حب من الطفوله

رحيل

رانيا رانيا
جنت شارده افكر ليش احمد كرهني

ها نسرين

هذا السؤال حليتي لو لا

لا محليته

بدون مقدمات صوت كلش قوي عبالك
الكاع جوانه نشالت و نحطت

تراب بعيني بصعوبه اشوف

الي تركض و الي تبچي

جتي جرتني بنيه

يلاااا بسرعه رانيا يلا

مشيت وياها

باب الصف جان متگلگل

عبرت اني هي دا تعبر وكع الباب عليها

احاول وياه ما ينشال احاول ما ينشال

هي تبچي و تتوسل عوفيني عوفيني

و اني ابچي و احاول اشيله ينرفع شويه و تروح قوتي و يرجع لمكانه

هل المره لازم كل قوتي اشيله

شلته و اني مغمضه

حسيته نشال و كدرت تطلع البنيه

معقوله اني كدرت اشيله

رانيا يلا خل نروح حجابج وين

بين الي ما مصدكه و مصدكه

هذا صوت احمد اي احمد

رانيا حجابج وين

اني بدون حجاب

هاج هذا لكيته هنا مشمور يلا البسي خل نروح

شال جنطتي و جنطته و مشينه للباب الرئيسي

هذا مقفول لازم نكمز من الحايط

ما اكدر اكمز اخاف اخاف احمد

حجيت هيج و اني ابچي

رانيا مو وكت بچي و خوف تعاي وياي

احمد روح انت مابيه حيل اني

رانيا شكول لعمو يوسف اكوله بنتك عفتها وحدها
شكول لابويه عفتها وحدها

امشي وياي جرني من ايدي

قوته نطتني قوه لضعفي

مشيت وياه و اني افكر شجان صار لو مجاي

شجان صار لو ما لحكلي

تعاي اصعدي على ايدي

صعدت و حسيته كلش قريب عليه

انتابني نوع من الرجفه

مشينه و هو گايدني

احمد بطلي احمد منقذي مشاعري مترجمه صح

وصلنه للبيت طبيت ماما حضنتني و تبچي

يمه اسم الله حبيبتي صارلچ شي

حبيبتي خما تعورتي

كعدت و حجيت لماما كل شي

كعدنا نبچي سوه