روايـة:/ ولد عـم أمي👩‍👦❤️ مكــتملةة

Part6

رواية :/ولد عم امي👩‍👦❤️

حلقه خمسه❤️

مع10كل واحد روح لحوشه ...
اني وعويشه نبعتو ف مسجاتت/
عويشه:تهبلي ي نوسه انتي🥺
اني:يارب تصدف وربي يجمعكم🥺❤️
عويشه:خيرك انتي جوك مش حلو
اني:لا بس شكله بناخد برده
عويشه:سلامتك خودي بنادول
اني:لالا تو بنرقد تو نوض جوي حلو
عويشه:تمام تصبحي❤️
••••
ابتهال:اكرم وينك🙂
اكرم يشوف ف رسائل وميردش
ابتهال:اكرمم
شاف ومردش طلعت تصفح ف انستا وتنزل ف استوريات
•••
اكرم:سامحيني بس بنحاول نبعد من عليك ربي يصبرني💔
(اكيد عرفتو اللي يحبها اكرم 💔)
••••
عويشه:محلاه ي ربي محلاه🥺
شوي هكي ويجيها اشعار من لفيس
•••
احمد:عبوده
عبدالله:ايوا
احمد:وين هايم
عبدالله:والله تاعب شكله بنخش نرقد
يوسف:زي دجاج انت بكري بكري
عبدالله:الله غالب
عماد:هي ي ولاد شوايات طابو
احمد&يوسف&عبدالله:هي هي 🤤
•••
جلال:جنتي
جنات:نعمين🥺
جلال:امتى بتكوني معاي
جنات:حبيبي اني نبيك تكمل حوشك قبل
جلال:معاش مازال هلبا .. حبي اقل شي نعطي كلمه فيك
جنات:تمام حبيبي شوف اهلك شن رايهم بعده ناخد موعد مع اهلي
جلال:تم حياتي❤️
••••
ابتهال :ميردش الحيوان ..خلي نتصل بيه ...يمشي الخط لين يفصل لا رد ...تكنطت طفت نت وهيا بترقد تسمع ف اختها تبكي نخلعت 😳
ابتهال:نوسه نوسه
ايناس متردش
ابتهال ناضت تحرك ف ايناس:نوسه ردي مست راسها لقتها حراره بتفتفت وترعش هلبا خافت طلعت لامها 🥺😭
••••
عويشه جاها اشعار ع لفيس ان سهير دكرتها ف منشور...علقت فيه سلم انور وخلاص كان يوم حلو معاكنن❤️
••••
انور يصفح ف لفيس طلعله ان سهير ذاكرته ضحك ولقي وحده معلقه اسمها (Awesh __abdo01 )سلم انور وخلاص كان يوم حلو معاكنن❤️
انور ابتسم وبعت طلب صداقه وخش عليه جلال..
•••
ابتهال: ي ماما 😭
ماما برعشه: خييرك
ابتهال: نوسه مريضه ومتردش عليا
ماما وبابا ناضو بفزع: شن ان شاءالله خير
خشو لقوها حراره هلبا 🥺
بابا: لبسوها بسرعه طالع نسخ سياره
شوي هكك وطلعنا
بابا: ابتهال انتي امشي لحوش عمك
ابتهال تبكي : لالا بابا نبي نمشي
بابا: ابتهال امشي لحوش عمك
ابتهال : اااخخخ به طمنوني 😢
ماما : تمام
ركبو ف سياره ومشو لطواري ..
•••
ابتهال ادق ع حوش عمها//
عيسى استغرب: منوو
ابتهال بعبرتها: افتح انا
عيسى نخلع: خيرك شن في منو ماتت😳😳
ابتهال بدون قصد تعنقت عيسى وتبكي
عيسى اقشعر جسمه: شن في ابتهال خوفتيني
ابتهال: نوسه 😭
عيسى: خيرها ي بنت قولي😐
ابتهال: مريضه ورفعوها للمستشفى
عويشه : منو ع الباب .. هييي شديري هنا ... خييررركككك تبكي😳
عيسى حول ابتهال ...
عيسى: خوشي خوشي ... نوسه مريضه ورفعوها للمستشفى
عويشه بصياح: ووههه خيييرها ووه عليا ووههه 😭😭
كميله بخوف: خيركم
عيسى بدينا احني خشي داخل الزح .. نوسه بنت عمي مريضه رفعوها للمستشفى خشي داخل هيا انتي وياها
ابتهال تعنقت ف عويشه وقعدن يتعايطن 😭😭
وعارفتت دراما متاعنا عاد انتن😂💔

