طلعات جدياء لبيتها كتنقز ..دخلات للدوش دوشات و خرجات ...مشات للماريو بقات تتقلب فحوايجها حايرة ماعارفاش شنو تلبس
جيداء : اممم هادي ( كسوة كحلا) لاااء...اممم هادي ( كسوة غوز ) ..( طاحت عنيها على وحدا فالابيض هزاتهاوو خدات كويرة كحلا قصيرة و ليبوط دجلد طوال لبساتهم و طلقات شعرها على راحتو دار گلوص هدأت صاكها و هبطات حتى وقفاتها مها
سمية : فين غادا بسلامة
جيداء :( قلبات عينيها) قلتها لسعد و خلاني ..غادا عند اسية و غنبات عندها حيت غادي نراجعو مزيان دابا
سمية: واخا سيري ..
خرجات جيداء من فيلا للشانطي الرئيسي خدات طاكسي و مشات المكان المعلوم ..
عند ارتال لي كتوجد الغذا فالكوزينة لابسا بيجاما كتبرز لاطاي ديالها لي تتشبه حورية البحر كلشي فبلاصتو و كل منطقة فجسمها بحقها .جامعا شعرهاا للفوق بمقبط و كتحرك الدجاج مع البصلة في الكوكوت جات عندها مها خديجة
خديجة: بنتي ...غير سيري جلسي صافي غادي نكمل اليوم عيييتي
ارتال : لا صافي مابقا والو غير نقشر بطاطا و خيزو صافي ..غير سيري تجلسي ..
ترن ترن ترن
خديجة : اه تيلفونك.كيصوني ..( شدات من عندها المعلقة)صافي سيري شوفي
ارتال مسحات يديها فالطابلية و مشات خدات تيلي ..رقم مكتعرفوش
ارتال : الو سلام عليكم
لقمان : الو بنتي ..ممكن تنزلي عندي التحت ..بغيت نهدر معاك
ارتال: كيفاش شكون نتا..باشمن صفة غنهبط عندك
لقمان. : انا لقمان الادريسي بلا شك عرفتيني
ارتال :( بعد صمت عميق) اه عرفتك ..العائلة المحترمة ..شنو بغيتو مني..انا مافهمتش ( سدات باب بيتها باش مانسمعهاش مها)
لقمان: نزلي و تعرفي..كنأكد ليك اذا مانزلتيش ..عمرك تحلمي تحققي احلامك ( قصح معاها الهدرة باش تنزل)
ارتال: شنو دابا كتهددي ..بففف ( قطعات و جلسات تتفكر )
ارتال: شنو دبا اارتال ..تنزلي و لالا ..( بعد تفكير استغرق ثواني ناضت لبسات عبايتها و دار فولارها و نقابها و نزلت عندو بالحس بلا ماتعرف مها نزلات قدام العمارة كتلقا واحد اللوطو سوداء فاخرة من نوع كاط كاط طالعا...بقات كتشوف فيها بشك حتى نزل منها لقمان ..
ارتال: ياربي تعطيني صبر
لقمان اتجه عندها
لقمان : سلام عليكم بنتي (ابتسامة ) كيدايرا بيخير
ارتال:( بحدة)حمد الله ..شنو الموضوع
لقمان : الموضوع ماشي د هنا ..يالله نبعدو من قدام داركم ..كلامنا طويل
ارتال : مغنتحرك لحتى بلاصة ..قول لي عندك و الله يهنيك
لقمان : شوفي انا متأكد انك ماشي فحال هدا الوغ ابنتي ماتحاوليش تبيني وجه اخر ..انا اختاريتك نتي حيت شفت فيك البراءة و الالتزام و التربية الحسنة و قلت نتي لي غتصلاحي لولدي و تبدليه ..و سخرك ليه الله ..كيف الرحمة تعتقيه من المستنقع لي عايش ليه
ارتال :(كنحاول ترتب افكارها ) بلاتي ..( غمضات عينيها و حلاتهم ) كيفاش ولدك...و اختاريتيني انا مافهمت والو
لقمان : ( خدا نفس عميق )بغيتك تخلي ولدي يبغيك
ارتال ضحكات ببرااءة
ارتال : هههههه من نيتك اعمي لقمان الادريسي ..عارف شنو كتقول انا هادشي مخالف لمبادئي ..بغيتي تقصد نطيحو فالفخ ديالي ..انا ماشي من النوع لي فبالك و سمح ليا هادشي ما نقدرش نديرو ( بغات تمشي حتى وقفها بكلامو)
لقمان : انا ماعنيتش داكشي لي فبالك حتى نتي ..( حاول يهدر بنبرة هادئة)بنتي ..سعد ولدي محتاج ليك ..راه عايش واحد العيشة 0 ..تابع البنات و الشراب ..مكيصليش و ديما معصب و مكيضحكش ..عايش عيشة ضنكا ..نتي لي غادي تقدرتي تخرجيه من هادي ..ديري هاد الاجر ( عينيه بداو يدمعو) انا عندي الفلوس و الجاه و النسب و لكن ماقدرتش نربي ولدي ..ماقدرتش نخرج درية صالحة( شد عينيه بيديه) الله يرضي عليك ابنتي عاونيني .
ارتال تأترات بزاف بزاف ..و شافت هدرتو من جانب المنطق ..شافت دموع اب لي بغا يفرح يولدو و يتهنى عليه قبل مايموت..
ارتال: ص..صافي.. اعمي ماتبكيش ..ان شاء الله يكون خير ..شنو المطلوب مني دابا...
لقمان : هدرت معاك الصباح و قالي بلي ممكن ليك تجي تخدمي عندو ..سيكريتيرة الخاصة ديالو و من بعد نتي عارفا شنو ديري ..
ارتال :( قلبها تفجع) صفي ..واخا ان شاء الله ..امتا نبدا الخدمة ..
لقمان : من غدا ان شاء الله...بنتي فرحتيني بزاف الله يرحم من رباك ..الله يسعدك و يسر ليك امرك
ارتال :(بابتسامة د بزز) اللهم امين ياربي ..واخا اعمي دابا نخليك ..غدا ان شاء الله ن..نكون فالشركة
أنت تقرأ
إنبثاق عشق أبدي 🌸
Romanceحب ..عشق ..كراهية ...التزام ..فراق ..🦋❤️ أيتها الأصيلة في زمنٍ هش، الشاهقة رغمَ انحدار القِيم....💜🌸
