روايـة:/ ولد عـم أمي👩‍👦❤️ مكــتملةة

Part25

رواية:/ ولد عم أمي❤️👩‍👦

حلقة24❤️

اكرم؛ قصدك خلاص خدوها 💔وطلع يجري من الحوش ويسب ف سالم والله لما نقتلك ي ولد### تي حمار اني نسمع كلام واحد زيك تي خدوها مني خدوها💔💔 وركب سيارته ماشي يجري لسالم ويخبط ف سياره
اكرم طلع من سيارته مفيشي شي اللي ضررت سياره الاخره طلع يشوف فيها
اكرم الله يلعنه الله يلعنه وفتح باب السياره ويلقاها بنت ..فيك شي وخيتي
الهام: اني مصارلي شي بس سياره صارلها🙂 وين عيونك ي بابا تحساب الشارع ليك انت بس جاي هاد واني عندي موضوع كيف بنطلع توا اه قولي كيف 😠
اكرم: اسف حقك عليا هاك رقمي ودوريني بعدين لان عندي موضوع ضروري نحله
الهام: انبي لا متقولهاش كلنا عندنا مواضيع عزيزي نظام هاك رقمي ودوريني بعدين فلاخير يطلع رقم مليشي وجود وتختفي لالا ميمشيش عليا
اكرم بقلة صبر؛ اللهم جيبك ي طولة البال... تي ماعندي علاش كاذب عليك هاتي نقال خدي نقالها وكتب الرقم وقعد يرن تلفونه ها شوفتي
الهام: مدخليش بيك اني توا تكلم حد يجي يرفع سيارتي واني نركب مع حظرة جنابك ونمشو لصلاح وتدفع حق سيارتي وبعده بسلامه كل واحد وطريقه
اكرم بعصبيه: شنحالك باللهي تي نقولك مش فاضي
الهام؛ حتى اني مش فاضيه لو انت عندك عيون وركزت راه مصارش هكي دبر راسك ومشت ركبت ف سيارته
اكرم : شن الهم لي حصلت فيه اوووفف وااتصل بواحد يخدم ف ورشه وقاله تعاالا نبو نرفعو سياره واعطاها المكان ومشي لسيارته
اكرم: انزلي دوري شي مكان قعمزي فيه لعند مايجيو يرفعو سياره
الهام؛ تحسابني خايبه باش تهرب لالا اني بنقعمز اهني لين يجو
اكرم: خيرك لصقه هكي انتي اخطيني الزح
الهام: تحسابني غير حُبا فيك عزيزي سيارتي نبي نصلحها وبتصلحها انت بعد تدفع لفلوس تو نحز من عليك وتوا لو سمحت اطلع باش ميفهموش الناس غلط
اكرم: قلة ادب بعد هكي مفيش🙄
( تعالو نقوللكم منو الهام.. هادي ي حنه موليد99 من عمر اكرم  تخدم مبطله قرايه بوها مخطوف من الحرب ميعلموش حي ولا ميت تخدم ع امها وهدي قصتها بأختصار وحده تافهه وعايشه الحياه بجوها وعاشة معناه وهكك😕)
••••
عويشه: ربي يكملنا ع خير حبيبي
انور: ساعات وتقعدي خطيبتي ي قلبي🥺❤️
عويشه: ربي يهنيها يارب
انور: آميين❤️
••••
اني: ليوم بجو رجاله بتمو فيها
ماما:بعد يروح خالك احمد تو نمشو
اني: تمام وخشت لدار عشان نكلم عبدالله 🤭
عبدالله: السلام عليكم
اني بخوف: وعليكم السلام
عبدالله:كيف الحال ان شاءالله بخير ي ربي
اني: تمام الحمدلله وانت
عبدالله: الحمدلله شوفي ي بنت الناس اني ناوي الحلال شهاده لله من يوم شفتك وانتي خشيتي خاطري اني منبيش كترت هدرزه ودوه لان لي منرضاشي ف اختي منرضاشي ف بنات الناس تمام
اني : اي تمام🥺
