هدا شتاوة اليوم الخميس
تهني ياقلبي وارتاح الغالي درناله مطراح 🏠💃👏
اجعل ليلتها ضاويه كيف طريق الزاويه
اجعل ليلتها نور علي نور كيف طريقك ياجنزور
انشالله يانواره عيني بالصيت الباهي اتفوتيني 👸👏
ياابنيه سعدك مامِينا إلي جيتي لفلانه كنه 👵👰
هدا وين نجحتي حق نجاحك الاول غير ورق 💑
الله يجعنك كيف البيه في حيشان البرانيه 💃👏👏
يامبروك علي البنيه انشالله اتعيش ايام هنيه 👧👪
عالشايب مسي بالخير جياب القفطان كبير 👴👗
امعنقر طاقيته ماادل الي شرطوه عليه نقل 👏👴
انشالله اتجينا بنت عرب اتلم العيله ماتخرب 👿
انشالله اتجينا بنت اجواد اتلم العيله عالبراد 👏
انشالله اتجينا كيفه هوا لا يعارك لا يحب الدوه 🤐
انشالله اتجينا كيفنا فرحانين بضيفنا 💃👏
انشالله عرسه بطولت عمره شداد اوليدي في غمره 👶👨
الغالي شيشه رايحه علي جيرانه فايحه 😍👨
حوش كبير وبابه عالي وياعروستنا غير تعالي 👏👰
براوه ياكاحل لانعات....💃💃بارودك فات نجمات
👏👏👏💖
ان شاء الله يانوارة عيني....💃💃.بسيط الباهي تفوتيني
تهنى ياقلبي المشغول ..👏👏..الغالي خش لحوشه طول 🏻👏💃😉
افرح ياقلبي واتهنى دار ...💃💃💃احويش ايجيني منه👏🏻👏🏻
هدا وين نجحتي حق..👏👏👏.نجاحك الاول غير ورق👏😉💃
يامبروك عليك نجاحك...👏👏👏كيف البيا في مطراحك💃💃💃
براوه ياسمح صيفات .....👏👏👏بارودك فات نجمات💃💃💃
حل الحوش علي وسعيتا.....💃💃واحميده عنقر طاقيته👏👏👏
هدا سر متبع سر....💃💃💃دهب صافي مافيه غدر👏👏
براوه يها العين عليك...👏👏👏ماشربوش شاهي بيك💃💃💃
جعن ليلتها ضاويه ....👏كيف طريق زاويه💃💃💃
جعن ليلتها ضي ف ضي .....كيف طريقك يادبي 👏👏👏💃
الغالي كيف طير ...💃💃الحر فرغ وظهر👏👏
كيف الصقر يحوم وراها....💃💃💃صكر راسه لين خداها👏👏
كان قرينا وتعلمنا....💃💃.ماندروش لي يحشمنا👏👏
كان قرينا معا رجاله ....👏👏نانديرو حاجه بطاله💃💃😌
معروفين بسيرة هلنا..💃..مانديروش لي حشمنا😌👏👏
حشانا ماندروش العيب...نخافو ع لحيه وشيب 💃💃
عندي قلب تقول امية💦❤كمل يامولاي عليا🙌
ان شاءالله الايام سعيدات😊ع صلاية خمس اوقات😍
ياسعد يلي مصفي نيتة😯نوارة مالي سانيته🌸🌿
الله ياعطينا مال حلال💸😍بيش انديرو اللي في
البال😂
ماديت اديا للعالي☝وين عطي ماشاور والي 😒
الفرحة ويش نديرلها🐸🙈اتجيني والا نطيرلها💃
مبروك ع عمانا👴ديما شاقي بهمنا😅
مبروك ع اوخينا🙎ان شاءالله يعمر زينا😍
مبروك عليها حنتها😄اللي مسك وعنبر صنتها
مبروك الكنة يااوخيا👭 فرحانه كاينها ليا💛
يامبروك عليه ادياره🏠ياواجد في العين اقداره❤
يامبروك عليه نسيبة🙈👨 جيب الفايح في جيبة📣
عرس الغالي يااوخياتي😁ليه زمان عليه انهاتي😊
ياسعيدي جيتيني جارة🙉نمشيلك من غير زوارة😂
عيني سلم اولادها👪تبرق فيهم سادها😉
اللي سماه احميدة نجيه👦علشان قريعتنا فيه
ياسلم الغالي واولاده✋فكة من العين الحسادة😒
سلم ضني خوتي واولادي😆صابة كيف شعير الوادي🌿🍃
كان قتي لشايب سيدي .. خودي قدرك نين اتزيدي
كان قتي لعزوزك ياحنه .. خودي قدرك ياما منه
ياغالي مرتك وصيها .. تفرح بيا وين انجيها
واجعنك نخلة ماطيحي .. وين اتميح عزوزك ميحي
نصيحة راك تكافي الام ..الا بقولة حاضر ونعم
ان شاءالله تطلع ربة ناس .. تحط اعزيزنا ع الراس
عزوزك راهي هذه امك ..ماتخليش الناس ادمك
👏🏻💃🏼..
أنت تقرأ
اغاني اعراس ليبية 😂🖖
Humorشن بنقوللكم ٠🙂🖖 فيه اغاني وشتاوات متع اعراس ليبيا 🙂🖖 احممممم فيه حتى اغنيه ياااليلل يالليل منلومش ع البرانيه 🙂🖖 باص متع مدرستنا امسميني زمزامات فشلوم 🙂🖖 اتعلمو اغاني وغنو في العرس باش يخطبوكم 🙂🖖 تشاو بالكاكو وديرو متابعه🙂🖖
