اغاني اعراس ليبية 😂🖖

اغاني

اسمعووو بناتتتت اكتبولي كلام حلو بنحطه ستوري وبنقهر بيه البنات 🙂😂

اسفه ع طلبات والله عظيم هادا اللي نلقا فيه وقاعده ندور

ع ساقطين ❤️🤓😂

'''''''''كان سقطلي ما هي عيبه
سلم بوه ايعبي جيبه (moneybag)(moneybag)(moneybag)

كان سقطلي ماهي سيه
دين وأخلاق وشخصيه

حتي كان سقطو عادي
ياسلملي زول اولادي،،،
(clap)(clap)(clap)

حتي كان سقط في ماده
صلاته في الجامع ساده 🕌

حتي كان سقط في اتنين
ايطير علي ازويله في العين👀

حتي كان سقط في تلاته
باهي في امه وخالاته

حتي كان سقط في سبعه
والله ماتنزلي دمعه (clap)(clap)(clap)

حتي كان سقط في ميه
كلمة حاضر ديما ليا 🚙🚙

حتي كان عنده اعاده
ديما عافس فيه استاده (fist)

كان سقطلي ماهو منا
هو استاده ناغر منا(fist)

كان سقطلي في المجموع
هو قبلي والضي مقطوع

ع عروسه طلبب

عدي مربوحة يازينة💃🏻👏.

الي عمرك ماوجعتينا👏💃🏻

مبروك العرسة ياريمة💃🏻👏.

وسعة بال ويد سقيما👏💃🏻.

يامبروك علي لبنية💃🏻👏
طيابت شاهي العشية👏💃🏻

يامبروك علي ابنيتنا💃🏻👏
ياهنايا في غيبتنا👏💃🏻

يامبروك علي ابنيتنا💃🏻👏
ياهنايا في غيبتنا👏💃🏻

يامبروك عليك عريسك💃🏻👏
اصغير قيسا من قيسك👏💃🏻

يامبروك عليه خداها💃🏻👏
انشله بطول العمر امعاها👏💃🏻

ع الاب

سلم بابا علا سومي👏
نرقد نين انطيب نومي❤

سلم بونا داير صيت👏
علينا أمظلل كيف البيت❤

ياسلم كركار عباته 👏
يعرف وين يحط بناته❤

بوطاقيه فوق الشيب 👏
جعنه لايمرض لايغيب⁦❤️⁩

سلم بوى إلى ربانى 👏
على الغالى ومعلى شانى❤️⁩

حتي كان بنته جينا 👏
راس الشايب ماواطينا❤

منوعه

ليا هيبة ويـن انطل 💃🏻👏
شخصية تفࢪق ؏ الڪل 😌👏هلنا ڪيف جوامع مڪة 💃🏻👏
ڪل الزيـن عليهم تڪة 😌👏

الحوش اللي مافيه بنات 💃🏻👏
امظلم مـטּ ڪل الجهات 💃🏻👏

حتي كان حفرولي قبري 💃🏻👏
مناخذ واحد يقربلي😂👏

الحوش اللي مافيه بنيه 💃🏻👏
لامنوࢪ لا ضاوي ضيهه 😌👏

مسمح زولك يا ليبية 💃🏻👏
تࢪوي العطشان بلا اميهه 💃🏻👏

عسل يصب بلا مقياس 🍯👏..
بنت ليبيـة ياناس 🥺❤❤..

قالي لا تبكي لاتحيري  💃🤍
مستحيل يزفك غيري

يا ميماتي ادعيلي من توا 💃🤍
ميشيل اطراحه إلا هوا ( احااااا🫢🫢😂)

شتاوي ع البنت الليبية🫀..!
_ _ _ _ _ _ _ _ _ _ _ _ _ _ _ _ _
• يانجي بنيت بنغازي ... من الثوار تريد توازي.
• قريب نموت عليها موت... بنية حلوة من نالوت .
• يا حنان يا منان ... تقسملي بنت الزنتان .
• اتخلي داري ضاوية ... يامحلا بنت الزاوية.
• اتهنيني واتضم الحوسة... بنية حلوة من نافوسة.
• ننسى معمر ومعاناتهه... لو تقسم بنية مصراتة.
• عشانك يا بنت {العروس}... نعاود الحرب البسوس.
• فلوس الدنيا موش خسارة... على شانك يابنت زوارة.
• سماحة عين الدرناوية... لو تقسم وتقلي هيا.
• عشانك يابنية غريان ...نخلي دمي مي الودان.
• من زليتن بنت الزين... منخلي وحدة ولا اتنين.
• بنيت ترهونة غير ... منقول شي الا الخير.
• سلام يوصل وما ينجاب... سلامي لي بنت الاجداب.
• عين قوية الصبراتيه...قلب حنون ونار قوية.
• طوف طويل وندور الابرق ... بنيت طبرق تبقى تبرق.
• بنت المرج وحلوة تنادي... عين عليها وقف غادي.
• من مسلاته شعر وعيون... منها الخير والله يصون.
• من الكفرة من الجنوب ... بنية لها اجمل لقلوب.
• لعجيلات نعرفها زين ... بنيتهم وعليها العين.
• اكيدة من سبها ه البنية... سمار البنت الليبية.
• بنيت الخمس وتعالي برا... من غيرها العيشة مره.
• منغيرها لا ضي ولا امية... معاك انتي ياطرابلسية.
• مانشحت قدري من حد ... قولت سرتاوية تسد.
• ماعمري نموت علي حد ... من الجفرة وهادي تسد.
• زاوية وليا ميزة... شخصيه والنفس عزيزه .

متقولوليش وين احني بروحي اني طرابلسيه لاكن
الاصل متاعي مش مكتوب فلهادا متقولوش وين 😂

زي ماقلتكم اكتبرلي كلام معسل