روايـة:/ ولد عـم أمي👩‍👦❤️ مكــتملةة

Part29

رواية:/ ولد عم أمي 👩‍👦❤️

حلقة28❤️

ديباج: وراسك سوسو كملي هالملفين بنطلع توا اني وقت
سندس: ااففف وربي حاله كلا انتي
رضا: هي هي سلم سوسو اخر مره
سندس: امشو درقو وجوهكم من عليا
طلعو ديباج ورضا
يوسف: تبي مساعده
سندس: ياريت بجد لان شوي واختي بتجي
يوسف؛ هاتي شنو نساعدك
سندس: هاك الملف هاذا موضوعه طويل
يوسف :تمام تو نروح بيه
سندس:بجد شكرا
ع خشت زهره
سندس: اهلين زيزو
زهره:هلا حبيبتي شنو كملتي
سندس: لا مازال
زهره: وااك من الخدمه متاعك المهم اني لاحقتك نتلاقو غادي لان قصي جي
سنخدس: تم غلاي سلمي عليه
زهره:يوصلل
وطلعت
يوسف: كيف مكملتيش 😕
سندس: عيد ميلادها ومدايرين مفاجأه وماشريتش شي نطلع نشري بعده نمشي للحفله
يوسف: اها تمام بري
سندس: شكرا للمره تانيه سلام
يوسف: سلام
خلي نتصل ب امي قبل مانطلع
حنان: اهلين وليدي
يوسف: اهلين يام
حنان: شنحالك
يوسف: الحمدلله حال الخدمه
حنان: ربي يعاونك
قعدو يهدرزو شوي وبعده هوا طلع ياكل حاجه ومشي لشقه متاعه عشان يكمل الملف
••
سهير: عاش من شافكن
اني وابتهال: يعيشو حباب قلبك
سهى:شلمور
ابتهال: ماشيا سمعتي باخر قرار
سهى وسهير: سنو
ابتهال: بنبدو قرايه
سهيرر: ووهه ووهه
اني ؛ حتى اني بنجدد القيد
وقدنا نهدرزو🌚
••
بابا: اهلين وي مرحبا انستو تفضلو
عبدالله وخالي: زيد فضلك
بابا: سامحوني والله العيله مش هنا نمشي نحط قهوه ونجيكم
احمد: لالا خليك تو نوض اني
بابا: باه تمام
مشي احمد يطيب ف قهوه
عبدالله: ياحاج بنخش طول
بابا: تفضل دكتور
عبدالله: جاي وطالب الحلال عمي عبسلام نبي بنتك ع سنة الله ورسوله بابا : زينة الناس نتشرفو
عبدالله: وبأذن الله مايصير الا لي يسر قلبك ي عمي
بابا: نشوف العيله ونرد عليك دكتور
عبدالله فرح: تم ي عمي
وخش احمد بالقهوه وقعدو يهذرزو ع الحال والاحوال
••
الهام: خيره يتصل هاذا وصكرت عليه
اكرم؛ خيرها تصكر ادير ف جو العويله ورد اتصل من جديد
الهام: خيرك شتبي🙄
اكرم: خيرك تصكري ف وجهي
الهام: هكي مزاج 🙄
اكرم: خيره اسلوبك هكي
الهام: اموري هي بسلامه وصكرت ف وجهه
اكرم: هاللي ماتحشم ورد اتصل
الهام؛ لصقة فران انت
اكرم: اسف
الهام:اصرفها ف المصرف 😒
اكرم: والله اسف لو جرحتك منعرفش علاش درت هكي بس اسف والله ماعارف نتصرف اني
الهام: انت ماتحشمش بس
اكرم: به خلاص دليتيني
الهام: شن تبي
اكرم: تاعب اني
الهام: انساها
اكرم: كيف😕
الهام: عيش لنفسك
اكرم: منقدرش نحبها
الهام: اعطيك حبه
اكرم: به معاش نتكلمو عليها احكيلي ع نفسك نبي ننساها ولو دقايق بس لان راصي خلاص من تفكير فيها
الهام: كيف بنتكلم ع نفسي!
