إنبثاق عشق أبدي 🌸

part 2

رجعات للدار مشوشة كتقول فنفسها ياربي ننجح ياربي تفرحني ..بااربي  ماتخيبنيش ..طلعات لقات ماماها كتوجد كسكروط ..
ارتال:( كتمشا بشويا على اطراف اصباعها جيهت ماماها لي كانت كتعمر اتاي ) عييييييو ( فقزاتها)
الام: انعل والديك ههههههه حمارا خلعتيني 😂😂😂
ارتال : اممممم ماما شهيتيني ...ريحة الكيكة كتبان كتشهي ( طلات فالفران) سربي سربي هههه فيا جوووع..
الام: يالاه موجود بقا لي غير ندير الشكلاط الكيكة و نجي غير سيري بدلي حوايجك ☺️ودوزي للصالون ...
ارتال اتاجهات لبستها ..سدات الباب و تنهدات تنهيدة طويييلة ( اااااااااه) دازت للمرايا كتحيد نقابها بشويا ..حديات كسوتها و ليبوط ديالها   لبسات بيجامتها و سرحات شعرها...
الام : ارتاااال ...بنتي ..تعالي راه غنبدا ناكل.هههه
(مشات ارتال عند مها وبقاو مجمعين و كياكلو ) 

#########في مكان اخر #########
...... : اناااا عييت معاااااه حمقنيي حمقنيييي شي نهار يجيب لي سكتة قلبية ..
.......: اهئ اهئ وا شنووو دابا خاصنا نعلموو البوليس ..شوف من حااالي راني أم ...راني عندي كبدة ....لقمااان ..يالاه نعلمو البوليس .
لقمان: واش من نيتك ...غادي تلقايه غير غارق مع العاهرات فشي قنت ..ولا مسافر مع شي وحدااا ..واش نتي معارفاهش انا صافي مابقيتش غادي ندير فيه عقلي لي بغات توقع ليه توقع يالله نتهنى منووو...سمعتي الالا سمية
سمية:( يدموع) نتا قلبك حجر ...ماعرفتش علاش كديرر هكااا راه ولدك. ...ولدك ...
لقمان( غادي طالع ) الله ينجيني من ولد طايش فحال هداااا. 
كلساات سمية كتبكي و تنين على ولدها لي غابر عادي تلت ايام ..عيات ما تصوني عليه طافي تيلي مكاينش ليه الأثر ...

......: ماما. ماما ...( كتجري) ...جاااا جاااا امامااا . 
سمية : ( فقزات و صدرها تفتح) الحمد لله .....ولدي ( مشات تتحري جيهت جردة) ولدي جيتي ....سعد ولدي ههه ( بغات تعنقو )
سعد :( حبسها) عافاك ....من بعد ( مشا دخل الفيلا و ريحتو تتقلب بالشراب)..
سمية: شفتي ابنتي ..شفتي خوك غيحمقني ..احححح ( بحرقة) الله يهديه يااااربي الله يهديه 😭😭

.....يتبع