روايـة:/ ولد عـم أمي👩‍👦❤️ مكــتملةة

Part24

رواية:/ ولد عم أمي👩‍👦❤️

حلقه23❤️

بعد العصر/
اني: اهلين
انسام:هلا والله شنجوك
اني: تما وانتي
انسام: تمام .. بنقولك شنو فكرتي لان عبوده يسأل من امبكري
اني: شوفي اني خايفه ومش عارفه بزبط بس اعطيه اميلي ع الفيس ويصير خير
انسام: حليلي نجكك لي مرت خوي المستقبليه
اني تحشمت: عطك الهني😅
صكرت منها وعدت تخبر ف عبدالله
عبدالله: شنوصار
انسام: قتلي اعطيه حسابي لفيس
عبدالله بفرح: احلفي
انسام: والله 😌
عبدالله؛ هاتي هي
انسام:طول هكي
عبدالله: معاش نصبر
انسام: ربي يفرحك وخي❤️
•••
رؤف: شن اخبارك
بابا: الحمدلله
رؤف: وين ماشين
بابا: نقعمزو ع البحر زي زمان
رؤف: ايام الشباب
بابا: قاعدين شباب حتى توا
وعدو ع البحر 🏖
بابا: شنو الموضوع
رؤف: بنخش طول بدون مقدمات ولدي يبي يخطب منك
بابا: زينه بس اين منهن
رؤف: ابتهال
بابا: صغيره ي راجل 😕
رؤف: عارف بس توا مفيش زواج تكمل ثانوي وبعده العرس توا بنحجزها بس
بابا: والله ي راجل شن بنقولك
رؤف: عارفك بتقول بدون حوش وخدمه واشبح شنهو بيني وبينك اختبرته الولد اعطاني علم من السبت قتله اصبر متوقعتش يصبر سمع كلامي وقتله عمك مش فاضي كذبت عليه نشوف تصرفاته يجري يبي يبني فوق حوشنا ويبي يخدم بشهادته بس مفيش قتله حتى عمل حر يمشي( عيسى سابق سنه يعني موليد98 بس قري مع 97)
بابا:نشوف لبنت وهكي وهيا ليكم
رؤف؛ كنت عارف مش ح تردني ربي يكتب اللي فيه الخير ❤️
بابا: ان شاءالله
وقعدو يهدرزو ع بعض وبعده روحو
•••
عويشه: بنطلع لنوسه بعدين نهدرزو
انور:عينك ع روحك
عويشه: حاضر❤️
انور: حضرلك الخير .. بنقولك امتى تبدي قرايه
عويشه: منعرفش قالو ممكن بعد شهر
انور: الزح كيف بصير العرس امالا
عويشه: والله مانعرف
انور: ساهل ساهل هي بري وقولي لعيسى يوقفلك
عويشه:خطوه هوا
انور: كلمه هيا
عويشه: تمام حاضر🥺
ومشت قالت لعيسى وهوا ماصدق قالها بنشوف ابتهال هما طالعين كميله تنادي ف عويشه
كميله: قولي لمرت عمك كان عندهم توم تبعتلي مع عيسى بندير مقطعه جو بدي يصقع
عويشه: حاضرر
وطلعت هيا وعيسى وهما قعدو يدقو ف لباب توقف سيارة بابا
اني: ابتهال:افتحي لباب اكيد عويشه
ابتهال: هي هي
ومشت تفتح ف لباب 🚪
بابا: العريس عندنا
عيسى: تحشم وطبس راسه
ابتهال: هي خشو
بابا: خشي لداخل عويشه مع ابتهال وعيسى تعالا معاي عيسى قلبه طاح ف وسط بطنه😥
خشت عويشه /
ابتهال: وه وه شن صار زعمك 😱
عويشه: شكله رفضه ولا بيضربه لان فكر فيك
ابتهال: علاش تفكيرك هكي انتي
عويشه: ااندرري تعالي نخشو
ابتهال: ربي يسلم😕
•••
عيسى: نعم ي عمي
بابا قرن حواجبه : بتخطب بنتي صار
عيسى: اي كان سخر ربي
بابا: وكان قتلك لا شن بدير
عيسى: سامحني ملاخير ي عمي البنت نبيها ونبيها بالحلال جيتكم من الباب نبيها يعني نبيها ف خودها فقش شن اللي يعيبني باش متوافقش انت
رؤف: ي فرخ تكلم كويس مع عمك
بابا: معندكش خدمه ومعندكش حوش
عيسى: الراجل مش بفلوسه ولا خدمته ولا حتى حوشه كان ع الحوش مستعد نمشي نأجر بس اني نبي مع اهلي وبنبدا فيه واني نبي نحجز وبعده نتزوجو
بابا: منحبش تطويل اني وانت مطول
عيسى: ح نحاول بقدر المستطاع ي عمي غر متسكرهاش ف وجهي🙁 ومان مالقيتش عمال بنسكن ف اجار
بابا: لا بنتي متعيشش ف اجار لازم ملك
عيسى: حاضر ح نخدم لليل نهار باش نجمع حق شقه بس اسمع والله ماتوقعتك تركز ع لفلوس بس هيا هيا المهم البنت نبيها
بابا رخي حواجبه وقعد يضحك: راجل ولد خوي زي ماتوقعت
عيسى فرح: قصدك تختبر فيا انت
بابا: هيا ليك غير زي ماقلت بس اخدم ودير الجو 😂