اكرم؛ اتكلمي اي شي مهم نفتحو موضوع اخر
الهام؛ ي مينه ي وحنه اني الهام راس بنت ماعنديش خوات بنات ولا ولاد عايشه مع ماما ونخدم وموقفه قرايه من بعد الثانوي وبس
اكرم: بوك وين
الهام اضايقت: مفقود من الحرب
اكرم: ربي يرده طيب واني بوي متوفي
الهام: ربي يرحمه💔 وانت احكي
اكرم؛ اني ولد اكبر واحد عندي زوز خوات تؤام اصغر من وامي
الهام: موليد لكم انت
اكرم:99
الهام: زيني صار شهر كم
اكرم:1
الهام: واني6
اكرم: اكبر منك😛
الهام: اصلاا عادي به خواتك موليد الكم
اكرم:2003 سهى وسهير اسمائهن وامي اسمهان
الهام: ربي يحفظكم لبعض
اكرم: ويحفظك ربي
وقعدو يهدرزو لعند المغرب 🌚
اكرم: الوقت بسرعه بسرعه اني عندي ماندير
الهام: تمام حتى اني بنروح لامي
اكرم: وين انتي
الهام: ف الخدمه
اكرم: عبو عليك تخدمي
الهام ؛ مفيش زبائن والله
اكرم: شن تخدمي
الهام: محل نسائي
اكرم؛ ربي يعاونك هي امالا نهدرزو بعدين
الهام: تم بايي🌚
•••
عبدالله: قال بشوف العيله ويرد عليا
احمد: ربي يكتبلك اللي فيه الخير صديقي تبي شي اني موجود
عبدالله: بارك فيك ي غالي
•••
يوسف: خلي نشوف ترا شن يبي الملف
فتحه وطاحت منه تلات صور .. شن هادم سندس هيا وصغيره بكل واللي بعدها سندس وبنت تانيه واللي بعده سندس وديباج ونفس البنت الاخره وكانن بدون وشاح ركز ع سندس بعده تعود من شيطان وحطهن ف جيب كبوطه وقعد يخدم عليه
•••
سندس : ها شنو
ديباج: شوفتي الصور اللي ف الملف نسيت نقولك عليهن
سندس: صور شنو ملف شنو
ديباج؛ مش اعطيتك ملفين واحد من الملفين فيهن صور نبيك تعطيهن لزهره واحده ايام وانتن صغار وف ثانوي وف جامعه بعد تلاقينا
سندس: تبصري انتي مش صح 😱
ديباج: وحياتك لا
سندس: اعطيك دي خيرك مدويتيش الملف عند الولد ووه عليا اصلا واضح من بدايته اليوم اغبر صكري كيف بنوصل فيه الولد اني
ديباج؛ نهارك احرف هي صكري بنكمل الفلم اني
سندس: اااخخخ ي قلبي وخلاص ومشت تكمل ف حفلة العيد ميلاد وعقلها مش معاها نهائي
زهره؛ خيرك سوسو
سندس: شي بس تعب خدمه هي حبي هاك الهديه وان شاءالله بطولة عمرك انتي وراجلك
زهره: بكري وين
سندس: تاعبه حبي هي بسلامه
زهره: باي حبي وشكرا واجد ع المفاجأه والهديه
سندس: ولوو وتسلم عليك ديباج وتعيد عليك
زهره: سلمها ❤️
•••
ماما: هي ي بنات بوكن جي
ابتهال: خيره بكري
ماما: الله اعلم قال خلاص
اسمهان؛ عاودوها
احني؛ ان شاءالله وطلعنا لسياره
•••
عويشه:حبيبي هيا
انور: هي جاي
عويشه؛ حطلنا فلم هيا
انور: اهو حطينا وقعدو يتفرجو مع بعض
•••
بابا: ي نوسه تعالي
اني: نعم
بابا: جايك عريس اليوم
اني بأستغراب: كيف
بابا: شوفي دكتور عبدالله طلبك مني شوفي روحك انتي عارفه كبير عليك وهكي بس ع راحتك مش غاصبك فكري ف المووضوع وبنسبه ليا اني موافق لان ماشااءلله عليه
اني تحشمت: تمام ومشيت لدار ابتهال
ماما: خيرك قلتلها انت تحشمت البنت
بابا: عادي مافيها شي شن رايك انتي
ماما: ولد عمي ماعندي كيف ندمه
بابا: ايييوا صار هيا هكي 😂
•••
ابتهال؛ حي ع الجو حليلي وخلاص منه
اني: بابا طول قالي تحشمت وربي
ابتهال؛ شن شعورك ترا قولي 🥺
اني: فرحانه
واتصل عبدالله ؛ ها نوسه شنلمور
اني؛ تمام وانت
عبدالله؛ بخير ولله الحمد شنو كلمك بوك ولالا
