حب من الطفوله

نهايه سعيده

اااا العفو مدريت بيكم هنا
.....
خجلت رانيا
ضميتها لصدري
ضميتها عگب سنين من الوحشه
وحشه حتى الله يرحمها رغد مچانت تسدها
...
و لا يهمچ يمكن دا يصيحوچ
هاا اي صح ديصيحوني

...
رانيا صكت على سنونها
...
احمددد
ها يا روح احمد ها يا عمر احمد
ميصير تكوللها هيج بعدين تتعلم
شتتعلم
ضحكت بخجل
....
مشت ايام الخطوبه حلوه
و اجه وكت العقد مال محكمه
عمو يوسف اصر يكون المؤخر كتاب الله
و المقدم ثواب على روح ابويه و امي شكد ما اريد

و فعلا نفذت كلامه لعمي يوسف

كانت ايامي وياهم زينه
بعد الخطوبه تقريبا فيروز و جميله قله ما يلتقن
و هي التهت بدراستها

خالتي بين فتره و فتره امرلهم اسولف وياهم اتعلل يمهم ما اثر عليهم خطوبتي الا بالبدايه

و بسنة 2011 كان عرسي على رانيا حبيبة الطفوله
رمز البرائه الحمدلله تمت قصتي على خير مثل ما انقلت كتبتها بامانه  و لهنا اختم وياكم حصتي من القصه و بقية التفاصيل ترويها الكم رانيا
........
رجعت من الدوام وره ما احمد حجه وياي موضوع الخطوبه

عرگانه و حرارتي عاليه و جدا متوتره

...
احم ماما
ها حبيبتي رانيا
...
رجفت
...

شبيج حبيبتي ليش هيج متوتره

ماما اححح احححم احمد يكول رح اجيكم الخميس

اي يا هلا بيه

ماما مو هو رح يجيب وياه خالته

ليش حبيبتي يجيب وياه خالته

.....
حسب متكول امي خدودي السمر صارن حمر
.....
ماما احمد رح يجي الخميس حتى يطلب ايدي
....
حجيتها وفلتت على غرفتي خجلي و توتر و عرق فضيع
سبحت و نمت
للعصر كعدت
نظرات امي تفسر مواقفتها شون ما توافق هذا احمد العزيز
كعدنه المغربيه بالاستقبال و فاتحين التلفزيون و نباوع

...
يوسف اريدك تحضر نفسك الخميس ترتب و تزين
ليش حوريه شصاير
...
باوعت عليه و ضحكت
....
احمد رح يجي و جايب وياه خالته و زوجها
اي هلا بيهم بس ليش خالته وياه
مجايين زياره عاديه جايين خطابه
...
حجت هي هيچ و بده العرگ يزخ مني عبالك بنص السطح بتموز كاعده
صفن بابا و ضحك
...
ايي هسه ارتاح گلبي حوريه
هسه اذا اموت ادري اكو زلمه يدافع عن حبيبة ابوها
...
بچت امي و اني هم بچيت
..
سلامتك بابا لا تكول هيچ بابا
...
مشن هل اليومين
و صار يوم الخميس و الكل منتظر
ندگ الباب و گلبي من يمه فز
...
تفضلوا تفضلوا
يا الله يا الله
طب احمد و طبت وراه خالته و بنيه صغيرونه عيونها حمر و رجال چبير

سولفو شويه راحت امي سلمت و صاحتني وراها

قدمت الهم الچاي
ضليت كاعده بصف امي شويه و جتي هاي البنيه يمي

....
مراح تاخذين مكان ماما ابد اطمني
ليش هيج تكولين حبيبتي محد ياخذ مكان ماما
ماما تبقى هنا دائما
...
و اشرت بيدي على صدرها
شلتها حطيتها بحضني
....
انتي شسمچ يا بسكوته
اسمي جميله مو بسكوته
لا بسكوته هاي الخطوط بسكوت
....
بستها على خدها
نوعا ما اطمنت
و احنا كاعدين اجه ابن عمي
.....
هلا هلا ابن اخوي

هلا بيك عمي من رخصت الكاعدين اني جاي اطلب بنتك

تخطب بنته شنو تره تونه قرينه الفاتحه
و يومين نلبس ذهب روح ما عدنه بنات للزواج

انت منو سمحلك تدخل ششايف نفسك

اني دا احجي نيابة عن خطيبتي انت منو سمحلك تحجي بيها كدام خطيبها
....
ابو رغد و بابا ضامين ضحكتهم
امي و خالة احمد بس يباعن
وره شويه من الحجي
...
عمي تره انهي عليها
لكككك شحاسب نفسك تنهي على بنتي شنو
بنيه نخطبت و اني موافق
هيج صارت مو عمي خوش
...
راح من يمنه
و بعد ربع ساعه اترخصو
صدك احمد وره يومين رحنه نشتري الذهب و زرنه الأمام و صلينه هناك
...
و بقية التفاصيل حجاها احمد
الحمدلله حبي الي صنته اله بقى و زاد
جميله حبتني رغم سوالف خالتها
و من يجي احمد يزورني يجيبها وياه
انتهت قصتنه لهنا
قصة حبنه الي بدت من الطفوله
وره الزواج صار عدنه ولد و سميناه على اسم عمو ابو احمد (محمد)
.......
تمت
......
......
شكرا للجميع قراءً و جمهورا و مصوتين و معلقين
و ناقدين على تشجيعكم باول قصة اكتبها و عذرا اذا ما كانت ادنى من مستوى طموحكم .... دمتم سالمين
..... وسام .....