عيسى باس راس بابا وبوه: ح نكون قد ثقتكم وهادا عهد راجل ليكم ومشي للحوش فرحان بطير
كميله: وين توم
عيسى: توم شني يام افرحي عمي وافق ناخد ابتهال 
كميله فرحت ربي يهنيك وليدي ويسعدك انت وخيتك 🥺
عيسى ؛ امين يام ومشي يتصل ب ابتهال ..
بابا: خلاص هيا ليكم بأذن الله
رؤف: ربي يبارك فيك ي وخي وربي يجمعهم بالحلال ويكمل ع خير
بابا؛ ي رب هي تفضل
رؤف: لالا مغرب هداك هو مره اخره
بابا: ميه ميه بسلامه وخش للحوش
•••
عيسى: تي وافق ي حبي وافق
ابتهال: احلف
عيسى: والله
ابتهال؛ علاش ناداك امالا
عيسى؛ خلعني😂
وشوي وخش بابا يضبح عليها ويضبح عليا
اني: نعم ي بابا ومشيت
ابتهال ؛ووه صكر صكر يضبح عليا
عيسى: ربي يعاونك 😂
ابتهال بخوف : نعم بابا
وجت ماما قعمزت معانا
بابا: شوفي ي ابتهال اني مش هاين عليا نعطيك ولا شي مازلتي صغيره بس ليوم جي عمك طلبك لولده شنو توافقي
ابتهال نحرجت وسكتت
ماما: مانلقو خير منه ماشاءالله عليه
بابا؛ نسألل فيها اني
ابتهال: ي بابا كان انت موافق اني موافقه
بابا: اني اعطيتك ي ابتهال لان عارف مش ح نلقى خير ليه
ابتهال؛ تمام
ماما: اعطيتها ماشاءالله ربي يبارك بس صغيره
بابا؛ حجز بس العرس بعد ثانوي
ابتهال تحشمت وخشت لدار فرحانه تخبر ف عويشه 🤭
بابا: نوسه بنتي
اني؛ نعمين بابا
بابا: اختك اصغر منك موافقه ع خطوبتها
اني: اكيد بابا ربي يهنيها
بابا؛ مش زاعله يعني
اني: لالا ربي يسعدها ويكملها ع خير
بابا؛ ربي يكملك بعقلك ويفرحني بيكن انتن الاتنين
اني: 😊😊 ونضت لابتهال وعويشه
•••
عبدالله: خيرها متردش هادي طبعا من اول ماخدي الاميل بعت هلا سلام عليكم كيف حالك يس اني مكنتش فاتحه نت
•••
عويشه: ربي يهنيك ي قلبي ربي يهنيك🥺❤️
ابتهال: اميين واتصلت بعيسى
اني: ربي يهنيكن حبيباتي
عويشه؛ والعقبه ليك
اني: حيي صح خلي نشوفه بعت ولالا
وفتحت نت ولقيته باعت توترت عويشه معرفتش نرد راه
عويشه تضحك: ردي عادي وخليك رسميه
اني قتله وعليكم سلام الحمدلله وانت رد طوللل الحمدلله وقالي نرن عليك عادي اني نصدمت قتله ليش قالي الموضوع لي بنحكيلك عليه يبي صوت
عويشه: قولي لا بحداي اهلي توا
اني؛ منقدرش احداي اهلي
عبدالله؛ اففف تمام بالله مجرد ماتحصلي فرصه قوليلي
اني: تمام بس ليش
عبدالله؛ اني منبيش كترت هدرزه ي بنت ناس اني نبي كل شي بالحلال نبي نتفاهمو ف كم موضوع وبنجيك طول
اني كبر ف عيني: اهاا تمام بعد نفضى نكلمك
عبدالله: تمام❤️
عويشه: محلاه الزحح هاذا نادر ولد غير موجود
اني: ايي شوفتيه
عويشه: ربي يكملكم ع خير يرب
اني: ان شاءالله خير
•••
عيسى: وربي عمي متاع طروح وجو
ابتهال؛ ههههه خلعك اصلا عادي
عيسى؛ المهم توا قعدتي ليا
ابتهال؛ 🥺🥺
وصكرت منه وكلمت سهى
سهى: كل شي تمام يعني
ابتهال: اي ي حبي لعقبه ليكن
سهى: ربي يسعدك .. لالا سناقل احني وهدرزو شوي وصكرت منها وخبرت اسمهان ..
اسمهان: ربي يبارك ماشاءاله خلي نكلم فوزيه اني وكلمت ماما
ماما: اهلين ي وخيتي
اسمهان: اهلين كيفحاالكم
ماما: الحمدلله وانتم
اسمهان:الحمدلله مبروك ع ابتهال ربي يهنيها ويسعدها
ماما: يبارك فيك ولعقبه لبنياتك وكرومه
اسمهان: سلمك يارب وتفرحي بنوسه
ماما: يارب وهدرزو شوي وصكرت
•••
انور: اعطو ابتهال ماشاءالله
عويشه:اي لعيسى خوي
انور: ربي يبارك ماشاءالله ربي يهنيها
عويشه:اميين يارب ❤️
وصكر منها وخبر حنان
حنان: ماشاءالله العين ماضرنا ربي يدوم علينا الافراح
انور: يارب
حنان: خلي نبارك لفوزيه اني
وكلمت ماما وباركتلها ومنحكيلكن ع دوة نسوان اللي متحزش ونصها تمشي سلمك كيف حالك انتي😂
•••
عبدالله: السلام عليكم كيف حالك توا
اني: وعليكم سلام الحمدلله وانت

