روايـة:/ ولد عـم أمي👩‍👦❤️ مكــتملةة

Part21

رواية:/ ولد عم امي👩‍👦❤️

حلقة 20❤️

انور: دومك ليا ❤️
عويشه تكهربت: اييي شن مداير
انور؛ كنت حدا امي نهدرزلها عليك
عويشه تلبكت: كيف 😥
انور: اي قتلها نحب ف بنت ونبيها ونبيك تخطبيهالي
عويشه: لارد
انور:عويشه لو تقدمتلك توافقي
عويشه: لارد
انور: ردي عليا
عويشه: البنات ينادو نستأذن وصكرت وقعدت تعيط بأعلا صوت
جيناها نجرو
اني بخوف: خيييركك
عويشه بفرح: قالها قالها😭😂
ابتهال: منهوا وشن قال
اني: قالي نحبك ويييوووو يبي يخطبني مش مصدقه مش مصدقه خلاص بيقعد لييياا حب من طرف بيقعد حب طرفيننن
سهى: شوره يوم اعتراف بالحب العالمي 😂❤️
انسام: حليلي مبروك حياتي ومن تاني اللي اعترف
ابتهال توترت: مبروك بنت عميي بتقعدي مرت ولد خالي
سهير: جماعه تانيه تحشمو
اني: هههههه محلاكم وخلاص وشن قتيله انتي
عويشه: صكرت عليه تو بعدين نعترفله ان كنت نحبه
انسام: ربي يعقد عسلكم
سهى: وانتي بهلول شن بتقولي لعيسى
ابتهال: منعرفش
عويشه: حياتي ع مرت خوي🤭😂
ابتهال: ننننن
••••
انور: القرده صكرت معندك وين تهربي مرجوعك ليا .. بس وربي شعور قنين باهي صدق جلال🌚😂 وخش لخوته وقعدو يهدرزو وبعده جاهم احمد وهدرزو وفرح لانور وجو جميل
•••
انسام: ي بنات عبوده لبرا نستأذنكم
اني: عاوديها ي حبي مره اخره
انسام: المره جايه انتن🥺
وطلعت لعبدالله
عبدالله: كيف كان يومك
انسام: حلوو
عبدالله: انسام بعد نروح بعدين نبيك ف موضوع
انسام: تمام ان شاءالله خير بس
عبدالله ابتسم: خير خير
•••
انور رد اتصل بعويشه ❤️
عويشه: اهلا
انور: اهلين ي هرابه
عويشه باستعباط: اني هربت
انور: لالا اني
عويشه ضحكت : اييي شن جوك
انور: دام انتي معاي اكيد ح نكون بخير
عويشه: باهي معناها ان شاءالله ديما معاك مش تقعد بخير
انور: اووو لالا كلام اجديد
(الجفاف عندنا↗️😂💔)
عويشه سكتت
انور: مجاوبتنيش لو جيت تقدمتلك تقبلي بيا
عويشه؛ منعرفش نفكر
انور:تفكري صار😒
عويشه: تصدق ان اللي صار كان بنسبه ليا حلم مستحيل يتحقق🥺
انور بعدم فهم: كييف
عويشه: تصدق ان من اول ماخشيت لثانوي واني نحب فيك
انور نصدم: كيف صار منين تعرفيني وكيف هكي
عويشه: مره انت جاي لحوش عمو وقتها اني عندهم وشوفتك ومن يومها واني نحكي عليك لنوسه ونقولها مستحيل يعرف ان نحبه وهكي بس هيا كانت تقولي لا وين تندري وفعلا كلامها نصيب كتبلنا اني نتعرفو وتعرفني وتحبني وتعرف بحبي
انور: تي لالا قصدك كان عندي حد يحبني بالسر وجو
تي وربي فرحتي توا متوصفش كنت نحساب بنتعب معاك وقعدو يهدرزو ما عليكم منهم 🙄
•••
ابتهال: منعرفش شن نحس بس اللي نحس بيه شي حلو
سهير: تعبيه متعترفيش طول
سهى: انتي متحبيشي بس عاجبك اهتمامه وحبه ف ننصحك خليك هكي لين انتي تحسي بالحب متبينش مشاعر وهميه
اني: كلام سهى صح
ابتهال: ان شاءالله خير ويتصل بيها عيسى تلبكت
اني: بدينا ف جو 😂😂
سهير: بنعدي نقطع ليم اني وحده ف صاله تكلم ف حبيبها وتوا هدي ااخخ تعالي سهى تعالي نوسه 😢
طلعنا وخلينا ابتهالو بروحها😂🤭
عيسى؛ بنت عمي شنجوك
ابتهال: الحمدلله
عيسى: فكرتي
ابتهال: بسرعه هدي
عيسى ضحك: به خودي راحتك المهم اعلمي ان انتي ليا اني بس
ابتهال: شن هالثقه اللي عندك🙄
عيسى: اهم شي الثقه
ابتهال: ولو رفضتك
عيسى؛ مش ح تتزوجي بتقعدي عانس هكي ي اني ي بلاش
ابتهال: جو جيل 80 فكني منه
عيسى يضحك: هههههه نحكي جد راه
ابتهال: به به 🙄
••••
يسرى: خير عمه هاذا لا قبل طلب صداقه لا شاف رساله🙄
•••
عبدالله: منبيش نتسرع ونحكي لي انسام ياربي نخاف تفهم غلط ف خطوتي هدي ااففف شن ندير احسن حل نأجلها شوي ربي يستر وخلاص
انسام: عبوده شن الموضوع
عبدالله: بنسألك عندك شي ناقص حوايج ولا هكي نعطيك فلوس تبي شي
انسام بعدم تصديق: هاذا موضوع يتأجل
عبدالله تلبك: اي اي خيره 😅
انسام: لا بس يالله ع راحتك المهم عندي حاجات ناقصات تو نكتبهلك ف ورقه
عبدالله: تمام
وطلعت انسام😕
••••
بعد مرور اسبوعين..
خلي نحكيلكم شن صار بأختصار ... بنسبه ليا اني مفيش شي جديد زي قبل .. ابتهال متعبه عيسى كل مايقلها بنقول لعمي هيا تقول مازال وكدا كل مره بحجه 🙄 .. انور وعويشه يعيشو في قصة حب حلوه ... يسرى متمحمطه كيف عبدالله ميردش عليها .... سهى وسهير نفس قبل ماتغير شي ... يوسف يحضر ف اوراق السفر ( طبعا ممكن مقلتش قبل ان بسافر بس عنده سفره لي تركيا خدمه )... جلال وجنات زي قبل يهبلو❤️... اكرم يمشي ف يومه ف الخدمه باش ينسى وفي شعور داخله ندم ان هرب هكي ... عبدالله يخمم كيف بيفتح الموضوع مع انسام.. اما خالو احمد زي قبل بس لفتره هدي قعد مضايق لان الفتره هدي او يالاحرى صار معاه موضوع ( بعدين تعرفوه) .... هاذا اللي صار بإختصار🤭
اليوم مراجعة جلال..
مشي والحمدالله طمنه الدكتور وقاله امورك كويسه وفك جبس اليد والرجل وقاله انتبه للحوض لان مازال منجبرش كامل وهككك روح فرحان يخبر ف امه واهله❤️
حنان: الحمدلله ي وليدي الحمدلله ربي يفرحني بيك .. خود موعد مع جنات ي وليدي باش نمشي نخطبهالك
جلال فرحان: حاضر يام ومشي يكمل ف جنات...🥺
انور: واني يام
حنان: تو نتصل بأمها انت
انور: خيتي سلم حنونه وخلاص والله احسن حنان ف جميع الحنانات
حنان: اي اي لسانك هاذا من يقدرك
انور ضحك ومشي يكلم ف عويشه🥺..
••••
ابتهال: ي عيسى افهمني
عيسى؛ تو اهناك بنت ترفض واحد يقوللها بنجيك من الباب خيرك غبيه انتي قصدي متبينيش قولي ي ابتهال تعبت راهو 😓
عيسى: مش هكي بس اني عشان عمري مازال بكري
عيسى: مش ح نتزوجو توا بعد ثانوي نتزوجك بس نعطي كلمه تقعدي ليا
ابتهال: تمام شوف بابا
عيسى: يعني راضيه
ابتهال: اي راضيه 😕
عيسى: وحقربي نحبك باهي
•••
جلال: ي حبي جي اليوم اللي بتنكتبي فيه ليا
جنات فرحانه🥺: ربي يخليك ليا
جلال: اعطيني موعد ي حبي باش امي تجي
جنات: نشوف ماما ونقولك
جلال: تمام متعطليش عليا لان معاش نصبر اني
جنات: حاضر😂❤️
•••
عويشه: نعموش
انور: ي حبي اسف اني معاش نقدر نكمل معاك🥺
عويشه شعور مخلط خوف وصدمه: شنو😥
انور: امي متبيكش
عويشه: وانت شن بدير
انور: بنسمع كلام امي انتي شوفي نصيبك
عويشه بزعل: تمام سلام 💔
انور يضحك؛ تي تعالي هنا ي غبيه
عويشه: شنو🙄
انور: نبصرر عليك تي مستحيل نسيبك اني بنخطبك ي بنت ويييووو بتقعدي ليا توا قدامهم كلهم
عويشه بفرح: كيف
انور: امي بتتصل بأمك وبتاخد موعد بتخطبلي اني وجلال
عويشه: حليلي محلاك ي حبي 🥺

