رواية:-
#طريقي_الثاني
بقلـم:فطــ67ـــوم
الحلقة:10
.
.
أني:عزو
عزو:نعم
أني:وين أهلك؟
عزو ملامحه وجها تغيرو:علاش تسألي؟
أني:سؤال خطرلي قلتهولك...وكان ماتبيش تجاوب عادي راه💛
عزو:بوي ميت 💔... وأمي أسمها حياة ....وعندي خو اسمه مراد دكتور جراحة....وعندي أخت متزوجة وعندها صغار❤️
اني: الله يرحمه...به وين هما؟
عزو:مستقرين برا
اني:امتى اخر مرة تلاقيت انتَ وعيلتك ؟
عزو:قبل أربعة سنين سنين
اني:معقولة مشفتهمش من أربعة سنين مستحشتهمش؟😩
عزو: أستحشتهم💛
اني:به علاش متمشيش تشوفهم؟
عزو:منقدرش
اني:علاش؟
عزو:لأن هما يحسابوني ميت!!
اني:كيففف
عزو:زي مسمعتي
اني:لكن انت عايش
عزو:اي....لما جتني المهمة متع صالح وعصابته أضريت نكذب عليهم وخليتهم يحسابوني ميت مش مايلحقهمش الضرر
اني:ضرر شني؟
عزو:أعدائي لو عرفو ان اني عندي عيلة مش حيخلوهم في حالهم وحيبدو يهددوني بيهم......وتوا كملتي تحقيق 😀
اني ابتسمت:يس
عزو:ردي بالك تقولي لحد ان اني عندي عيلة
اني:سرك في بير يابرو 😁
عزو قلب عيونه بملل:ربي يهدي
اني:امين ياغالي😆
اني:شنصار في صفية وجميل
عزو:منعرفش🤷🏻♂️..تو نشوفوهم بعدين
اني:به
.
.
.
________
(🔥67فـــــــطــــــوم🔥)
____
فهد خش يجري للمقر وفتح باب غرفة صالح بقوة..صالح كان مقعمز على كرسي متاعه جي واقف من الخلعة
صالح بخوف:خيرك ؟!شن في؟!شن صار؟!
فهد:الشامخ بلغ الشرطة على زوز من مستودعات السلاح والمخدرات والشرطة هاجمو المستودعات وللأسف خسرنا هلبا رجال وفي واحد من الرجال حي رفعوه الشرطة مش يحققو معاه وللأسف أعترف وقال أن المستودعات ليك والشرطة قاعدة أدور فيك
صالح بغضب:الشامخ قتله أقعد عاقل لكن هوا مسمعش كلامي واني حنخليه يدفع الثمن
فهد:شن حدير ؟
صالح: انتَ تعالى الحقني منمشو للغرفة لفيها صفية وجميل وكلم عزو وعنود مش يجو معانا
فهد:تمام....وطلع تلفونه وأتصل بعزو
.
.
.
.
نوران:عبيرررر ياعبيررر
عبير جتها:شن في؟
نوران:نبيك أديريلي مساج ظهري يوجع فيا
عبير بإستفزاز:أول حاجة اني مش حنديرهولك...ثاني حاجة ظهرك من شني يوجع فيك وأنتي أربعة وعشرين ساعة مقعمزة🙂
جي أحمد:خير شن في أصواتكم طالعة لبرا😩
نوران جاته:قلت لأختك أديرلي مساج لظهري لكن هيا مابتش وقالتلي من شني ظهرك يوجع فيك وأنتي أربعة وعشرين ساعة مقعمزة ...معقولة ياأحمد أختك تكذب فيا ترضاها في مرتك؟😈
أحمد:اول حاجة هيا مش ملزومة بيك مش اديرلك مساج وانتي اصلاً كيف تتجرئي تقوليهالها ثاني شي هيا مكذبتش انتي اربعة وعشرين ساعة مقعمزة هيا بدير في كل شي ....وأختي كان ضايقتيها مرة ثانية ولو بأبسط كلمه حتشوفي وتسمعي شي مش حيعجبك وهذا اخر تحذير ليك😏
نوران :اني بنمشي حوش بابا ارفعني
احمد:نص ساعة كان موتيتيش فوتي الموضوع
نوران شبحتله من فوق للوطا ومشت لدارها
احمد:انتي بخير؟
عبير:اي😕
احمد:مدوريهاش
عبير:واني هذا لمدارياته
احمد:شن رايك نمشو نتغدو في مطعم
عبير:تمام
احمد:نمشي نوصلها وبعدين نخطم عليك
عبير:تم
.
