روايـة:/ ولد عـم أمي👩‍👦❤️ مكــتملةة

Part4

رواية :/ ولد عم امي❤️👩‍👦

حلقه تلاته❤️

يوم جديد وكان يوم جمعه..🖤
ماما:ابتهالللل
لارد
ماما:ايناااسسسس
لارد
ماما:عويشههه
لارد
ماما:ي فرخه منك ليها نوضييي😡
عويشه:خيرك مرت عمي منو مات
ماما:نوضن قريب تأذن الجمعه نوضنن😡
عويشه:هي هي
نضنا وطبعا كانت ساعه10🙂
ع صفرة الفطور ..
يرن نقال عويشه/
عيسى:امي قتلك روحي بنغسلو فرش الحوش
عويشه:الله يبشرك بنار
عيسى:مصحكك
عويشه:صكر صكر 10دقايق ونجي
اني:خيرك😂
عويشه:امي وفلاحتها بنغسلو فرش الحوش 🙂
شوي وروحت عويشه
واني وابتهال قعدنا نضمو ف الحوش ..
ماما:اسمع ي عبسلام
بابا:نعم
ماما: بنتغدو ف حوش فتحي خوي
بابا: باهي وتو روحكم بعد جمعه نرفعكن
ماما : تمام.... ابتهالل
ابتهال: ماتتت
ماما: تعالي يفرخه
ابتهال : نعم
ماما: وتن روحكن بعد جمعه بنطلعو لحوش خالك فتحي
ابتهال: حيي هي هي بنتصل بحوش خويله اسمهان راه
ماما: كلمتها تعلم
مشت ابتهال خبرتني وقعدنا نوتو ف روحنا
اتصلت بسهى لارد وسهير مقفل..
ابتهال: بنات خالتك وحده ازفت من تانيه
اني : خيرهن😂
ابتهال: وحده مقفل وتانيه متردش .. بنشوف اكرم
اكرم بصوت كيف نايض: ها
ابتهال: عصا ع ظهرك الجمعه بتذن وانت متمرقد
اكرم: شن تبي توا انتي
ابتهال: نوض خواتك وتعالو بنتغدو ف حوش خالي ف فتحي
اكرم: تم
ابتهال: تعاالل حتى انت بنهدرز عليك
اكرم: باهيي طيري
•••••
ف حوش خالي فتحي/
حنان: ي انور نوض عماتك بجو
انور: شلمناسبه
حنان: شدخلك نوض نبيك تجيبلي حاجات ناقصات وجمعه بتذن
انور: مفيش غيري ف الحوش ولا كيف
حنان: نوض ي مشعارف شن نقول نوض يوسف ف جامع مع بوك وجلال تو بيطلع نوض
انور: ووك هي هي 🙂
حنان: بنوض اختك والله نجي نلقاك راقد نهاك احرف🙂
انور: نايض نايض
""""
حنان: يسرى نوضي
يسرى : شن في
حنان: عماتك بجو نوضي
يسرى: اووفف به به
••••
اكرم:يام ماشي لجمعه نجي نلقاكن واتيات
اسمهان: تمام برا
••••
بعد الجمعه ../
ماما وخالتي وحنان يسخنو ف الغدي../
وبابا وخالي فتحي ف المربوعه
احمد: ي ايناس
اني: وي
احمد: جايبلك عريس صيفة رحمان
اني: خوده لروحك
احمد: لنقنك ماتحشمي
اني:😂😂
شوي وحطو الغدي وتغدينا وغسلنا الماعين ..
بابا روح وخالي فتحي خش يقيل هوا ونسوان .. وجلال طلع يكلم ف❤️
والباقي مكسدين ف صاله ...
سهير : هي نلعبو صراحه ..
اني: هي هي
احمد: مش لاعب
يوسف ؛ حتى اني
انور : بنلعب
اني: كلكم بتلعبو 🙂
بعد نق كلهم وافقو وجبنا شيشه ..
اول وحدين جت بين سهى ويوسف..
سهى: اخر بنت قتلك نحبك
يوسف: اسبوع اللي فات
كلنا: وويييوو👏🏻
يوسف: مزيته مزيته😂🤦🏻‍♀️
تاني وحدين جت فيا اني ويسرى..
اني: عندك شخص تكرهيه ومتتمنيلاش الخير
يسرى بنضره حاده: ايه
احمد: ووه عليكم تخوف البنت هدي😐
كلنا: منو منو
يسرى: هوا سؤال مش عشره
