روايـة:/ ولد عـم أمي👩‍👦❤️ مكــتملةة

Part17

رواية:/ ولد عم امي❤️👩‍👦

حلقه16❤️

الخميس:/
انسام: ي عبوده متفقه معاهن مش معقوله منمشيش 🙁
عبدالله: مش فاضي نهائي
انسام : وااككك تمام نمشي نكلم نوسه امالا 🙁
عبدالله لفت نظره اسم نوسه:من تكلمي ؟
انسام:نوسه بنت بنت عمي 😕
عبدالله:قعدتو صحاب قصدك
انسام:تهبللل بكلل ي عبوده 🥺
عبدالله:باهي دام خاطرك تمشي وتي روحك بعد العصر طول
انسام بفرحه ربي يخليك ليا🥺❤️
ومشت تكمل ف تطيب...
عبدالله بينه وبين نفسه طيفها قاعد بين عيوني البنت عفويه ايي ربي يستر عليها ... يام اني طالع للمستشفى وي انسام العصر نجي نلقاك واتيه
امه:مربوحه ي وليدي❤️
انسام:حاضر🥺
••••
سهير:جاوبت ومجاوبتش
سهى:معناها مجاوبتيش واضحه
سهير:😂😂💔 اهي ابتهال جت
سهى:شصار فيك
ابتهال:واعر طيح سعدها
سهير:اصلا عادي🌚😂
ابتهال:الحياه حلوه🤭
شوي وروحن البنات وابتهال شافت اكرم بس نحت عيونها مبتش ادور واكرم وجعاته بالهلبا 🥺
•••
وبعد جاها بابا هيا وروحت قالت بنقيل والعصر تو نطلعو واني قعدت نطيب🙂💔💔
•••
يسرى:معنديش نيه
انسام:علاش
يسرى:مريضه شوي
انسام:سلامتك حبي مره اخره معانا
يسرى:ان شاءالله🙂
•••
عيسى؛ ها ي بردر🌚
صاحبه: تعالا اني في مشكله ف زنقة ال***
عيسى: جايك هي ان شاءالله خير بس
•••
انور: تمام ردبالك ع روحك ❤️
عويشه: حاضر .. انت بتجيب يسرى
انور: مقالتش
عويشه: اهاا تمام اني بنوتي روحي العصر بيأذن
انور: تمام زي ماوصيتك ❤️
عويشه: حاضر حاضر
•••
اكرم: اتصلت بيها السبت بس مهتمتش ولقيتها مشغول ف لليل 💔 كرهتني ي راجل ااخخخ ضاعت مني ضااعتتت 💔💔
سالم:ي راجل بطل دخان تهلك روحك
اكرم:فوتني نم فوتني راهو كارهه روحي 💔
•••
العشيه/
اني:هيا وقت نوضي🙂
ابتهال : باهي تو نوض🙄 ..فتحت نقال تراجي ف مسج من عيسى بس ملقتش استغربت شوي 😕وصكرت ناضت توتي ف روحها لان وقت بوها بصلي وبيرفعهن
•••
سهى:وااكك شوفي خالو احمد ي ماما
اسمهان:باهي واتصلت بأحمد وقالهن اهو مروح تو نجيهن
••••
عيسى :ضرب ماكن والله 😂
صاحبه:وقفتك مش ح ننساها
عيسى:مش بينا انت خوي.. دورك من جديد كلمني نسيه حليب امه 😒
صاحبه: لا خلاص مستحيل اصلا يتجرأ يعاودها
روح للحوش ../
كميله😱: خيييرك من مداير فيك هكي
عيسى: مافيا شي يام مشكله بسيطه ونحلت
كميله: هدي بسيطه وانت عينك حمره خضره وشاربك دم 😰
عيسى: اعطيني تلج يام مفياش شي
وقعد ينادي ع عويشه
كميله: مهناش عويشه
عيسى: وين مشت
كميله: مع بنات عمك ماشيات للمنتزه
عيىسى؛ باهي وقعد يكمد ف وجه بثلج وخش دوش
••
عبدالله:امتى نجيك
انسام: تو نتصل بيك 📲
عبدالله: ردبالك ع روحك
انسام: حاضر ❤️
•••
طبعا غيرنا جونا هلبا ف المنتزه وكان يوم حلوو بكلل بكلل 🥺
•••
عيسى طلع من دوش تمنى يلقى مسج من ابتهال بس مع الاسف لا وبعتلها وين كان مبعتش متبعتيش 🌚 طمنيني شنجو لامتحان ومش عندك امتحانات كيف طالعه منتزه ومفيش حمدلله ع سلامه😒 لقاها مش متصله رقد