عبدالله: الحمدلله..شوره مفيش فضوه
اني: لا والله
عبدالله: فيها خيره لغدوه ان شاءالله
اني؛ ان شاءالله
عبدالله؛ هي صكري نت سادك سهور وارتاحي تصبحي ع خير
اني: تمام تلاقي الخير
•••
يوم التاني الظهر/
ام جنات: تفضلو ي وخيتي مرحبتين بيكم
حنان: ربي يفرحك ي وخيتي زي مافرحتيني
ام جنات: سلمك ي حبيبه
وصكرت وقعدت تهدرز مع خالي فتحي
فتحي: نمشي نتم ف بنت رؤف غدوه وبعد غدوه نتم ف بنت سلمان
حنان: فيها خيره خلي نخبر لولاد وكلمت جلال وفرح وقتله ان بعد غدوه بتمو فيها وكلمت انور وحتى هوا فرح وهكي
•••
احمد: ربي يهنيها ي وخيتي اليوم تو نجي نشوفكم مقصر معاكن
ماما: ربي يبارك فيك والعقبه ليك ي وخي عارفتك ي وخي عادي مفيش باس وتفضل ❤️
وصكرت منه وقتلنا نطيبو شي العشيه خالو بجي واحمد صكر منها وهوا مضايق بكلل 😕
•••
اكرم؛ منو خطب غير انور وجلال ضني خالي
اسمهان؛ غريبه مخبروكش الجماعه ولا نخطبت معاش تكلم فيك
اكرم بعدم فهم : كيف
اسمهان: ابتهال بنت خالتك تم فيها ولد عمها
اكرم ينصدم صدمة حياته لي خلانه يفتح عيونه ع وسعهم: كيف ابتهال منو😨
اسمهان؛ ابتهال بنت خالتك
اكرم؛ قصدك خلاص خدوها 💔وطلع يجري من الحوش ويسب ف سالم والله لما نقتلك ي ولد### تي حمار اني نسمع كلام واحد زيك تي خدوها مني خدوها💔💔 وركب سيارته ماشي يجري لسالم....
••••

يتبععع❤️

اسم الكاتبه: safo__o03🖤