الله غالب حبل كدب قصير 🥹
ياحنا نخنب في شتاوي من فايير وتيليجرام
في بنت اساور قالتلي من قروبنا 😩🥹
يحليلي عمهم قاتلي مدوريش
لان بروحها خاشه لكتابي وبتخنب بتحط في قروب 🥹😂
زمرناها 🥹
هي شتاوي مخنوبات من اساور
غر فوح يا مسك الليل
غير فوح والليل طويل
غير فوح فوح فوح
متخلي حد يروح
غر فوح يا مسك الليل
الليل مع للاهم طويل
غير دوري دوري دوري
وعليك الحوت البوري
غير لفي لفي لفي
وعليك الحوت امرسي
دوري دورة هوارية
وعليك حويتة مقلية
لصبح لصبح
وليرقد يبي الدبح
الحوت الحوت الحوت
ولي حاسدنا ان شاء الله يموت
غير دوري دورتين
وعليك حويتين
نور العين قري فاتحته
جاب العين الي جارحتهه🫀
نور العين قري فاتحته
العقبـه لي خوته الي تحته🫀•
يامبروك علي ولد امي
ان شاء الله قبل العام يسمي🫀•
يامبروك علي الحبيب
سجلناها في الكتيب 🫀•
نور العين قري فاتحته
والقلب الشاقي ريحتهه🫀•
اليوم قرينا الفاتحهه
وبالذرية الصالحه
سجل ياشيخ قبيلتنا
الزينة ولت من عيلتنا
تهنى ياقلبي المشغول
الغالي خش لحوشهه طول🫀
يامبروك عليك بتاتك
يا نشاد علي وخياتك🫀•
مبروك علي ضي عيوني
ان شاء الله يدير صغار يجوني🫀•
يامبروك عليه شقيقي
هذا وين زمطهه ريقي🫀•
سلم بوه قعدلة مرسى
ياجياب كساوي عرسهه🫀•
ان شاء الله بنت حلال تجينا
من فم الحوش تلاقينا 🫀•
يامبروك عليه منابه
هلي بالمليون صحابه 🫀•
شورك ع الصلاية ديما
حصلتي سمح التبسيمه 🫀•
دليني يا منى هيه دليني يا منى هيه دليني حبيته وتجوز غيري يا منى هي بالموت يا منى هي بنموت يا منى هيه بنموت حتى الجبانه باعوها يامنى ها باعوها داروها مساكن سكنوها يامنى هي سكنوها لدور العاشر رقوها يامنى هي👏🏻👏🏻
شعري الاسود يا منى هي شعري الأسود يامنى هي شعري الاسود لوكان نزيده سووديه يامنى هي سووديه مانخلي عزري مع بنيه يامنى هي👏🏻👏🏻
عيني السوده يامنه هي عيني السوده يامنى هي عيني السوده لو كان نزيد نكحلها يا منه هي نكحلها صبراته كلها نرحلها يامنه هي👏🏻👏🏻
يدي البيضه يا منه هي يدي البيضه يامنى هي يدي البيضه لو كان نزيد نحنيها يامنه هي نحنيها مانخلي راجل ف الجيهه يامنه هي👏🏻👏🏻
صدري الابيض يامنه هي صدري الابيض يامنه ها صدري لبيض لو كان نزيده المجاره يامنه هي المجاره مانخلي راجل ف داره يامنه هي👏🏻👏🏻
امي وبوي يامنه هي امي وبوي يامنه هي امي وبوي يعطيهم حجه ب الجمعه يامنه ها بجمعه وعليهم ماتنزل دمعه يامنه هي👏🏻👏🏻
دليني يامنه هي دليني يامنه هي دليني حبيته تجوز هي بنموت يامنه هي بنموت يامنه ها بنموت نادوا الغالي يحضرني يامنه هي يحضرني بدموع عيونه يغسلني يامنه هي يغسلني بسوريته البيضه يكفني يامنه هي يكفني ف وسط قليبه يدفني يامنه هي👏🏻👏🏻
كله من اساور حيتيسلمها يارب عالمهم اطلبوو مني واللي طلب مني راكم في بال والله ماننسا 🥲😂💖نحبكم بناتي
أنت تقرأ
اغاني اعراس ليبية 😂🖖
Humorشن بنقوللكم ٠🙂🖖 فيه اغاني وشتاوات متع اعراس ليبيا 🙂🖖 احممممم فيه حتى اغنيه ياااليلل يالليل منلومش ع البرانيه 🙂🖖 باص متع مدرستنا امسميني زمزامات فشلوم 🙂🖖 اتعلمو اغاني وغنو في العرس باش يخطبوكم 🙂🖖 تشاو بالكاكو وديرو متابعه🙂🖖