••••
يسرى حقيرات حقيرات اني الحال هاذا معاش يمشي لازم نخلي عبدالله يشوفلي لازم ولازم نلقى فرصه نتواصل معاه ااففف😫
••••
اسمهان: ولدي مش عاجبني ي احمد🙁
احمد:تو ندوره متخمميش عادي بأذن مايصير الا الخير
اسمهان:شوفه وراس خوي لان متعبني😕
احمد:حاضر هي نرفعك لفوزيه خير ماتقعدي بروحك
اسمهان: هي نلبس ونطلع😕
احمد: نراجي فيك .. واتصل ب اكرم
احمد:وين انت
اكرم:عند سالم
احمد: بعد نص ساعه نبيك تكون قاعد ف مقهى ال**
اكرم:ميه ميه 👍🏻
شوي وطلعت اسمهان ورفعها لماما..
•••••
ابتهال:بنات اني بنمشي ناخد كرت نت ونجيكم
سهير:جايه معاك 🚶🏻‍♀️
انسام: شكله متعيوش منغير نت
اني: بكلل الفرخات 🙂
ابتهال&سهير: اصلا عادي🙄
وعويشه يتصل بيها اكرم وتوترت ومشت بعيد شوي من علينا
عويشه: الوو
انور: اهلين شن الجو ❤️
عويشه: تمام وانت
انور: تمام شني مني شن الاجواء
عويشه: تهبلل بكلل🥰
انور: كويس بكل بري استمتعي بوقتك مهم اطمنت عليك
عويشه؛ تمام🤭
•••
سهى: حلو سينابون اعطيك صحه نسومه😍
انسام: صحتين حبي ❤️
•••
ابتهال خدت كرت نت وفتحت ويجيها مسج عيسى .. ضحكت وقتله كويس الامتحان صعب شوي والاحد ساهله الماده وشن في ان شااءلله خير😕 راجته يفتح مفتحش صكرت وقعدنا نهدرزو ولعبنا بالاعاب😂😂❤️
•••
اكرم: اهلين
احمد: وين وين معاش ادور ي راجل
اكرم: مشاغل
احمد: الله الله حتى قبل تجي لحوش خالك فتحي بس شي شي فايتنا حتى جلال معاش جيته😒
اكرم؛ عارف مقصر ي خالي والله بس مضغوط الفتره هدي😕
احمد: شن في خبرني باه بالك نساعدك 😐
اكرم: شي اهو مشاغل حياه
احمد: بديت ادس عليا ي راجل😒
اكرم: ماعندي مانخبرك والله تمشي تمشي
احمد: خيره صنتك دخان انت🤨
اكرم نزل عيونه: الولاد يدخنو حداي🚬
احمد؛ ايياه مش عليا اني 🙄
اكرم؛ متدويش الامي بالله عليك
احمد تعصب: من امتى ادخن 😠
اكرم؛ ملياش هلبا
احمد؛ ي اكرم راهو مضر ليك اهو اني عمري 30 سنه عمري ماحطيته ف فمي
اكرم: الوقت خلاني هكي 😕
احمد: خيرك تتكلم تقول عمرك 60 سنه انت ي راجل.. اشكي لربي ومفيش شي ماينحلش وتبي شي اني موجود صدقني ح نوقف معاك مهما كان انت ولد اختي 👌🏻
اكرم؛ عارفك ماتقصرش
احمد: خالي اسمعني كلنا نمرو بيها الفتره هدي عينك ع روحك وعندك عيله مستحقينك امك مشغوله عليك سيبه دخان منبيش نأمرك بس اسمع كلامي مش ح تستفتد شي غير يقتلك ويزيدك عصبيه شوف لخواتك وامك والجأ لربك هوا ح يحلك مشاكل🍃🔥
اكرم : حاضر ان شاءالله ح نبعل ادعيلي بس 🙂
احمد: عادي عادي كلنا نحبو ف سن اهيا
اكرم استغرب: حب شنو 😐
احمد؛ نفهم ي غالي اني مهما كان اللي صارلك ادعي لربي صدقني لو خير ليك ح يقعدلك هي نوض توا روح دوش وصلي صلاتك وكلم امك طمنها عليك
اكرم ابتسم: حاضر هي امالا نتلاقو😊
احمد: ميه ميه ي برو دورنا
اكرم؛ تم
•••
بعد المغرب تعشينا وقعدنا نتصلو بأهلنا .. اول وحده روحت انسام ..
•••
عبدالله: كيف كان يومك
