حب من الطفوله

حب بوسط الحرب

شئ اشتعل في صدري منذ رايتك
لا قوة لي كي اطفئه
......
مرت خمس سنين على احداث الصف الاول
ايامنه مشت بين حب و حرب يا نتصالح يا نتزاعل
السنه اني صف سادس
على كلام ابويه اكو حرب رح تصير
الجو عموما متوتر كلش
هواي اشوف عالم لابسه خاگي يتمشون بفرعنه
انتشارهم صار اكثر من قبل
خاله حوراء من ذيج السنه خلتنه نرجع وحدنه
نسرين صارت تتقرب اكثر مني يعني من ما اعرف احل
تجي هي بصفي تكعد نحل سوه
نوبات تجيب بسكت ناكل سوه
ما عرفت شتريد بس اعرف تغيرت
من تكعد بصفي نسرين رانيا تضوج بس متحجي شي

حمد حمد اكعد يلا يابا وراك دوام

...
كعدت بابا كعدت

ابويه احسه بدا يتعب من سنه لسنه شيباته تزيد

اعتمدت على نفسي اني الي اسوي ريوگي اني الي اسوي لفاتي

بدلت و مشطت و طلعت

عبرت عتبة الباب جانت توها طالعه رانيا

فاكه شعرها الكذله الي نازله على وجهه مغطيه عينها اليمنى
الماشه الي بشعرها محليه شعرها

صباح الخير يلا نروح

باوعت عليه و مجاوبت و مشت سبقتني

وصلنه اول درس جان علوم

الست هاي دائما تسال

يمكن ناسيه تقرا او شي مشتت عقلها

رانيا الاشجار على شنو تعتمد

على ...... على......

ضربت رجلها هي باوعت على رجلها

جنت فاتح الصفحه مال جواب اشرتلها باصبعي

على الماء و الهواء و الشمس

عفيه رانيا استريحي ماما

خلص الدرس

جتي يمي نسرين حاضنه كتابها

اي احمد خوش تغشش

شنو نسرين المن اغشش

شفتك فتحت الكتاب لرانيا الا اكول للمعلمه

رانيا جتي بعصبيه و صوت اعلى من صوتها 

و انتي شدخلج غششني لو لا

شنو شدخلني احمد ولد من الصف ما اريده يتعلم غش

حجت هيج و راحت نسرين الي عيونها مشالتها من عليه

لا تخليها تدخل بحياتنه

ما مخليها البنيه جتي تسال

الحجي وياك ضايع انت

..... اي هذوله ست

احمد صدك مغشش رانيا

س..س...س...س...ست لا

ثنينكم صفر باليومي و باجر تجيبون اولياء اموركم