عبدالله : تاني حاجه اخر لقاء بينا حسيت زي لي فهمتيني غلط وفعلا تصرفي غلط اني والله كنت نبي نفتح معاك اي موضوع لان نبي نوصل فيك وعاجبتيني بس تصرفت غلط اسف قبل بنعتدر تاني يوم بس لقيتك مروحين
اني؛حصل خير
عبدالله؛ ف ي بنت الناس نبيك هالفتره تشوفي طبعي وكان عجبتك ح نتقدم طول
اني بأعجاب: تمام وقعدو يتعرفو وبعده صكرت  ..
••
بعد ساعه جو رفعو سياره 🚘
الهام: تبعهم
اكرم: نعرف الطريق بروحي
الهام: باه عارفتك فالح تعرف طرق مصراته بس غبي انت بدال مانمشو غادي ونسبقوهم ونقعد مع خليقتك اكثر ونراجو نمشو معاهم مش نوصلو جميع وتحز مليت اني
اكرم : باهي
الهام: خيتي سلمني الذكاء عندي ↗️
اكرم: ربي يصبرني مش عارفه شن مداير اني بس
الهام: امك راضيه عليك اللي تلاقيت معاي
اكرم:😒
حوالي ساعه تانيه ووصلو ..
نزلو اكرم والهام 🌚
الميكانيكي : ي خوي مفيهاش ضرر واجد تبي 1000 جني هكي
اكرم: كان فيها ضرر كم خدت امالا
الهام ضحكت: يالله ادفع وبرا ع حالك
اكرم: دفعهن وطلع بسيارته لسالم
الهام: امتى ناخدها عمو
الميكانيكي: اعطيني رقمك تو نتصل بيك
الهام كتبت رقمها وطلعت : حي ع الغباء ضربني بعين شوره اللي منعرفش حتى اسمه كيف بنروح توا ااففف 😠
اتصلت بصاحبتها وجت روحت بيها
•••
العشيه/
احمد: كيف الحال
اني: تمام وانت
احمد: الحمدلله ربي يهنيك خالو
ابتهال: سلمك والفال ليك
اني: خيرك مش ع بعضك
احمد: شي اهو
اني: قولي
احمد: حتى حاجه شنو مفيش قهوه امالا
ابتهال ناضت: لالا اهي وانيه ودرتلك تشيز
احمد: بدت جو الفالحه وحتى راجلي😂💔
اني: مازال 😂
••
فتحي : الله يبارك فيك ي وخي
رؤف: سلم ي غالي
فتحي: في مشيئة الله العرس بعد شهر
رؤف استغرب: خيرك مستعجلين
فتحي: هداك هو ي غالي
رؤف: والله الا بكري
فتحي: لالا مش بكري سلم وخي نبو نفرحو بيهم الولاد
رؤف: فيها خيره ان شاءالله
وهدرزو ي حنه وهكك
•••
تعالو نحكيلكم شصار مع اكرم وسالم/
اكرم ضرب سالم طريحة رباش قبور وسالم مصداش
اكرم: كله منك عدت كله منك
سالم: ي راجل صدقني اللي درته صح
اكرم: اما صح اما صح وهيا خدوها خدوها تي معنديش حتى وجهه توا نوقف ف طريقها ونقوللها افسحي ف نظرها هارب اني 💔 ومعاش قدر يسيطر ع روحه وقعد يبكي
سالم وجعه صاحبه: استهدي بالله ي اكرم
اكرم : نحس يدك نحي تي توا معاش نحلم بيها حتى الحلم😭
وقعد فتره يهدي فيه وبعده اكرم ركب سيارته وضغط ع العجله ومشي وسالم حاول يلحقه بس فشل
•••
روحو عيت فتحي ي حنه ورؤف خش لداخل /
رؤف: عرسك بعد شهر
كميله شهقت😨: ووه خيرهم مستعجلين
رؤف: من غدوه اطلعو بتتو هداك هو
كميله؛ اسمالله علينا
وعويشه مخلطه فرح ع توتر عرسها قريب وهكك وبعده طلعت من حدا بوها وامها ومشت تكلم ف انور
•••
احمد: اعطيك صحه ي خالي
ابتهال: سلمك صحتين
احمد؛ هي امالا نستأذنكم
ماما: اقعد خيرك
احمد : خلاص هداك هو الولاد يراجو فيا