.
.
.
بعد سـاعة اني وعزو كيف وصلنا للمقر انزلنا ومشينا للغرفة لفيها صالح وفهد
اني &عزو:سلام
صالح&فهد:سلام
عزو:شن صار معاكم
صالح:اهو قاعدين نعدبو في فهد
اني:صفية؟
صالح:تعذب فيها لينا اهونا في الغرفة هذيكة امشيلها كان تبي
اني:تمام....ومشيت خشيت للغرفة القيت لينا تسخن في طرف حديد طويل على النار وصفية تشبحلها بغل وكانت مجروحة في كتفها
لينا وهيا متلفتة:يامرحبا واخيراً تلقيت معاك مرة ثانية
اني:يامرحبتين...اي
لينا شدت الحديدة من لوطه ومشت حطتها على كتفها مكان الجرح وبدت صفية تعيط
لينا حولت طرف الحديد من كتف صفية
صفية قعدت تضحك:هههههه يناري عليكم تحسابو كان درتو هكي بتكسرو جناح صالح هههههههه 😈
لينا شدت شعر صفية:شن قصدك
صفية:يعني هوا وقعكم في الفخ مش انتم ههههههههه😈
أني:كيف ؟
صفية:مش حنقول
لينا:اني نعرف كيف نخليك تتكلمي ...ياحرااااس
الحراس الي برة خشو:نعم
لينا:علقوها من إيديها واربطو رجليها في بعض منبيهاش تحركهم
الحراس علقو صفية من إيديها
لينا:شن قاعدة ماتبيش أديري
صفية شبحتلها وماردتش
لينا قامت البريمس متع الغاز وحطاته تحت رجليها وولعت النار وبدت صفية تعيططططط
لينا وخرت وقفت بحداي وقعدت تشبح لصفية وهيا متعذبة بإستمتاع😈..أما اني كنت نتفرج ومسخفتني صفية لكن كما تدين تدان هيا قبل كانت تعذب في ناس أبرياء ومستمتعة وتوا هيا تحت التعذيب
صفية بوجع:خلاص حنقول وقفيي
لينا مشت بعدت البريمس من عليها:هيا قولي لكن لو شكيت 1%بس انك تكذبي حنذمك على اليوم لنولدتي فيه
صفية:جميل مش ولد الشامخ
اني & لينا بصدمة:شنوو😳
صفية:اي زي ماتسمعو ،صالح تبنى جميل لأن اني منجيبش في الصغار
لينا:وجميل كم عمره وقتها؟
صفية:13
اني مشيت للغرفة لفيها عزو وصالح وفهد وجميل وخليت لينا وصفية...كيف جاية بنخش طلعو صالح وعزو وفهد من الغرفة
عزو:خيره وجهك اصفر باين عليك مصدومة؟
اني:تو لما نقوللكم الخبر حتى انتم حتنصدمو معاي💔
صالح:شن في تكلمي؟!
