اصبحنا و اصبح الملك لله ...اليوم الموالي كتفيق ارتال على صونيت د تيليفونهاا.
ترن ترن ترن ..
ارتال :(كتعمش فعويناتها) اوووف .. ماتخلي حد ينعس ...الووو ..
سكرتيرة: الو ..مادوموزيل ارتال هادي...
ارتال :(كتعجب) وي انا هي ...
سكرتيرة: انا من سيكريتاريا شركة الادريسي لصناعة الاثاث..جوپونس كو عرفتيها
ارتال:( قفزات من بلاصتها) اه ..وي عرفتها
سيكريتيرة: داكوغ ..عندك لقاء مع موسيو سعد هاد العشية مع 3 ..نتمنى تكوني فالموعد
ارتال: ا..ا..مي..ع..اه داكوغ ان شاء الله . ( قطعات سيكريتيرة و جلسات ارتال فوق ناموسية كترتب افكارها)
ارتال: ولكن كيفاش..انا مادفعتش ليها ..مافهمت والو ..بففففف ..( ناضت للطواليط غسلات وججها و توضأت ) ...
عند لقمان /////////////
لقمان: واااو برافو عليك ابنتي ..
سيكريتيرة: هدا واحب موسيو لقمان ..فاش تجي ان شاء الله غنوريها مكتب موسيو سعد.
لقمان: وي ..صافي ..يمكن ليك دابا نمشي لخدمتك
.........................
عند سعد لي عاد فاق من نعاس ..غسل جهو و لبس كوستار كحل و شوميز فالاسود مع موطاسان فالاسود ( سي سعد معول اليوم يكحلها 😂😂)
هبط لقا سمية و جيداء فالتحت ..
سعد:( بصوت مشحرج) صباح نور
سمية: صباح الخير ولدي الغزال ..
سعد:(جلس فالطابلة كيفطر) ..فين الواليد...واش مشا للشركة
سمية: وي اليوم مشا بكري ..
سعيد:هه الواليد ماحدو كيكير ..كيتزاد ليه نشاط و الحيوية..( شاف فجيداء) مالكي نتي ساهية ..
جيداء: ا..ا...ا.هه..لا معاكم ..
سعد: ( بحدة) مسحي داك زمر لي ففمك..
جيداء: علاش ..
سعد: مسحي زمر ..
جيداء:( جبدات كلينيكس) واخا..( تعصبات و مابغاتش تبين باش مايحرمهاش من الخروج) ..
سعد: غادا شي بلاصة نوصلك ؟؟.
حيداء: لا انمشي انا و باتول ..
سعد: مزيان ..( ناض خرج)
أنت تقرأ
إنبثاق عشق أبدي 🌸
Romanceحب ..عشق ..كراهية ...التزام ..فراق ..🦋❤️ أيتها الأصيلة في زمنٍ هش، الشاهقة رغمَ انحدار القِيم....💜🌸