عبدرؤف ناض من الاصوات: شن في
كميله: نوسه مريضه ورفعوها للمستشفى
عبدرؤف : خلي نتصل بعبسلام
•••
ف المستشفى/
بابا: كيف مفيش دكتور كيف
الممرض: والله ي عمي عندنا نقص ف دكاتره شوي بس نديرو اتصالتنا ونجو
ويقطع عليه اتصال تلفون عبسلام..
بابا: نعم
عمي: شن في ي عبسلام
بابا: البنت مريضه ومفيش دكاتره البلاد المغبره
عمي: اسمع وين انت مسافة طريق ونكون عندك
بابا: طواري
••
جلال:انور نايض
انور:اي تعال
جلال:كنت نتصل بالبنت
انور:به ضروري تنوض مواجعي وتزيد ف جفاف 🙂
جلال :اسكت... ي راجل معاش بنصبر الحوش معاش مازال عليه هلبا بنمشي بنعطي كلمه
انور: واني وين موقعي ف الاعراب يعني
جلال:كان تصبر تحج
انور: به كمل 😂
جلال: كيف بنفتح الموضوع مع امك
انور:عادي يعني قولها بنخطب ساهله
جلال بعصبيه:بطل تفاهه واقعد جدي شوي 😒
انور:به به ها كمل 😂
جلال:تدكر يومها وقت قتلها نبي بنت قتلي فرخات مافرخات
انور:حاول معاها غدوه وكان صكرت راصها قول لبوك عارف متكسرش ف كلامه
جلال: يصير خير 😕هي تصبح
انور: تلاقي الخير ... محلا حياة سناقل خلي نرقد خطرت عليه عويشه واذكر طلب صداقه ترا نشوف قبلت ولالا
انور:قاعد معلق 😕اصلا عادي صكر نت ورقد 😴
•••
عند الولاد/
يهدرزو وفاتحين حطب وجو جميل
عماد: عبوده تلفونك يرن راه
احمد: اقفله ي راجل
عبدالله: لا اكيد مكالمه مهمه ف لليل
يوسف: رسمي من المستشفى
عبدالله ناض
عبدالله:نعم حكيم
الممرض:دكتور تعال للمستشفى ضروري
عبدالله: شن في
ممرض: عندنا نقص ف دكاتره وعندنا حاله
عبدالله : نص ساعه ونكون عندك
عماد: شن في
عبدالله اني مروح سامحوني
يوسف: خيرك
عبدالله: في نقص ف دكاتره وفي حاله جايه
احمد: ربي يعاونك ي راجل انتبه
يوسف: نروح معاك
عبدالله: لالا بناخد سياره بس
علي: تم ي عبوده زينه تو نروح بيهم اني
عبدالله : تم هي
••••
بابا: شنصار ي ولدي البنت الحراره بتقتلها
الممرض: هي ي عمي دكتور جاي
خش عمي : شنصار
بابا: تو بجي دكتور قال
ماما تبكي وتنوض فيا بس اني كنت شبه دايخه
••••
ابتهال: خارج تغطيه ماما
كميله: تو تشوف عمك .. واتصلت
عمي: نعم
كميله: شن صار
عمي: تو بجي دكتور مازال مخشتش
كميله: به ربي يستر طمني
عمي : تمام
ابتهال: شنصار😭
كميله : قال مازال مجي دكتور
عويشه : خلاص ابتهال نوضي نعطيك توته واغسلي وجهك وصلي ركعتين ارتاحي تو تقعد تمام اكيد🥺💔
ابتهال: تمام😢
ناضت ابتهال خدت توته من عويشه وبدت تصلي
عويشه: البنت ماتتحمل بكل ربي يسلم خايفه ع نوسه ي ماما
كميله: والله ربي يسلمها 🥺
عيسى جاهم: وين ابتهال
عويشه: تصلي ف داري
عيسى مشي لاابتهال ...
عويشه: نطيب قهوه ونجي
كميله: باه
••••
سهى:من طفي نت
سهير:شكله ماما😐
سهى:بنطلع نشوف اني
سهير: جايه معاك
طلعن وملقوش امها
سهى: لفرخ اكرم اكيد
شوي ويجيهن من الوراء اكرم :بخخ👻
وسهير وسهى يطلقنها عيطه يخلو اسمهان تنوض مصبيه😳: شن في
اكرم يضحك: شن اديرن
سهى: ي ماما ولدك الحقير طفي نت وخلعنا
اكرم: ساهرات ي امي راه
سهير: واهو انت ساهر
اكرم: نقرا ف قرآن ☺️
سهير: كان مش خوي راه صدقتك
اسمهان بصغوت عالي خلاهم يسكتو: خلاااصص ... نت معاش في وخداته خشو ارقدو ..
سهى&سهير: لااااععععع كله منك ي حيوان
اكرم: تستاهلن خشو تمرقدن
خشن البنات بنرفزه
•••
عبدالله وصل🏪 /
ممرض:هي دكتور المريضه تاعبه
عبدالله دخلها هي ... مشي لبس حوايج المستشفى
وخششو نوسه
بابا: شوفها ي دكتور بالله
عبدالله:هي هي
•••••
يتبع❤️

بدي الحماس 🤭🔥

اسم الكاتبه:safo__o03🖤