اني:جميل مش ولد الشامخ
فهد:كيففففف
عزو:متأكدة؟
اني:صفية قالت هكي وكان وضعها ميسمحش انها تكذب🙂
صالح قعد ساكت من الصدمات لحصلهم اليوم لي
فهد:تو شن منديرو ؟
صالح:اقتلوهم وارفعو جثتهم لشامخ 👿
فهد:تمام...وخش قتل جميل ومشي قتل صفية وبعت واحد من الحراس يحطهم قدام المقر متع الشامخ....وصالح مشي لغرفته واني وعزو قعدنا نتمشو في الممر
عزو:عنود
اني:نعم
عزو:شن رايك نتغذو في مطعم ونكلمو فهد يجي يتغدا معانا؟
اني:تمام
عزو مدلي مفتاح السيارة:معناها انتي اركبي في السيارة واني بنمشي انادي فهد
اني:تمام.....ومشيت
.
.
.
________
(🔥67فـــــــطــــــوم🔥)
________
عبير :محلاه المطعم ..
احمد:اي ...اخترتي من المنيو؟!شن تبي نطلبلك ؟
عبير:اي ،بورديم ورز وبطاطا وسلاطة باباغنوج وسلاطة مشوية وكوكولا
احمد:تمام ...شوية وجي القارسون وقاله على الطلب ومشي❤️
عندي اني كنا خاشين المطعم نهذرزو ونضحكو اني وعزو وفهد خدينا طاولة وقعمزنا وكانت الطاولة متاعنا مقابلة لعبير لكن اني مركزتش فيها
عبير شافتني واستغربت لما شافت زوز ولاد معاي:اءحمدد اءحمد
احمد:خيرك؟
عبير:مش هاذي عنود
احمد تلفت لوين ماقالتله عبير وشافني:اي
عبير:زعما من هما لبحداهم ؟!
احمد:منعرفش
عبير:منمشي نكلمها
احمد:تمام امشيلها انتي اني نشوف فيك
عبير:تمام
اني كنت نشرب في أمية شوية شفت عبير شرقت:كح كح كححح😳
عزو طول ناض صبلي امية:هاك اشربي...
فهد:خيرك شنصارلك
اني خديت منه الميه وشربت وكيف بنتكلم جت عبير
عبير:عنود🥺
اني حطيت طاسة المية على الطاولة ووقفت:اءء عبير شن جابك انتي هني
عبير:القدر جابني ...تعالي بنحكي معاك
اني تلفتت لعزو وفهد:شوية ونجي
عزو هز راسه بمعنى باهي
شدتني عبير من ايدي ورفعتني لطاولة متعهم وقعمزت
اني:اهلا احمد
احمد:اهلين...ووقف اني بنمشي اندخن تو انجي
عبير:تمام
مشي احمد
عبير:خيرك عنود متغيره ؟!ومش على الأساس مسافرة؟! وشن جابك للحفلة؟!وكيف عرفتي بقصة جميل؟!
اني:الظروف تخليك تتغيري!! عبير نطلب منك طلب؟
عبير:قولي
اني:متسأليني شي توا ،لما يجي الوقت المناسب اني حنحكيلك كل شي
عبير:به مني لمعاك ؟
اني تلبكت ومعش عرفت شن نقول:اءء ولاد اخت امي المتوفيه؟
عبير:وخيرني منعرفهمش
اني:كانو مستقرين برا كيف جو....
عبير:اها
اني:اي
عبير:وسفرتك
اني:سافرت وروحت وتوا غدوا منسافر مرة ثانية
عبير:اها...
جي احمد قعمز معانا:شجو
اني & عبير:تمام
فهد :من هادم لمع عنود؟
عزو:صاحبتها عبير واكيدة خوها لبحداها
فهد:تعالى نمشو نعزموهم يقعمزو معانا
عزو:تمام...ومشو
عزو &فهد :سلام عليكم
اني & عبير& احمد:وعليكم السلام
عزو &فهد:تعالو قعمزو معانا
احمد:بس
عزو:لابس لاشي تعالو قعمزو معانا ومنها نتعرفو
احمد:تمام....ومشو كلهم للطاولة الثانية وقعدو يتعرفو ويهذرزو وياكلوا....بينما في عيون تراقب فيهم من بعيد🔥
.
.
______
[ويتبـــــــــع💛💭].
_______
