မင်းရင်ခွင်ထဲ ငါမဟုတ်တဲ့
လေထုကလေး ခပ်ငယ်ငယ် ( Uni. )
====================~
MoMoသူမ ကိုယ်က ဖုံတွေကိုခါလိုက်ပြီး ထရပ်လိုက်တော့ Minaကပါ ထိုင်နေရာက ထရပ်လို့လာသည် ။ သူမကြောင့်လဲကျသွားတဲ့ MoMoကို Minaဟာ အားနာနေပုံရသည် ။ မျက်နှာလေးမှုန်ကုတ်ကုတ်နဲ့ MoMoကို ကြည့်နေရင်းဘဲ
" Unnieဝင်လာမယ်မထင်လို့ပါ .. တောင်းပန်ပါတယ် "
ကလေးငယ်ဟာ သူ့အမှားကြည့် မဟုတ်ပါရဲ့နဲ့ သူမအား တောင်းပန်စကားဆိုလာသည်မို့ ထိုကလေးငယ်အား သူမ စိတ်မဆိုးမိရက်တော့တာ အမှန် ။ ကိုယ့်အသားနာရင် အနည်းနဲ့အများ စိတ်မကြည်တတ်တော့တာ လူတွေရဲ့စိတ်ဘဲမလားလေ ။
သူမ အရှေ့က ကလေးငယ်ဟာ မျက်နှာကလေးခပ်ငယ်ငယ်ရယ် ။
" တောင်းပန်လိုက်တာလား? "
" ဟုတ်ကဲ့ "
ငြိုးငယ်ငယ်မျက်နှာသေးသေးလေးဟာ သူမ မျက်ဝန်းတွေအောက်မှာ ။ မကြည့်ရဲကြည့်ရဲနဲ့ သူမအား မော်ကြည့်နေသည့် ထိုကလေးငယ်ကြောင့်တော့ သူမလည်း အမှားနဲ့ကင်းမနေခဲ့ကြောင်း သတိထားမိလိုက်သည် ။
" ဒါဆို Unnieလည်း တောင်းပန်တယ်နော် "
" ရှင်! "
သူမ တောင်းပန်စကားပြန်ပြောတော့
အံ့ဩပြီးဝိုင်းစက်စက်ဖြစ်သွားတဲ့ မျက်ဝန်းသေးသေးလေးနဲ့ ကလေးငယ်ကို သူမ ပြုံးပြလိုက်မိသည် ။ လဲနေတဲ့ စက်ဘီးကို MoMo အသာပြန်ထောင်ေပးလိုက်ပြီး
" နောက်တစ်ခါကျ သတိထားစီး ဟုတ်ပြီလား? "
" ဟုတ် ဟုတ်ကဲ့ "
Minaသူမစက်ဘီးလေးကို MoMoလက်ထဲကနေ လွှဲပြောင်းယူလိုက်တော့ ကျောပြင်ငယ်တစ်ခုဟာ ရင်ခွင်ကျယ်တစ်ခုထဲ ရောက်ရှိလို့လာတယ် ။ စက်ဘီးလက်ကိုင်ကို မလွှတ်ပေးသေးဘဲ MoMo ခဏတာမျှ ထိုအတိုင်းလေးဘဲ ရပ်နေမိသည် ။ မရည်ရွယ်ဘဲ ဖြစ်သွားတဲ့ ကိစ္စတစ်ခုရဲ့ အခိုက်အတန့်အဆုံးမှာ လူသူရှင်းတဲ့ လမ်းလေးထဲ နှလုံးခုန်သံအချို့ဟာ ခပ်တိုးတိုး ပျံလွင့်လို့လာခဲ့သည် ။
🍃 လမ်းမှားပြီး ဒီအရပ်ကို လွင့်ဝဲလာမိတဲ့ ကိုယ့်ကိုကိုယ် အပစ်ပြန်တင်တတ်ဖို့ သင်ပေးတာလား?MoMo .. မင်းရင်ခွင်ထဲ ငါမဟုတ်တဲ့ လေထုကလေးက ခပ်ငယ်ငယ်
YOU ARE READING
Limited Feeling
Fanfictionသူမအကြောင်းလေး နည်းနည်းပြောပြမယ် နားထောင်ပေးမလား? ဒီတော့ သူမ နာမည် Hirai MoMoဆိုတာက စမယ်
