اغاني اعراس ليبية 😂🖖

طلبات 👾

طلب 1 مش عارفه عرس وخلاص

مبروك عليه دارها سقادت عيل جارها
مبروك عليك تحزمتي وصقر الباهي ليمتي
ي بنيا كان جيتي لامك مشكوره محد ادمك
لبس بودري محلاها كل بنيه تتمناها
لبس بودري وحنه ربي ميحرمنا منا
عروسه لبست بودرها ونشالله بخير عليه
بيت العز طلعتي منا ديري كيف واحسن منا
لاتبكي لاتقولي امي حصلتيه ولد مسمي
ي بنيه شورك صلايه حصلتيها جيوب ملايا
ي مبروك عليه رداها وعقبا انشالله للهناها

طلب 2اغنيه ديري دوره ( مع ان اقسم بالله ماطلبها واحد 🙂😂🖖)

ديري دوره ياعيني لك ديري دوره
ياعيني دوره ياعيني عريس مصبي مع غيري
دوره وإشكي لـ أمك ديري دوره وإشكي لـ أمه
دوره وإشكي لـ أمك بنت حرام خداته منك👏👏
دوره ياعيني لك ديري دوره ياعيني دوره ياعيني
عريس مصبي مع غيري
دوره وأشكي لـ باتك ديري دوره
وإشكي لــ باتك دوره
وإشكي لــ باتك طلعت وحده من صحباتك👏👏
دوره ياعيني لك ديري دوره ياعيني
دوره ياعيني عريس مصبي مع غيري
دوره
فــ المستشفى ديري دوره فـ المستشفى
دوره فـ المستشفى لين تشوفي الغالي يشفى👏👏
دوره ياعيني ولك ديري دوره ياعيني
دوره ياعيني عريس مصبي مع غيري
دوره فــ الجردينه ديري دوره فـ الجردينه
دوره فـ الجردينه لن تشوفي الغالي معاه سمينه🥹👏👏

لاكن حلوه الاغنيه ❤️🙂

اغاني ع عرس ولد  وبنت وجد وكله 🥲

شتاوي لعرس الولد❤️‍🔥..!
يامبروك عليه زبونـه .... هلي كيف الصقر عيونه..

يامبروك عليه منابه ... هلي بالمليون صحابه..

شورك ع الصلاية ديما ... حصلتي سمح التبسيمه..

حصلتيه ولد متساوي .. لايسكر لا متع قهاوي ..

ان شاء الله تجينا بنت عرب .. تلم العيلة ماتخرب..

ان شاء الله تجينا بنت اجواد.. تلم العيله ع البراد..

ان شاء الله تجينا كيفه هوا.. لايعارك لا يحب الدوه..

ان شاء الله تجينا كيفنا... فرحانين بضيفنا ..

أن شاء الله تطلع ربة ناس.. تشيل عزيزنا ع الراس ..

عزوزك راهي هاذي امك.. متخليش الناس ادمك..

عندي خوت تقول حكومه ... لباسين العالي سومه..

___________

حوش كبير وبابه عالي... يعروستنا غير تعالي..

الفرحه ويش نديرلها... تجينا ولا نطيرلها..

مبروك علي وخينا... ان شاء الله يعمر زيناا..

عرس الغالي يوخياتي.. ليا زمان عليه نهاتي..

اجعنك نخلة ماطيحي ... وين تميح عزوزك ميحي..

اغنيه حي حي حي حي

ي حي ي حي انشاءااله نركب من قدام
ي حي ي حي وقولو هذه المدام
ي حي ي حي انشالله نركب سيارتهم
ي حي ي حي وقولو هذه كنتهم
ي حي ي حي وي مبروك عليه زبون
ي حي ي حي وصغير ومنقرش لون
ي حي ي حي سلم بوه فتحله جيبه
ي حي ي حي قال اللي يبيه اجيبه
ي حي ي حي وليد وحيد عمار الدار
ي حي ي حي اللي عندا عشره شن دار
ي حي ي حي الغالي درناله دولاب
ي حي ي حي معاش الوح فوق الباب
ي حي ي حي نشاءالله تجينا كيف غلاها
ي حي ي حي تخش الخاطر هي وياها
ي حي ي حي ي حي

ايش رايكم في بارت اليوم ❤️😂