ستفرج💜
الحلقة 11 بقلم ✍🏻وتين محمد ✨
ودي كانت اول مرة وتين تشوف سند وتتكلم معاه اتكلمو شوية وبعدين دخلوا جوا وعدت الايام لحدي ما جاء يوم 26 رمضان اتصل عمران على حسام
عمران : السلام عليكم كيفك يا حسام
حسام : وعليكم السلام ورحمة الله ابو سند والله الحمد لله انتو كيفكم
عمران : الحمد لله ف نعمة.. عايز اقول ليك انو انا وسند بكرا ح نجيكم بعد الفطور عشان عايزين نحدد يوم نتمم فيه الخطوبة قلت شنو
حسام : والله تشرفو ياخ ف اي وقت والبيت بيتكم
عمران : خلاص ان شاء الله يلا في رعاية الله
حسام : مع السلامة
__________________________________
وتين قاعدة ف غرفتها بعد ما جات من الجامعة وبتفكر انو هل هي بالجد اختارت صح ولا عشان دا قرار ابوها وهي خايفة عليه من آخر مرة تعب فيها بعد تفكير كتير قالت احسن حاجة اعملها اصلي صلاة استخارة والبيكتبو ربنا كلو خير قامت صلت ودعت ربنا كتير انو يرزقها الخير ويبعد عنها الشر بعدها نامت وكانت مرتاحة
الصباح.....
حبوبة فرح : وتييين يا بت قومي ف عروس بتنوم للزمن دا
وتين عين مغمضة وعين مفتحة ردت ليها
وتين : يا حبوبة اقوم اسوي شنو يعني 🥺
حبوبة فرح : يا بت قومي ها جبت ليك العروكة والدلكة قومي النجيهك دايراهم لمن يجو يخطبوك يقولو عروس ولدنا مبهدلة بررريييي ما برضى فيك قومي قلت ليك
وتين : حااضر يا حبوبة قمت قمت خلاص هههههه
حبوبة عركتها وييييين وديك يا الدلكة ال ما خمج خلتها تسوي كدي ( ع قول كركوبي وج وج وج😂) مرت الساعات سريع وفطرو وبعد الافطار عمران وسند جو واتكلمو مع حسام وجدو عبدو المهم خلاصة كلامهم انو الخطوبة ح تكون يوم سادسة العيد واتفقوا كلهم ع كدا.....
_____________________________________
يوم العيد الصباح
وتين مشت عيدت على ناس البيت كلهم وطبعا سندس خالتها جات من الخرطوم عشان تحضر الخطوبة وكدي وكذلك عماتها الاتنين وفاطمة اصلا ف القضارف بس جات تعيد معاهم المهم عيدت عليهم وطلعت مع ابوها الصلاة بعدما جو راجعين طبعا الناس بدأت تجي وكان من ضمنهم سند وابوه
سند وهو داخل من باب الشارع شاف وتين وسرح فيها كانت لابسة فستان كبدي مورد بالذهبي وطرحة ذهبية والاسورة والخاتم اللي جابهم ليها حسام ف عيد ميلادها الفات المهم هي اول ما انتبهت ليه واقف قلبها بقى زي دلوكة انصاف وجرت جوا بقت تتبسم براها وتتذكر لمن جو يطلبو يدها ولمن طلعو يتكلمو
فلاش باك 🕤
سند : مرتي السمحة
وتين : بصوت خجول كدا اهلين
سند : يا الله صوتك حلو ع فكرة
وتين : شكرا
سند : ممكن تعايني لي
وتين رفعت راسها وعاينت ليه
سند : كنت خافية الجمال دا كلو وانت مدنقرة راسك ( قاصد عيونها + ف نفس اللحظة انتبه للحزن اللي فيهم) فقال ليها انو هل انت مجبورة علي ؟
وتين : لا ابدا انا استخرت حتى وافقت عليك
سند : الحمد لله.... ما وريتيني بتقري ف سنة كم ؟
وتين : برلومة يادوب
سند : هههههه طفلتي
وتين : ابتسمت ليه لا ارادياً
سند : حلاة البسمة يا ناس..
