رواية:-
#طريقي_الثاني
بقلـم:فطــ67ـــوم)
الحلقة:12 والأخيرة
وصلنا للمقر خشينا لغرفة صالح القيناه يتكلم في تلفون وواضح انه معصب اول ماشافنا سكر الخط
صالح:خيركم شنصار مش قلتو ابعتولنا سيارة؟!
فهد شبح لعزو؛تحكيله انتَ ولا نحكيله أني ؟!
عزو شبحله:احكيله انتَ
فهد:تمام....وقعد يحكي لصالح ومقالش على عبير وخوها
فهد :اي وهذا لصار
صالح:معش تطلعو بروحكم خلو سيارة حرس وراكم...وانتَ ياعزو مش اداوي جرحك
عزو:تمام....وانتَ خيرك باين عليك متعصب؟
صالح قعمز على الكرسي وتنهذ :الشرطة
فهد قص عليه:شن شدت البضاعة لمهربينها مرة ثانية؟
صالح:اييي😩....معرفتش كيف يعرفو في اليوم والساعة والمكان لمنهربو بيه...اكيدة في خاين...والناس لنتعامل معاها معش بت تتعامل معانا ...ومزال مستودع واحد مكشفتاش الشرطة ....والرجال متعنا مش هلبااا....والفلوس قريب يتموو.... وشامخ كل يوم مدايرلنا مشكلة ..معش عرفت شن ندير الدنيا كلهاااا مسكرة في وجهيي 😩💔
عزو:شن بدير؟
صالح:أنفكر نخلي كل شي ونطلع من البلاد عن طريق قارب..لأن معش نقدر نتحمل خسائر ثانية
عزو:بالسهولة هاذي؟
صالح:اي
فهد:واحني
صالح:شوفو شغل جديد وتو نعطيكم مرتبكم ...وناض وقف
عزو:به امتى بتطلع برا البلاد مش نجو نودعوك ؟
صالح:غدوا الساعة 5:00في #$£¥**
عزو:تمام ...وطلع من الغرفة وقربع الباب
صالح يحساب عزو متعفلق :الحقوه هدوه خير مايدير حاجة في روحه
أني & فهد :تمام.....وطلعنا برا الغرفة ملقيناشي سألنا الحارس قال في السيارة...مشيناله إلقيناه قدام السيارة يتكلم في التلفون قعمزنا في السيارة وقعدنا نستنو فيه يكمل المكالمة
عزو كمل المكالة وفتح الباب وقعمز وجوه رايقققق وحلو❤️🤭
فهد:صالح قالنا الحقوه هدوه خير مايدير حاجة في روحه يحسابك متعفلقق😂
عزو ضحك:مسكين🥺😂
فهد:في من كنت تكلم؟
عزو:في الضابظ
فهد:قتله شنصار؟
عزو:اي
فهد:شنقال
عزو:قال ان بيداهمو المكان لبيهرب منه صالح وبيقبضو عليه وبعدها بيقعدو يحققو معاه وطبعاً هوا اكيدة بيقوللهم على كل شي وبهيك حيكونووو العصابات مدمرين ...وبعدها حيعدموه...واني وانت وعنود حنكون متواجدين لما بيقبضو على صالح
فهد:تمام
اما اني سارحة
عزو:عنودددددد
اني انخلعت:خيرك شن في؟؟
عزو:ليا ساعتين واني ندوي في شن سارحة
فهد غمز :من واخذلك عقلك
اني:الطب واخذلي عقلي وتفكيري وكل شي🥺💔
فهد:علاش انتي تحبي الطب
اني هزيت براسي بمعنى اي
فهد:به علاش مخشيتيش ؟
اني:كنت بنخش لكن بابا مات وبعدها خشيت اهني معش لحقت💔
عزو:تو نسجلك في الجامعة لما نقصو على صالح لكن
اني فرحت هلبا:لكن شن؟❤️🥺☺️
عزو:مش هني
اني بإستغراب:وين؟؟
عزو:في ألمانيا وين مافي عيلتي وبتقعدي مع امي❤️
اني:علاش
عزو:شن نسيتي ؟ بوك وصاني عليك وامني عليك؟ واني منطمنش إلا لما تكوني قدام عيوني....
اني:وعبير
عزو:تو نرفعك بعد مانقبضو على صالح
اني بحزن:به
فهد :واني🙂
عزو:خيرك انتَ
فهد:معقولة بتخليني وبتمشي معقولة !!!نسيت العشرة والملح والخبز؟🙂🥺😂
عزو:وانتَ مش قلت بتمشي🤭
فهد:امتى قلت
عزو:من اربعة شهور😁
فهد:وانتَ قاعد تتفكر تي اني عشي امس نسيته 🥺💔
عزو:به به على المهم بتسافر وبتقعد معاي 😌
فهد:اي😁...حجزت التذكر؟
عزو:تو نحجز بعدين...وتو نحجزلك معاي
فهد:تمام
عزو:وين تبي نوصلك؟
فهد:للشقة منوتي حوايجي
عزو:تمام...ووصله وبعدين حطني في حوشي ومشي يحجز في التذاكر
.
.
.
_______