اني: اي قالي 🤭
عبدالله: وشن رايك
اني: منعرفش
عبدالله: هاذا كله ومتعرفيش
اني: ان شاءالله خير ح نصلي ونردو عليك ومايصير الا كل خير
عبدالله: باهي ربي يحفظك
وهدرزو شوي وبعده صكررو
واتصلت بعويشه
•••
انور: تلفونك ي حبي يرن
عويشه؛ وقف شوي الفلم
انور: منو
عويشه: نوسه ان شاءالله خير
اني؛ هلا حبي
عويشه: اهلين غلاي شنجو
اني؛ تمام التمام ي حبي افرحيلي
عويشه: شنو ي قلبي
اني: جي دوي لبابا
عويشه؛ الله ربي يسعدكم حبيبتي ويهنيك يارب ويكملك ع خير
اني: يارب
عويشه: فرحتلك وربي ❤️
اني: خيتي سلمك وسامحيني ازعجتك والله قلت لازم تعرفي اول وحده
عويشه؛ معاش تقولي ازعاج ف اي وقت ي قلبي ربي يخليك ليا ويسعدك يارب❤️
وصكرت نوسه
انور؛ خيرها
عويشه: جايها عريس
انور؛ فرحانه هكي كنهاذا
عويشه؛ ههههه اششش وانت حشري تو تسمع بعدين هي نكملو الفلم
انور: ي ناري ع الشر 😑
•••
الصبح/
يوسف: صباح الخير
رضا وديباج: صباح النور
يوسف قعمز ف مكتبه وبدي يخدم
ع خشت سندس: صباحوو
رضا&ديباج&يوسف: صباح الخيرات
سندس تحشمت؛ استاد يوسف كملت الملف
يوسف؛ اي تفضلي
سندس: شكرا تعبتك خداته ومشت لمكتبها وفتحاته ومتلقاش الصور 😥
توترت وقعدت تخدم
•••
بابا: شوفي لبنت كان موافقه قوليلي باش نعطي علم للولد يجيب اهله ويخطبو رسمي
ماما: تمام وجتنا
اني: موافقه ي ماما
ماما: ربي يسعدك ي بنيتي
وخبرت بابا وفرح بابا وكلم عمو رؤف
روف: صباح الخير
بابا: صباح النور ي رؤف شنحالك
رؤف: الحمدلله وانت
بابا: الحمدلله بنقولك ي حاج جايني ناس يخطبو ف ايناس بنشوف رائيك
رؤف: زينه منهما
بابا: الدكتور عبدالله
رؤف: من خيرة ناس توكل ي حاج
بابا: تم ي غالي هي امالا بسلامه
رؤف: بسلامه
بابا اتصل بخالو احمد
احمد؛ ايوا ي حاج
بابا: ي احمد قول لدكتور عبدالله يتفضلو ف اي وقت
احمد: بارك الله فيك ي حاج تم تو نقوله
وصكر من بابا ورن ع عبدالله وعطاه العلم وفرح هلبااا وكلم انسام
انسام: ربي يبشرك بالخير يارب 🥺
فرحتلك ي وخي
عبدالله: سلمك ي غاليه خبري امي وغدوه امشو
انسام: مش بكري غدوه
عبدالله: صبرت واجد
انسام: تمام ي وخي ربي يفرحك وصكرت منه وخبرت امها وفرحت وااجد وقتلها اعطي علم ليا ان بجونا غدوه🤭😂
•••
ابتهال؛ هي نوضي نضمو بسرعه
ماما: بسرعه بسرعه ي بنيتي خيرهم هادم اكيد العرس بكري ووه وخلاص
ابتهال: صلي ع النبي ي ماما
وقعدنا نضمو وماما كلمت خويله وعطتها علم وفرحتلي واجد وقتلها باش يجو غدوه وهكي وكلمت مرت عمو حتى هيا
••
عويشه: اي ي عميمه غدوه بجو يخطبو رسمي
حنان؛ ماشاءالله نوسه تستاهل ربي يسلمها
يسرى؛ خيرها ايناس
عويشه؛ دكتور عبدالله ولد عم بوك غدوه بجي بيخطب نوسه
يسرى جتها صدمه تلاتية الابعاد: شنو قلتي😱
عويشه بأستغراب: نوسه بيخطبها عبدالله
يسرى مشت ركبت لدارها وهيا حامقه وتسب وتلعن والله مش ح ترتاحي ي ايناس والله كل شي نبيه تاخدي فيه مني والله ماح ترتاحي مدام اني عايشه حقييرررره🤬 خليه يخطبك مش ح نخرب عليك ع الخطوبه ح نخليك تردي لاهلك مطلقه ي حقيره وهاذا عهد عليا
•••
حنان: مبروك عليها بأذن الله تو نجو ي وخيتي
ماما: يبارك فيك سلمك خلاص نتلاقو
•••
ديباج: بنتغدو احني سسوسو تطلعي معانا
