إنبثاق عشق أبدي 🌸

الجزء الاول

فحي بسيط و شعبي فحال أغلب أحياء المغرب ..و بظبط فمدينة اگادير..مدينة كبيرة و معروفة...المدينة لي غادي يعيشو فيها الأبطال احداث قصتهم..القصة لي عمرهم دارو ليها حساب و لا طاحت فالبال ..و القدر لي غيجمعهم.. بين بنت من الزهرة و رجل من المريخ..
واش غادي يقبلو و يآمنو بالمكتوب و القدر المنزل عليهم ..ولا غيقاومو مشيئة حبهم و عشقهم لي غادي يزلزل الدنيا 💜❤️ تابعو معانا

...الام : بنتي الله يرضي عليك مدي ليا كاس د الماء
البنت : (هزات القرعة و كتكب في الكاس ) هاكي إماما ☺️...يالاه راني مزروبة خاصني نمشي ههه
الام : الله يرضي عليك ابنتي ...سيري الله يفرحك . البنت : 😪😪 دعي معايا ان شاء الله خبار الخير
الام : ان شاء الله ☺️❤️❤️الله يرضى عليك البلارة ديالي
خرجات البنت من بعد ما باست لمها يديها ...خرجات من العمارة كتجري خدات طاكسي و اتاجهات للمعهد ..بعد 10 دقائق وصلات ..

بنت 1: على سلامتك اصحبتي ..تعطلتي بقات 2 دقايق و يبدا الامتحان ..هيهوووو ...ارتال فينك 🙄🙂
ارتال : هاااء ..هاني معاك غير لقيتيني كنخمم كيفاش غيدوز هاد الامتحان يااااربي نجحو اختي جنات والله حتى مخلوووعة
جنات: ان شاء الله ميكون غير الخير ..اخر سنة عندنا و من بعد غادي نتوضفوو ..يالاه راه بداو كيدخلو ..
ارتال: (فنفسها) بسم الله ياربي توفقنا اجمعين ..❤️❤️❤️😭

من بعد ساعتين ..
جناات: وااااو اصحبتي هادشي صعيييب ..مكنتش متوقعة يتحط هكاااا 🙄
ارتال: غير سكتي غيييير سكتي ...ههههه لي ليها ليها ياختي 💔

( ارتال بنت في عمر الزهور 21 سنة ..كتدرس فالمعهد العالي للتجارة و التسيير ..فتاة من أسرة متوسطة ..يتيمة الاب و عندها فقط امها لي كتشوف فيها كلشي ..بنت زوينة بزاااف عيوونها باللون الرمادي.ورتاتهم من عائلة باباها ..ارتال كانت مختلفة على باقي البنات اختارت طريق آخر لي هو طريق الله ...بنت ملتزمة و كتعرف بينها و بين الله ..و الاهم في هدا انها منتقبة ..النقاب لي عطاها بصمة خاصة في قلوب جميع الناس ..و لكن بعضهم مكانش كيستلطف التوجه لي توجهات ليه ..

يتبع ...❤️