ستفرج 💙
الحلقة 4 بقلم ✍️ وتين محمد
.
.
.
.
.
.
.
حسام : شمس يا بتي لو سمحتي اعملي عصير برتقال لوتين
شمس : حاضر ومشت تعملو بس لمن وصلت المطبخ لقت ليلى بتبكي ( اشي عليه ليلى الضااااهر بتبكيي 😳 عاد دا شيء قوي)
شمس : ليلى مالك ؟
ليلى : انتبهت ليها وقشت دميعاتها... لا لا بس في حاجة دخلت لي ف عيوني
شمس : ايواا افتكرت في شيء
ليلى : لا لا ماف حاجة وقامت طلعت برا المطبخ.. شمس عملت العصير ومشت ودتو لوتين
حسام : شكرا يا شمس
شمس : العفو يا عمي ومشت 🚶♀️
حسام : يلا يا وتيني قومي اشربي
وتين عاينت لابوها بمعنى طيب وقامت شربت العصير بعد خلصتو
حسام : حبيبتي عارفك متضايقة من امك ومن كونها بتعاملك كدا بس معليش تزعلك امك وتزعلك الدنيا كلها وانا اراضيك يا حته مني 🥺
وتين هنا دموعها نزلت مطر اصلا هي ما لاقية زول يطبطب عليها غير ابوها وحبوبة فرح هم الاتنين بس الساندنها
حسام : لا يا وتيني لا ما تبكي انا هنا جنبك ومستحيل ابعد منك او اخليك تبكي دموعك دي غالية خليها تنزل في حاجة بتستاهلها يا عمري... مسح ليها دموعها وباسها ع راسها وهي ارتمت في حضنو ما عدت دقيقتين ونامت ( مساهرة البت + حقنة منومة 😂😂)..حسام رقدها كويس وغطاها وطلع على ليلى
حسام : ليلى.... يا ليلى 😡
ليلى : نعم يا حسام صوتك عالي كدا ليه ؟ ( وعشان عارفة روحها غلطانة وحسام ما بيرضى في وتين نسمة الهواء طوالي نعست عيونها وعملت فيها دايرة تقع)
حسام : طوالي رخى بعدما كان متعصب ليلى بسم الله مالك
ليلى : صدااع صداااع شديد يا حسام آااه
حسام : مسكها من ايدها لحدي م وصلها السرير قعدت مشى جاب ليها حبة بندول وموية بلعت ورقدت طوالي وحسام غطاها وبقى مارق على شغلو بعدما وصى حبوبة فرح على وتين
_________________________________________________
في الخرطوم ف امدرمان تحديدا
سميرة : يا جوري جيبي التلفون عليك الله يا بتي اتصل على خالك حسام م اتصل لينا الليلة ( كدا عرفنا انو سميرة دي منو عمة وتين ايووون بالضبط كدا 😍😌)
جوري : حاضر يمه
سميرة : شالت التلفون واتصلت على اخوها
حسام : شاف المكالمة وقال اخخخ الليلة مع وتين انشغلت وما اتصلت على اخواتي 🥺💔 وردّ عليها
سميرة : يا الغالي كيفك
حسام : امنا كيفك اعفي لي والله انشغلت بس م اتصلت عليكم الليلة
سميرة : ولا يهمك قلقت عليك بس الليلة لا انت ولا وتين ما اتصلتو ( نفهم انو العلاقة بين البت وعماتها قوية والحمد لله)
حسام : والله يا سميرة يا اختي الليلة وتين تعبت شوية و..
سميرة : وووب علي مالها وتين يا حسام ما يكون شيء خطير الو.. الو.. حسام وتين مالها
حسام : دقيقة طيب اديني فرصة عشان اتكلم 😅 هبوط بس ما عندها حاجة ( كذب عليها عشان عارفها بتحب وتين زي بناتها ولو كلمها بالحقيقة ممكن تركب البص وتجي القضارف عادي)
سميرة : عليك الله يا حسام م تكون بتكذب علي
حسام : لا لا والله هبطت الصباح بدري وديتها المستشفى اخدت دربات ورجعنا البيت هسي طلعت الشغل خليتها نايمة
سميرة : طيب الحمد لله خلاص لمن ترجع اضرب لي اتطمئن عليها
حسام : حااضر يلا لا اله الا الله
سميرة : محمد رسول الله.. ودعتك الله... قفل من سميرة اتصلت عليه مودة اختو برضوا ودار بينهم نفس الحوار....
____________________________________________
حبوبة فرح : يا الغالي ماشي وين ؟
جدو عبدو : افوتك وين هو انا اقدر قااااااعد و عايز لي شاي سادة من ايديك الحلوة دي
ح فرح : خجلت كدي وقالت ليه سمح يا المريود وقامت على المطبخ
وتين صحت وبقت تبكي وتتذكر من لما كانت صغيرة وانو علاقتها مع اخوها ما زي بقية الاخوان وكل م تتذكر حاجة تزيد ف البكاء
فلاش باك 🕗
وتين : يسوني 😍 تعال نلعب سوا
يس : يلا
بقوا يلعبو بالطين الدنيا كانت خريف واثناء لعبهم جات هَانِم ( خالة وتين) وما كانت منتبهة للطين اللي دفقو يس ع الارض وفووووو اتزحلقت جرو الاتنين نادو الناس من جوا عشان يرفعوها ويس جرا غسل يدينو و وتين من خلعتها على خالتها بقت واقفة بي طينها داك
ليلى : منو الكشح الطين دا هنا ؟
يس : دنقر راسو بعد شوية عاين لوتين وكان عايز يقول ليها دي وتين بس هي سبقتو
وتين : دي انا يا ماما
ليلى : بكل قوتها ضربت وتين وبقت تهرج ليه تعملي كدا
وتين بقت تبكي حتى بكاها من غير صوت بس المنقذ جاها
حسام : ليلى حرام عليك تضربيها كدا اكيد هي ما قاصدة ( طبعا حسام عارف انو وتين كذبت عشان تضاري لاخوها) فَ ساقها غسل ليها ايدينها من الطين ودخل بيها الغرفة
حسام : ليه قلتي انو دي انت ؟
وتين : عشان ماما م تضرب يسوني هو لسة صغير يا بابا
حسام : وهسي انت مبسوطة انو ماما م ضربتو هو وضربتك انت ؟
وتين : وهي مدنقرة راسها وبتعاين للارض.. اي يا بابا م مشكلة انا الكبيرة وبتحمل لكن يس لسه صغير ما بستحمل ضربة ماما دي
حسام : ضماها عليه وقال ليها.. ربنا يكملك بعقلك يا بتي ويرضى عليك ويريح قلبك 💜
باك 🕓
هنا حرفيا وتين لو الدموع بتكمل فهي كملتها 🥺 بعد شوية فاقت من سرحتها دي بصوت جاي من برا المهم قامت طلعت تشوف دا شنو بس اتفاجأت انو.........
يتبع
كونو بخير الى ان نلتقي 💜
