتهم ف الشارع شدة ما اشتاقت لابوها المهم وصلو وسلام واحضان وبتاع.....
مرو كم يوم كدا وحسام كان بيتكلم مع ليلى قال ليها
حسام : انت عارفة يا ليلى انا ما خايف على يس من وتين لكن خايف على وتين من يس
ليلى : كيف يعني ؟
حسام : يعني م خايف انو وتين تأذي يس لكن خايف يس يأذي وتين
ليلى : اجي يا حسام وليه بتقول كدا...
ف اللحظة دي وتين دقت الباب ودخلت ليهم( سمعت الكلام هي وقالت ف نفسها ان شاء الله يا ابوي ما ح يجي يوم زي دا)
وتين : امي حبوبة قالت ليك تعالي
ليلى : طيب ومشت
وتين : يابا
حسام : نور عيوني
وتين : رأيك شنو نأجل العرس شوية ؟
حسام : لا لا ليه مالك انت م مرتاحة ؟
وتين : لا لا يا ابوي بس عشان صحتك
حسام : لا العرس ح يكون ف وقتو
وتين : طيب يا ابوي البتشوفو بس وباستو ع راسه وطلعت مشت غرفتها ولقت......
يتبع
#اقتباس
" وإن كُسر فيك أملاً يُحي الله بعده آمالاً " 💙✨
