اغاني اعراس ليبية 😂🖖

البراني ❤️😇

ع براني
برو تزوجو براني باش مايعرف عليك شي ننننننن🥲😭😂

غيه في براني جتني
لين ضنا عمي نستني

حتى كان خطينا هلنا
طحنا في صوب مدللنا

اني يا بوي دلالي جاني
نبي نعيش مع براني

براني ودلالي كله
نجيهولي عمري كله

سلم من خلاني بيا
ناسب بيا برانية

دلال العين مع براني
وسط قلب لقيت مكاني

عقد يا مولاي عسلنا
براني ماهو من هلنا

براني ماهو من العيله
فوق رموش العين نشيله

واعر برا مش علينا
ناوالعين يدلع فينا

ياسلم قدر براني
بديه زوز تلاقاني

حتى كان خطينا هلنا
عند اخيار ناس نزلنا

ياعيني خليك سكوتة
حصلتي واعر في خوتة

عيني متبدل غاليها
حتى كان بعيد عليها

عيني ع براني طاحت
متبي من عيلة واحد

ولبراني ماير فينا
ايدرس كرهبتا ويجينا

سامحني يا ولد خال
في قلبي سيد رجال

سامحني يا ولد عم
غلا غيرك يجري في

وي بناتتت لما تطلبو طلب اطلبو في حد معقول را وربي طلبات تعجيزيههه نبي شتاوه ع ولد عم صاحب بوطي نبي شتاوه ع جعفر نبي شتاوه ع مزهريه لاحول ولا قوه الا بالله 😭😂
را مش من دماغي وقسمبالله خنبه الله يسامحني 🥹🫶
عمهم محلاهم تعليقاتكم والله ❤️🚶‍♂️ اطلبوو هي ونعطيكم عيوني ❤️