انسام: حلو بكل ي عبوده🥺
عبدالله: كويس بكل
انسام؛ محلاه جوهن تعرف 🤭
عبدالله: دومم
•••
اكرم روح للحوش دوش وقعد يفكر ف كلام خاله بس لقاه صعب وتوكل ع ربي ودعي واجدد وطلع كلم امه وقتله تعال روح بيا  روح بيها وهدرز معاها واجدد 🥺
•••
سهى وسهير جاهن خالو احمد
••
واحني جانا بابا عويشه روحت لحوشهم
عويشه: ووه خيرك عيسى
عيسى: مصاب😂
عويشه:من شنو بسم لله
عيسى:دعكه👊🏻
عويشه:ربي يهديك ناس تكبر وتعقل وانت تكبر وتهبل 🙄
عيسى:مش خاطري نتعاركو درقي وجهك وفتح نت رد ع ابتهال قالها به بتوفيق محصل اصابه والله وبعتلها صورته قلها تشوهه جمالي🌚😂
•••
احني روحنا هدرزنا ع ماما شوي وكل وحده خشت لدارها 👯‍♀️
•••
ابتهال فتحت نت ولقت صورت عيسى استغربت.. ناري لاباس عليك من شنو هاذا كله😕
عيسى : مشكله والله
ابتهال؛ ربي يهديك🙂
عيسى؛ يهديني سفره لروما
ابتهال: اجمعين🥺
عيسى: ان شاءالله😂 اي خبرني كيف كان يومك
ابتهال اصبر نصلي ونفتح نهدرزو
عيسى؛ تم نراجي فيك تقبل الله مسبقا❤️
•••
سهى وسهير روحن نزلت استوريات وكسدن يهدرزو مع خويله وهكي
•••
يوسف: وين ي عبوده
عبدالله: مشاغل ي حبيبي شن امورك
يوسف؛ ماشيا والله شني متحصلش فضوه نحصلو تكسيده
عبدالله؛ خليها بجو
يوسف: ميه ميه ي طيري 😎
••••
ابتهال: جييت 🌚
عيسى؛ نورتي هي خبريني
ابتهال: شي كلينا وهدرزنا وبس
عيسى؛ باه اهم شي الماكله والقرمه صار
ابتهال؛ يب يب 🌚😂
عيسى؛ راك تسمني بس
ابتهال: شدخلك البطن قبل الوطن
عيسى؛ تقعدي درهوبه بعدين
ابتهال: مالك علاقه ي اخي 🙂
عيسى؛ به به ي خرا
ابتهال: نهبل ف جميع صفاتي
عيسى؛ الثقه الثقه↗️↗️
••••
يسرى قعدت تشوف ف استوريات وهيا مغلوله🙄
•••
بعد مرور اسبوعين..
قعد هكي نفس الروتين ابتهال وسهى وسهير يمتحنن واليوم كان اخر يوم امتحانات وجاوبن الحمدلله❤️  وابتهال تعودت ع عيسى تهدرز هيا وياه🌚... وعويشه وانور تعلقو ببعض وزادت هدرزتهن اكثر واكثر🥰 ...جلال وجنات يهبلو زي قبل🥺 بس جلال قاعد كل مره للاحسن ف حالته الصحيه... اكرم قعد ينقص من دخان بس قاعد كيف ماهو مش قادر يرجع لان معنداش عذر يعطيه لابتهال سبب اختفائه يخدم ويروح تاعب ويرقد وصبح جامعه😕 ... عبدالله خدمه زي قبل ويوسف مع احمد مشينها سهريات ومره مره يجي عبدلله يكسد معاهم واكثر الوقت سهريات ف حوش خالي فتحي حدا جلال .. واني متغير شي زي قبل غير قاعده كل يوم ماما تعلم فيا ف اكله🙄😂..هاذا اللي صار ف الاسبوعين هاذم 🌚👊🏻
•••
ابتهال:الحمدلله كملت واخيراا
عيسى:بنجاح يارب❤️
ابتهال:امينن
عيسى شني مني غدوه بنطلعو زرده
ابتهال: حقا اصلا خاطري نطلع بعد ضغط لقرايه🤭
عيسى: نشوف بوي باش يكلم بوك ونتفقو ونطلعو
ابتهال: وربي مانك عادي باهيو
عيسى: عارف روحي
ابتهال: بشوف روحه تو🙄
وقعدو يهدرز وهيا بعدين استأذنت تبي ترقد وهوا مشي لعمي يعرض عليه فكرة الزرده...
•••
يتبع..❤️

اسم الكاتبه:/ safo__o03🖤