إنبثاق عشق أبدي 🌸

21

ناعسا فوق ناموسية فالكلينيك وهو جالس حداها كيشوف فيها و ندمان على شنو دار بدات تتحل عينيها بتتاقل
ارتال: اممم ..راسي ( حلات عينيها شافت جيهتو)
سعد :على سلامتك
ارتال : فين انا ..بعد مني ..فين جبتيني (بخوف))
سعد : تهدني راكي غير فالكلينيك
ارتال :( تفكرات و بغات تنوض)  ..بغيت نمشي فحالي
سعد :( بحدة ) جلسي مالكي كطيري قالك طبيب خاصك ترتاحي (وقف تانية ) علاش مكتفطريش ؟؟؟
ارتال :هه واش كضحك معايا و لا عليا ..نتا سباب فهادشي  مكاين لاش دير راسك خايف عليا
سعد : مغنجاوبكش حيت دابا نتي مريضة تسناي هاني جاي ( خرج لبرا خدا طاكوس من صناك لي حدا الكلينيك و عصير ليمون و رجع عندها)
ارتال: ( متكية) ياربي شنو هادشي ..شافني اوووف ياربي تسمح ليا يااااربي🥺🥺

سعد :مالكي كتهدري مع راسك ( مد يديه باش ينوضها و خلاتو بلاكة )
ارتال : شنو هادشي ..( فرحات) طاموووس هااااح ( وقفات عاقدا حجبانها) ياكما داير فيه شي حاجة 🤨
سعد : اه داير ليك فيه سم ...شدي راه عندي ما يدار ( خداتو)مهم انا غنمشي دابا تابعاني الخدمة ..عيطت الام ديالك راها جايا فطريق
ارتال : لاااااااا علاش قلتيها ليها ..( بحسرة) غتكون خايفا عليا بزاف

خديجة دخلات فديك اللحظة  تتبكي
خديجة : الله يابنتي الله اهئ اهي شويتيلي قلبي ..شوقع ليك الحبيبة ديالي اهئ اهئ ( عنقاتها)
ارتال : ماتخلعي والو اماما ..غير مافطرتش( شافت فسعد كتمعني عليه) البركة فشي سعد
سعد : ( باحراج)اممم..ماتخافي والو الحاجة بنتك عندها غير نقص التغدية ..الطبيب دار ليها الفيتامينات ( عطاهم ليها فساشي) راني خديتهم ليها الله يجيب شفاء
خديجة : الله يرضي عليك أولدي الله يحفظك لواليديك ..ماشاء الله و نعم التربية الله يجعلها لميزان حسناتك
سعد : احم ..امين (.خرج و خلاهم معانقين)

...............................عند جيداء لي كانت خارجا من ليسي وجهها صفر و عينيها دابلين طالقا شعرها على راحتو و لابسا كيطما فالگري مني بوط و سروال واسع مع صبادري كحلة طالعا و هاوا كخطابل سپور
كتمشي حتى وقفات عليها لوطو دارت تشوف طلعو ليها جنون و بقات كتمشى بزربا
جيداء : شنو مازال بغا عندي..علاش كيدير ليا هكااا
اوس :(كيسرع بخطواتو وشدها من دراعها و هي لي استسلمات مهدودة)
جيداء : شنو مازال بغيتي ا.؟؟ مازال مامت ياك ..خاصك تقتلني
اوس : شوووت بركا من هاد الكلام ..جدياء كنعتارف مكانش خاصني ندير هكاااا..لعب عليا شيطان ..جيداء انا مازال كنبغيك تيقي بيا ( وقفاتو)

جيداء : سكككككت هاد الكلمة تقيييلة و كبيرة ماتوسخهاش بفمك ..الحب بزاف عليك و على امتالك (.عينيها دمعو), واش عرفتي شنو درتي نتا اغتصبتيني..اغتصبتي طفولة ديالي ..تقت فيه شكون مازال غيقبل بيا اهئ اهئ
اوس : جييداء ..انا مستعد نخطبك من اليوم...انا كنبغيك بزاف ..شيطان لعب بيا مزيان ..مكنتش ناوي  كان كيصحابلي هكا كنت غنرجع كرامتي من ليلة الديسكو
جيداء : شحال من مرة قلت ليك سمح ليا ..و لكن نتا اصلا عمرك بغيتيني ..انا مايشرفنيش نتزوج واحد بحالك ..شكون قالك اصلا باغا نتزوج ( نترات منو) فوتني عليك ..راني مانصلاحش ليك  ( مشات و خلاتو واقف معصب رجع للوطو ضرب يديه و طلع مسكيري خلا العجاجة موراه و جدياء لي استسلمات البكا )