ستفرج 💚
الحلقة 6 بقلم ✍🏻 وتين محمد 💗🎶
.
.
.
.
.
.
.
حسام : شمس عليك الله اعملي لوتين كباية قرفة
شمس : حاضر يا عم حسام ومشت تعملو وحسام دخل غرفتو لقى ليلى تبكي وتتلوى من الوجع
حسام : يا لطيف يا لطيف مالك يا ليلى
ليلى : بطني يا حسام بطني حاسة احشائي بتتقطع ااااه اااه 😭
حسام : قومي البسي طيب خلينا نمشي المستشفى... ويا الله يا الله قامت ع حيلها ومن غير ما زول يعرف طلعو المستشفى ولمن وصلو كانت بتنزف شديد الدكتور عمل ليها فحوصات واداها مسكن طلع لحسام
الدكتور : انت زوجها
حسام : ايوا انا خير ان شاء الله
الدكتور : ربنا يعوضكم المدام كانت حامل بس للاسف اجهضت.. هي ما كانت عارفة ولا شنو ؟
حسام : لا حول ولا قوة الا بالله... لا حول ولا قوة الا بالله الحمد لله على كل حال... ما كنا عارفين والله 🥺💔 هسي هي كيف صحتها كويسة ؟
الدكتور : ماف حاجة الحمد لله بس تنتبه على نفسها + الحمد لله ما بتحتاج عملية
حسام : الحمد لله طيب شكرا ليك يا دكتور 😔💙
دخل ليها وقال
حسام : ربنا يعوضنا يا ليلى انت كنتي عارفة
ليلى : لا والله يا حسام ما كنت عارفة اصلا ما انتبهت للموضوع ( ما انتبهت انو البريود ما جاتها لانو قبلها ما كانت منتظمة) المهم رجعو البيت ورت اهلها وكدا وقالو ليها قدر الله ما شاء فعل وان شاء الله لخير وتين لمن عرفت زعلت وقعدت تبكي كانت عايزة يكون معاها اخت تاني يمكن تنسيها الحاصل عليها دا تاني استغفرت وشالت تلفونها فيه مصحف قرأت سورة يوسف ويس ونامت
____________________________________
سندس : يا عمار شوف ولدك دا وينو ما يكون مشى بعيد ( سندس خالة وتين وعمار زوجها هم حاليا ف لندن عندها ولد واحد عمرو 10 وحامل ببنت ف الشهر السادس) نرجع
عمار : يا سندس ياهو دا سليم جاي
سليم : ماما ماما
سندس :وين كنت انت يا حبيبي
سليم : كنت بلعب مع اصحابي برا
عمار : طيب لو خلصتو كلام ممكن ناكل عشان انا جعان
سليم وسندس : طيب يلا
نخليهم في فطورهم دا ونمشي سلطنة عمان
فاطمة : يا رويدة... رويدة خلي اللي ف يدك دا و تعالي
رويدة : نعم يا ماما جاية جاية ( فاطمه خالة وتين برضو ورويدة بنتها عمرها 18 سنه وزوج فاطمه اسمو محمد)
محمد : جاء داخل من برا السلام عليكم
رويدة وامها : وعليكم السلام
محمد : جهزو نفسكم ح نطلع نتعشى برا
رويدة : يس يس 💃🏻
فاطمة : الله يديك العافية يا ابو رويدة وبالمناسبة دي عندي ليكم خبر حلو
رويدة وابوها : بشري
فاطمه : انا حامل
محمد : 🙊😍😍😍😍😍😍 يا سلام دا احلى خبر الف مبروك لينا
رويدة : يعني ح يكون عندي اخو او اخت قريب 😍💃🏻💃🏻
فاطمة : 😂 ايوا ايوا يلا عايزة اكلم ناس امي.... نجي لسوداننا الظريف اللطيف دا ( لا ظريف ولا شاف الظرافة 😂 بهظر بهظر نرجع🙊)
_________________
الصباح
حبوبة فرح : يا عبدو تلفونك دا بضرب من قبيل ما سامعو ؟
جدو عبدو : صحي وينو هو هبش كدا المهم شالو قال ليها دي فاطمة طوالي حبوبة فرح جرّت منو التلفون وردت هي
حبوبة فرح : الوووو فاطمة السمحة كيفك يا بتي وبتك وراجلك
فاطمة : الحمد لله كيف انتو وناس ليلى واخواتي
حبوبة فرح : كويسين ما عندنا عوجة الحمد لله
فاطمة : يما ابوي جنبك
حبوبة فرح :اي ياهو دا جنبي
فاطمة : افتحي الاسبيكر عايزة اقول ليكم حاجة وفعلا حبوبة فتحت الاسبيكر وقالت ليها اها فتحتو قولي
فاطمة : امي.. ابوي انتو ح تبقو حبوبة وجدو تاني
حبوبة فرح فكتها زغرودة طويييييييييييلة وبصوت عالي وداك يا الفرح اللي عمّ البيت بس المفاجأة الاكبر انو وتين جات جارية وقالت لحبوبتها
وتين : حبوبة مالك بتزغردي الداير يعرس منو ( بعد مسافة انتبهت انها بتتكلم وبقت تبكي.... دموعك كتيرة يا وتين ربنا يهون عليك)
حبوبة فرح : تاني فكت زغرودة اعلى من الاولى كيف وبتها الهدية الرضية رجعت تتكلم خليت ليك فاطمة وبقت مع وتين 😭💙💙💙💙
كلهم اتلمو ولمن عرفو حمل فاطمة فرحو وفرحتهم زادت لما وتين اتكلمت طبعا الا الست ليلى ما كان فارق معاها.....
المهم بعد الفرحة دي وتين مشت مع حبوبة فرح المطبخ وبقن يتشاورن الفطور شنو وتين اقترحت انو احسن تمشي تسأل حسام وجدو عبدو ومؤمن بدل يتحيرو كدا 😂
وتين : جدو الليلة عايزين تفطرو بشنو
جدو عبدو : اعملو لينا ملاح روب
حسام : ظبطي العصيدة بالله وقولي لخالتي فرح تظبط الملاح م تقومي تخربيه لينا يا وتين 😂😂
مؤمن : اي عليك الله زي ما قال حسام خلي امي تظبط الملاح ما تدخلي يدك فيه
وتين : طيييييب ابوي وخالي اتفقتو علي شوف يا جدو اولادك ديل 🥺💔
جدو عبدو : 😂😂 سمح بشاكلهم ليك انجزو لينا الفطور دا خلونا نطلع ع اشغالنا
وتين : حاااضر وجرت ع حبوبة كلمتها
عملو الفطور وفطرو وعملو الغداء برضو وبعد انتهو وتين مشت الغرفة ورقدت حبة كانت تعبانة بس مستحيل تتم ليها عشرة دقايق وترتاح فيها جاتها ليلى زي القدر المستعجل وقالت....
يتبع 🙊
#كسرة : ح اعوضكم بإذن الله اعفو لي ع الشحتفة دي ح انزل حلقات تاني بعدين لو قدرت 🥺💔
#اقتباس
اتركها تأتي كما كتبها الله لك... لعلها تأتي كما تمناها قلبك 🎶💙