طلع خالو وبعده مشينا لحوش عمو
•••
انور: مبروك علينا
عويشه: يبارك فيك مش كأنه استعجلنا
انور: لالا هداك هو
عويشه: ربي يكتب اللي فيه الخير غدوه نقول للبنات ونبدا نطلع لسوق
انور: ربي يهنينا ❤️
•••
عويشه: حياتي يبارك فيك والعقبه ليك
اني: سلمك ي رب
عويشه: شنصار معاك انتي
اني: اترصلت بيه وتفكيره يهبل بكل
عويشه: خبريني خبريني شنصار
اني: حكيتلها شن حكينا
عويشه: تفكيره قنين بكل والله ربي يكملكم ع خير يارب وتتزوجي
اني: ههههه سلمك
ابتهال: صبيتي شحالك
عويشه: ههههه حيوانه
ابتهال: وين راجلي
عويشه: بدينا عاد
وقعدن يهدرزن وقتلهم من غدوه نبيك تطلعن معاي عشان البتات وهكي لان معاش في وقت
•••
اكرم ع البحر يسكر🍾 : عدت خلاص اني جبان اني هربت اني الحق علياا اااخخخ نار ف قلبي قعد طول لليل هكي 💔
•••
تاني يوم /
اني: صبح خيرك تنوضي فيا
عويشه: نوضي نوضي هداك هوا وتي روحك القايله بنطلعو لسوق
اني: ساعه 11 ي بنتي
عويشه: نوضي بلا كسل
اني: به صكري 🙄 وفتحت ماسنجر ولقت عبدالله باعت صباح خير كيف حالك ردت عليه وناضت تفطر وضم ف الحوش
•••
عيسى: بنرفعكم اني زعمك بوك يوافق
ابتهال: استأذن منه
عيسى؛ من لي يستأذن اني ولا انتي
ابتهال: انت🌚
عيسى؛ سلم حبيبتي انتي قولي
ابتهال: يصير خير صكر خلي نمشي نفطر
عيسى؛ تم صحه
•••
ماما: بتركبي معاه
ابتهال: شن فرقت يعني ع اساس منربكش معاه قبل
ماما: شوفي بوك
بابا : خيركم
ماما: عيسى بيرفع عويشه بتبدا تبتت وتبي البنات
بابا:يمشن
ماما: عيسى راه
بابا: عارفه حتى اني عيسى ردبالكن ع روحكم والمغرب يكونن هنا
ابتهال: تمام ❤️
وقعدنا نجهزو ف الغدي
•••
اسمهان: وينه خوكن مش معقوله لتوا قلبي قلبي
سهى: ي ماما شوفي خالو احمد
مكملتش كلامها الا ويخش اكرم
اسمهان تبكي : وين كنت ي وليدي شغلتني عليك
اكرم: عند الولاد يام متشغليش بالك
اسمهان: معقوله من صبح مطمنيش
اكرم: سامحيني يام خلاص وخش دوش ورقد😕
•••
بعد الغدي وتينا روحنا وطلعنا للمحلات ولا يخلو الامر من مناشبات عيسى لابتهال واحني نضحكو
اني فتحت نت ولقيت عبدالله باعتيلي ومدورني رديت اسفه غير بنت عمي نخطبت وعرسها قريب ف قاعده ف سوق عبدالله بعتلي تمام ردبالك ع روحك
•••
العشيه /
اتفقو خالو فتحي مع سلمان بو جنات والعرس وكله تمام وقعدو يهدرزو
•••
جلال: ربي يباركلنا
جنات: يارب ربي يخليك ليا ويجمعنا بالحلال
جلال: يارب خلاص هانت شهر وتقعدي عندي وهدرزو هكي
•••
احني ف سوق شرينا بعض الحاجات وعينا بنروحو ..
ابتهال: جعانه وكلنا العفو
عيسى: معنديش فلوس بنبني الحوش توا
ابتهال: نبي ناكل قلت 🙂
عويشه: مرت خوي بكللل ماكله وخلاص
ابتهال: ناكل من فمك امالا
عيسى؛ اققوااعع
اني؛ من توا تتعاركن
ونزل للمطعم ..
•••

يتبع❤️

اسم الكاتبه/ safo__o03🖤