لفينا من جديد وجت ف انور واكرم
انور: تحب ولالا🌚
اكرم: شن جو العويله هاذا
انور: جاوب
اكرم تحشم: لالا
انور:كذاااااببب
كلما قعدنا انقو ع اكرم بس هوا معترفش
ابتهال: حي طول عمري نهدرز معاك وعمرك ماقتلي انك تحب🙂
احمد: خلاااصص هي لفو ..
جت ف ابتهال واحمد..
احمد: موقف محرج صار معاك..
ابتهال: معاش ندكر
اني: كذابه امس بس موقف صارلها
ابتهال : اما واحد
اني: في سياره مع عيسى
ابتهال راحت حمره: مصحك ي ايناس وناضت معاش بنلعب بكللل
كلنا :غير خيرك تعالي
ابتهال: معاش بنلعب كملو انتم 😠
اكرم : حتى اني معاش بنلعب
انور: انت تقول روحك ابتهال اللي معاش اديره هيا معاش اديره انت
اكرم ابتسم : ايي بلاش منها لعبه بلاها
يوسف: غير مش هكي ي اكرم😐😂
سهير: كان مانعرفش العلاقه اللي بينكم راه قلت مرتبطين 👀
يسرى: هما مرتبطين غير مخبروكمش 😒
احمد: ووه ووهه ي اني وخلاص 😢
اكرم ابتسم😊 وطلع بدون مايرد عليهم ..
اني: خلاص معاش بنلعبو ..
يوسف : هي احمد نطلعو لشارع بالك يقابل عبدالله
احمد: هي هي
انور: الله غالب عليا اني
سهى: انور وليد خالي السمح
انور: منعرفكش اني
سهى: وراس انور ادهور بينا
اني: اييي ونبييي
سهير: وراسك 🥺
انور: بعد العصر وتن روحكن
يسرى بنرفزه: كان اني راه رفض 😒
سهير: ههههه ماهو قلتيها انتي 😂😂🤭
انور: خلاصصص راه معاش يصير
سهير: خلاص راه بعد العصر
انور: اوكك
••••
ابتهال واكرم ف جنان../
ابتهال: شن يحكو داخل
اكرم: قالو ان احني مرتبطين 😂
ابتهال: لو تقعد اخر واحد مش ح نرتبط بيك
اكرم بكسرة خاطر: حتى اني شايف فيك ي شفشفه😒💔
ابتهال: انت اسمح خو ف دنيا كلها
اكرم : اي اي رقعي توا
ابتهال: 😂😂
وقعدو يهدرزو ع حالهم وحوالهم.. (اكرم وابتهال ديما يحكو مع بعض وابتهال تعتبر ف اكرم خوها لا غير)
••••
جنات: جلال
جلال: نعم ي قلبي
جنات: نخاف نصيب يفرقنا
جلال: صدقيني ي جنات مستحيل ياخدك مني مخلوق دام فيا نفس
جنات: ربي يخليك ليا ي قلبي❤️
....
بعد العصر../
سهير: يسرى بتطلعي معانا
يسرى: لا 😒
سهى: ملا فكا
اني: عييب
ابتهال: هيياا راه انور يبيب
البنات: هي هي ومشو ركبو ف سياره..
••••
عويشه وهي تغسل: بنات عمي طلعو واني زي الخدامه نغسل💔😢
كميله: كملي ضمي فمك
عويشه: الله غالب علييااا بنتزوج بنسيبهلكم واسعه
كميله: مش ح نعطيك
عويشه: والله اول واحد يدق الباب بناخده
كميله : به 🌚
عويشه: اصلا سندريلا عاشت ف حوش بوها خدامه بس فلاخير جاها امير اااخخخخ امتى بتجي ي امير
كميله: اول واحد يجي قلتي حتى العبد اللي يخدم قدام الحوش
عويشه: اي اول واحد ييدق الباب ..
شوي والباب بدا يدق
عويشه: حييييي😐
••••

يتبع..❤️

هل جنات وجلال يكملو مع بعض ؟؟

منو اللي يحبها اكرم؟؟

من للي تكرهه يسرى؟؟

من اللي يدق ع الباب؟؟

انتظروني ف الحلقات جايه🥺❤️

اسم الكاتبه:/safo__o03🖤