حب من الطفوله

بداية و نهايه

يلا خاله دستعجلي عاد

اي يا وليدي بس البس حجابي

امشي و اسمع صياح نرجس

و استعجل القابله

طلع يوسف من الباب

يوسف : خيرك محمد شبيك مستعجل

محمد : حرمتي حرمتي جاي جيب

يوسف : ميسره ميسره ان شاء الله .. ادز حرمتي خاف محتاج شي

محمد : لا و الله ما تقصر رحم الله امك و ابوك

.......
بعد نص ساعه من الصريخ الياكل بروح اكل
سمعت صوت طفل

طلعتي القابله : هاك يمه شيل ابنك ما شاء الله وجهه بي نور النبي

بيني و بين نفسي تحمدت الله الف مره

محمد : نر..نر.. نرجس شونها

القابله : بخير بخير لاتنسى كبر باذن ابنك

شلتك و الدنيا مسايعتني

كعدت على الكرويته و انت بيدي

خالاتك يم امك مكدرت اطب عليها

اباوع بوجه الغافي و بيني و بين نفسي

اخ يا بويه لو انت وياي اخ يا يمه لو انتي يمي

محمد : لو جدك و جديتك موجودين جان كلش حبوك

احمد : ليش بابا هم شوكت راحو

محمد : من زمان حبيبي بنفس المكان راحو وي ماما

احمد : شوكت يرجعون بابا

گلبي يتفطر من يسالني شنو ذنبه طفل و تروح منه امه

........
محمد : حبيبه نوسه باعي شوفي حمد شونه

بچت من الفرحه و اخذته تشم و تبوس بي

رضعته و نام و نامت هي من التعب

مشت حياتنه شغلي چان بوزارة التجاره حياتنا رغم الحصار جانت حلوه و بيتنا مرتاحين بي

......
استاذ محمك تليفون علمودك بالاستعلامات

نزلت : الو

نرجس : حبيبي الحگني الحگني اييييي وجع بطني فضيع

محمد (بخوف): خيرچ يا عمري هسه مسافة الطريق يمچ

وصلت البيت و ايدي على گلبي

نوسه شبيج كومي حبيبتي هاي جبت سياره هسه اوديچ كومي

كوه گامت لبست حجابها و رحنه لمستشفى اليرموك

: الحگنه دكتور الحگنه مرتي مدري شبيها

الدكتور : على كيفك على كيفك

صاح الدكتور للممرضات و دوها لغرفة الاشعه

هنا جانت الصدمه