رواية:-
#طريقي_الثاني
بقلـم:فطــ67ـــوم
الحلقة:5
.
.
وقعدت نمشي شفت السجون واني مصدومة😳 وسمعت صوت المساجين كانو رجال ونساء واطفال ..وكان في مكان مخصص لتعذيب شفتهم كيف يعدبو فيهم منضرهم مستحيل ننساه💔..لين وصلت في جهة مافيهاش شي غير مكتبة صغيرة وقفت لما وقف الحارس ودف المكتبة وفتح الباب إلي وراها واشرلي بمعنى الحقيني
اني بخوف:قداش في باب ومكتبة ومزال موصلناش؟😳
الحارس فنص:كان وصلنا راهو قتلك..ومشي واني قعدت نلحق فيه
.
.
.
.
اني في داخلي ،ااااااه شن درتي في عمرك ياعنود!!،قالك بتنتقمي قال!!!!والله لشكلهم هما لبينتقمو مني مش اني!!ربي يهني الموضوع على خير ياااارب!وينه عزو؟زعما كشفوه؟💔 لين قص عليا الحارس
الحارس:وصلنا خشي لدار هذيكة
اني بإستغراب:علاش....الحارس مردش عليا مشي🚶🏻 ...واني قعدت نتفرج على الدر من برا وخطوة القدام وخطوة التالي لين طلع منها عزو اني طول مشيت اضبطه ودموعي نزلو
اني:ووين اني ؟؟ علاش جايبيني هني؟
عزو:اسسس يابكايه....ومسحلي دموعي
اني بعدت:باهي قولي علاش جايبيني هني؟
عزو تنهد:جايبنك مش يديرولك المراسم لأنك جديدة!
اني:مراسم؟؟؟؟
عزو:اي
اني:به شن هما؟
عزو:هما الأولات ساهلات لكن الاخير صاعب
اني بخوف:شن هوا؟
عزو شد ايدي وشبحلها:بتنجرحي في يدك ومرات توجعك لكن نبيك قوية وماتتوجعيش قدامهم
اني بعدتها:لا مستحيله
عزو:انتَ اخترتي الطريق هذا لازم تكملي! وإلا حننتهو اني وانتي!
اني:لكن حار🥺💔
عزو:تو انتي تحملتي اكثر من هكي متتحمليش جرح صغير؟ مكنتش نحسابك خوافه هكي
اني:لا هوا جرح زي يلي في يدك واني عارفاته منهم!! معناها اني بيصير ليدي هكي!!😭💔
عزو:عنود اني قتلك من الاول متخشيش ولاه!؟
اني:اي
عزو:لكن انتي سكرتي راسك وتوا كان مديريش ليقولولك عليه معناها انتي خاينة وهكي حيقتلوك!!! وتوا هيا خشي خير مايفيقو بينا ويطلعو!! والحمدلله الكاميرات عطلتهم والا كانهذا انكشفنا وضاع تعب سنيني🙂💔
اني:تمام..حقا انتَ خيرك مسودهة هكي؟......عزو كان لابس سورية سودة وسروال اسود ودجاكة سودة وكندرة سودة وساعة سودة
عزو:تو تخشي تعرفي
اني ابتسمت:لكن طالع جنتل مان!!❤️🤭
عزو ابتسم وهزلي براسه:هيا خشيي ☺️
.
.
_____
(🔥67فـــــــطــــــوم🔥)
____
.
.
.
اني:تمام....وحطيت يدي على مقبض الباب وسميت وخشيت وانصدمت بالمنظر..كانت الإضاءة هافته بكلللل وكانو هلبا أشخاص واقفين بحدا بعضهم مخلين مسافت نص ميترو بين بعضهم وكانو لابسين زي عزو وقدام في كرسي مقعمز عليه الزعيم لابس بدلة بيضا وشاد عكاز في إيده وبحداه مرا كانت لابسة قونة طويلة سودة وسورية بيضة ودجاكة سودة وكانت مش متحجبة🚶🏻♀️..
وقفت وقعدو يقولولي واني نقول زيهم لين وصلت في المرحلة الاخيرة
جي عزو ومد خنجر للزعيم واني وين شفت الخنجر قريب قعدت نبكي قدامهم🥺💔
الزعيم(صالح) خدي الخنجر وجاني:مدي يدك
اني من الخوف معش عرفت كيف مديت يدي وتصنعت القوة وقعدت نشبح لزعيم بكل ثقة وشجاعة🥺💔
الزعيم(صالح) شد يدي وجاب الخنجر:من اليوم حتبدي معانا...وجرح يدي حسيته كانه قصها من الألم لحسيته طبعاً وقعد يدوي في هلبا كلام واني مكنتش مركزة في شن يدوي اصلاً !!..لين كمل دوته
.
.
الزعيم(صالح):وهكي كملنا..وخبط بالعكاز متاعه...فل يبارك الله بك..وكل الي في الدار قالوها!!!..اشر للمرا إلي بحداه مش تجي ترفعني..جت وطلعنا اني وياه من الدار وقعدنا نمشو من نفس الطريق لكنت جايك منها بكري!!..ويدي كنت مش حاسة بيها!!
.
.
.
لينا:انتي إسمك عنود؟!
أني هزيت براسي:اي
لينا:ااه واخيراً تلاقيت معاك حكالي عليك الزعيم !!اني لينا!
اني:صار انتي هيا لينا
لينا بإستغراب:من وين تعرفيني؟
اني شبحتلها بتحدي:اني نعرف حتى الجن لبحداك🙂🔥
لينا سكتت وبعدين قعدت تهدرز وتحاول تزلقني لكن فشرت ركبنا للمقر وهيا مشت روحت روحة بلارجعة انشاءالله!! واني قعدت واقفة قدام مكتب عزو شوية وجي عزو خش للمكتب واشرلي مش نجي اني خشيت للمكتب وفنصت في الحارس الي قدام الباب وسكرته
.
.
عزو جاني طول يجري:تي بشوية ايدك تنزف!!
اني بفرحة:قصدك قاعدة عندي يد😂💔
عزو:اي مالا شن تحسابي🤦🏻♀️
اني:نحسابها قطعوها!!..
عزو:لاتهني قاعدة يدك!!..شن حسيتي بألم؟👀
اني:لالا حسيت بدغدغة🙂💔
عزو:ندوي بجد اني
اني:لانحسابك تدوي بجدة مش جد😂🥺💔
عزو بتفنيصة:عنوووود
اني:ياعيون عنود☺️
عزو قام حاجبه
اني:اي حسيت بألم مش طبيعي لدرجة نحسابه قطعوها🤧💔
عزو:مش مرة ثانية تسمعي لكلام !!،انقولك لا معناها لا !!مش تسكري دمنقلك!!
اني:نننننن
عزو مشي طلع الفاشة واللصقة والمعقم والبوماطة وشد يدي وقعد يداوي فيا:امس انتي داويتيني واليوم اني داويتك😉❤️
اني:إيه😣
عزو:خيرك؟
اني:ايدي توجع فيا😖💔
عزو:تحملي تو يزول الألم وتوا تعالي نمشي ندربك على السلاح
اني:وإيدي؟
عزو:بإيدك الثانية!
اني:لك...وقاعدة مكملش كلامه ويخش صالح ووجه ميتفسرش😱
.
.
صالح:#$£¥**
اني&عزو:😨😳💔
.
.
.
_________
[وَيتبـــــــــع💛💭].
_________