سندس: لالا صحتين
ديباج؛ هي حبيبي نطلعو وطلعت هي ورضا
سندس متوتره زعمك نقوله وبعد حوار بينها وبين نفسها : يوسف
يوسف: انعم
سندس: ااا شوفت صور ف الملف
يوسف: صور شنو
سندس؛ ف الملف اللي كان عندك ديباج حاطه فيه صور ومقتليش عليهن واني ملقيتهنش ف الملف
يوسف؛ اها اي في وطلعهن من جيبه ومشي مدهلها وقال: انتبهي مره اخره متحطيش صورك ف اي مكان الصور هادم يقدرو يشهدرو بيك 🤨
سندس بخوف؛ تمام صحيت
•••
تاني يوم الصبح/
سهى؛ كل شي واتي خيرك متوتره
اني: منعرفش باهي شن بنلبس
سهير: خليك طبيعيه حتى كترت مكياج مديريش
ابتهال: صح اي واهو قفطانك الابيض بسيط وحلو تو نفردلك شعرك وشوية كحل وروج هادي تطلعي حلوه
سهى: صح كلامهن... وخلينا نطلعو نتغدو توا لان جعانه قبل مانبدو نجهزو الماكله
وطلعنا نتغدو
•••
انور: بتمشي قبل ماتمشي لحوش اهلك
عويشه: عادي هما زي حوش اهلي
انور: ع راحتك ي حبي
عويشه طلعت لبسه ونزلت لحنان
عويشه: بنمشي معاك عميمه
حنان: عادي ي بنيتي بس بالك اهلك يزعلو ممشيتش ومازلتي عروس
عويشه: لالا عادي
حنان؛ خلاص وتي روحك امالا
جنات؛ عميمه تبي شي بنركب اني
حنان؛ سلامتك بنيتي
جنات:بنطلع اني وجلال بعدين
حنان؛ زينه ي بنيتي ردبالكم ع روحكم بس
حنان؛ يسرى ي يسرى ي بهيمه ردي
يسرى: ها شن تبي
حنان؛ عصا ي قليلة الادب بتمشي لحوش عمتك
يسرى: لا
حنان؛ احسن ي مكلوبه خلي نتصل ب وليدي خير واتصلت ب يوسف
وكان هوا ف الخدمه
يوسف كان يخدم ونقاله قعد يرن مكالمة وتس حط سماعات
يوسف؛ اهلين ي حبي
حنان؛ اهلا ب وليدي كيف حالك
يوسف: تمام وانتي ي غاليه
حنان: الحمدلله العشيه بنمشو لحوش عمتك عبدالله صاحبك بيخطب نوسه
يوسف؛ ماشاالله ربي يهنيهم مقاليش
حنان؛ العقبه ليك ي وليدي
يوسف: مازال اني مازال
حنان؛ لامتى به
يوسف: مش وقت دوه يام توا ف الخدمه اني نهدرزو بعدين
حنان؛ باهي بسلامه ي هراب
يوسف صكر من امه: سامحوني ازعجتكن غير مقدرتش منردش ع المكالمه
رضا: مدور شي عزيزي خود وقتك جوكم مليح شكله
يوسف؛ سلمك ي غالي
ديباج؛ جو شكله اي ف البدايه نحسابه حبيبتك
سندس: حتى اني😂
يوسف؛ متجيش ف مكان حبيبتي هاذي
رضا وسندس وديباج: ربي يحفظهلك
•••
العشيه/
ماما: تفضلو انستو
ام عبدالله اسمها سالمه وانسام : زايد فضلك ❤️
كميله؛ تفضلو تفضلو
سهى: جو راه هي خليك واتيه حتى القهوه واتيه
اني بتوتر؛ تمام
شوي وقعد الباب يدق
ابتهال؛ هي هي جايه عويشه ي قلبي انستو تفضلو تفضلو
حنان: سلمك ي بنيتي
وخشو سلمو عليهم وعويشه خشتلي اني🤭
اني؛ حبيبتي محلاك
عويشه؛ الف الف مبروك ربي يسعدك غلاي
اني: سلمك حبي
وشوي طلعتلهم القهوه وقعمزت هدرزت عليهم شويا وبعده روحو
•••
عبدالله؛ شنو يام
سالمه؛ ماشاءالله عليها ماعندي مانقول غير ربي يهنيك ي وليدي
عبدالله: خلاص غدوه نمشي اني وعمي ونتفاهموا
سالمه: ربي يكتب اللي فيه الخير
•••
حنان وعويشه هدرزو شوي وبعده جاهم انور
•••
وحتى خويله اسمهان جاهم اكرم
اكرم ف سياره يكلم ف الهام: تم مش شارب والله اهو قاعد بحدا حوشهم ومستاحشها واجد🥺
الهام؛ شقالنا احني
اكرم: حاضر حاضر اهو اهلي جو نهدرزو بعدين
الهام: تم🌚
•••

يتبع❤️

اسم الكاتبه:safo__o03🖤