ستفرج 💓
الحلقة 9 بقلم ✍🏻 وتين محمد
.
.
.
.
.
.
.
وتين طلعت من الامتحان جاها تلفون من ناس البيت قالو ليها ابوك جاتو ذبحة وهسي ف المستشفى طواااالي وتين مشت البيت لمت هدومها وهدوم اخوها والسفر جاك زول نست ليك الامتحانات واي شيء كيف وهو ابوها وسندها وكل حاجة ليها علاقتهم ما كانت علاقة اب ببنتو كانت اقوى من كدا... وتين طول الطريق كانت بتبكي وتتدعي انو ابوها يقوم بالسلامة وتتذكر كل لحظاتها معاه
فلاش باك 🕖
ليلى : ياخ ما تقعدي اسرح ليك وخبتك ضربتها بالمشط
وتين كانت بتبكي لانو ليلى ضربتها ضربة حارة وبعدما بكت قرصتها ف خدودها ( جضمتها 😁) وتاني ادتها خبتة هنا حسام اتدخل
حسام : ليلى حرام عليك ليه كدا ومسك وتين ع حضنه
ليلى : ماف زول غيرك خارب البنت دي بالدلع الزايد دا
حسام : ( بنهرة كدا) ليلى خلاص.... قومي اعملي لي شاي
ليلى : 🙄
حسام : وتين حبيبتي ما تزعلي من ماما طيب
وتين : انا زعلانة شديد يا ابوي ليه ماما بتعاملني كدا طوالي 😭
حسام : معليش يا حبيبتي انا هنا جنبك
طبعا حسام ما كان بيرضى وتين تزعل او تبكي ولا بحب تعامل ليلى معاها عشان ما يجي يوم و وتين تكره امها وتفقدها وتفقد حنيتها لانو هو لمن كان عمرو 5 سنين اتوفت امو بعدها بأربعة سنين اتوفى ابوهو رباهو عمو وبعد فترة برضو هو اتوفى يعني حسام ربّى نفسو بنفسو وأخواتو سميرة ومودة كانو هم امهاتو واخواتو واي شيء فعشان كدا زي ما قلت ف الحلقات السابقة ما بيستحمل فيهم حاجة لا مرض لا زعل ولا غيرو عشان ما عايزهم يعيشو نفس اللي هو عاشو.... نرجع
باك 🕝
مرت الساعات لحدي ما وصلو وتين ويس وحبوبة فرح الخرطوم وطوالي مشو المستشفى وتين دي دموعها عشرة عشرة دخلت لابوها لقتو نايم مشت ع امها
وتين : يمه ابوي مالو
ليلى : انا زاتي ما عارفة الحصل شنو فجأة لقيتو واقع ف الارض وجبناه المستشفى على طول
مودة : ما تخافي يا وتين ان شاء الله خير
وتين : ان شاء الله يا عمتي ابوي لو حصلت ليه حاجة انا ممكن اموت 😭💔 عمتي سميرة وين
سميرة : هدي انا يا حبيبة عمتك كنت بصلي ف العشاء
وتين حضنت عمتها وبقت تبكي زيادة وهي تبكي معاها اي زول يشوفها يقول ميت ليها زول وحبوبة فرح بس تبكي تدعي ليه يقوم معافى كانت بتحسو ولدها ما راجل بتها وهو كمان خاتيها ف مقام امو
وتين : عمتي الدكتور قال شنو
مودة : والله ما عارفة يا بتي كدي ارح عليه نشوف الحاصل شنو
وتين : اي ارح ومشو على الدكتور
وتين دقت الباب
الدكتور : اتفضل
وتين : السلام عليكم
الدكتور : اهلا وعليكم السلام اتفضلو
وتين : انا وتين بنت المريض حسام الدين احمد حابة اطمئن على حالتو
الدكتور : اهلا بيك يا وتين... صراحة يا بتي ( الراجل كبير 😁) ممكن ف اي لحظة ربنا يستلم امانتو لانو قلبو تعبان شديد
وتين : اتماسكت وقالت ليه يعني هسي حالتو خطرة شديد
الدكتور : نوعا ما اتخطى مرحلة الخطر بس ما تضغطوا عليه ما يجهد نفسو كتير ما يتعرض للتوتر لانو دا كلو حىيأثر على قلبو
وتين : طيب ان شاء الله... وضع القلب شنو يا دكتور هو تعبان للدرجة دي
الدكتور : والله يا بتي ما داير اخوفك لكن ابوك دا شغال جزء من قلبو فقط ما قلب كامل
وتين هنا داير يغمى عليها من هول الصدمة دي
وتين : ك ك كي كي كيف ي ي يع يعني
الدكتور : للاسف كل القلتو ليك صحيح ابوك قلبو منتهي يا بتي شغال جزء من قلبو بس عشان كدا بقول ليك ما يجهد نفسو كتير وما يتعرض لتوتر او اي ضغط نفسي وان شاء الله ربنا يديه العافية يا بتي
وتين : ان شاء الله خير يا دكتور تسلم وطلعت هي وعمتها برا وانفقعت بكاء ف حضن عمتها بقت تبكي وتتكلم
وتين : احيييي يا ابوي واااي انا يا سندي انا بقدر اتحمل فيه حاجة يا ربي ما توريني فيه شر احييي
مودة : استغفري يا وتين وان شاء الله ح يكون كويس يا حبيبتي وهي زاتها كانت بتبكي معاها
بعداك رجعو ليهم و وروهم الحاصل شنو وكلهم بقو يستغفرو ويدعو ليه بعد مسافة وتين دخلت لابوها لقتو صاحي
وتين :ابوي 🥺
حسام : طبيبة الروح
وتين :ليه يا ابوي تعمل فيني كدا م عارفني بخاف عليك كيف
حسام : هههههه ما تخافي ان شاء الله ح اقوم كويس واسندك يا بتي... انت ليه جيتي وخليتي امتحاناتك ؟
وتين : انت عندي اهم من اي شيء تاني والامتحانات كلمت عمو محمد يمشي يشيلهم لي بدائل
حسام : طيب ربنا يوفقك
وتين : انت بس ابقى لي طيب وما تشيل هم حاجة تاني وباستو ع راسو
مرت الايام وحسام طلع من المستشفى وكانوا قاعدين مع سميرة اخت حسام وحبوبة فرح كانت مع سندس بتها ( نسيت ما كلمتكم انها رحلت الخرطوم 🙊) ومن يوم للتاني كانت بتمشي تشوف حسام كيف لحدي ما جاء يوم......
يتبع
# اقتباس
قلبها هو من تورم لشدة بكائها... أما رموشها فلم تُصب بالبللِ حتى 😴🖤
