حب من الطفوله

ذكرى حب قديم

عمي احمد خل نتعاون اني وياك بالفاتحه لا تصرف بس انت
لا عمي رغد مرتي ما اقبل احد يشاركني حتى بمصاريفها
.
بعده اسمها مثل الخنجر بگلبي و رسمها بالجفن ما غمضت الا و زارني طيفها
الموضوع مؤلم احلم بيها و افز بلكت الگاها بصفي
بلكت اشم عطرها التارس ريتي
جميله ضلت يمي اخاف عليها من النسمه ما تطلع الا و اني وياها
كلشي بيها يذكرني برغد شعرها لون عيونها ضحكتها

پاپه توف رثمي (بابا شوف رسمي )

شلتها هي و رسمتها من الكاع

الله حبيبتي حلوه كلش

ثكرا پاپه

بهاي الاثناء ندكت الباب كانت فيروز و خالتي

هلا بيكم تفضلوا

هلا بيك يمه

جتي جميله تركض على بيبيتها

جته جته توفي رتمي (جده جده شوفي رسمي)

هلا يا بعد جده تخبل مثلچ

حلوه حبيبتي جوجو

كاله فيوزه ثكرا (خاله فيروز شكرا)

ضلو يمنه اني و خالتي نسولف

و فيروز و جميله كاعدات سوه

لاحظت جميله تحب فيروز الي تصيحلها فيوزه

و فيروز هم تحبها

.....

يمه احمد اريد احجي وياك بشي

اي خاله تفضلي

يمه صارلك على هل الحال 4 اشهر و انت بدون شغل و  لا مره تساعدك و تخلي بالها على الجاهله و فلوس الفاتحه كسرت ظهرك من غير الذبايح الي توزعها كل خميس على روح المرحومه ارجع لشغلك لحياتك و خلي جميله يمنه وكت ما ترجع رجعها يمك
...

حسيت بكلام خالتي بي نوع التذكير بس مخليت بالي وياه
...
اي خالتي صح كلامچ اني خابرت ابو الشغل و من باچر اطلع بس خاله جميله تضل يمچ امانه و انتي احسن وحده امنها عليها

لا لاتخاف احمد جميله تضل يمنه هذا بيت جدها

هيج كالت فيورز و عيونها الي بيها هواي كلام مكدرت افرزنه

راحو بيت خالتي وره ما نظفو البيت و سبحو جميله

خلص هذا اليوم و صبحت الدنيا صليت و سويتلي ريوگ و لبست هدوم الشغل

حبيبتي جميله يلا باباتي اكعدي حتى اوديچ لبيت جدو

شلتها و بعدها بعينها النومه

دكيت الباب طلعت فيورز

هاچ على كيفچ

انطيتها لفيروز الي كانت حلوه و مكيجه و انيقه من الصبح 

بالسلامه احمد الله يرزقك

رحت للشغل و كل عيون العمال عليه اربع اشهر