وتين : ممكن ندخل بعد دا
سند : طيب يلا
باك 🕞
ختت يدها ع قلبها عسى ولعل يوقف الضربات الشديدة دي بس ااااااه وييييين يااااااا سمعت صوت سند وهو بيسلم على الرجال وكاد قلبها يشق القفص الصدري و يطلع 😂🙊
حسام مشى ل ليلى
حسام : ليلى نادي وتين و تعالي
ليلى : ليه ؟
حسام : سند وابوه هنا عايزين يسلموا عليك وعليها
ليلى : طيب ومشت لوتين كلمتها ومشو الاتنين سوا سلمت عليهم وسند قال
سند : لو سمحت يا عمي ممكن نطلع برا شوية
حسام : اتفضلو طوالي
طلعو وبدأ الكلام سند كالعادة 😂🙊
سند : كل سنة وانت طيبة والعيد الجاي معاي يا رب
وتين : وانت طيب وسكتت
سند : شنو يعني ما عايزة تكوني معاي ؟
وتين : منو القال كدا
سند : هههههه ما سمعتك قلتي آمين
وتين : اممم... احم احم سامعة حبوبة بتناديني عن اذنك وقامت جارية ولا خلتو يرد عليها اصلا وهو دخل جوا بعد 5 دقايق كدا طلعو
مرت الايام والليلة الخطوبة ومن الصباح الناس دي تتطاقش دا ينضف بي جاي ودا يهرج بي جاي وفكو الستاير لا ركبوها كانت جووووووطة عجييبة مخلوطة بالفرح عدت الساعات لحدي بعد المغرب والناس جو والزغاريد دي ما تديك الدرب تجيب التايه والناس دي كلها مبسوطة.. اهل سند كانو كتار ما شاء الله امو وابوه واخواتو واخوانو وخلاتو وخيلانو والرصة دي واهل وتين ما كانو اقل منهم يعني لو رميت ابرة ما ح تلقاها وكانو بيتعرفو ع بعض كلهم وكدا خليهم ف تعارفهم دا ونشوف وتين
وتين كانت لابسة فستان ارضيتو بيضاء وفيه ورود بالبنفسج والازرق كان بسيط بس البنفسج كان اكتر فلبست معاه طرحة زرقاء وجزمة نفس اللون كحلت عيونها وعملت مرطب ف شفايفها بس ولا مكياج كتير ولا جوطة هي اصلا عسسل وما محتاجة المهم جاتها ليلى وعمتها سميرة ولحقوهم مودة وحبوبة فرح حصنوها زيين وعطروها بعطر حلو بنوتي كدا وطلعو بيها وهم بيزغردو قعدت وجات ثريا ام سند باستها على راسها وقالت ليها
ثريا :ربنا يتم ليكم على خير يا بتي
وتين : اللهم آمين تسلمي يا امي
وثريا جابت السد لبستو ليها ولبستها الدبلة والمحبس وفكت الزغرودة ولبست سند برضو فكت تاني واحدة والناس دي كلها فرحانه فرح ما اقدر اوصفو زاتو جابو ليها 6 6 الحاجات الريحة ال ما ادري ايش حاجات العروس ديك والمهر كان 60 مليون كانو ماشين ع سنة النبي " صلو عليه " ( أقلهن مهراً أكثرهن بركة) المهم حددو العرس قالو يكون ثالثة عيد الاضحى يعني بعد شهرين ومشو....
طبعا وتين ما حصل اتكلمت مع سند غير مرة وااااحدة وبعد بدت الحبسة لمن يجي يكون عايز يسلم عليها بترفض تطلع ليه قالت عشان ما يشيل نورتها وكدا 😂 بس يا فرحة ما تمت....
يتبع...
# اقتباس
معاذ الله اني ما يئست لكنها والله أيام ثقال 💚✨