••••
عبدالله: زعمك نحكي مع انسام تشوفها والله ناوي الحلال اني بنتعرف عليها فتره وطول بنخطب يارب افتحها قدامي يارب😓
•••
اكرم: نعم ي راجل
سالم: خيرك رايح هكي انت
اكرم: شي 💔
سالم: ربي يهون عليك
•••
ابتهال تتصل بسهى تخبر فيها وفرحانه
سهى: واخيرا حنيتي
ابتهال: لالا صبغت 😂💔
سهى: امشي ي تافهه
ابتهال: به خلاص المهم راه تطلع منك خليها لين يجي يعطي كلمه
سهى: تم تم🤭
•••
عويشه: بيخطبني ي نوسه بيخطب
اني : الحمدلله ي حبي صبرتي ونلتي ربي يكملكم ع خير يارب🥺
••
جنات: ي حبي الخميس تفضلو
جلال: ي عمري ميه ميه نحس ف روحي مستعجل اني كم مازال عليه الخميس
جنات تضحك: اربعع ايام 🥺
وصكر منها ومشي يخبر ف امه
حنان: باهي سلم وليدي ربي يكمل عليك فرحتك نبيك تجيب حوياجات نرفعوهن معانا وتو نكلم عماتك ونمشو ان شاءالله
جلال: حاضر يام قوليلي شن نجيب واني حاضر
•••
حنان تتصل بماما ومتردش عليها ..
•••
يتبع ❤️

اسم الكاتبه: safo__o03 🖤