روايـة:/ ولد عـم أمي👩‍👦❤️ مكــتملةة

Part2

رواية:/ ولد عم امي👩‍👦❤️

حلقه واحد🤭❤️

كملت قرايه تخصصي احياء دقيقه😵 الموهيم كملت قرايه وروح بابا من صلاة العشاء ..
ماما: ي ابتهال
لا رد
ماما: ابتهاااااللل
اني: ي ماما راقده ابتهال
بابا: خيرها
اني مريضه
بابا: ان شاءالله خير شن في
ماما: لالا بسيطه اكيده مرض البنات
ماما: ايناس تعالي حطي العشي
اني: هي هي🙂
فات الوقت ودرت العشي وكلينا ومع 11 الليل خشيت لدار وابتهال كيف نايضه 😴
اني : باهي لي عرفتي تنوضي
ابتهال: غمي فمك😒
اني: مرض🙂
****
عند حوش عمي🤭/
عويشه: بابا
عمي : نعم
عويشه: غدوه بنمشي مع عمي عبسلام
عمي : تمام والمرواح قولي لعيسى لان مش فاضي اني
عويشه تمام😊
*****
حوش خالي:/
خالي احمد : هي ي ولاد نلعبو طرح كارطه
انور: عبو عليك ي عمي اللي كيفك مزوج وبصغاره وانت تبي تلعب
احمد: اموري😒
جلال : هي هي طالع نجيبها من سياره وجايكم
احمد : تمام
*****
اني: نصفح ف لفيس .. رن تلفوني
عويشه: ي خرا
اني: ها
عويشه: عصاااا
اني: ع ظهرك🙂
عويشه: به خلاص غدوه بنطلع معاكم راه🙂
اني: منبوكش
عويشه: مش بجوك نيههه🙂
اني: لصقه ي بنت انتي
عويشه : ومرواح بروح بينا عيسى
اني:اوكك🌚
عويشه: وجككك
••••
جلال طالع بجيب الكارطه ترن عليه حبيبته❤️
جلال: ها حبي
جنات: شنجوك حياتي❤️
ماعلينا منهم مصو ليم🤭🍋
عند احمد لداخل/
احمد: ي انور نوض شوف خوك ماشي بجيب الكارطه من سياره ولا المحل
انور : هي هي 🚶🏻‍♂️😂
****
عند حوش خالتي:/
اكرم: سهيررررر
سهى:ها
اكرم :انتي سهير🙂
سهى:لا
اكرم: نادي اختك الحماره
سهى: مهناش
اكرم:وينها
سهى:ادير ف دوش
اكرم: اهاا به اطلعي طفي ضي وصكري لباب
سهى:خدامة امك تحسابني
اكرم:سهى متخلينيش نتنرفز يرحم بوك🙂
سهى:هاهاها نوض بروحك ..طلعت خط واحد لدارها
اكرم: والله الا مانوريك ي فرخة الربي
اسمهان:خير بلاك تصيح تحساب روحك فشارع امالا😡
اكرم:ربي فرخاتك معاش نقدرهن
اسمهان:غم فمك وتحشم ع وجهك انت اللي مركب ع روحك
اكرم: طول عمري نسمع بالام ادافع ع ولادها الا انتي😐
اسمهان: نقص صوتك بنخش نرقد اني وارقد انت خير ماناخد نت وراك جامعه
اكرم: به به😑
•••••
عند احمد/
انور هوا جاي: يكلم ومستمتع ومكأناش نكلم فيه ي عمي راه
احمد: اصلا طارت نيه بكلل ماشي لحوشي اني تشاو
ع خشت يوسف
يوسف: اوو احمد عندنا
احمد: اهلين وين كنت
يوسف والله عند الولاد
احمد: خيرك مكلمتني
يوسف: والله نسيتك تعرف من جي ليوم لدار
احمد : من؟
يوسف عبدالله ولد عمك😂
احمد:كذاب
يوسف: وربي
احمد مستحيل باهي للي طلع هاذا😂😂
يوسف: دكتور مسكين يخدم ديما مش زيك انت لا خدمه لا قدمه
احمد: تحشم طشه عمك الزحح
انور: كلمة الحق تنقال قتلك اني امبكري تحساب روحك صغير واللي كيفك فاتح حوش
احمد: مصح وجوهكم اني مروح هي تشاو
خش جلال: وين وين
احمد: نقعها الكارطه تو تفيدك جنه ولا اشبح شن اسمها
انور: جنات جنات😂😂😂
جلال: تحشمو 😡 وخش لداره
•••••
يوم جديد/
ماما: ايناس نوضي
ايناس😴😴
ماما: ايننننااااس
اني: وه وه خيرك
ماما: نوضي هييا وقت صلي ونوضي البهيمه تانيه
اني: به به وانتم زي الخرا تنوض فينا تقول حيونات الواحد ينوض ع كلمه سمحه واني نوض ع هزايب
ماما: نسمع فيك غمي فمك ونوضي اختك وانزلن افطرن وقتت بوكن بيطلع
اني : باهيي🙂
نضت توضيت وصليت ونوضت ابتهال بسيف🙂 وكلمت عويشه عشان توتي روحها وفطرنا وطلعنا لجامعه اني وعويشه وابتهال لثانويه🌚
•••
يتبع❤️😴

اسم الكاتبه:/safo__o03 🖤
رائيكم يهمني ❤️
نتمنى تنال اعجابكم❤️