حب من الطفوله

رد فعل

و اني كاعد بغرفتي اسمع ابويه يصيح احمد احمد

ها بابا جيتك

طبيت للمكتب

ابويه يفرگ بصدره و يكول وجع وجع بقلبي

بابا شبيك شبي گلبك

يوجعني حمد اركضلي على عمك يوسف خل نروح للمستشفى

ركضت دكيت الباب

طلعتلي رانيا و كالتلي عمو يوسف نايم و سدت الباب

رحت للشارع وكفت تكسي

عمي ابويه مريض تكدر تودينه للمستشفى

يلا ابني اصعد وين بيتكم

طبينه للبيت اني و السايق شلناه

و رحنا للمستشفى

المغرب اجه عمو يوسف و وياه وحده تشبه صورة امي

احمد ليش ما جيت عليه ليش تروح وحدك لهيج مكانات بعيده
عمي و الله جيتك بس بنتك كالت نايم

المره... انت احمد ابن نرجس

اي اني احمد منو حضرتچ

اني خالتك زهره

اخذتني و حضنتني بقوه و الالم

جنت اجيكم من جنت صغير انت و شكد جنت الاعبك

شعور غريب بين الحنين و بين الالم

اجه الطبيب ... منو احمد

اني دكتور

ابوك يريدك

طبيت لابويه

ها بابا الله يساعدك

هلا يروحي حمد تعال يابا

كعدت بصفه

ضحك ... الطبيب يكول خلفت رجال اني

دمعت عيوني

لا تبچي ابني ليش مرحت لعمك يوسف

بصوت مطبگ ... رحتله و بنته كالت نايم

باوع عليه باستغراب دار وجهه للجهه اللخ

خالتي زهره هنا بابا

عمو يوسف هم اجه

صيحلهم حمد

طبت خالتي

الحمدلله على سلامتك ابو احمد

يسلمچ الله ام رغد شونچ العيال شونهم

سولفو شويه و راحت خالتي

تقرب عمو يوسف و بعيونه دمع

بيش احلفلك محمد ما ادري

حمد اطلع شويه عندي حجي وي عمك

طلعت و اباوع من الشباك

بابا يحجي و عمو يوسف يسمع

بس عبالك حجي يجرح

طلع عمو يوسف طبطب على جتفي و راح