حب من الطفوله

غيرة طفله

حمد حمد يلا بابا اكعد

تمطيت و افرك بعيوني

بابا ليش مكعدني

يلا حمد اليوم اول يوم الك

بالمدرسه اكعد غسل وجهك و خل نتريگ حتى اوصلك

بالجهه اللخ من الحايط جانت رانيا بنيه
حلوه سمره عيونها كحليه رباني

حسيت بماما طبعت بوسه على خدي وخرت الشعر النازل من كصتي

حبيبتي رانيا يلا ماما كعدي اليوم دوام

جنت كلش فرحانه بالدوام حتى
احقق حلمي اصير محاميه نفس مهنة بابا

كعدت تريگت ماما سوت كصايبي و الشريط الابيض

صارت ساعه سبعه و نص طلعت بابا گال لماما

حوريه اليوم سويلنه غده زين سمرتي ترجع تعبانه من المدرسه

بابا كلش حنون وي ماما و ابد ما يصيحها باسمها لو حوريه لو حور

سمرتي هاج هاي فلوس مصرف مال يوم و لا تشترين ابد اكل مفتوح الذبان ملتم عليه تره تتمرضين

مشينه شويه و طلع عمو محمد و وياه ابنه الي ما اطيقه

ها ابو احمد راح توصل احمد
اي و الله ابو رانيا
ها عمو رانيا شونچ
الحمدلله عمو

مشينه اني ابويه لازم ايدي اليسرى و احمد ابو لازمه من ايده اليمنى

يا يا صف انتي

مجاوبته

رانيا رانيا  يا صف انتي

معليك بيه لا تحجي وياي احنه متزاعلين

بعدها ما حجه وياي

وصلنه للمدرسه اسمع بابا يكول لاحمد

حمودي اليوم دير بالك على رانيا لا تخلي احد يضوجها

بابا سلم على الست جانت ست خوله مسؤؤله صف اول

حبايبي اولادي بناتي الي اصيح اسمه يكول نعم و يجي

هنا

فاجئه ادور بابا ماكو و كلها وجوه غريبه غرغرت عيوني و بديت ابچي بابا بابا وينك بابا

محد اهتم و ضلت الست صيح اسماء و صاحت اسمي اخر شي شعبة أ شعبتنه

اكو ايد لزمت ايدي و صوت باذني

رانيا يلا رح يبدي الدرس جرني و مشيت وياه بدون ما احس بنفسي

........
ابويه دائما يكولي بابا الرجال من اول ما ينولد

رجال ميصير يشوف الغلط و يسكت

طلعت وياه شفت رانيا اكو شي بيه يخليها تكرهني

مشينه و سالتها مرتين جوابها جان غريب

ليش اني وياج شوكت حجينه حتى نتزاعل