رواية:-
#طريقي_الثاني
بقلـم:فطــ67ـــوم
الحلقة:3
عزو كان واقف في الممر يهذرز هوا وفهد
فهد :اي زي مقتلك
عزو:تمام
شويا وخش صالح(الزعيم) ومعاه بنت
فهد بإستغراب :من البنت لمعا صالح؟
عزو تلفت كان عاطيهم بالظهر وانصدم وقت شافها:تي شن جابها هاذي هني😳
فهد:تعرفها؟!
عزو:تي هاذي عنود...ومشي لصالح
صالح :باهي لجيت كنت بناديك!
عزو وهوا يشبح لعنود ويفنص فيها:خير شن في!!
صالح اشر عليا:بنعرفك على الأنسة عنود بتبدا تخدم معانا
عزو يحاول يخلي ملامحه عادية وداخله نار طلع دخانه ودخن وقلب عيونه:تشرفت بمعرفتك أنسة عنود😒
اني بقوة: بيك اكثر..شن ماتبيش تعرفنا عليك!
صالح:هذا عزو يدي اليمين نوثق فيه اكثر من روحي وهوا لحيكون مشرف على تدريبك وكل شي
اني لما قاللها صالح ان عزو وهوا لحيكون مشرف عليا ارتحت لكن خيره عزو هاذي والله شكله هدوء ماقبل العاصفة ربي يستر وخلاص
عزو قام حاجبه:وهيا علاش بتدرب ؟!شن بدير؟!
صالح:حتدرب مش تكون وحدة منا /بتكمل خدمتها الي هيا :بتمشي للبنات وتعبيلهم راسهم وتخليهم يشرو منا مخدرات وهكي حتساعدنا
عزو نفخ الدخان:مش في مجموعة ادير في الشي هذا؟!..علاش هيا؟!
صالح:اسلوبها عجبني وهيا تقنع في البنات
عزو بإستغراب:أسلوبها؟علاش انتَ وين شفتها مش تعرف اسلوبها؟!
.
.
_____(فلاش باك)______
صالح كان ماشي في السيارة لين وقفوه زوز بنات وعيونهم حمر بابن ان حالتهم مش طبيعية نزللهم ..نزلو الحرس لفي السيارة وراه
صالح:خيركم شن في؟!
البنت:انتَ باين عليك مضايق
البنت2:اي باين عليك تو نعطوك علاج..وطلعوله كيس مخدرات
البنت:على الرغم من ان ماليناش هلبا واخدينه لكن نجح زي مقالت عنود ومدابيك الشي هذا يقعد بيناتنا وتوا كان تبي خود لان بنمشو نزيدو ناخدو ونرفعو للناس
صالح:وين مكانها العنود؟!
البنت:علاش انتَ شرطي؟
صالح:لا بس نبي نتعرف عليها مرات نعرفها
البنت:تمام تو نكلمها نقوللها في حد بيتعرف عليك مش تقولي وين تتقابل انتَ وياها
صالح:تمام
البنت اتصلت بيا:الو عنود معاي
اني:اي مني
البنت:اني لخديت منك البضاعة بكري
اني:شن تبي
البنت:في شخص يبي يقابلك
اني:شرطي؟
البنت:لا
اني:تمام خليه يقابلني في حديقة#$€** الساعة4:30
البنت:تمام..وسكرت
البنت:قالتلك تعالى الساعة4:30 في حديقة#€£** وتو نكتبلك رقمها في ورقة
صالح:تمام..ومدلها ربطة فلوس:هاذم ليكم لأنكم ساعدتوني
صالح خدي الورقة ومشي ركب في سيارته ولحقوه الحراس
عندي اني بعد مكملت المكالمة حسيت ان الخطة ماشية صح نضت البست سروال جينز و سورية مزلزة اسود وابيض وفوقها فنيليا بيج وبوت اسود للركبة ووشاح اسود وشنطة سودة وساعة جلد بيج وإيلاينر وروج عنابي وبخيت بارفان وطلعت خذيت نسكافي ومشيت للحديقة قعدت نستنى في الساعة4:30
الساعة4:30
وصل صالح الحديقة مع حراسه نزل صالح من السيارة ومخلاش الحراس ينزلو اتصل بالرقم الي في الورقة
